Just In
- 27 min ago സ്കൂട്ടറിനേക്കാൾ ലാഭമാണല്ലോ, 70 കി.മീ. വരെ റേഞ്ചുള്ള ഇലക്ട്രിക് സൈക്കിളുമായി ഹീറോ
- 1 hr ago വിദേശ മലയാളികളുടെ ശ്രദ്ധയ്ക്ക്, സർപ്രൈസ് വെളളപ്പൊക്കത്തിൽ നിന്ന് വാഹനം എങ്ങനെ സംരക്ഷിക്കാം
- 1 hr ago 10 പേര്ക്ക് സുഖമായി പോകാം, കിലോമീറ്ററിന് ചെലവ് വെറും 3.5 രൂപ! 'മാജിക്' തുടരാന് ടാറ്റ വാന്
- 2 hrs ago ഹൈലക്സിനെ ആണിയടിച്ച് ചുവരിൽ തൂക്കുമോ ഇസൂസു? 2024 V -ക്രോസിന്റെ പുത്തൻ വിശദാംശങ്ങൾ പുറത്ത്
Don't Miss
- Sports IPL 2024: ഹാര്ദിക്കിന്റെ വന് പിഴവ്, ജയ്സ്വാളിനെതിരേ അതു ചെയ്തില്ല! വിമര്ശിച്ച് പീറ്റേഴ്സന്
- Lifestyle ക്ഷിപ്രവേഗത്തില് കോപം: ഹനുമാനെ ആരാധിക്കുമ്പോള് ഈ തെറ്റുകള് അരുത്
- Movies ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി
- News പൊന്നാനിയില് കളിവിട്ട് കാര്യത്തിലേക്ക്; അടിയൊഴുക്കുകള്ക്ക് ശ്രമം, പറഞ്ഞതില് മാറ്റമില്ലെന്ന് ജിഫ്രി തങ്ങള്
- Finance മൂന്ന് വർഷം കൊണ്ട് നൽകിയത് 1430% ലാഭം, ഈ സ്മോൾ ക്യാപ് ഓഹരി പൊളിയല്ലേ, നിങ്ങൾക്ക് നിക്ഷേപമുണ്ടോ..?
- Technology രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ഇനി കോമ്പസിന് വാറന്റി അഞ്ചുവര്ഷം, പുതിയ പദ്ധതിയുമായി ജീപ്പ്
ജീപ്പ് കോമ്പസ്. ഇന്ത്യയില് ഫിയറ്റ് ക്രൈസ്ലര് ഓട്ടോമൊബൈല്സ് കൊണ്ടുവന്നിട്ടുള്ള എക്കാലത്തേയും മികച്ച ഹിറ്റുകളില് ഒന്ന്. തുടക്കത്തിലെ പ്രചാരം കെട്ടടങ്ങിയെങ്കിലും ഇന്നും കോമ്പസ് എസ്യുവി വാങ്ങാന് ആളുകള് ധാരാളം മുന്നോട്ടു വരുന്നുണ്ട്. വിപണിയില് പുതിയ ടാറ്റ ഹാരിയര് ഭീഷണി മുഴക്കവെ, കോമ്പസ് മോഡലുകളില് പുതിയ എക്സ്റ്റന്ഡഡ് വാറന്റി പദ്ധതി പ്രഖ്യാപിച്ചിരിക്കുകയാണ് ജീപ്പ്.
ഇനി സ്റ്റാന്ഡേര്ഡ് വാറന്റിക്ക് പുറമെ രണ്ടുവര്ഷം/ഒന്നരലക്ഷം കിലോമീറ്റര് എക്സ്റ്റന്ഡഡ് വാറന്റി നേടാന് കോമ്പസ് ഉടമകള്ക്ക് അവസരം ലഭിക്കും. നിലവില് മൂന്നുവര്ഷം/ഒരുലക്ഷം കിലോമീറ്ററാണ് സ്റ്റാന്ഡേര്ഡ് വാറന്റി കാലയളവ്.
എക്സ്റ്റന്ഡഡ് വാറന്റി കൂടി ചേരുമ്പോള് അഞ്ചുവര്ഷം അല്ലെങ്കില് ഒന്നരലക്ഷം കിലോമീറ്റര് വരെ കോമ്പസ് എസ്യുവികള്ക്ക് പരിരക്ഷ ഒരുങ്ങും. കമ്പനിയുടെ മോപ്പര് എക്സറ്റന്ഡഡ് വാറന്റി പദ്ധതിയുടെ ഭാഗമായാണ് പുതിയ നടപടി. നിലവിലെ കോമ്പസ് ഉടമകള്ക്കും എക്സ്റ്റന്ഡഡ് വാറന്റി തിരഞ്ഞെടുക്കാന് അവസരമുണ്ട്.
