Just In
- 11 min ago 10 പേര്ക്ക് സുഖമായി പോകാം, കിലോമീറ്ററിന് ചെലവ് വെറും 3.5 രൂപ! 'മാജിക്' തുടരാന് ടാറ്റ വാന്
- 46 min ago ഹൈലക്സിനെ ആണിയടിച്ച് ചുവരിൽ തൂക്കുമോ ഇസൂസു? 2024 V -ക്രോസിന്റെ പുത്തൻ വിശദാംശങ്ങൾ പുറത്ത്
- 1 hr ago മകൾക്ക് 3 കോടിയുടെ പോർഷ കാർ സമ്മാനിച്ച് മലയാളി വ്യവസായി; ഹൈലൈറ്റായ അച്ഛനെയും മകളെയും മനസിലായോ
- 2 hrs ago ബൈക്കുകള്ക്ക് വില കൂട്ടി എന്ഫീല്ഡ് എതിരാളികള്; പേടിക്കണ്ട, ഒരു ഷര്ട്ട് വാങ്ങുന്ന പൈസയേ കൂടിയിട്ടുള്ളൂ...
Don't Miss
- Movies അമ്മ ആദ്യം പേടിപ്പിച്ചു, പിന്നെ കാര്യമില്ലെന്ന് മനസിലായി; കുടുംബത്തിലെ ആരും ചെയ്യാത്തത് ഞാന് ചെയ്തു!
- Technology രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി
- Lifestyle വെള്ളത്തില് ഇട്ടുവെക്കാതെ മാങ്ങ കഴിച്ചാല് എന്താണ് പ്രശ്നം, ഇങ്ങനെ പറയാനുള്ള കാരണമെന്ത്?
- News 'തിരഞ്ഞെടുപ്പിന് ശേഷം ഹർജി നൽകൂ'; രാജീവ് ചന്ദ്രശേഖറിന്റെ നാമനിർദേശ പത്രിക തള്ളണമെന്ന ഹർജി തള്ളി
- Sports IPL 2024: ഇനി ആറു മല്സരം, പ്ലേഓഫ് കളിക്കാന് മുംബൈ എന്തു ചെയ്യണം?
- Finance ആദ്യ സെഷനിൽ നേട്ടം കൊയ്ത രണ്ട് കമ്പനികൾ, മുന്നേറ്റം 5 ശതമാനം വരെ, വിപണിയിലും ഉണർവ്വ്
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
2020 ഹ്യുണ്ടായി ക്രെറ്റയുടെ ഇന്റീരിയർ ചിത്രങ്ങൾ പുറത്ത്
ഇന്ത്യയിലെ ഏറ്റവും വലിയ രണ്ടാമത്തെ വാഹന നിർമ്മാതാക്കളായ ഹ്യുണ്ടായി തങ്ങളുടെ ജനപ്രിയ എസ്യുവിയായ ക്രെറ്റയുടെ പുതിയ മോഡലിനെ വിപണിയിലെത്തിക്കാനുള്ള ശ്രമത്തിലാണ്. പുതിയ പതിപ്പിനെ 2020 ഓട്ടോ എക്സ്പോയിൽ കമ്പനി അവതരിപ്പിക്കും.
ഇന്ത്യൻ വിപണിയിൽ അവതരിപ്പിക്കുന്നതിന് മുന്നോടിയായി പുതിയ ഹ്യുണ്ടായി ക്രെറ്റയുടെ ഇന്റീരിയറിന്റെ ചിത്രങ്ങൾ സമൂഹമാധ്യമങ്ങൾ വഴി പ്രചരിക്കുന്നുണ്ട്. ഇന്റീരിയറിന്റെ ചിത്രങ്ങൾ അടുത്തിടെ നടന്ന ബീജിംഗ് ഓട്ടോ ഷോയിൽ പ്രദർശിപ്പിച്ച ഹ്യുണ്ടായ് ix25 നെ അടിസ്ഥാനമാക്കിയുള്ളതാണ്.
പൂർണ്ണമായും പുനർരൂപകൽപ്പന ചെയ്ത ഇന്റീരിയറുകളുമായാണ് പുതിയ ക്രെറ്റ എത്തുന്നത്. നിലവിലെ മോഡലിനെ അപേക്ഷിച്ച് കൂടുതൽ മികച്ചതും പ്രീമിയവും ഫ്യൂച്ചറിസ്റ്റ് ലുക്കും വാഗ്ദാനം ചെയ്യും പുതിയ എസ്യുവി.
പൂർണമായും കറുത്ത നിറത്തിലാണ് കമ്പനി വാഹനത്തിന്റെ അകത്തളം ഒരുക്കിയിരിക്കുന്നത്. ഇതിൽ അപ്ഹോൾസ്റ്ററി, സെന്റർ കൺസോൾ, ഡാഷ്ബോർഡ് എന്നിവയെല്ലാം കറുത്ത നിറത്തിലാണ്. എന്നാൽ, സെൻട്രൽ കൺസോളിൽ സിൽവർ ആക്സന്റുകളുണ്ട്. ഇത് പുതിയ എസ്യുവിയുടെ പ്രീമിയം അപ്പീൽ വർധിപ്പിക്കുന്നു.
