Just In
- 31 min ago ലോകം ഇനി ബജാജിനെ ഉറ്റുനോക്കും! ഇതുപോലൊരു ടൂവീലര് ഇതുവരെ ആരും പുറത്തിറക്കിയിട്ടില്ല
- 56 min ago ഥാറിന്റെ 'അപ്പൻ തമ്പുരാൻ'; മുഖംമിനുക്കി ജീപ്പ് റാങ്ലറിന്റെ എഴുന്നള്ളത്ത്; വില കേട്ടാൽ ഞെട്ടും
- 1 hr ago 2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ വീഡിയോ റിവ്യൂ കാണാം
- 2 hrs ago എൻഫീൽഡിന്റെ വില്ലനാവാൻ ഓസ്ട്രിയൻ മുതലാളി, കിടിലൻ ബൈക്കുകളുമായി ബ്രിക്സ്റ്റൺ ഇന്ത്യയിലേക്ക്
Don't Miss
- Sports T20 World Cup 2024: ഇതു അതു തന്നെ, സഞ്ജുവും ലോകകപ്പിന്! കോള് വന്നു? നിര്ണായക സൂചന
- News തിരഞ്ഞെടുപ്പ് കമ്മീഷന്റെ സ്വീപ് യൂത്ത് ഐക്കൺ ആണ്; പക്ഷേ മമിത ബൈജുവിന് ഇത്തവണ വോട്ടില്ല
- Finance കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം
- Lifestyle ദാമ്പത്യത്തിലെ ഈ അഞ്ച് പ്രശ്നങ്ങളാണ് വിവാഹ മോചനത്തിന് കാരണം
- Movies നിങ്ങളുടെ കൂടെ 13 വര്ഷമായെന്ന് സുപ്രിയ! അന്ന് നമ്മളും കുട്ടികളെങ്കില് ഇന്നൊരു കുട്ടിയുടെ മാതാപിതാക്കളായി!
- Technology ഏത് വിലയിലും കിടിലൻ സ്മാർട്ട്ഫോൺ റെഡി! 11 വിലകളിൽ ഫോണുമായി ഐക്യൂ Z9 സീരീസ് ലോഞ്ച് ചെയ്തു
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
തുടര്ച്ചയായി മൂന്നാം വര്ഷവും കേമന് മാരുതി സിയാസ്
ഇത്തവണയും മാരുതി സിയാസിനെ പിടിക്കാന് ഹ്യുണ്ടായി വേര്ണയ്ക്കും ഹോണ്ട സിറ്റിക്കും കഴിഞ്ഞില്ല. സി സെഗ്മന്റ് സെഡാന് വില്പ്പനയില് തുടര്ച്ചയായി മൂന്നാം വര്ഷം മാരുതി സിയാസ് ഒന്നാമത്. 2018-19 സാമ്പത്തിക വര്ഷം 46,000 സിയാസ് യൂണിറ്റുകള് വിറ്റ മാരുതി, എതിരാളികളെ ഒരിക്കല്ക്കൂടി കാഴ്ച്ചക്കാരാക്കി.
പുതിയ കണക്കുകള് പ്രകാരം 30 ശതമാനം വിപണി വിഹിതമുണ്ട് മാരുതി സിയാസിന്. പെട്രോള് - മൈല്ഡ് ഹൈബ്രിഡ്, ഡീസല് - മൈല്ഡ് ഹൈബ്രിഡ്, ഡീസല് എഞ്ചിന് പതിപ്പുകളിലാണ് മാരുതി സിയാസ് വില്പ്പനയ്ക്ക് അണിനിരക്കുന്നത്. 8.2 ലക്ഷം രൂപ മുതല് മാരുതിയുടെ പ്രീമിയം സെഡാന് വില കുറിക്കും.
