Just In
- 10 hrs ago കേന്ദ്ര ഇവി പോളിസിയിൽ സന്തോഷം അറിയിച്ച് ബ്രാൻഡുകൾ, ടെസ്ല എത്താൻ ഇനി വൈകില്ല
- 13 hrs ago ഏറ്റവും ഡിമാന്റുള്ള മാരുതി കാറിന് 77,000 രൂപ വിലക്കുറവ്, ഫ്രോങ്ക്സ് വാങ്ങാൻ ഏറ്റവും നല്ലസമയം ഇതു തന്നെ
- 14 hrs ago കാത്തിരിപ്പ് അവസാനിപ്പിക്കാമെന്ന് ആർടിഒ... ഓഫീസുകളിലേക്ക് എത്തുന്നത് എട്ട് ലക്ഷം ലൈസൻസുകളും ആർസി ബുക്കുകളും
- 15 hrs ago ADAS, 360 ഡിഗ്രി ക്യാമറ അങ്ങനെ കുറേ ഫീച്ചറുകൾ; വേറെ ലെവലാവാൻ സ്കോഡ കുഷാഖും സ്ലാവിയയും
Don't Miss
- News ഉദ്ദിഷ്ടകാര്യ ലബ്ധി, ധനനേട്ടം, ആഡംബര ജീവിതം, പ്രശസ്തി... ഈ രാശിക്കാര്ക്ക് ഒന്നല്ല, രണ്ട് രാജയോഗം..!
- Sports IPL 2024: സഞ്ജു രോഹിത്തിനെപ്പോലെ, ക്യാപ്റ്റന്സി കിടു- താരതമ്യപ്പെടുത്തി ദ്രുവ് ജുറേല്
- Movies 'മണിക്ക് കൊടുത്തതുകൊണ്ട് ഒരിക്കലും ലാലിന് ഒരു കുഴപ്പവും വരികയില്ല എന്നൊരു അഭിപ്രായമാണ് ഞാൻ പറഞ്ഞത്'
- Lifestyle സ്ത്രീകളെ അപകടത്തിലാക്കും അണുബാധകള്: അറിയേണ്ടത് ഇതെല്ലാം
- Technology രണ്ടെണ്ണം സൂപ്പറാണ്! ഇൻഫിനിക്സ് നോട്ട് 40 സീരീസ് ലോഞ്ച് ചെയ്തു
- Finance നിക്ഷേപത്തിന് ഉയർന്ന പലിശ വേണോ, നൽകാൻ പോസ്റ്റ് ഓഫീസ് റെഡിയാണ്, നോക്കുന്നോ
- Travel മലയാളികളേക്കാൾ പ്രിയം കർണ്ണാടകക്കാർക്ക്, കടലിനു നടുവിലെ കുളം!
ടിയാഗൊയുടെ സുരക്ഷ ടാറ്റ കൂട്ടി, ഒപ്പം വിലയും
ജനപ്രിയ ഹാച്ച്ബാക്കായ ടിയാഗൊയുടെ സുരക്ഷ ടാറ്റ കൂട്ടി. ഇനി പുതിയ ടിയാഗൊ വകഭേദങ്ങളില് ഇരട്ട മുന് എയര്ബാഗുകള്, ആന്റി - ലോക്ക് ബ്രേക്കിങ് സംവിധാനം, ഇലക്ട്രോണിക് ബ്രേക്ക്ഫോഴ്സ് ഡിസ്ട്രിബ്യൂഷന്, കോര്ണര് സ്റ്റബിലിറ്റി കണ്ട്രോള്, പിന് പാര്ക്കിങ് സെന്സറുകള് എന്നിവ അടിസ്ഥാന ഫീച്ചറുകളായി ഒരുങ്ങും.
ഇവയ്ക്ക് പുറമെ വേഗ മുന്നറിയിപ്പ് സംവിധാനവും സീറ്റ് ബെല്റ്റ് റിമൈന്ഡ് സംവിധാനവും കാറില് തിരഞ്ഞെടുക്കാന് ഉപഭോക്താക്കള്ക്ക് അവസരമുണ്ട്. കൂടുതല് സുരക്ഷാ സജ്ജീകണങ്ങള് നല്കിയ പശ്ചാത്തലത്തില് ടിയൊഗോയുടെ വിലയും ടാറ്റ പുതുക്കി. ഇനി മുതല് 4.40 ലക്ഷം രൂപയില് തുടങ്ങും കാറിന് ഷോറൂം വില (ദില്ലി).