ഒരു വലിയ ഫ്ലോട്ടിംഗ് ടച്ച്സ്ക്രീൻ ഡിസ്പ്ലേയാണ് നൽകിയിരിക്കുന്നതെന്ന് ചിത്രങ്ങളിലൂടെ വ്യക്തമാണ്. പൂർണ ഡിജിറ്റൽ ഇൻസ്ട്രുമെന്റ് ക്ലസ്റ്റർ, സ്റ്റാർട്ട് / സ്റ്റോപ്പ് പുഷ്-ബട്ടൺ, 360 ഡിഗ്രി പാർക്കിംഗ് ക്യാമറ, സ്റ്റിയറിംഗ് മൌണ്ട് ചെയ്ത ഓഡിയോ, ക്രൂയിസ് കൺട്രോൾ ഫംഗ്ഷനുകൾ എന്നിവയാണ് പുതിയ ഹ്യുണ്ടായി ക്രെറ്റയിൽ കാണുന്നത്.
ഹ്യുണ്ടായി വെന്യുവിൽ ഉൾപ്പെടുത്തിയിരിക്കുന്ന ഏറ്റവും പുതിയ ബ്ലൂ ലിങ്ക് കണക്റ്റിവിറ്റി സാങ്കേതികവിദ്യയും എസ്യുവിയിൽ ഉൾപ്പെടുത്തുമെന്ന് പ്രതീക്ഷിക്കുന്നു. കൂടാതെ ക്രെറ്റയിലെ ഇൻഫോടെയ്ൻമെന്റ് സിസ്റ്റത്തിൽ ഇ-സിം, വോയ്സ് പ്രാപ്തമാക്കിയ പ്രവർത്തനങ്ങൾ എന്നിവയും വാഗ്ദാനം ചെയ്യും.
നിലവിലെ മോഡലിൽ വാഗാദാനം ചെയ്യുന്ന 1.4 ലിറ്റർ ഡീസൽ, 1.6 ലിറ്റർ പെട്രോൾ, ഡീസൽ എഞ്ചിനുകൾ ഹ്യുണ്ടായി നിർത്തലാക്കും. പകരം കിയ സെൽറ്റോസിന്റെ എഞ്ചിനാകും പുതുതലമുറ ക്രെറ്റയിൽ ഹ്യുണ്ടായി അവതരിപ്പിക്കുക. 1.4 ലിറ്റർ ടി-ജിഡിഐ പെട്രോൾ, 1.5 ലിറ്റർ പെട്രോൾ, 1.5 ലിറ്റർ ഡീസൽ ഓപ്ഷനുകൾ ഇതിൽ ഉൾപ്പെടുന്നു. മൂന്ന് എഞ്ചിനുകളും ഇതിനകം തന്നെ ബിഎസ്-VI മാനദണ്ഡം അടിസ്ഥാനമാക്കിയുള്ളതാണ്.
Most Read: ഗ്രാന്റ് i10 നിയോസിന്റെ CNG പതിപ്പ് പുറത്തിറക്കാന് ഹ്യുണ്ടായി
1.5 ലിറ്റർ പെട്രോൾ 115 bhp കരുത്തും 144 Nm torque ഉം ഉത്പാദിപ്പിക്കും. 1.4 ലിറ്റർ ടർബോ പെട്രോൾ യൂണിറ്റ് 144 bhp കരുത്തും 242 Nm torque ഉം സൃഷ്ടിക്കും.1.5 ലിറ്റർ ഡീസൽ എഞ്ചിൻ 115 bhp കരുത്തിൽ 250 Nm torque വാഗ്ദാനം ചെയ്യും.
Most Read: റെനോ ട്രൈബര് പുറത്തിറങ്ങി; പ്രാരംഭ വില 4.95 ലക്ഷം
എല്ലാ എഞ്ചിനുകളും ആറ് സ്പീഡ് മാനുവൽ ഗിയർബോക്സുമായാണ് ഘടിപ്പിച്ചിരിക്കുന്നത്. 1.5 പെട്രോൾ, 1.5 ഡീസൽ, 1.4 ലിറ്റർ ടർബോ പെട്രോൾ എന്നിവയ്ക്ക് യഥാക്രമം സിവിടി, ടോർക്ക് കൺവെർട്ടർ ഡിസിടി ട്രാൻസ്മിഷനുകളും ലഭിക്കും.
Most Read: എംപിവി ശ്രേണിയിലേക്ക് പുതിയ വാഹനത്തെ അവതരിപ്പിക്കാനൊരുങ്ങി ഹ്യുണ്ടായി
പുതിയ ഹ്യൂണ്ടായി ക്രെറ്റ ഇതിനകം ഇന്ത്യൻ നിരത്തുകളിൽ നിരവധി തവണ പരീക്ഷണ ഓട്ടം നടത്തിയിട്ടുണ്ട്. പുറംഭാഗത്തിന്റെ കാര്യത്തിൽ തികച്ചും പുതിയ രൂപകൽപ്പനയുള്ള ഈ കാറിന്റെ ഓട്ടോ എക്സ്പോ 2020 ൽ അവതരിപ്പിക്കുമെന്നാണ് പ്രതീക്ഷ.
മിഡ്-സൈസ് എസ്യുവി വിഭാഗത്തിൽ നിലവിൽ ഹ്യുണ്ടായി ക്രെറ്റയാണ് ഒന്നാമൻ. 2020 ക്രെറ്റ എസ്യുവി ഇന്ത്യൻ വിപണിയിൽ അവതരിപ്പിക്കുന്നതോടെ മറ്റ് പുതുതലമുറ വാഹനങ്ങളുമായുള്ള കടുത്ത മത്സരത്തിൽ പിടിച്ചുനിൽക്കാനാകുമെന്നാണ് കമ്പനിയുടെ പ്രതീക്ഷ. കിയ സെൽറ്റോസ്, എംജി ഹെക്ടർ തുടങ്ങിയ പുതുമുഖ വാഹനങ്ങളാണ് ക്രെറ്റയുടെ പ്രധാന എതിരാളികൾ.