Just In
- 3 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 4 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 4 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 5 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- Lifestyle മുഖത്തെ കരുവാളിപ്പിന് അടുക്കളക്കൂട്ടില് പെട്ടെന്ന് പരിഹാരം
- Sports IPL 2024: റയാന് പരാഗ് 2.0; വിമര്ശകരുടെ വായടപ്പിച്ച വെടിക്കെട്ട്; രാജസ്ഥാന്റെ രക്ഷകനായി പരാഗ്
- News സാമ്പത്തികനേട്ടങ്ങള് ഉണ്ടാകും, പ്രണയലക്ഷ്യങ്ങള് സാധിക്കും, നിങ്ങളുടെ രാശിഫലം അറിയാം
- Movies ട്രെയിനില് വിശന്നിരുന്ന എനിക്ക് ഭക്ഷണം തന്ന ആ യുവാവ്; സുരേഷ് ഗോപിയെക്കുറിച്ച് മണിയന് പിള്ള രാജു
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
ഒരുമാസംകൊണ്ട് നേടിയത് 13,000 യൂണിറ്റ് ബുക്കിംഗ്, തരംഗമായി മഹീന്ദ്ര XUV300
പുത്തന് മഹീന്ദ്ര XUV300 ഇന്ത്യയില് ബമ്പര് ഹിറ്റ്. വില്പ്പനയ്ക്കെത്തി കൃത്യം ഒരുമാസം പിന്നിടുമ്പോള് 13,000 യൂണിറ്റിലേറെ ബുക്കിംഗ് നേടിയിരിക്കുകയാണ് പുതിയ മഹീന്ദ്ര എസ്യുവി. രണ്ടരലക്ഷം അന്വേഷണങ്ങളും XUV300 -യെ തേടി ഇതിനോടകം എത്തി. ഫെബ്രുവരി 14 -ന് വില്പ്പനയ്ക്ക് അണിനിരന്ന മഹീന്ദ്ര XUV300, കേവലം 15 ദിവസങ്ങള് കൊണ്ടുതന്നെ 4,484 യൂണിറ്റുകളുടെ വില്പ്പന കുറിച്ചിരുന്നു. കോമ്പാക്ട് എസ്യുവി ശ്രേണിയില് 15 മുതല് 20 ശതമാനം വിഹിതമാണ് പുതിയ XUV300 മുഖേന മഹീന്ദ്ര ലക്ഷ്യമിടുന്നത്.
ലഭിച്ച ബുക്കിംഗുകളില് 75 ശതമാനത്തിലേറെയും ഉയര്ന്ന XUV300 വകഭേദങ്ങള്ക്ക് വേണ്ടിയാണെന്നു കമ്പനി പറയുന്നു. 7.90 ലക്ഷം രൂപ പ്രാരംഭ വിലയിലാണ് XUV300 വിപണിയില് അണിനിരക്കുന്നത്. W4, W6, W8, W8 OPT എന്നിങ്ങനെ നാലു വകഭേദങ്ങള് മോഡലിലുണ്ട്. XUV300 -യിലുള്ള 1.2 ലിറ്റര് മൂന്നു സിലിണ്ടര് പെട്രോള് എഞ്ചിന് 110 bhp കരുത്തും 200 Nm torque ഉം പരമാവധി സൃഷ്ടിക്കും.
Most Read: അമേസിന് താഴെ ഇനിയൊരു കാറിനെ ഹോണ്ട പുറത്തിറക്കില്ല, കാരണമിതാണ്
115 bhp കരുത്തും 300 Nm torque ഉം കുറിക്കാന് എസ്യുവിയിലെ 1.5 ലിറ്റര് ഡീസല് യൂണിറ്റിന് ശേഷിയുണ്ട്. ശ്രേണിയിലെ ഏറ്റവും ഉയര്ന്ന കരുത്തുത്പാദനം XUV300 അവകാശപ്പെടുന്നു. ഇരു എഞ്ചിന് പതിപ്പുകളിലും ആറു സ്പീഡാണ് മാനുവല് ഗിയര്ബോക്സ്. XUV300 -യുടെ എഎംടി പതിപ്പും ഉടന് വിപണിയില് വരാനിരിക്കുകയാണ്.
നിലവില് മുന് വീല് ഡ്രൈവാണ് XUV300 മോഡലുകള് മുഴുവന്. ശ്രേണിയില്ത്തന്നെ ആദ്യമായ ഒരുപിടി സൗകര്യങ്ങളും സംവിധാനങ്ങളും മഹീന്ദ്ര XUV300 -യുടെ മാറ്റുകൂട്ടുന്നു. പ്രാരംഭ W4 പെട്രോള് മോഡലില് 16 ഇഞ്ച് വലുപ്പമുള്ള സ്റ്റീല് റിമ്മുകളാണ് ഇടംപിടിക്കുന്നത്.