മേല്പ്പറഞ്ഞ സുരക്ഷാ സംവിധാനങ്ങള്ക്കൊപ്പം ഓപ്ഷനല് എക്സ്ട്രാ വ്യവസ്ഥയില് ഒരുപിടി കൂടുതല് ഫീച്ചറുകളും ടിയാഗൊയ്ക്ക് കമ്പനി നല്കുന്നുണ്ട്. വേഗം തിരിച്ചറിഞ്ഞ് പ്രവര്ത്തിക്കുന്ന ഓട്ടോമാറ്റിക് ഡോര് ലോക്കുകള്, ഫോളോ മീ ഹോം ഹെഡ്ലാമ്പുകള്, പിന് സെന്സറും ഡിസ്പ്ലേയുമുള്ള പാര്ക്ക് അസിസ്റ്റ്, മുന് ഫോഗ്ലാമ്പുകള്, ഡീഫോഗര്, സ്മാര്ട്ട് വൈപ്പര് എന്നിങ്ങനെ നീളും ടിയാഗൊയില് തിരഞ്ഞെടുക്കാവുന്ന അധിക ഫീച്ചറുകള്.
ഈ മാസമാദ്യം ടിയാഗൊയുടെ ഏറ്റവും ഉയര്ന്ന XZ പ്ലസ് മോഡലിന് 7.0 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സംവിധാനവും ആപ്പിള് കാര്പ്ലേയും ടാറ്റ നല്കിയിരുന്നു. നിലവില് ഹാച്ച്ബാക്കിന് ഇടക്കാല ഫെയ്സ്ലിഫ്റ്റ് അപ്ഡേറ്റ് നല്കാനുള്ള തിടുക്കത്തിലാണ് ടാറ്റ. ആള്ട്രോസിലെ ഡിസൈന് ശൈലികള് ടിയാഗൊ ഫെയ്സ്ലിഫ്റ്റിനായി കമ്പനി കടമെടുക്കും.
Most Read: കാറില് ചാണകം മെഴുകിയ സംഭവം, കാരണം വിശദീകരിച്ച് ഉടമ — വീഡിയോ
ഏറ്റവും പുതിയ ഇംപാക്ട് 2.0 ഡിസൈന് ഭാഷ്യമായിരിക്കും പുത്തന് ടിയാഗൊ പതിപ്പ് പിന്തുടരുക. അഞ്ചു സീറ്റര് ഹാരിയര് എസ്യുവിയിലൂടെയാണ് ഇംപാക്ട് 2.0 ഡിസൈന് ഭാഷ്യത്തിന് ടാറ്റ തുടക്കമിട്ടത്. പുതിയ ടിയാഗൊ ഫെയ്സ്ലിഫ്റ്റില് ഡീസല് വകഭേദങ്ങള്ക്ക് സാധ്യത കുറവാണ്.
Most Read: മെര്സിഡീസ് ബെന്സിനെ പരിഹസിച്ച് ബിഎംഡബ്ല്യു — വീഡിയോ
ഭാരത് സ്റ്റേജ് VI നിര്ദ്ദേശങ്ങള് മാനിച്ച് ടിയാഗൊയിലെയും ടിഗോറിലെയും 1.05 ലിറ്റര് ഡീസല് എഞ്ചിന് യൂണിറ്റിനെ ഉപേക്ഷിക്കുമെന്ന് കമ്പനി വ്യക്തമാക്കിക്കഴിഞ്ഞു. ഈ അവസരത്തില് പെട്രോള് പരിവേഷം മാത്രമേ ടിയാഗൊ ഫെയ്സ്ലിഫ്റ്റിനുണ്ടാവുകയുള്ളൂ.
Most Read: ചന്തം കൂട്ടി മാരുതി വിറ്റാര ബ്രെസ്സ, പുതിയ ലിമിറ്റഡ് എഡിഷന് വിപണിയില്
1.2 ലിറ്റര് റെവട്രോണ് പെട്രോള് എഞ്ചിന് ഫെയ്സ്ലിഫ്റ്റ് പതിപ്പിലും തുടരും. 6,000 rpm -ല് 84 bhp കരുത്തും 3,500 rpm -ല് 114 Nm torque -മാണ് എഞ്ചിന് പരമാവധി സൃഷ്ടിക്കുക. അഞ്ചു സ്പീഡ് മാനുവല്, അഞ്ചു സ്പീഡ് എഎംടി ഗിയര്ബോക്സ് ഓപ്ഷനുകള് കാറില് ലഭ്യമാണ്. വിപണിയില് ഹ്യുണ്ടായി ഗ്രാന്ഡ് i10, മാരുതി സെലറിയോ, ഡാറ്റ്സന് ഗോ തുടങ്ങിയ മോഡലുകളുമായാണ് ടാറ്റ ടിയാഗൊയുടെ അങ്കം.