Most Read: പുതിയ രൂപത്തില്, പുതിയ ഭാവത്തില് 2020 ഹ്യുണ്ടായി ക്രെറ്റ — ടെസ്ലാ മാതൃകയില് ക്യാബിന്
അടുത്തിടെയാണ് മാരുതി സ്വന്തമായി വികസിപ്പിച്ച 1.5 ലിറ്റര് നാലു സിലിണ്ടര് ടര്ബ്ബോ ഡീസല് എഞ്ചിന് സിയാസിന് ലഭിച്ചത്. ഭാരത് സ്റ്റേജ് VI നിര്ദ്ദേശങ്ങള് പിടിമുറുക്കുന്നതോടെ ഇപ്പോഴുള്ള 1.3 ലിറ്റര് ഫിയറ്റ് മള്ട്ടിജെറ്റ് ഡീസല് എഞ്ചിന് പകരക്കാരനാവും പുതിയ 1.5 ലിറ്റര് ഡീസല് യൂണിറ്റ്. നിലവില് 1.3 ലിറ്റര്, 1.5 ലിറ്റര് ഡീസല് പതിപ്പുകള് സിയാസില് തുടരുന്നുണ്ട്.
95 bhp കരുത്തും 225 Nm torque ഉം 1.5 ലിറ്റര് ഡീസല് എഞ്ചിന് പരമാവധി സൃഷ്ടിക്കും. ഇതേസമയം, 89 bhp കരുത്തും 200 Nm torque -മാണ് 1.3 ലിറ്റര് ഡീസല് എഞ്ചിനില് സമന്വയിക്കുന്നത്. പുതിയ ആറു സ്പീഡ് മാനുവല് ഗിയര്ബോക്സ് യൂണിറ്റും 1.5 ലിറ്റര് സിയാസ് മോഡലിന്റെ സവിശേഷതയാണ്.
എന്നാല് സുസുക്കിയുടെ മൈല്ഡ് ഹൈബ്രിഡ് സാങ്കേതികവിദ്യ - സുസുക്കി ഹൈബ്രിഡ് വെഹിക്കിള് സംവിധാനം പുതിയ ഡീസല് പതിപ്പിലില്ല. ഇക്കാരണത്താല് ഇന്ധനക്ഷമതയില് 1.5 ലിറ്റര് ഡീസല് മോഡല് ഒരല്പ്പം പിന്നിലാവുന്നു. 28.09 കിലോമീറ്ററാണ് 1.3 ലിറ്റര് ഫിയറ്റ് മള്ട്ടിജെറ്റ് പതിപ്പ് കാഴ്ച്ചവെക്കുന്ന ഇന്ധനക്ഷമത. 1.5 ലിറ്റര് ഡീസല് എഞ്ചിന് 26.82 കിലോമീറ്റര് ഇന്ധനക്ഷമത കുറിക്കും.
ഡീസല് പതിപ്പുകള്ക്ക് പുറമെ 1.5 ലിറ്റര് പെട്രോള് - മൈല്ഡ് ഹൈബ്രിഡ് എഞ്ചിനും സിയാസില് ഒരുങ്ങുന്നുണ്ട്. പെട്രോള് എഞ്ചിന് 104 bhp കരുത്തും 138 Nm torque ഉം ഉത്പാദിപ്പിക്കാനാവും. അഞ്ചു സ്പീഡ് മാനുവല്, നാലു സ്പീഡ് ടോര്ഖ് കണ്വേര്ട്ടര് ഓട്ടോമാറ്റിക് ഗിയര്ബോക്സ് ഓപ്ഷനുകള് സിയാസ് പെട്രോളില് ലഭ്യമാണ്.
ഇരട്ട എയര്ബാഗുകള്, ആന്റി - ലോക്ക് ബ്രേക്കിങ് സംവിധാനം, വേഗ മുന്നറിയിപ്പ് സംവിധാനം, സീറ്റ് ബെല്റ്റ് റിമൈന്ഡര്, പിന് പാര്ക്കിങ് സെന്സറുകള്, ISOFIX ചൈല്ഡ് സീറ്റ് മൗണ്ടുകള് തുടങ്ങിയ സജ്ജീകരണങ്ങള് സിയാസില് യാത്രക്കാരുടെ സുരക്ഷ ഉറപ്പുവരുത്തും.
കാറിന്റെ ഉയര്ന്ന മോഡലുകളില് മാത്രമേ പിന് പാര്ക്കിങ് ക്യാമറയുള്ളൂ. ആന്ട്രോയ്ഡ് ഓട്ടോ, ആപ്പിള് കാര്പ്ലേ കണക്ടിവിറ്റിയുള്ള ടച്ച്സ്ക്രീന് ഇന്ഫോടെയ്ന്മെന്റ് സംവിധാനവും സിയാസിന്റെ മാറ്റുകൂട്ടും.