Just In
- 26 min ago കാറിനും ബൈക്കിനും മാത്രമല്ല വാണിജ്യ വാഹനങ്ങൾക്കും സേഫ്റ്റി തന്നെ പ്രധാനം, കാരണമെന്താണെന്നറിയാമോ
- 1 hr ago മഹീന്ദ്ര 'പപ്പടം' അങ്ങനെ ഇറക്കാത്തതാണല്ലോ..! ഈ എസ്യുവിക്ക് ക്രാഷ് ടെസ്റ്റില് കിട്ടിയത് 1 സ്റ്റാര്
- 2 hrs ago സ്കൂട്ടറിനേക്കാൾ ലാഭമാണല്ലോ, 70 കി.മീ. വരെ റേഞ്ചുള്ള ഇലക്ട്രിക് സൈക്കിളുമായി ഹീറോ
- 3 hrs ago വിദേശ മലയാളികളുടെ ശ്രദ്ധയ്ക്ക്, സർപ്രൈസ് വെളളപ്പൊക്കത്തിൽ നിന്ന് വാഹനം എങ്ങനെ സംരക്ഷിക്കാം
Don't Miss
- Sports IPL 2024: പുറത്തായ ബട്ട്ലറെ പച്ചത്തെറി വിളിച്ച് പിയുഷ് ചൗള; കാണിച്ചത് മര്യാദകേട്!
- News തിരുവനന്തപുരത്തിനായി ഒരുപാട് കാര്യങ്ങള് ചെയ്തിട്ടുണ്ട്. ശശി തരൂര് വീണ്ടും വിജയിക്കും: പ്രകാശ് രാജ്
- Lifestyle വിളിച്ചാല് വിളിപ്പുറത്തെത്തും; കാര്യസിദ്ധിക്ക് പേരുകേട്ട ഇന്ത്യയിലെ പ്രധാന ഹനുമാന് ക്ഷേത്രങ്ങള്
- Finance 1 വർഷത്തെ കാലാവധിയുള്ള എഫ്.ഡിക്ക് മികച്ച പലിശ നേടാം, ഈ ബാങ്കിലേക്ക് പോകൂ
- Movies ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി
- Technology രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
എർട്ടിഗയ്ക്കു പിന്നാലെ സിയാസിന്റെ 1.3 ലിറ്റർ ഡീസൽ എഞ്ചിനും നിർത്തലാക്കി മാരുതി സുസുക്കി
മാരുതി സുസുക്കി എർട്ടിഗയുടെ ഡീസൽ പതിപ്പ് നിർത്തലാക്കിയതിന് പിന്നാലെ സിയാസിന്റെ ഡീസൽ എഞ്ചിൻ പതിപ്പും നിർത്തലാക്കി കമ്പനി. വരാനിരിക്കുന്ന ബിഎസ്-VI മലിനീകരണ നിരോധന ചട്ടങ്ങൾക്ക് മുന്നോടിയായാണ് മാരുതിയുടെ ഈ നീക്കം.
ഫിയറ്റിൽ നിന്നുള്ള ബിഎസ്-IV കംപ്ലയിന്റ് എഞ്ചിനായിരുന്നു മാരുതി സിയാസിലുൾപ്പടെയുള്ള കാറുകളിൽ ഉപയോഗിച്ചു വന്നിരുന്നത്. വർഷങ്ങൾക്ക് മുമ്പ് ആരംഭിച്ച ഈ മൾട്ടിജെറ്റ് 1.3 ഡീസൽ എഞ്ചിൻ ഇപ്പോഴും ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന ഡീസൽ എഞ്ചിനാണ്.
കുറച്ച് മാസങ്ങൾക്ക് മുമ്പ് വരെ മാരുതിയുടെ ഡീസൽ കാറുകളിൽ ഈ എഞ്ചിൻ കമ്പനി പ്രവർത്തിപ്പിച്ചിരുന്നു. എന്നാൽ ഇപ്പോൾ മാരുതി സ്വന്തം ഡീസൽ എഞ്ചിനായ 1.5 ലിറ്ററിലേക്ക് പതുക്കെ മാറുകയും 1.3 ഡീസൽ എഞ്ചിനിൽ നിന്ന് പുറത്തുകടക്കുകയുമാണ് കമ്പനി.
അടുത്തിടെ തങ്ങളുടെ ജനപ്രിയ എംപിവിയായ എർട്ടിഗയിൽ വാഗ്ദാനം ചെയ്തുവന്നിരുന്ന 1.3 ഡീസൽ എഞ്ചിനുകൾ മാരുതി സുസുക്കി നിർത്തലാക്കി. ഇപ്പോൾ കമ്പനി തന്നെ വികസിപ്പിച്ചെടുത്ത 1.5 ലിറ്റർ ഡീസൽ എഞ്ചിനാണ് എർട്ടിഗയിൽ വാഗ്ദാനം ചെയ്യുന്നത്. അതേ 1.5 ലിറ്റർ ഡീസൽ എഞ്ചിനിലാണ് ഇനി മുതൽ സിയാസും വിപണിയിലെത്തുക.