മള്ട്ടി മോഡുകളുള്ള സ്റ്റീയറിംഗ് വീലും ഇന്സ്ട്രമെന്റ് ക്ലസ്റ്ററിലെ ഗിയര് ഷിഫ്റ്റ് ഇന്ഡിക്കേറ്ററും നാലു സ്പീക്കര് ഓഡിയോ സംവിധാനവും W4 മോഡലിന്റെ സവിശേഷതയായി ചൂണ്ടിക്കാട്ടാം. എബിഎസും ഇരട്ട എയര്ബാഗുകളും അടിസ്ഥാന ഫീച്ചറുകളുടെ പട്ടിക പൂര്ണ്ണമാക്കും.
Most Read: ഹ്യുണ്ടായി എലൈറ്റ് i20 -യുടെ വിലയ്ക്ക് ടൊയോട്ട യാരിസ് ഓട്ടോമാറ്റിക്, അറിയേണ്ടതെല്ലാം
W6 പെട്രോള്, ഡീസല് മോഡലുകള് കൂടുതല് സൗകര്യങ്ങള് അവകാശപ്പെടുന്നുണ്ട്. ഓഡിയോ കണ്ട്രോള് ബട്ടണുകളുള്ള സ്റ്റീയറിംഗ് വീല്, റിമോട്ട് കീ, വീല് ക്യാപ്പുകള്, സില്വര് ഗ്രില്ല്, ഡോര് ക്ലാഡിംഗ്, കറുത്ത റൂഫ് റെയിലുകള്, ഹാച്ച് ലിഡ് സ്പോയിലര്, സ്റ്റോപ്പ് ലാമ്പ് മുതലായ സജ്ജീകരണങ്ങള് XUV300 W6 മോഡലുകളെ സമ്പന്നമാക്കും.
അകത്തളത്തില് കൂടുതല് സൗകര്യം പ്രദാനം ചെയ്താണ് W8 മോഡലിന്റെ ഒരുക്കം. ഉയരം ക്രമീകരിക്കാവുന്ന ഡ്രൈവര് സീറ്റ്, പുഷ് ബട്ടണ് സ്റ്റാര്ട്ട്, കീലെസ് എന്ട്രി, 7.0 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സംവിധാനം, ആറു സ്പീഡ് ഓഡിയോ സംവിധാനം, പിന് പാര്ക്കിംഗ് ക്യാമറ, ക്രൂയിസ് കണ്ട്രോള്, ഇരട്ട സോണ് ക്ലൈമറ്റ് കണ്ട്രോള്, തുകല് ആവരണമുള്ള സ്റ്റീയറിംഗ് വീല്, പ്രൊജക്ടര് ഹെഡ്ലാമ്പുകള്, 17 ഇഞ്ച് അലോയ് വീലുകള്, ആംബിയന്റ് ലൈറ്റിംഗ്, ഹീറ്റഡ് മിററുകള്, സാറ്റിന് സ്കിഡ് പ്ലേറ്റുകള് എന്നിങ്ങനെ നീളും എസ്യുവിയിലെ വിശേഷങ്ങള്.
യാത്രക്കാരുടെ സുരക്ഷയ്ക്കായി ഏഴു എയര്ബാഗുകള്, എബിഎസ്, ഇബിഡി, ഇഎസ്പി, റോള്ഓവര് മിറ്റിഗേഷന്, ഹില് ഹോള്ഡ്, നാലു ടയറുകളിലും ഡിസ്ക്ക് ബ്രേക്കുകള്, മുന് പാര്ക്കിംഗ് സെന്സറുകള്, പിന് പാര്ക്കിംഗ് സെന്സറുകള്, വേഗ മുന്നറിയിപ്പ് സംവിധാനം, സീറ്റ് ബെല്റ്റ് റിമൈന്ഡര് മുതലായ സജ്ജീകരണങ്ങള് മഹീന്ദ്ര XUV300 -യില് ഒരുങ്ങുന്നുണ്ട്. വിപണിയില് മാരുതി വിറ്റാര ബ്രെസ്സ, ടാറ്റ നെക്സോണ്, ഫോര്ഡ് ഇക്കോസ്പോര്ട് മോഡലുകളുമായാണ് പുതിയ മഹീന്ദ്ര എസ്യുവിയുടെ മത്സരം.