ഫീച്ചറുകളുടെ ധാരാളിത്തവുമായി മഹീന്ദ്ര XUV300, അറിഞ്ഞിരിക്കേണ്ട ചില കാര്യങ്ങള്‍

ഇന്ത്യന്‍ വാഹന വിപണി കാത്തിരുന്ന കോമ്പാക്റ്റ് എസ്‌യുവി മഹീന്ദ്ര XUV300 ഫെബ്രുവരി 14 -ന് വിപണിയിലെത്തുകയാണ്. നാല് മീറ്ററില്‍ താഴെയുള്ള ഈ കോമ്പാക്റ്റ് എസ്‌യുവി ഒത്തിരി മികച്ച ഫീച്ചറുകളാണ് വാഹന പ്രേമികള്‍ക്കായി ഒരുക്കിയിരിക്കുന്നത്. W4, W6, W8, W8(O) എന്നീ നാല് വകഭേദങ്ങളിലായിരിക്കും പുത്തന്‍ XUV300 എത്തുക. സാങ്‌യോങ് ടിവോലിയെ അടിസ്ഥാനമാക്കിയുള്ള മഹീന്ദ്ര XUV300 -യുടെ പ്രധാന സവിശേഷതകള്‍ എന്തെല്ലാമാണെന്ന് നോക്കാം.

മഹീന്ദ്ര XUV300

ഇരട്ട സോണ്‍ എയര്‍ ക്ലൈമറ്റ് കണ്‍ട്രോള്‍

XUV300 -യുടെ W8 വകഭേദത്തിലാണ് ഈ ഫീച്ചറുള്ളത്. ഈ ശ്രേണിയിലെ വാഹനങ്ങളില്‍ ആദ്യമായാണ് ഇത്തരത്തിലൊരു സംവിധാനം വരുന്നത്. ഡ്രൈവറുടെയും യാത്രക്കാരുടെയും ഇഷ്ടത്തിനനുസരിച്ച് കാറിനുള്ളിലെ താപനില നിയന്ത്രിക്കുന്നതില്‍ ഇരട്ട സോണ്‍ എയര്‍ ക്ലൈമറ്റ് കണ്‍ട്രോള്‍ മുഖ്യ പങ്ക് വഹിക്കുന്നു.

മഹീന്ദ്ര XUV300

ഏഴ് എയര്‍ബാഗുകള്‍

XUV300 -യുടെ പ്രാരംഭ മോഡലില്‍ ഇരട്ട എയര്‍ബാഗുകളാണ് ഉള്ളത്. എന്നാല്‍ ഏറ്റവും ഉയര്‍ന്ന മോഡലായ W8 (O) -യില്‍ ഏഴ് എയര്‍ബാഗുകളുണ്ട്. മഹീന്ദ്ര XUV300 -യുടെ എതിരാളികളിലൊരാളായ ഫോര്‍ഡ് ഇക്കോസ്‌പോര്‍ടിലാവട്ടെ പരമാവധി ആറ് എയര്‍ബാഗുകള്‍ മാത്രമെയുള്ളൂ.

മഹീന്ദ്ര XUV300

നാല് ഡിസ്‌ക്ക് ബ്രേക്കുകള്‍

ഏതൊരു വാഹനത്തിലും യാത്രക്കാരുടെ സുരക്ഷയാണ് പ്രധാനം. XUV300 -യുടെ എല്ലാ മോഡലുകളിലും സ്റ്റാന്‍ഡേര്‍ഡ് ഡിസ്‌ക്ക് ബ്രേക്ക് സംവിധാനമാണുള്ളത്. ഡിസ്‌ക്ക് ബ്രേക്കുകള്‍ക്ക് പുറമെ, എബിഎസ്, ഇബിഡി എന്നിവയും സ്റ്റാന്‍ഡേര്‍ഡ് നിലവാരം കാത്തു സൂക്ഷിക്കുന്നു.

മഹീന്ദ്ര XUV300

ഹീറ്റഡ് മിററുകള്‍

തണുത്ത കാലാവസ്ഥകളില്‍ കാറിന്റെ മിററുകള്‍ മഞ്ഞ് മൂടപ്പെടുന്നത് പതിവാണ്. എന്നാല്‍, XUV300 -യിലെ ഹീറ്റഡ് മിററുകള്‍ ഈ പ്രശ്‌നത്തിന് അറുതി വരുത്തും. എത്ര തണുത്ത കാലാവസ്ഥയിലും വ്യക്തതയാര്‍ന്ന ദൃശ്യങ്ങള്‍ ഇവ നല്‍കും.

മഹീന്ദ്ര XUV300

ഫ്രണ്ട് പാര്‍ക്കിംഗ് സെന്‍സറുകള്‍

ശ്രേണിയിലെ മറ്റു പല മോഡലുകളെല്ലാം തന്നെ പാര്‍ക്കിംഗ് സെന്‍സറുകള്‍ പിന്നിലാണെന്നിരിക്കേ, XUV300 ഇതിലും ഒരുപടി മുന്നിട്ട് നില്‍ക്കുകയാണ്. ഫ്രണ്ട് പാര്‍ക്കിംഗ് സെന്‍സറാണ് XUV300 -യ്ക്ക് മുന്‍തൂക്കം നല്‍കുന്ന ഘടകം. എന്നാലിത് XUV300 -യുടെ ടോപ്പ് എന്‍ഡ് W8 (O) വകഭേദത്തില്‍ മാത്രമെ ലഭ്യമാവൂ.

മഹീന്ദ്ര XUV300

ഫ്രണ്ട് ടയര്‍ പൊസിഷന്‍ ഇന്‍ഡിക്കേറ്റര്‍

മഹീന്ദ്ര XUV300 -യുടെ ടോപ്പ് എന്‍ഡ് വകഭേദമായ W8 (O) -യില്‍ ലഭ്യമാവുന്നൊരു ഫീച്ചറാണിത്. ഇടുങ്ങിയ പ്രദേശങ്ങളിലൂടെയുള്ള ഡ്രൈവുകളില്‍ ഇത് കാറിന്റെ ടയര്‍ പൊസിഷന്‍ തിരിച്ചറിയാന്‍ സഹായിക്കും. ഇതാദ്യമായല്ല മഹീന്ദ്ര ശ്രേണിയിലെ ആദ്യ ഫീച്ചറുകളുമായെത്തുന്നത്. ഇതിന് മുമ്പ് മറാസോയിലും ആള്‍ട്യുറാസ് G4 -ലും ചില ഫീച്ചറുകള്‍ മഹീന്ദ്ര അവതരിപ്പിച്ചിട്ടുണ്ട്.

Most Read Articles

Malayalam
കൂടുതല്‍... #മഹീന്ദ്ര #mahindra
English summary
Mahindra XUV 300 — Top Things To Know About The Compelling Compact-SUV From Mahindra: read in malayalam
 
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
X