ഫിയറ്റിൽ നിന്നുമുള്ള 1.3 ലിറ്റർ ഡീസൽ എഞ്ചിൻ മാരുതി മോഡലുകളിൽ വളരെക്കാലമായി ലഭ്യമാണ്. ആദ്യ തലമുറ സ്വിഫ്റ്റിൽ ഇത് അരങ്ങേറ്റം കുറിക്കുകയും പിന്നീട് ഡിസയർ, റിറ്റ്സ്, എർട്ടിഗ, എസ്-ക്രോസ്, വിറ്റാര ബ്രെസ, ഇഗ്നിസ്, ബലേനോ, സിയാസ് എന്നിവയുൾപ്പെടെ മറ്റ് മോഡലുകളിലേക്ക് ഇത് വേഗത്തിൽ എത്തിക്കുകയും ചെയ്തു.
1.3 ലിറ്റർ എഞ്ചിന്റെ രണ്ട് പതിപ്പുകൾ ലഭ്യമായിരുന്നു. ഒന്ന് 75 bhp കരുത്തിൽ 190 Nm torque ഉത്പാദിപ്പിക്കുന്ന എഞ്ചിനും രണ്ടാമത്തേത് 90 bhp കരുത്തിൽ 200 Nm torque സൃഷ്ടിച്ചിരുന്ന മോഡലുമായിരുന്നു.
മാരുതി തന്നെ വികസിപ്പിച്ചെടുത്ത 1.5 ലിറ്റർ ഡീസൽ എഞ്ചിൻ പരമാവധി 95 bhp കരുത്തും 225 Nm torque ഉം ഉത്പാദിപ്പിക്കും. ഇത് ആറ് സ്പീഡ് മാനുവൽ ട്രാൻസ്മിഷനാണ് വാഗ്ദാനം ചെയ്യുന്നത്. നിലവിൽ ബിഎസ്-IV എഞ്ചിനാണെങ്കിലും ബിഎസ്-VI മാനദണ്ഡമനുസരിച്ച് എഞ്ചിൻ മാരുതി ഉടൻ പരിഷ്ക്കരിക്കും.
Most Read: 2020 ഓട്ടോ എക്സ്പോയിൽ അവതരിപ്പിക്കാനൊരുങ്ങുന്ന ആറ് എസ്യുവികൾ
സിയാസ് 1.3 ഡീസൽ നിർത്തലാക്കിയതിന് ശേഷം മാരുതി സുസുക്കി എസ്-ക്രോസ്, ബ്രെസ എന്നിവയുടെയും 1.3 ലിറ്റർ എഞ്ചിൻ മോഡലുകൾ കമ്പനി ഉടൻ പിൻവലിച്ചേക്കും. ബിഎസ്-VI മലിനീകരണ നിരോധന ചട്ടങ്ങള് അടിസ്ഥാനമാക്കിയുള്ള സിയാസ് ഉടൻ വിപണിയിലെത്തും.
Most Read: XL6-നെ വിപണിയിലെത്തിക്കാൻ ഒരുങ്ങി മാരുതി സുസുക്കി
പുതിയ ബിഎസ്-VI മോഡലില് നവീകരിച്ച എഞ്ചിന് മാത്രമേ മാറ്റമായി ഉണ്ടാവുകയുള്ളൂ. സെഡാന്റെ രൂപകല്പ്പനയിലും സ്റ്റൈലിംഗിലും മറ്റ് മാറ്റങ്ങളൊന്നും കമ്പനി വരുത്തുകയില്ല. കൂടാതെ മാരുതിയുടെ നെക്സ ഡീലര്ഷിപ്പുകള് വഴി മാത്രമായിരിക്കും വാഹനത്തിന്റെ വില്പ്പന.
Most Read: പുതുതലമുറ പോളോ ഇന്ത്യന് വിപണില് എത്തിക്കാനൊരുങ്ങി ഫോക്സ്വാഗണ്
ബിഎസ്-VI പതിപ്പ് വാഹനങ്ങളെല്ലാം വില വര്ധിപ്പിച്ചപോലെ പുതിയ സിയാസിലും വില വര്ധനവ് പ്രതീക്ഷിക്കാം. മാരുതി സുസുക്കി സിയാസിന് നിലവില് 8.19 ലക്ഷം രൂപ മുതല് 11.38 ലക്ഷം രൂപ വരെയാണ് എക്സ്ഷോറൂം വില. ബിഎസ്-VI പ്രീമിയം വാഹനമായി മാറുന്നതോടെ ഏകദേശം 15,000 രൂപയുടെ വില വര്ധനവാണ് പ്രതീക്ഷിക്കുന്നത്.