Just In
- 18 min ago ഇവർ വരുന്നതോടെ ക്രെറ്റയുടെ വിൽപ്പന തീരും? സെഗ്മെന്റ് പിടിക്കാൻ ടാറ്റയും സിട്രണും
- 54 min ago കുട്ടികളോട് നിങ്ങൾ ഇങ്ങനെ ചെയ്യരുത്, കാറിൽ ഒറ്റയ്ക്ക് ഇരുത്തരുതെന്ന് ദുരന്ത നിവാരണ അതോറിറ്റിയുടെ മുന്നറിയിപ്
- 2 hrs ago സ്റ്റെഡി ലൈക്ക് എ വടി! 3 വർഷം തുടർച്ചയായി മികച്ച നേട്ടം; ഇന്ത്യയിൽ മാഗ്നൈറ്റുമായി നാഴികക്കലുകൾ കീഴടക്കി നിസാൻ
- 2 hrs ago ചുവപ്പ് മാത്രമല്ല, 'വെള്ള' കണ്ടാലും കലിപ്പ്! വൈറ്റ് എല്ഇഡി ലൈറ്റുള്ള വാഹനങ്ങള്ക്ക് പണി കിട്ടും
Don't Miss
- Lifestyle ശരീരത്തിലെ വിഷാംശം നീക്കുന്ന കരള്; കരുത്തുറ്റ കരളിന് വേണം ഈ സൂപ്പര്ഫുഡ്
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
- News ചാലക്കുടിയില് വിജയം ഉറപ്പിച്ച് യുഡിഎഫ്: ഇടത് ആത്മവിശ്വാസം രവീന്ദ്രനാഥിന്റെ ജനകീയതയില്
- Sports T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട്
- Movies ഞാൻ നടിയാണെന്ന് മറന്നു, ഓടിപ്പോയി കെട്ടിപ്പിടിച്ചു; ഉടനെ ശ്രീദേവി എന്നോട് പറഞ്ഞത്; ഉർവശിയുടെ വാക്കുകൾ
- Technology തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
- Finance ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം
TUV300 എഎംടി പതിപ്പിനെ മഹീന്ദ്ര നിര്ത്തി
പരിഷ്കാരങ്ങളുമായി മഹീന്ദ്ര TUV300 ഫെയ്സ്ലിഫ്റ്റ് വിപണിയില് എത്തിയത് അടുത്തിടെയാണ്. അകത്തളത്തിലും പുറംമോടിയിലും പുതുമ വരിച്ചെത്തിയ TUV300 -യില് എഞ്ചിനും ഗിയര്ബോക്സിനും മാത്രം പരിഷ്കാരങ്ങള് സംഭവിച്ചില്ല. എന്നാല് ഇപ്പോള് TUV300 നിരയില് നിന്നും എഎംടി മോഡലിനെ കമ്പനി പിന്വലിച്ചു.
നേരത്തെ എസ്യുവിയുടെ T8, T10 വകഭേദങ്ങളിലാണ് എഎംടി ഗിയര്ബോക്സ് ലഭ്യമായിരുന്നത്. മഹീന്ദ്രയുടെ ഔദ്യോഗിക വെബ്സൈറ്റ് പ്രകാരം നിലവില് അഞ്ചു സ്പീഡ് മാനുവല് ഗിയര്ബോക്സ് മാത്രമേ TUV300 മോഡലുകളിലൂള്ളൂ. പുതിയ XUV300 ഓട്ടോമാറ്റിക്കിന്റെ വരവ് മുന്നിര്ത്തിയാണ് TUV300 എഎംടിയുടെ പിന്മാറ്റം.
നഗരങ്ങളില് XUV300 -യ്ക്ക് പ്രചാരമേറുമ്പോള് ചെറു പട്ടണങ്ങളിലും ഗ്രാമങ്ങളിലുമാണ് TUV300 -യ്ക്ക് ആവശ്യക്കാര് കൂടുതല്. ഇക്കാരണത്താല് എഎംടിയുടെ ഗിയര്ബോക്സിന്റെ അഭാവം TUV300 വില്പ്പനയെ സാരമായി ബാധിക്കില്ല. മറുഭാഗത്ത് മാനുവല് ഗിയര്ബോക്സ് മാത്രമേയുള്ളൂവെന്ന ആക്ഷേപം തുടച്ചുനീക്കാന് ഒരുങ്ങുകയാണ് മഹീന്ദ്ര XUV300.
