Just In
- 8 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 10 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 11 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 12 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
Don't Miss
- News ആരും മറക്കല്ലേ, ഏപ്രില് 26ന് വോട്ട് ചെയ്യണം; വോട്ടഭ്യര്ത്ഥിച്ച് കളക്ടര് കൊച്ചി മെട്രോയില്
- Movies നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്'
- Sports IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ
- Lifestyle ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
മൂന്നാംതലമുറ ഡസ്റ്ററിനെ ഇന്ത്യയില് വികസിപ്പിക്കാന് റെനോ
തീരുമാനമായി. കാത്തിരുന്നത് വെറുതെ. രണ്ടാംതലമുറ ഡസ്റ്റര് എസ്യുവിയെ റെനോ ഇന്ത്യയില് കൊണ്ടുവരില്ല. പകരം മൂന്നാംതലമുറ ഡസ്റ്ററിനെ ഫ്രഞ്ച് കമ്പനി ഇന്ത്യയില് രൂപകല്പ്പന ചെയ്ത് നിര്മ്മിക്കും. 2012 -ല് അവതരിച്ചത് മുതല് ഇതുവരെ രണ്ടുലക്ഷം ഡസ്റ്റര് യൂണിറ്റോളം ഇന്ത്യയില് റെനോ വിറ്റുകഴിഞ്ഞു.
ഈ അവസരത്തില് ഡസ്റ്റര് മോഡലിന്റെ പൂര്ണ്ണ നിയന്ത്രണം റെനോ ഇന്ത്യയ്ക്ക് വിട്ടുനല്കാനാണ് കമ്പനിയുടെ തീരുമാനം. നാളിതുവരെ റെനോയുടെ റൊമേനിയന് ഉപ കമ്പനി ഡാസിയയായിരുന്നു ഡസ്റ്ററിനെ രൂപകല്പ്പന ചെയ്തതും വികസിപ്പിച്ചതും. എന്നാല് ഇപ്പോള് യൂറോപ്യന് വിപണിയില് മലിനീകരണ നിര്ദ്ദേശങ്ങള് കൂടുതല് കര്ശനമായി. ഒട്ടുമിക്ക യൂറോപ്യന് രാജ്യങ്ങളും ഏറെ വൈകാതെ പൂര്ണ്ണ വൈദ്യുത വാഹനങ്ങളിലേക്ക് തിരിയും.
ഇനി ലാറ്റിന് അമേരിക്കന്, ഇന്ത്യന് വിപണികളില് മാത്രമായിരിക്കും പുതുതലമുറ ഡസ്റ്ററിന് സാധ്യത. ഇന്ത്യയില് കുറഞ്ഞ ചിലവില് കാറുകള് പുറത്തിറക്കാമെന്ന അനുകൂല സാഹചര്യം റെനോയെ ഇങ്ങോട്ടേക്ക് കൂടുതല് അടുപ്പിക്കുന്നു. അടുത്തവര്ഷം രണ്ടാംപാദം മാത്രമേ മൂന്നാംതലമുറ ഡസ്റ്ററിന്റെ വികസന പ്രവര്ത്തനങ്ങള് കമ്പനി ഇന്ത്യയില് ആരംഭിക്കുകയുള്ളൂ.
2023 ഓടെ മോഡലിനെ വിപണിയില് പ്രതീക്ഷിക്കാം. പ്രധാനമായും യൂറോപ്യന് മലിനീകരണ നിര്ദ്ദേശങ്ങള് പാലിച്ചൊരുങ്ങിയതുകൊണ്ടാണ് രണ്ടാംതലമുറ ഡസ്റ്ററിനെ ഇന്ത്യയില് അവതരിപ്പിക്കേണ്ടതില്ലെന്ന റെനോയുടെ നിലപാട്. ആദ്യതലമുറ ഡസ്റ്റര് ഉപയോഗിക്കുന്ന B0 പ്ലാറ്റ്ഫോമില് ചെറിയ ഭേദഗതികള് വരുത്തിയാണ് രണ്ടാംതലമുറ ഡസ്റ്ററിനെ കമ്പനി യൂറോപ്പില് അണിനിരത്തുന്നത്.
Most Read: പുതിയ രൂപത്തില്, പുതിയ ഭാവത്തില് 2020 ഹ്യുണ്ടായി ക്രെറ്റ — ടെസ്ലാ മാതൃകയില് ക്യാബിന്
നിലവില് ഇന്ത്യയില് റെനോ ക്യാപ്ച്ചര്, നിസാന് കിക്ക്സ് മോഡലുകളുമായി B0 അടിത്തറ ഡസ്റ്റര് പങ്കിടുന്നുണ്ട്. ഇതേസമയം, മൂന്നാംതലമുറ അവതരിക്കുന്നതിന് മുമ്പ് ഡസ്റ്ററിന്റെ ഫെയ്സ്ലിഫ്റ്റ് പതിപ്പിനെ ഇന്ത്യയില് യാഥാര്ത്ഥ്യമാക്കാനുള്ള തയ്യാറെടുപ്പിലാണ് കമ്പനി. ഡിസൈനിലും അകത്തളത്തിലും ചെറിയ പരിഷ്കാരങ്ങളോടെ റെനോ ഡസ്റ്റര് ഫെയ്സ്ലിഫ്റ്റ് വിപണിയിലെത്തും.
രാജ്യാന്തര മോഡലിന്റെ ഡിസൈന് കടമെടുത്താകും ഫെയ്സ്ലിഫ്റ്റ് പതിപ്പിനെ കമ്പനി അവതരിപ്പിക്കുക. ഭാരത് ന്യൂ വെഹിക്കിള് സേഫ്റ്റി അസെസ്മെന്റ് പ്രോഗ്രാം പ്രാബല്യത്തില് വരുന്നത് മാനിച്ച് കൂടുതല് സുരക്ഷാ സജ്ജീകരണങ്ങള് എസ്യുവിയില് റെനോയ്ക്ക് ഉറപ്പുവരുത്തേണ്ടതുണ്ട്. ഒപ്പം അടുത്തവര്ഷം ഏപ്രില് മുതല് ഭാരത് സ്റ്റേജ് VI മലിനീകരണ നിര്ദ്ദേശങ്ങളും വിപണിയില് പിടിമുറുക്കും.
Most Read: റെനോ ക്വിഡ് എംപിവിയാകുമ്പോള്, പുതിയ ട്രൈബറിന്റെ ചിത്രങ്ങള് പുറത്ത്
ഈ അവസരത്തില് ഇപ്പോഴുള്ള 1.5 ലിറ്റര് ഡീസല് യൂണിറ്റിനെ പരിഷ്കരിക്കാതെ റെനോയ്ക്ക് വേറെ തരമില്ല. റിപ്പോര്ട്ടുകള് പ്രകാരം ഭാരത് സ്റ്റേജ് VI നിലവാരമുള്ള റെനോ ഡസ്റ്ററുകള് അടുത്തവര്ഷം മാര്ച്ച് മുതല് വിപണിയില് വന്നുതുടങ്ങും.
Source: NDTV Auto