Just In
- 11 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 13 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 14 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 15 hrs ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
Don't Miss
- News ഈ രാശിക്കാരാണോ? സമ്പത്തില് ആറാടാം, ആഗ്രഹിച്ചതെന്തും നേടും; കുബേരനെ പോലെ ജീവിക്കാം
- Movies കോടിക്കണക്കിന് രൂപയുടെ ആസ്തി... ആഡംബര കാറുകള് എന്നിട്ടും മക്കൾക്കൊപ്പം ഓട്ടോയിൽ സഞ്ചരിച്ച് നയൻതാര!
- Sports IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം?
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
പുതിയ ടൊയോട്ട കാമ്രി ഇന്ത്യയില്, വില 36.95 ലക്ഷം രൂപ
എട്ടാംതലമുറ ടൊയോട്ട കാമ്രി ഇന്ത്യയില്. 36.95 ലക്ഷം രൂപ വിലയില് പുതിയ കാമ്രിയെ ടൊയോട്ട പുറത്തിറക്കി. രാജ്യാന്തര വിപണിയില് കഴിഞ്ഞവര്ഷമെത്തിയ കാറാണ് ഇപ്പോള് ഇന്ത്യന് തീരമണഞ്ഞിരിക്കുന്നത്. ഹോണ്ട അക്കോര്ഡുമായി പുതിയ ടൊയോട്ട കാമ്രി വിപണിയില് മത്സരിക്കും. 43 ലക്ഷം രൂപയാണ് ഹോണ്ട അക്കോര്ഡിന് വില.
മുന്തലമുറ മോഡലിനെക്കാള് വലുപ്പും പുത്തന് കാമ്രിക്കുണ്ട്. ടൊയോട്ട ന്യൂ ഗ്ലോബല് ആര്കിടെക്ച്ചര് പ്ലാറ്റ്ഫോം കാറിന്റെ വലുപ്പം കാര്യമായി കൂട്ടി. പുതുതലമുറ ലെക്സസ് ES 300h ഉം ഇതേ അടിത്തറ പങ്കിടുന്നു. നോട്ടത്തിലും ഭാവത്തിലും പുതുമ കൈവരിച്ചാണ് കാമ്രി വില്പ്പനയ്ക്കു വരുന്നത്.
രൂപകല്പനയില് അക്രമണോത്സുകത അനുഭവപ്പെടും. ഇക്കുറി ഹൈബ്രിഡ് പതിപ്പ് മാത്രമെ കാമ്രിയിലുള്ളൂ. കഴിഞ്ഞവര്ഷം ഹൈബ്രിഡ് പതിപ്പിനായിരുന്നു ഇന്ത്യയില് ആവശ്യക്കാര് കൂടുതല്. കാമ്രിയില് തുടിക്കുന്ന 2.5 ലിറ്റര് നാലു സിലിണ്ടര് പെട്രോള് എഞ്ചിന് 174 bhp കരുത്തും 221 Nm torque ഉം പരമാവധി സൃഷ്ടിക്കും.
വൈദ്യുത മോട്ടോറിനുമുണ്ട് 116 bhp കരുത്ത്. അതായത് 211 bhp വരെ കരുത്ത് നേടാന് കാമ്രിക്ക് കഴിയുമെന്ന് സാരം. മുന്തലമുറയിലെ ആറു സ്പീഡ് സിവിടി ഓട്ടോമാറ്റിക് ഗിയര്ബോക്സ് തന്നെയാണ് പുതിയ മോഡലിലും. 23.37 കിലോമീറ്റര് മൈലേജ് പുതിയ കാമ്രി കുറിക്കുമെന്ന് ടൊയോട്ട പറയുന്നു.
ആകാരയളവിലുണ്ടായ വളര്ച്ച ഡിസൈനില് വരച്ചുകാട്ടാന് ടൊയോട്ട ശ്രമിച്ചിട്ടുണ്ട്. ഇത്തവണ ഹെഡ്ലാമ്പുകളിലും ഗ്രില്ലിലും കമ്പനി കൈകടത്തി. 18 ഇഞ്ച് വലുപ്പമുള്ള പുതിയ അലോയ് വീല് ഘടന കാമ്രിയുടെ ഡിസൈന് പരിഷ്കാരങ്ങളില്പ്പെടും. ഹൈബ്രിഡാണെന്നു പറയുന്ന പ്രത്യേക നീല നിറം ബാഡ്ജിന് താഴെ കാണാം.
പ്രധാനമായും ക്യാബിനകത്ത് പുതുമ കൊണ്ടുവരാനാണ് ടൊയോട്ട ശ്രദ്ധിച്ചിരിക്കുന്നത്. വലിയ ടച്ച്സ്ക്രീന് ഡിസ്പ്ലേയും 8.0 ഇഞ്ച് ഹെഡ്സ് അപ്പ് ഡിസ്പ്ലേയും ഉള്ളില് വിശേഷമാണ്. കാറുമായി ബന്ധപ്പെട്ട നിര്ണ്ണായക വിവരങ്ങള് മുഴുവന് വിന്ഡ്സ്ക്രീനിലേക്ക് ഹെഡ്സ് അപ്പ് ഡിസ്പ്ലേ പകര്ത്തും.
Most Read: കാര് വാങ്ങാം രാജകീയമായി, നവ്യാനുഭവം പകര്ന്ന് മാരുതി സുസുക്കി അറീന
മികവുറ്റു ശബ്ദാനുഭൂതി ഉറപ്പുവരുത്താന് ജെബിഎല്ലിന്റെ ഒമ്പതു സ്പീക്കര് ഡോള്ബി സംവിധാനം കാറിലുണ്ട്. മൂന്നു സോണ് ക്ലൈമറ്റ് കണ്ട്രോള്, തുകല് ആവരണമുള്ള സ്റ്റീയറിംഗ് വീല്, തുകല് സീറ്റ് എന്നിങ്ങനെ ആഢംബരത്തിന് യാതൊരു കുറവും കാമ്രിയില് കമ്പനി വരുത്തിയിട്ടില്ല.
സുരക്ഷയുടെ കാര്യത്തിലും വേണ്ട മുന്കരുതലുകള് കമ്പനി സ്വീകരിച്ചിട്ടുണ്ട്. ഒമ്പത് എയര്ബാഗുകള്, എബിഎസ്, ഇബിഡി, ബ്രേക്ക് അസിസ്റ്റ്, ട്രാക്ഷന് കണ്ട്രോള്, ഹില് സ്റ്റാര്ട്ട് അസിസ്റ്റ് തുടങ്ങിയ നിരവധി സജ്ജീകരണങ്ങള് യാത്രക്കാരുടെ സുരക്ഷ ഉറപ്പുവരുത്തും.
റെഡ് മീഖ, ഫാന്റം ബ്രൗണ്, ബേണിംഗ് ബ്ലാക്ക്, ആറ്റിറ്റിയൂഡ് ബ്ലാക്ക്, പേള് വൈറ്റ്, സില്വര്, ഗ്രാഫൈറ്റ് നിറങ്ങളിലാണ് പുതിയ ടൊയോട്ട കാമ്രി വില്പ്പനയ്ക്കു വരുന്നത്. അക്കോര്ഡിന് പുറമെ സ്കോഡ സൂപ്പേര്ബിനും ഫോക്സ്വാഗണ് പസാറ്റിനും കാമ്രി ഭീഷണി ഉയര്ത്തും.