Just In
- 1 hr ago പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
- 2 hrs ago അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി
- 3 hrs ago അക്ഷരം തെറ്റാതെ വിളിക്കാം 'മനിതന്'! അംഗപരിമിതരായ 13 കലാകാരന്മാര്ക്ക് സ്കൂട്ടര് സമ്മാനിച്ച് ലോറന്സ്
- 3 hrs ago വ്ലോഗിംഗും തുണിക്കടയും ഹിറ്റ്, 48 ലക്ഷത്തിന്റെ പുത്തൻ ഇലക്ട്രിക് കാർ സ്വന്തമാക്കിയ ഈ നടിയെ അറിയുമോ?
Don't Miss
- Movies 'ഇതാര് ഹാപ്പി ഹസ്ബെന്റ്സിലെ സലീം കുമാറോ അതോ താരദാസോ, ലക്ഷ്മിയെ മിഥുൻ പ്രണയിച്ചതിൽ അത്ഭുതപ്പെടാനില്ല'
- Sports IPL 2024: സിക്സര് 'ഹിറ്റ്മാന്', ഇനി ഒന്നാമന്; പൊള്ളാര്ഡിന്റെ വമ്പന് റെക്കോഡ് തകര്ത്തു
- Lifestyle ഭാര്യയില് ഈ അഞ്ച് സ്വഭാവമുണ്ടോ? ദാമ്പത്യം പകുതിയില് അവസാനിക്കും
- News പിണറായിയെ ഇഡി അറസ്റ്റ് ചെയ്താല് ആദ്യം പ്രതിഷേധം നടത്തുക രാഹുല് ഗാന്ധി: കെ സുരേന്ദ്രന്
- Technology വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ
- Finance തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ്
- Travel ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
സെല്റ്റോസിനെ വിപണിയിലെത്തിച്ച് കിയ; പ്രാരംഭ വില 9.69 ലക്ഷം രൂപ
ദക്ഷിണ കൊറിയന് വാഹന നിര്മ്മാതാക്കളായ കിയ ഇന്ത്യന് വിപണിയില് തങ്ങളുടെ ആദ്യ വാഹനമായ സെല്റ്റോസ് പുറത്തിറക്കി. 9.69 ലക്ഷം രൂപയാണ് വാഹനത്തിന്റെ പ്രാരംഭ പതിപ്പിന്റെ വില. ടെക്ക് ലൈന്(HT) , GT ലൈന് എന്നിങ്ങനെ രണ്ട് വകഭേതങ്ങളിലാണ് സെല്റ്റോസിനെ കമ്പി പുറത്തിറക്കുന്നത്.
ഇരു വകഭേതങ്ങളിലും മൂന്ന് പതിപ്പുകള് വീതം വാഹനത്തില് വരുന്നുണ്ട്. ഏറ്റവും ഉയര്ന്ന പതിപ്പിന് 15.99 ലക്ഷം രൂപയാണ് എക്സ്-ഷോറൂം വില. വാഹനത്തിന്റെ ബുക്കിങ് നിര്മ്മാതാക്കള് നേരത്തെ തന്നെ ആരംഭിച്ചിരുന്നു. 25,000 രൂപയാണ് ബുക്കിങ് തുക.
Variant | 1.5 Petrol | 1.5 Diesel | 1.4 T-GDI Petrol |
HTE | Rs 9.69 Lakh | Rs 9.99 Lakh | - |
HTK | Rs 9.99 Lakh | Rs 11.19 Lakh | - |
HTK+ | Rs 11.99 Lakh | Rs 12.19 Lakh | - |
HTK+ (6 AT) | - | Rs 13.19 Lakh | - |
HTX | Rs 12.79 Lakh | Rs 13.79 Lakh | - |
HTX (IVT) | Rs 13.79 Lakh | - | - |
HTX+ | - | Rs 14.99 Lakh | - |
HTX+ (6 AT) | - | Rs 15.99 Lakh | - |
GTK | - | - | Rs 13.49 Lakh |
GTX | - | - | Rs 14.99 Lakh |
GTX (7 DCT) | - | - | Rs 15.99 Lakh |
GTX+ | - | - | Rs 15.99 Lakh |
ഇന്ത്യന് വാഹന വിപണി വലിയ പ്രതിസന്ധികള് നേരിടുന്ന സാഹചര്യത്തിലും സെല്റ്റോസിന് വന് വരവേല്പ്പാണ് വിപണിയില് ലഭിച്ചത്. 20 ദിവസങ്ങള് കൊണ്ട് 23,000 ബുക്കിങുകളാണ് വാഹനം നേടിയത്.
