Just In
- 17 min ago
ആറ് കളർ ഓപ്ഷനുകളുമായി ഹോണ്ട ഗ്രാസിയ വിപണിയിൽ
- 54 min ago
ഓൾ-ഇലക്ട്രിക് EQA എസ്യുവി ആഗോളതലത്തിൽ അവതരിപ്പിച്ച് മെർസിഡീസ്
- 1 hr ago
സ്പീഡ് ട്രിപ്പിള് 1200 RS ഇന്ത്യയിലേക്കും; അവതരിപ്പിക്കുന്ന തീയതി വെളിപ്പെടുത്തി ട്രയംഫ്
- 1 hr ago
പ്രാരംഭ വില 51.50 ലക്ഷം രൂപ; പുതിയ 3 സീരീസ് ഗ്രാൻ ലിമോസിൻ വിപണിയിൽ
Don't Miss
- News
ശശികലയ്ക്ക് കൊറോണ രോഗമില്ല; ആരോഗ്യം വീണ്ടെടുത്തു... ജയില് മോചനം 27ന്
- Lifestyle
അറിയണം റിപ്പബ്ലിക് ദിനത്തിനു പിന്നിലെ കഥ
- Sports
IPL 2021: ഗ്ലെന് മാക്സ്വെല് ഇനിയെങ്ങോട്ട്? സാധ്യത മൂന്നു ടീമുകള്ക്ക്- കൂടുതലറിയാം
- Finance
ആമസോണിന്റെ ശ്രമം പാളി, റിലയൻസ്-ഫ്യൂച്ചർ ഗ്രൂപ്പ് കരാറിന് സെബിയുടെ അംഗീകാരം
- Movies
അജഗജാന്തരവുമായി ആന്റണി വര്ഗീസും അര്ജുന് അശോകനും, ആക്ഷന് ചിത്രം തിയ്യേറ്ററുകളിലേക്ക്
- Travel
ഇന്ത്യക്കാര് കാത്തിരിക്കുന്ന ഹിമാലയ ട്രക്കിങ്ങ്, പരിധിയില്ലാത്ത സാഹസികത
- Technology
വൺപ്ലസ് നോർഡ് സ്മാർട്ട്ഫോണിന്റെ പ്രീ-ഓർഡർ ജൂലൈ 15 മുതൽ ആമസോൺ വഴി ലഭ്യമാകും
50,000 യൂണിറ്റ് വിൽപ്പനയെന്ന നാഴികക്കല്ല് പിന്നിട്ട് ഹ്യുണ്ടായി വെന്യു
വിൽപ്പനയിൽ പുതിയ നാഴികക്കല്ല് പിന്നിട്ട് കൊറിയൻ വാഹന നിർമ്മാതാക്കളായ ഹ്യുണ്ടായിയുടെ ജനപ്രിയ കോംപാക്ട് എസ്യുവി വെന്യു. വിപണിയിലെത്തി ആറ് മാസങ്ങൾക്കുള്ളിൽ 50,000 വിൽപ്പനയെന്ന നേട്ടമാണ് വെന്യു സ്വന്തമാക്കിയിരിക്കുന്നത്.

കഴിഞ്ഞ എട്ട് മാസങ്ങളായി ഇന്ത്യൻ വിപണിയിൽ യൂട്ടിലിറ്റി വെഹിക്കിൾ വിഭാഗത്തിന് മികച്ച വിൽപ്പനയാണ് ലഭിക്കുന്നത്. ഈ ശ്രേണിയിലെ ഹ്യുണ്ടായിയുടെ ഏറ്റവും കൂടുതൽ വിൽപ്പനയുള്ള മോഡലും നിലവിൽ വെന്യു തന്നെയാണ്.

ഹ്യുണ്ടായി മോട്ടോർ ഇന്ത്യയുടെ ആദ്യത്തെ കോംപാക്ട് എസ്യുവിയാണ് 2019 മെയ് മാസത്തിൽ വിപണിയിലെത്തിയ വെന്യു. മൂന്ന് എഞ്ചിൻ ഓപ്ഷനുകളുമായാണ് വാഹനം അവതരിപ്പിച്ചിരിക്കുന്നത്.

90 bhp കരുത്ത് ഉത്പാദിപ്പിക്കുന്ന 1.4 ലിറ്റർ ഡീസൽ, 83 bhp നൽകുന്ന 1.2 ലിറ്റർ നാച്ചുറലി ആസ്പിരേറ്റഡ് പെട്രോൾ യൂണിറ്റ്, 120 bhp സൃഷ്ടിക്കുന്ന 1.0 ലിറ്റർ ടർബോ-പെട്രോൾ യൂണിറ്റ് എന്നിങ്ങനെയാണ് വെന്യുവിലെ എഞ്ചിൻ ഓപ്ഷനുകൾ.

