Just In
- 38 min ago അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി
- 1 hr ago അക്ഷരം തെറ്റാതെ വിളിക്കാം 'മനിതന്'! അംഗപരിമിതരായ 13 കലാകാരന്മാര്ക്ക് സ്കൂട്ടര് സമ്മാനിച്ച് ലോറന്സ്
- 2 hrs ago വ്ലോഗിംഗും തുണിക്കടയും ഹിറ്റ്, 48 ലക്ഷത്തിന്റെ പുത്തൻ ഇലക്ട്രിക് കാർ സ്വന്തമാക്കിയ ഈ നടിയെ അറിയുമോ?
- 2 hrs ago ലോകത്തിലെ ഏറ്റവും 'ആകര്ഷണീയമായ' കാറിന്റെ വില വെറും 7 ലക്ഷം! AI നല്കിയ ഞെട്ടിക്കുന്ന ഉത്തരം
Don't Miss
- News പിണറായിയെ ഇഡി അറസ്റ്റ് ചെയ്താല് ആദ്യം പ്രതിഷേധം നടത്തുക രാഹുല് ഗാന്ധി: കെ സുരേന്ദ്രന്
- Movies ബിഗ് ബോസിലെ വിന്നറാവാന് സാധ്യത ഇവര്ക്കോ? ടോപ്പ് ഫൈവിലേക്ക് എത്താന് ചാന്സുള്ളവരെ പറ്റി ആരാധകര്
- Lifestyle പടവലങ്ങയുണ്ടോ നിലക്കടലയോ : രണ്ടും ചേര്ത്ത് കിടിലന് ടേസ്റ്റില് തോരന്
- Technology വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ
- Finance തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ്
- Sports IPL 2024: ഹാര്ദിക്കിനെ ഇനിയും കൂവണം, അത് അവനെ പ്രചോദിപ്പിക്കും; ആരാധകരെ ട്രോളി ശ്രേയസ്
- Travel ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
കോമ്പസിന് വന് ഓഫറുകള് പ്രഖ്യാപിച്ച് ജീപ്പ്
കോമ്പസിന്റെ വിവിധ പതിപ്പുകള്ക്ക് ഓഫറുകളും ആനുകൂല്യങ്ങളും പ്രഖ്യാപിച്ച് അമേരിക്കന് വാഹന നിര്മ്മാതാക്കളായ ജീപ്പ്. 1.6 ലക്ഷം രൂപ വരെയാണ് തെരഞ്ഞെടുത്ത മോഡലുകള്ക്ക് കമ്പനി നവംബര് മാസത്തില് ആനുകൂല്യങ്ങള് വാഗ്ദാനം ചെയ്തിരിക്കുന്നത്.
പെട്രോള് പതിപ്പുകളെക്കാള് ഡീസല് പതിപ്പുകള്ക്കാണ് കമ്പനി കൂടുതല് ഓഫറുകള് നല്കുന്നത്. എന്ട്രി-ലെവല് സ്പോര്ട്സ് 4x2 ഡീസല് മോഡലിന് 1.6 ലക്ഷം രൂപയുടെ ആനുകൂല്യമാണ് കമ്പനി വാഗ്ദാനം ചെയ്യുന്നത്. അതേസമയം ഇതേ നിരയിലുള്ള പെട്രോള് പതിപ്പിന് 70,000 രൂപയുടെ ആനുകൂല്യമാണ് കമ്പനി നല്കുന്നത്.
സപോര്ട്സ് പ്ലസ് ഡീസല് പതിപ്പില് 1.1 ലക്ഷം രൂപയുടെ ആനുകൂല്യം ഉപഭോക്താവിന് ലഭിക്കുമ്പോള് പെട്രോള് പതിപ്പ് വാങ്ങുന്നവര്ക്ക് 50,000 രൂപയുടെ ആനുകൂല്യമാണ് കമ്പനി നല്കുന്നത്.
ലോഞ്ചിട്യൂഡ്, ലോഞ്ചിട്യൂഡ് (O) 4x2 ഡീസല് മാനുവല് പതിപ്പില് 1.4 ലക്ഷം രൂപയുടെ ആനുകൂല്യം ലഭിക്കുമ്പോള് ലോഞ്ചിട്യൂഡ് (O) പതിപ്പിന് 1.6 ലക്ഷം രൂപയുടെ ആനുകൂല്യവും ലഭിക്കും.
അതേസമയം ലിമിറ്റഡ് പ്ലസ്, ലിമിറ്റഡ് പ്ലസ് 4x4, ലിമിറ്റഡ് 4x4, ട്രാക്ക്ഹോക്സ് എന്നിവയ്ക്ക്, മുകളില് സൂചിപ്പിച്ച ആനുകൂല്യങ്ങള് ലഭ്യമല്ലെന്നും കമ്പനി അറിയിച്ചിട്ടുണ്ട്. ഉടന് തന്നെ കോമ്പസിന്റെ ഫെയ്സ്ലിഫ്റ്റ് പതിപ്പുകളെ വിപണിയില് അവതരിപ്പിക്കുമെന്ന് കമ്പനി വ്യക്തമാക്കി കഴിഞ്ഞു.