സെല്റ്റസ് എന്ന ഹെര്ക്കുലീസിന്റെ പുത്രനില് നിന്നാണ് പുതിയ എസ്യുവിയുടെ പേര് വരുന്നത്. അതിനാല് തന്നെ വാഹനത്തിന്റെ സ്പോര്ടി ഫീല്, വേഗത, രൂപഭംഗി എന്നിവയ്ക്ക് ഒരു പൗരാണിക ശക്തിയും ഭാവവും നല്കുന്നു.
ഇന്ടെന്സ് റെഡ്, അറോറ ബ്ലാക്ക് പേള്, ഗ്ലേസിയര് വൈറ്റ് പേള്, പഞ്ചി ഓറഞ്ച്, ഇന്ലിജെന്സി ബ്ലൂ, ഗ്രാവിറ്റി ഗ്രേ, സറ്റീല് സില്വര്, ക്ലിയര് വൈറ്റ് എന്നിങ്ങനെ എട്ട് ഒറ്റ നിറങ്ങളിലും.
ഇന്ടെന്സ് റെഡ്/അറോറ ബ്ലാക്ക് പേള്, സറ്റീല് സില്വര്/അറോറ ബ്ലാക്ക് പേള്, ഗ്ലേസിയര് വൈറ്റ് പേള്/അറോറ ബ്ലാക്ക് പേള്, ഗ്ലേസിയര് വൈറ്റ് പേള്/പഞ്ചി ഓറഞ്ച്, സറ്റീല് സില്വര്/പഞ്ചി ഓറഞ്ച് എന്നിങ്ങനെ അഞ്ച് ഇരട്ട നിറങ്ങളിലുമായി 13 നിറങ്ങളില് വാഹനം ലഭ്യമാവും.
നാല് ഗിയര്ബോക്സുകള്ക്കൊപ്പം മൂന്ന് എഞ്ചിന് ഓപ്ഷനാണ് വാഹനത്തിനുള്ളത്. ഓട്ടോമാറ്റിക്ക് പതിപ്പില് മൂന്ന് ഗിയര്ബോക്സുകള് നല്കുന്ന രാജ്യത്തെ ആദ്യ വാഹനമാണ് സെല്റ്റോസ്.
Most Read: കിയ സെല്റ്റോസ്; ആദ്യ ഡ്രൈവ് റിവ്യൂ
മൂന്ന് എഞ്ചിനുകളില് രണ്ട് പെട്രോള് പതിപ്പുകളും ഒരു ഡീസല് പതിപ്പുമാണ് വരുന്നത്. 140 bhp കരുത്തും 244 Nm torque ഉം പുറപ്പെടുവിക്കുന്ന 1.4 ലിറ്റര് ടര്ബോ പെട്രോള് യൂണിറ്റാണ് വാഹനത്തിലെ ഏറ്റവും കരുത്തുറ്റ എഞ്ചിന്.
Most Read: ടാറ്റ ഹാരിയറിനെക്കാളും കേമനോ എംജി ഹെക്ടര്? - റിവ്യു
1.5 ലിറ്റര് പെട്രോള് യൂണിറ്റാണ് വാഹനത്തിന്റെ പ്രാരംഭ പതിപ്പില് എത്തുന്നത്. 115 bhp കരുത്തും 144 Nm torque ഉം ഉത്പാദിപ്പിക്കാന് നാച്ചുറലി ആസ്പിരേറ്റഡ് പെട്രോള് എഞ്ചിന് സാധിക്കും. 1.5 ലിറ്റര് ഡീസല് യൂണിറ്റ് 115 bhp കരുത്തും 250 Nm torque ഉം പ്രധാനം ചെയ്യുന്നു.
Most Read: ടാറ്റ ഹാരിയർ ഡാർക്ക് എഡിഷൻ ഉടൻ എത്തും
മൂന്ന് എഞ്ചിനുകളും അടിസ്ഥാനമായി ആറ് സ്പീഡ് മാനുവല് ഗിയര്ബോക്സിലേക്കാണ് ഘടിപ്പിച്ചിരിക്കുന്നത്. 1.4 ലിറ്റര് ഓട്ടോമാറ്റിക്ക് പതിപ്പില് ഏഴ് സ്പീഡ് ഇരട്ട ക്ലച്ച് ഗിയര്ബോക്സും, 1.5 പെട്രോളിന് CVT ഓട്ടോമാറ്റിക്ക് ഓപ്ഷനും, ഡീസല് പതിപ്പില് torque കണ്ലെര്ട്ടര് ഗിയര്ബോക്സുമാണ് നിര്മ്മാതാക്കള് നല്കുന്നത്.