എന്തായാലും TUV300 എഎംടി പിന്മാറിയ സാഹചര്യത്തില് മാരുതി സുസുക്കി വിറ്റാര ബ്രെസ്സയും ടാറ്റ നെക്സോണും മാത്രമാണ് ഇപ്പോള് നാലു മീറ്ററില് താഴെയുള്ള ഡീസല് ഓട്ടോമാറ്റിക് എസ്യുവികള്. ഫോര്ഡ് ഇക്കോസ്പോര്ടിലും പുതിയ ഹ്യുണ്ടായി വെന്യുവിലും ഓട്ടോമാറ്റിക് ഗിയര്ബോക്സുകളുണ്ടെങ്കിലും ഡീസല് പതിപ്പില് ഇവ ലഭ്യമല്ല.
വിറ്റാര ബ്രെസ്സയുടെ കാര്യമെടുത്താല് 8.69 ലക്ഷം രൂപയ്ക്കാണ് പ്രാരംഭ ബ്രെസ്സ ഡീസല് ഓട്ടോമാറ്റിക് വില്പ്പനയ്ക്ക് വരുന്നത്. ഏറ്റവും ഉയര്ന്ന ഡീസല് ഓട്ടോമാറ്റിക് മോഡല് 10.65 ലക്ഷം രൂപ വില കുറിക്കും (ദില്ലി ഷോറൂം). 89 bhp കരുത്തും 200 Nm torque ഉം സൃഷ്ടിക്കുന്ന 1.3 ലിറ്റര് DDiS എഞ്ചിനില് അഞ്ചു സ്പീഡ് എഎംടി ഗിയര്ബോക്സാണ് മാരുതി സമര്പ്പിക്കുന്നതും.
8.84 ലക്ഷം രൂപയ്ക്കാണ് നെക്സോണ് ഡീസല് ഓട്ടോമാറ്റിക് മോഡലുകളുടെ വരവ്. ഏറ്റവും ഉയര്ന്ന നെക്സോണ് ഡീസല് ഓട്ടോമാറ്റിക്കിന് വില 10.90 ലക്ഷം രൂപ വരെ വര്ധിക്കും (ദില്ലി ഷോറൂം). 1.5 ലിറ്റര് റെവടോര്ഖ് യൂണിറ്റാണ് നെക്സോണ് ഡീസലില് തുടിക്കുന്നത്.
Most Read: അടുത്ത വര്ഷം ഉത്പാദനം നിര്ത്തുന്ന പത്ത് ഡീസല് കാറുകള്
എഞ്ചിന് 108 bhp കരുത്തും 260 Nm torque ഉം പരമാവധി ഉത്പാദിപ്പിക്കും. ആറു സ്പീഡാണ് നെക്സോണിലെ എഎംടി ഗിയര്ബോക്സ്. 100 bhp കരുത്തും 240 Nm torque -മാണ് TUV300 ഫെയ്സ്ലിഫ്റ്റിലെ എംഹൊക്ക് 100 ഡീസല് എഞ്ചിന് സൃഷ്ടിക്കുന്നത്.
Most Read: മെര്സിഡീസ് ബെന്സിനെ പരിഹസിച്ച് ബിഎംഡബ്ല്യു — വീഡിയോ
നിരയില് നിന്നും എഎംടി ഗിയര്ബോക്സ് അപ്രത്യക്ഷമായ സാഹചര്യത്തില് ഇനി അഞ്ചു സ്പീഡ് മാനുവല് ഗിയര്ബോക്സ് മാത്രമേ എസ്യുവിയിലുള്ളൂ. ഇരട്ട എയര്ബാഗുകള്, ആന്റി - ലോക്ക് ബ്രേക്കിങ് സംവിധാനം, ഇലക്ട്രോണിക് ബ്രേക്ക്ഫോഴ്സ് ഡിസ്ട്രിബ്യൂഷന് തുടങ്ങിയ സുരക്ഷാ സംവിധാനങ്ങള് TUV300 -യിലുണ്ട്.
Most Read: ബുള്ളറ്റോ ഫോര്ച്യൂണറോ, ആരു ജയിക്കും പന്തയത്തില്? — വീഡിയോ
ഏഴു നിറങ്ങളിലാണ് എസ്യുവി വില്പ്പനയ്ക്ക് അണിനിരക്കുന്നത്. അടുത്തവര്ഷം ഭാരത് സ്റ്റേജ് VI നിര്ദ്ദേശങ്ങള് പ്രാബല്യത്തില് വരുന്നതോടെ TUV300 -യുടെ വില വിപണിയില് കുതിച്ചുയരുമെന്നാണ് വിലയിരുത്തല്.