കോമ്പസ് സ്പോര്ട്, ലോങ്ങിറ്റിയൂഡ്, ലിമിറ്റഡ് വകഭേദങ്ങളിലാണ് പുതിയ വാറന്റി പദ്ധതി പ്രാബല്യത്തില് വന്നിരിക്കുന്നത്. 25,000 രൂപയാണ് കോമ്പസ് സ്പോര്ടില് വാറന്റി നീട്ടിക്കിട്ടാനുള്ള നിരക്ക്. ലോങ്ങിറ്റിയൂഡ്, ലിമിറ്റഡ് മോഡലുകളില് എക്സ്റ്റന്ഡഡ് വാറന്റി നിരക്ക് യഥാക്രമം 28,000 രൂപ, 32,000 രൂപ എന്നിങ്ങനെയായി ഉയരും.
2019 മാര്ച്ച് 31 -ന് ശേഷം നിരക്കുകളിൽ മാറ്റമുണ്ടാവുമെന്ന് കമ്പനി അറിയിച്ചിട്ടുണ്ട്. ദീര്ഘകാലം വാഹനം കൊണ്ടുനടക്കാന് ആഗ്രഹിക്കുന്നവര് എക്സ്റ്റന്ഡഡ് വാറന്റി തിരഞ്ഞെടുക്കുന്നതാണ് കൂടുതല് ഉചിതം. അതേസമയം വാഹനത്തില് മോഡിഫിക്കേഷന് നടത്തിയാല് എക്സ്റ്റന്ഡഡ് വാറന്റി ലഭിക്കില്ലെന്ന് ഇവിടെ ഓര്മ്മപ്പെടുത്തണം.
നിലവില് 1.4 ലിറ്റര് പെട്രോള്, 2.0 ലിറ്റര് ഡീസല് എഞ്ചിന് പതിപ്പുകള് കോമ്പസില് അണിനിരക്കുന്നുണ്ട്. 1.4 ലിറ്റര് പെട്രോള് എഞ്ചിന് 160 bhp കരുത്തും 250 Nm torque ഉം പരമാവധി സൃഷ്ടിക്കും. ആറു സ്പീഡ് മാനുവല്, ഏഴു സ്പീഡ് ഇരട്ട ക്ലച്ച് ഓട്ടോമാറ്റിക് ഗിയര്ബോക്സ് ഓപ്ഷനുകള് കോമ്പസ് പെട്രോളില് തിരഞ്ഞെടുക്കാം.
Most Read: വഴിയോരത്തെ വര്ക്ക്ഷോപ്പില് രണ്ട് കോടിയുടെ ഔഡി കാര്പെയിന്റിംഗിന് — ചിത്രങ്ങള് വൈറല്
170 bhp കരുത്തും 350 Nm torque -മാണ് കോമ്പസ് ഡീസല് ഉത്പാദിപ്പിക്കുക. ആറു സ്പീഡ് മാനുവല് ഗിയര്ബോക്സ് മാത്രമെ ഡീസല് മോഡലുകളിലുള്ളൂ. അതേസമയം മുന് വീല് ഡ്രൈവ്, ഓള് വീല് ഡ്രൈവ് പതിപ്പുകള് ഡീസല് വകഭേദങ്ങളിലുണ്ട്.
വിപണിയില് പോര് മുറുകുന്ന പശ്ചാത്തലത്തില് പുതിയ കോമ്പസ് ട്രെയില്ഹൊക്ക്, നൈറ്റ് ഈഗിള് പതിപ്പുകള് അവതരിപ്പിച്ച് കളം തിരിച്ചുപിടിക്കാനുള്ള ഒരുക്കത്തിലാണ് ജീപ്പ് ഇപ്പോള്. ഇതില് ട്രെയില്ഹൊക്ക് പതിപ്പ് ഇവിടെ ആദ്യമെത്തും.
കോമ്പസ് നിരയിലെ ഏറ്റവും സ്പോര്ടി പതിപ്പായിരിക്കും ട്രെയില്ഹൊക്ക്. മോഡലിന്റെ വരവു പ്രമാണിച്ചു ഡീലര്ഷിപ്പുകള് കോമ്പസ് ട്രെയില്ഹൊക്കിന്റെ അനൗദ്യോഗിക പ്രീ-ബുക്കിംഗ് തുടങ്ങിക്കഴിഞ്ഞു.