Just In
- 32 min ago ഇവർ വരുന്നതോടെ ക്രെറ്റയുടെ വിൽപ്പന തീരും? സെഗ്മെന്റ് പിടിക്കാൻ ടാറ്റയും സിട്രണും
- 1 hr ago കുട്ടികളോട് നിങ്ങൾ ഇങ്ങനെ ചെയ്യരുത്, കാറിൽ ഒറ്റയ്ക്ക് ഇരുത്തരുതെന്ന് ദുരന്ത നിവാരണ അതോറിറ്റിയുടെ മുന്നറിയിപ്
- 2 hrs ago സ്റ്റെഡി ലൈക്ക് എ വടി! 3 വർഷം തുടർച്ചയായി മികച്ച നേട്ടം; ഇന്ത്യയിൽ മാഗ്നൈറ്റുമായി നാഴികക്കലുകൾ കീഴടക്കി നിസാൻ
- 2 hrs ago ചുവപ്പ് മാത്രമല്ല, 'വെള്ള' കണ്ടാലും കലിപ്പ്! വൈറ്റ് എല്ഇഡി ലൈറ്റുള്ള വാഹനങ്ങള്ക്ക് പണി കിട്ടും
Don't Miss
- News സിനിമ മുതല് സർവ്വേ വരെ പാടില്ല: എന്താണ് നിശബ്ദ പ്രചരണം, അറിയേണ്ടതെല്ലാം
- Lifestyle ശരീരത്തിലെ വിഷാംശം നീക്കുന്ന കരള്; കരുത്തുറ്റ കരളിന് വേണം ഈ സൂപ്പര്ഫുഡ്
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
- Sports T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട്
- Movies ഞാൻ നടിയാണെന്ന് മറന്നു, ഓടിപ്പോയി കെട്ടിപ്പിടിച്ചു; ഉടനെ ശ്രീദേവി എന്നോട് പറഞ്ഞത്; ഉർവശിയുടെ വാക്കുകൾ
- Technology തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
- Finance ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം
ബെന്സിനെ വെല്ലുന്ന ആഢംബര കാറുകളുമായി ഹ്യുണ്ടായി, ജെനിസിസ് ഇന്ത്യയിലേക്ക്
ഇന്ത്യന് വിപണിയില് ടോപ് ഗിയറിലേക്ക് കടക്കാനുള്ള പുറപ്പാടിലാണ് ഹ്യുണ്ടായി. ഒരൊറ്റ ബ്രാന്ഡ് നാമത്തില് കാറുകള് വില്ക്കാന് ഹ്യുണ്ടായിക്ക് താത്പര്യമില്ല. പകരം തങ്ങള്ക്ക് കീഴിലുള്ള ബ്രാന്ഡുകള് ഓരോന്നായി ഇന്ത്യന് മണ്ണിലേക്ക് കൊണ്ടുവരാന് ഹ്യുണ്ടായി ആഗ്രഹിക്കുന്നു. വൈകാതെ കിയ മോട്ടോര്സ് വിപണിയില് അവതരിക്കും.
ആന്ധ്രാ പ്രദേശിലെ അനന്ദ്പൂര് ശാലയില് SP2i എസ്യുവിയുടെ ഉത്പാദനം പരീക്ഷണാടിസ്ഥാനത്തില് കിയ തുടങ്ങിക്കഴിഞ്ഞു. രാജ്യത്തെ ഇടത്തരം കാര് വിപണിയില് കിയ മോഡലുകള് സ്വാധീനം ചെലുത്തുമെന്നാണ് ഹ്യുണ്ടായിയുടെ പ്രതീക്ഷ. എന്നാല് ആഢംബര ശ്രേണിയില് കിയയ്ക്ക് മേല്ക്കോയ്മ നേടാനാവില്ലെന്ന് ഹ്യുണ്ടായിക്കറിയാം.
മെര്സിഡീസ് ബെന്സ്, ഔഡി, ബിഎംഡബ്ല്യു തുടങ്ങിയ അതികായന്മാര്ക്ക് മുന്നില് ജെനിസിസായിരിക്കും ഹ്യുണ്ടായിയുടെ തുറുപ്പുച്ചീട്ട്. കേട്ടതു ശരിയാണ്; ദക്ഷിണ കൊറിയന് നിര്മ്മാതാക്കളായ ഹ്യുണ്ടായി, തങ്ങളുടെ ആഢംബര ബ്രാന്ഡായ ജെനിസിനെ ഇന്ത്യയിലേക്ക് ആലോചിക്കുന്നു. 2015 -ലാണ് ആഢംബര കാറുകള്ക്കായി ജെനിസിസ് എന്ന ബ്രാന്ഡിനെ ഹ്യുണ്ടായി മോട്ടോര് ഗ്രൂപ്പ് സ്ഥാപിച്ചത്.
