Just In
- 8 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 11 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 11 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 12 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
Don't Miss
- Sports IPL 2024: സായ് 19ാം ഓവറില്, മണ്ടന് തീരുമാനം ഗില്ലിന്റെയല്ല! അത് നെഹ്റയുടേത്; തന്ത്രം പാളി
- News കണ്ണൂരില് ആവേശം അലകടലായി, കൊട്ടിക്കലാശം സമാധാനപരം; കരുത്തുകാട്ടി മുന്നണികള്
- Movies നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്'
- Lifestyle ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ടെസ്ല ഇലക്ട്രിക് സൈബർട്രക്ക് പിക്ക് അപ്പ് യുഎസിൽ പുറത്തിറക്കി
പുതുമകൾക്കും ഭാവി സാങ്കേതികവിദ്യയ്ക്കും പേരുകേട്ട ടെസ്ല ബ്രാൻഡ് പുതിയ വാഹനം അമേരിക്കൻ വിപണിയിൽ അവതരിപ്പിച്ചു. സൈബർട്രക്ക് എന്ന് പേരിട്ടിരിക്കുന്ന ടെസ്ലയുടെ ആദ്യത്തെ പിക്ക് അപ്പ് ട്രക്കാണിത്.
വാഹനത്തിന്റെ നിർമ്മാണത്തിന്റെയും പരീക്ഷയോട്ടത്തിന്റെയും കാലയളവിൽ വളരെയധികം ആകാംഷയും കൗതുകവും നിറച്ച വാഹനത്തെ അമേരിക്കൻ ഇലക്ട്രിക് കാർ നിർമ്മാതാക്കൾ വെളിപ്പെടുത്തി. യുഎസിൽ 30,000 ഡോളർ വിലയ്ക്കാണ് ട്രക്ക് അവതരിപ്പിച്ചത്, ഇത് നമ്മുടെ രാജ്യത്ത് ഏകദേശം 25 ലക്ഷം രൂപയാണ്.
ട്രക്കിലേക്ക് തന്നെ നോക്കുമ്പോൾ, ബോഡിയിലുടനീളം നേർരേഖകളും ക്രീസുകളും മാത്രം ഉൾക്കൊള്ളുന്ന പാരമ്പര്യേതര രൂപകൽപ്പനയാണ് നിർമ്മാതാക്കൾ അവതരിപ്പിക്കുന്നത്.
സൈബർട്രക്കിന്റെ ബോഡിയിൽ വൃത്താകൃതിയിലുള്ളതോ മിനുസമാർന്നതോ ആയ ഘടകങ്ങൾ ഒന്നും തന്നെയില്ല. വാസ്തവത്തിൽ, ട്രക്കിന്റെ വീൽ ആർച്ചുകൾ പോലും കോണാകൃതിയിലാണ്.
ട്രക്കിന്റെ ഇന്റീരിയർ പോലും സമാന ഡിസൈൻ ശൈലി പിന്തുടരുന്നു. മുൻവശത്ത്, സൈബർട്രക്കിന് ഒരു എഡ്ജ്-ടു-എഡ്ജ് ലൈറ്റ്ബാർ ലഭിക്കുന്നു, ഇവ ഹെഡ്ലാമ്പുകൾ, ഫോഗ് ലാമ്പുകൾ, ടേൺ ഇൻഡിക്കേറ്ററുകൾ എന്നിവയായി പ്രവർത്തിക്കുന്നു. വാഹനത്തിന്റെ പിൻഭാഗത്തും സമാനമായി ടെയിൽ ലാമ്പുകൾക്കും ടേൺ ഇൻഡിക്കേറ്ററുകൾക്കുമായി ഒരു ലൈറ്റ്ബാർ ലഭിക്കുന്നു.
ഈ ഭാവി ട്രക്കിന്റെ ബോഡി 30X കോൾഡ്-റോൾഡ് സ്റ്റീൽ ഉപയോഗിച്ചാണ് നിർമ്മിച്ചിരിക്കുന്നത്. ഭാവിയിലെ ബഹിരാകാശ കപ്പലുകളിൽ ടെസ്ല ഉപയോഗിക്കാനൊരുങ്ങുന്ന അതേ മെറ്റീരിയലാണിതെന്ന് ലോഞ്ചിംഗ് ചടങ്ങിൽ എലോൺ മസ്ക് പറഞ്ഞു.
ബോഡിയുടെ ശക്തി പ്രകടമാക്കുന്നതിന്, ട്രക്കിന്റെ വാതിൽ പാനലിനെ ഒരു സ്ലെഡ്ജ്ഹാമർ ഉപയോഗിച്ചു അടിച്ചു, പാനലിൽ ഒരു ചളുക്കമോ സ്ക്രാച്ചോ പോലും ഉണ്ടായില്ല.