D -കട്ട് സ്റ്റിയറിങ് വീല്, അതോടൊപ്പം നാവിഗേഷന്, ക്ലൈമറ്റ് കണ്ട്രോള്, എയര് പ്യൂരിഫൈയര്, സൗണ്ട് മൂഡ് ലാമ്പ്, 360 ഡിഗ്രി ക്യാമറ, ഡ്രൈവര് അസിസ്റ്റ് സംവിധാനങ്ങള്, ഹെഡ്-അപ്പ് ഡിസ്പ്ലേ എന്നിവയെല്ലാം ക്രമീകരിക്കാന് 10.25 ഇഞ്ച് ടച്ച്സ്ക്രീന് ഇന്ഫൊടെയിന്മെന്റ് സിസ്റ്റമാണ് സെല്റ്റോസില് വരുന്നത്.
7.0 ഇഞ്ച് മള്ട്ടി ഇന്ഫൊര്മേഷന് ഡിസ്പ്ലേ, എട്ട് സ്പീക്കറോടു കൂടിയ ബോസ് മ്യൂസിക്ക് സിസ്റ്റം, കിയയുടെ UVO കണക്ടിവിറ്റി ആപ്പ്, 360 ഡിഗ്രി ക്യാമറ, പിന് വ്യൂ മോണിറ്റര്, ബ്ലൈന്റ് വ്യൂ മോണിറ്റര് എന്നിവ വാഹനത്തില് വരുന്നു.
ചായ്ക്കാന് കഴിയുന്ന പിന് നിര സീറ്റുകള്, സണ്റൂഫ്, ആന്റിഗ്ലെയര് മിറര്, ഓട്ടോ ലൈറ്റ് കണ്ട്രോള്, മഴ സെന്സ് ചെയ്യുന്ന വൈപ്പറുകള്, ടയര് പ്രഷര് മാനേജ്മന്റ് സിസ്റ്റം, സ്മാര്ട്ട്ഫോണുകള്ക്കായി വയര്ലെസ്സ് ചാര്ജര് എന്നിവയുമുണ്ട്.
നിരവധി സുരക്ഷാ ക്രമീകരണങ്ങളോടെയാണ് സെല്റ്റോസ് വിപണിയിലെത്തുന്നത്. ഏതൊരു അപകടത്തില് നിന്നും യാത്രക്കാരെ സുരക്ഷിതമായി സൂക്ഷിക്കാനായി ആറ് എയര്ബാഗുകള്, ABS, വെഹിക്കിള് സ്റ്റെബിലിറ്റി മാനേജ്മെന്റ്, ESC, ഹില് സ്റ്റാര്ട്ട് അസിസ്റ്റ്, മുന്നിലും പിന്നിലും പാര്ക്കിങ് സെന്സറുകള്, ബ്രേക്ക്-ഫോര്സ് അസിസ്റ്റ് സിസ്റ്റം എന്നിവ നിര്മ്മാതാക്കള് ഒരുക്കിയിരിക്കുന്നു.
കമ്പനിയുടെ സ്ഗ്നേച്ചര് ടൈഗര് നോസ് ഗ്രില്ലിന് മേല് ഒഴുകി വരുന്ന കിയ ബാഡ്ജ് അടങ്ങിയ ക്ലാംഷെല് ബോണറ്റാണ് സെല്റ്റോസില് വരുന്നത്. ഗ്രില്ലിന് ഇരുവശവുമായി ഹാര്ട്ട് ബീറ്റ് എല്ഇഡി ഡേ ടൈം റണ്ണിങ് ലൈറ്റുകള് വരുന്ന ക്രൗണ് ജുവല് എല്ഇഡി ഹെഡ്ലാമ്പുകളുമാണ്. ഐസ് ക്യൂബ് ശൈലിയില് വരുന്ന ഫോള് ലാമ്പുകളും വളരെ മനോഹരമായി ബംപറില് ഘടിപ്പിച്ചിരിക്കുന്നു.
ചതുരാകൃതിയിലുള്ള വീല് ആര്ച്ചുകള് വശങ്ങളില് വാഹനത്തിന് ഒരു എസ്യുവിയുടെ പരുക്കന് ഭാവങ്ങള്ക്ക് മാറ്റ് കൂട്ടുന്നു. വകഭേതങ്ങള്ക്കനുസരിച്ച് 16 ഇഞ്ച്, 17 എഞ്ച് വീലുകളാണ് സെല്റ്റോസില് വരുന്നത്.
വാഹനത്തിന്റെ പിന്ഭാഗത്ത് വീണ്ടും ഹാര്ട്ട് ബീറ്റ് ശൈലിയില് വരുന്ന എല്ഇഡി ടെയില് ലാമ്പുകളാണ്. എയര് ഡാം ഡിസൈനൊപ്പം വരുന്ന റിഫ്ളെക്ടറുകള്, സ്പോയിലര്, സ്കിഡ് പ്ലേറ്റുകള്, നടുവില് ക്രോം ഘടകങ്ങള് വരുന്ന ഇരട്ട മഫ്ളര് എന്നിവ സെല്റ്റോസിന്റെ പിന്ഭാഗത്തെ സവിശേഷതകള്.