2019 ഒക്ടോബർ അവസാനം വരെ ഹ്യുണ്ടായി വെന്യുവിന്റെ മൊത്തം 51,257 യൂണിറ്റുകളാണ് വിറ്റഴിച്ചത്. ഇതിൽ 29,726 യൂണിറ്റ് പെട്രോൾ, 21,531 യൂണിറ്റ് ഡീസൽ എന്നിങ്ങനെയാണ് വിൽപ്പന കണക്കുകൾ. യൂട്ടിലിറ്റി വെഹിക്കിൾ വിഭാഗത്തിലെ വിൽപ്പനയിൽ 9.36 ശതമാനം സംഭാവനയും (5,47,572) വെന്യുവാണ് നൽകിയിരിക്കുന്നത്.

വിപണിയിൽ എത്തി ആറുമാസത്തിനുള്ളിൽ ശരാശരി 8,542 യൂണിറ്റ് വിൽപ്പനയാണ് വെന്യുവിന് പ്രതിമാസം ലഭിച്ചത്.

കൂടാതെ അവതരിപ്പിച്ച ആദ്യ മാസത്തിൽ തന്നെ ഏറ്റവും കൂടുതൽ വിറ്റുപോകുന്ന ഏറ്റവും മികച്ച അഞ്ച് യൂട്ടിലിറ്റി വെഹിക്കിൾ പട്ടികയിൽ ഇടംനേടാനും വാഹനത്തിനായി എന്നതും ശ്രദ്ധേയമാണ്. മെയ് മാസത്തിൽ 7,049 യൂണിറ്റുകളുമായി നാലാം സ്ഥാനത്തെത്തിയപ്പോൾ ജൂണിൽ 8,763 യൂണിറ്റുകൾ വിറ്റ് മാരുതി വിറ്റാര ബ്രെസയുടെ വിൽപ്പനയോട് അടുത്തെത്താനും വെന്യുവിന് സാധിച്ചു.
Most Read: 2020 ഓട്ടോ എക്സ്പോയിൽ അവതരിപ്പിക്കാൻ ഒരുങ്ങുന്ന ഇലക്ട്രിക് കാറുകൾ

2019 ജൂലൈയിൽ 9,585 യൂണിറ്റ് വിൽപ്പനയുമായി ഇന്ത്യയിലെ ഏറ്റവും കൂടുതൽ വിറ്റുപോകുന്ന എസ്യുവി മോഡലായി വെന്യു മാറി. ഓഗസ്റ്റിൽ 9,342 യൂണിറ്റുകളുമായി വിൽപ്പന പട്ടികയിൽ വീണ്ടും ഒന്നാമതെത്തി. എന്നാൽ സെപ്റ്റംബറിൽ ഈ ശ്രേണിയിലെ ഒന്നാം സ്ഥാനം ബ്രെസ തിരിച്ചു പിടിച്ചെങ്കിലും 7,942 യൂണിറ്റ് വിൽപ്പനയുമായി വെന്യു മികവ് പുലർത്തി.
Most Read: നമ്പര് പ്ലേറ്റും രജിസ്ട്രേഷന് രേഖകളുമില്ല; ആഢംബര കാറിന് 9.8 ലക്ഷം രൂപ പിഴ

ഒക്ടോബറിൽ പുതിയ എതിരാളിയായ കിയ സെൽറ്റോസ് എത്തിയതോടെ വെന്യുവിന്റെ വിൽപ്പന മൂന്നാം സ്ഥാനത്തേക്ക് പിന്തള്ളപ്പെട്ടു. നിലവിൽ ഇന്ത്യൻ വിപണിയിൽ ഏറ്റവും കൂടുതൽ വിൽപ്പനയുള്ള കോംപാക്ട് എസ്യുവിയാണ് സെൽറ്റോസ്.

എങ്കിലും ഈ ശ്രേണിയിലെ വെന്യുവിന്റെ വിൽപ്പന കണക്കുകൾ യുവി വിപണിയിൽ ഹ്യുണ്ടായി മോട്ടോർ ഇന്ത്യയ്ക്ക് പുതിയ കരുത്ത് നൽകി. 2019 ഏപ്രിൽ മുതൽ ഒക്ടോബർ വരെ വിറ്റ ഹ്യുണ്ടായിയുടെ 1,06,366 യുവിയിൽ 48 ശതമാനവും വെന്യു കോംപാക്ട് എസ്യുവിയാണ്.

2019 അവസാനത്തോടെ വെന്യുവിന് ഒരു ലക്ഷം ബുക്കിംഗുകൾ എന്ന നാഴികക്കല്ല് പിന്നിടാമെന്നും ഹ്യുണ്ടായി വെളിപ്പെടുത്തിയിട്ടുണ്ട്. ആഭ്യന്തര വിപണിയിൽ വിജയം മാത്രമല്ല, വെന്യുവിന്റെ കയറ്റുമതിയും കമ്പനി ആരംഭിച്ചിട്ടുണ്ട്. അടുത്ത മാസം ദക്ഷിണാഫ്രിക്കയിൽ അവതരിപ്പിക്കാനിരിക്കുന്ന 1400 യൂണിറ്റ് വെന്യു ഇതിനകം തന്നെ ഇന്ത്യയിൽ നിന്ന് കയറ്റി അയച്ചിട്ടുണ്ടെന്നും കമ്പനി വ്യക്തമാക്കി.