കൂടാതെ 9.0 എംഎം ബുള്ളറ്റ് ഷോട്ട് വരെ താങ്ങാൻ ഇതിന് കഴിയുമെന്നും ടെസ്ല അവകാശപ്പെടുന്നു. വിൻഡ്ഷീൽഡുകൾ ടെസ്ല ആർമേർഡ് ഗ്ലാസ് കൊണ്ടാണ് നിർമ്മിച്ചിരിക്കുന്നത്, സാധാരണ ഓട്ടോമോട്ടീവ് വിൻഡ്ഷീൽഡുകളേക്കാൾ ശക്തമാണ്. വാഹനത്തിനറെ ബോഡി ഒരു എക്സ്കോസ്ലെറ്റണായും പ്രവർത്തിക്കുന്നു.
406.5 മില്ലിമീറ്റർ ഗ്രൗണ്ട് ക്ലിയറൻസ് ലഭിക്കുന്നതിനായി പൂർണ്ണമായും ഉയർത്താൻ കഴിയുന്ന അഡാപ്റ്റീവ് എയർ സസ്പെൻഷൻ സിസ്റ്റത്തിലാണ് വാഹനം ഒരുക്കിയിരിക്കുന്നത്. ഹൈവേകളിൽ, ടാർമാക്കിൽ നിന്ന് ഉയർന്ന വേഗതയിലും മികച്ച ഗ്രിപ്പ് നേടുന്നതിന് ഇത് താഴ്ത്താനും കഴിയും.
മൂന്ന് വ്യത്യസ്ത മോട്ടോറുകളിലും പതിപ്പുകളിലും വാഹനം ലഭ്യമാണ്. ടെസ്ല സൈബർട്രക്കിന്റെ അടിസ്ഥാന പതിപ്പിന് ട്രക്കിന്റെ പിൻ ചക്രങ്ങളിൽ ഒരൊറ്റ ഇലക്ട്രിക് മോട്ടോറാണ് ലഭിക്കുന്നത്.
പൂർണ്ണമായി ചാർജ് ചെയ്താൽ 250 മൈൽ സഞ്ചരിക്കാൻ ഇതിനാവും, ഇരട്ട മോട്ടോർ AWD പതിപ്പിന് 300 മൈൽ പരിധി സഞ്ചരിക്കാം. വെറും 2.9 സെക്കൻഡിനുള്ളിൽ 0-60 മൈൽ വേഗത കൈവരിക്കുന്ന സൈബർട്രക്കിന്റെ ട്രൈ-മോട്ടോർ പതിപ്പാണ് ഏറ്റവും ചെലവേറിയതും ശക്തവുമായത്!
ലംബോർഗിനി ഉറസിന് 2.93 സെക്കൻഡിനുള്ളിൽ ഈ വേഗം കൈവരിക്കാൻ കഴിയും. വാഹനത്തിന്റെ അപാരമായ ശക്തി കാണിക്കുന്നതിന്, ഫോർഡ് F150 ഉം ടെസ്ല സൈബർട്രക്കും തമ്മിലുള്ള വടം വലി കാണിക്കുന്ന ഒരു വീഡിയോ എലോൺ മസ്ക് പ്രദർശിപ്പിച്ചു. ഇതിൽ സൈബർട്രക്ക് വെല്ലുവിളിയെ കീഴടക്കുന്നതായി കാണാം!
ട്രക്കിന്റെ ഏറ്റവും ശക്തമായ പതിപ്പിന് 6,350 കിലോഗ്രാം വലിച്ചു കൊണ്ടു പോകാൻ കഴിയും, കൂടാതെ 6.5 അടി നീളമുള്ള ഫ്ലാറ്റ്ബെഡും വാഹനത്തിലുണ്ട്. സ്റ്റാൻഡേർഡായി ഓട്ടോപൈലറ്റ് മോഡും ലഭിക്കുന്നു.
Most Read: മസ്താംഗ് മാക്-ഇ എസ്യുവിയെ വിപണിയിലെത്തിച്ച് ഫോർഡ്
ടെസ്ല സൈബർട്രക്കിനായി ബുക്കിംഗ് ഔദ്യോഗികമായി ആരംഭിച്ചു, ഡെലിവറികൾ 2021 ൽ ആരംഭിക്കുമെന്ന് പ്രതീക്ഷിക്കുന്നു. ട്രക്കിന്റെ ഉത്പാദനം 2021 ന്റെ രണ്ടാം പകുതിയിൽ ആരംഭിക്കും. 2022 ൽ ട്രൈ മോട്ടോർ പതിപ്പും വിപണിയിലെത്തും.