2017 -ലാണ് കോമ്പസിനെ ജീപ്പ് ഇന്ത്യന് വിപണിയില് അവതരിപ്പിച്ചത്. അന്നു മുതല് ഇന്നുവരെ വളരെ മികച്ച് ജനപ്രതീതിയാണ് കോമ്പസിന് ലഭിക്കുന്നത്. കഴിഞ്ഞ കുറച്ച് വര്ഷങ്ങളായി കോമ്പസിന്റെ പല പരിഷ്കരിച്ച പതിപ്പുകളും കമ്പനി രാജ്യത്ത് അവതരിപ്പിച്ചിട്ടുണ്ട്.
2020 -ഓടെ കേമ്പസിന്റെ പരിഷ്കരിച്ച് മറ്റൊരു പതിപ്പിനെ കൂടി കമ്പനി വിപണിയില് എത്തിക്കും. എന്നാല് വാഹനത്തിന്റെ മാറ്റങ്ങള് എന്തൊക്കെയെന്ന് കമ്പനി അറിയിച്ചിട്ടില്ല. ബിഎസ് VI നിലവാരത്തിലുള്ള എഞ്ചിനാകും പുതിയ പതിപ്പില് ഇടംപിടിക്കുക.
Most Read: മൈലേജ് ലഭിക്കുന്നില്ല; കമ്പനിക്കെതിരെ കേസുകൊടുത്ത് വാഹന ഉടമ
പെട്രോള്, ഡീസല് എഞ്ചിനുകളില് വാഹനം വിപണിയില് ലഭ്യമാണ്. 2.0 ലിറ്റര് ഡീസല്, 1.4 ലിറ്റര് ടര്ബോ-പെട്രോള് എഞ്ചിനുകളാകും ബിഎസ് VI നിലവാരത്തിലേക്ക് കമ്പനി മാറ്റുക. അതിനൊപ്പം തന്നെ ഡീസല് ഓട്ടോമാറ്റിക് പതിപ്പുകളെയും കമ്പനി അവതരിപ്പിച്ചേക്കും.
Most Read: കോമ്പസിന്റെ ഏഴു സീറ്റര് പതിപ്പിനായുള്ള കാത്തിരിപ്പ് നീളും
നിലവില് വിപണിയില് ഉള്ള മോഡലിലെ 2.0 ലിറ്റര് ഡീസല് എഞ്ചിന് 170 bhp കരുത്തും 350 Nm torque ഉം സൃഷ്ടിക്കും. 1.4 ലിറ്റര് ടര്ബോ-പെട്രോള് എഞ്ചിന് 160 bhp കരുത്തും 250 Nm torque ഉം സൃഷ്ടിക്കും.
Most Read: ജാവ പെറാക്ക് ബോബർ പുറത്തിറങ്ങി; വില 1.94 ലക്ഷം
14.99 ലക്ഷം രൂപ മുതല് 26.80 ലക്ഷം വരെയാണ് ഇന്ത്യന് വിപണിയില് കോമ്പസിന്റെ എക്സ്ഷോറൂം വില. ഇന്ത്യയില് ഏറ്റവും കൂടുതല് വില്പ്പനയുള്ള മോഡലാണ് കോമ്പസ്. എന്നാല് ഈ നിരയിലേക്ക് കിയ സെല്റ്റോസ്, എംജി ഹേക്ടര് എന്നിവര് എത്തിയതോടെ വാഹനത്തിന്റെ വില്പ്പന ഇടിഞ്ഞുവെന്നാണ് റിപ്പോര്ട്ട്.
ഇന്ര്നെറ്റടക്കം അത്യാധുനിക സൗകര്യങ്ങളോടെയാണ് എംജി ഹെക്ടറിന്റെ വിപണിയിലേക്കുള്ള കടന്ന് വരവ്. എന്നാലും ജീപ്പ് പ്രമികളുടെ ആദ്യ ചോയിസ് കോമ്പസ് തന്നെയാണ്. നവീകരിച്ച വിപണിയില് എത്തുന്ന കോമ്പസിന് പഴയ പ്രചാരം വീണ്ടെടുക്കാന് കഴിയുമെന്നാണ് കമ്പനിയുടെ പ്രതീക്ഷ.
നിലവിലെ പ്രധാന എതിരാളികളായ ഹെക്ടറിലെയും, സെല്റ്റോസിലും ഉള്ള ഫീച്ചറുകള് വാഹനത്തിലും പ്രതീക്ഷിക്കാം. പുതിയ സീറ്റ് അപ്ഹോള്സ്റ്ററി, വെന്റിലേഷനുള്ള സീറ്റുകള്, വൈദ്യുത പിന്തുണയാലുള്ള ടെയില്ഗേറ്റ്, ഹെഡ്സ് അപ്പ് ഡിസ്പ്ലേ, കണക്ടഡ് കാര് ടെക്നോളി, ഇന്ബില്ട്ട് സിം എന്നിവയെല്ലാം മോഡലില് പ്രതീക്ഷിക്കാം.
2021 -ല് കോമ്പസിന്റെ ഏഴു സീറ്റര് പതിപ്പിനെയും ഇന്ത്യന് വിപണിയില് കമ്പനി അവതരിപ്പിക്കും. കോമ്പസിനെ ആധാരമാക്കിയാവും പുതിയ ഏഴ് സീറ്റര് എസ്യുവി വിപണിയില് എത്തുക. പൂനെയിലുള്ള ജീപ്പിന്റെ നിര്മ്മാണശാലയില് തന്നെയായവും പുതിയ എസ്യുവിയുടെയും നിര്മ്മാണം എന്ന് കമ്പനി അറിയിച്ചു.