ചുരുങ്ങിയ കാലംകൊണ്ടുതന്നെ വമ്പന്മാര്ക്കിടയില് പേരുനേടാന് ജെനിസിന് കഴിഞ്ഞു. ഇന്ത്യന് മണ്ണിലും ജെനിസിസ് നിരാശപ്പെടുത്തില്ലെന്ന കണക്കുകൂട്ടലിലാണ് ഹ്യുണ്ടായി. അടുത്തവര്ഷം നടക്കാനിരിക്കുന്ന 2020 ഓട്ടോ എക്സ്പോയില് ജെനിസിസ് വരവറിയിക്കുമെന്നാണ് വിവരം. പക്ഷെ നിലവില് ജെനിസിസിനെ കുറിച്ച് ഇന്ത്യ ജനതയ്ക്ക് വലിയ കേട്ടറിവില്ല.
ഈ പ്രതിസന്ധി തരണം ചെയ്യാന് തിരഞ്ഞെടുത്ത നഗരങ്ങളില് എക്സ്പീരിയന്സ് സെന്ററുകളും ചെറു ഷോറൂമുകളും ഹ്യുണ്ടായിയുടെ നേതൃത്വത്തില് ജെനിസിസ് ആദ്യമേ തുടങ്ങും. ലെക്സസ് ബ്രാന്ഡിനെ ടൊയോട്ട അവതരിപ്പിച്ച തന്ത്രംതന്നെയാകും ജെനിസിസില് ഹ്യുണ്ടായി പയറ്റുക.
മുന്പ് 2016 ഓട്ടോ എക്സ്പോയില് രണ്ടാം തലമുറ ജെനിസ് സെഡാനെ ഹ്യുണ്ടായി കാഴ്ച്ചവെച്ചിരുന്നു. എന്നാല് പിന്നീട് ജെനിസിസ് G80 എന്ന പേരില് മോഡലിനെ കമ്പനി പുനര്നാമകരണം ചെയ്തു. നിലവില് എക്സിക്യുട്ടീവ് G80 സെഡാനും ഇടത്തരം G70 സെഡാനുമാണ് റൈറ്റ് ഹാന്ഡ് ഡ്രൈവ് വിപണികള്ക്കായി ജെനിസിസ് പുറത്തിറക്കുന്നത്.
Most Read: ബേബി ഫോര്ച്യൂണറായി ടൊയോട്ട റഷ് ഇന്ത്യയിലേക്ക്
G90/EQ900 സെഡാനുകള് ലെഫ്റ്റ് ഹാന്ഡ് ഡ്രൈവ് വിപണികളില് മാത്രമേയുള്ളൂ. വരുംഭാവിയില് GV80 എക്സിക്യുട്ടീവ് സെഡാനെയും പുതിയ ഇടത്തരം എസ്യുവി, സ്പോര്ട് കൂപ്പെ മോഡലുകളെയും അവതരിപ്പിക്കാന് ജെനിസിസിന് പദ്ധതിയുണ്ട്. ഇന്ത്യയില് ബിഎംഡബ്ല്യു 3 സീരീസിനെതിരെ G70 സെഡാനെ അണിനിരത്താനാകും ജെനിസിസ് ശ്രമിക്കുക.
Most Read: സ്വിഫ്റ്റിനെക്കാളും സുരക്ഷയുണ്ട് ഇഗ്നിസിന്, ക്രാഷ് ടെസ്റ്റ് ഫലം പുറത്ത്
ഇതേസമയം, രാജ്യാന്തര നിരയില് നിന്നുള്ള കോന ഇലക്ട്രിക് എസ്യുവിയെ ഇങ്ങോട്ടു കൊണ്ടുവരാനുള്ള അവസാനവട്ട ഒരുക്കത്തിലാണ് ഹ്യുണ്ടായി. ഏകദേശം 25 ലക്ഷം രൂപയോളം കോന ഇലക്ട്രിക്കിന് ഷോറൂം വില കരുതാം. ഹ്യുണ്ടായിയുടെ ഏറ്റവും വില കൂടിയ കാറായി കോന ഇലക്ട്രിക് വരവില് അറിയപ്പെടും.
Most Read: ജീപ്പ് റാംഗ്ലര് ഒരിക്കല് കൂടി നിരാശപ്പെടുത്തി, സുരക്ഷ വെറും ഒരു സ്റ്റാര്
കോന ഇലക്ട്രിക്കിന് വിപണിയില് ലഭിക്കുന്ന പ്രതികരണം കൂടി അടിസ്ഥാനപ്പെടുത്തിയാകും ജെനിസിസ് കാറുകളെ ഹ്യുണ്ടായി ഇങ്ങോട്ടു തിരഞ്ഞെടുക്കുക.
Source: Livemint