വില്‍പ്പനയില്‍ തകര്‍ന്നടിഞ്ഞ് ടൊയോട്ട കൊറോള, കാരണം ഹോണ്ട സിവിക്?

കാര്‍ വാങ്ങുന്നവര്‍ക്കിടയില്‍ D ശ്രേണി സെഡാനുകളുടെ പ്രചാരം കുറഞ്ഞു വരികയാണെന്നതിന് തെളിവാണ് ആള്‍ട്ടിസിന്റെ വില്‍പ്പനയിലുള്ള ഈ ഇടിവ്.

കൂടാതെ പത്താം തലമുറ ഹോണ്ട സിവിക് വിപണിയിലെത്തിയതും കൊറോള ആള്‍ട്ടിസിന്റെ വില്‍പ്പനയ്ക്ക് തിരിച്ചടിയായിട്ടുണ്ടെന്നാണ് റിപ്പോര്‍ട്ടുകള്‍.

കൊറോളുമായി താരതമ്യം ചെയ്യുമ്പോള്‍ വളരെ മികച്ച പ്രകടനമാണ് പുതിയ ഹോണ്ട സിവിക് വിപണിയില്‍ കാഴ്ചവെയ്ക്കുന്നത്. 368 യൂണിറ്റ് സിവിക്കാണ് പോയ മാസം ഹോണ്ട വിറ്റഴിച്ചത്.

കഴിഞ്ഞ മാസം കൊറോള ആള്‍ട്ടിസിന് ലഭിച്ച വില്‍പ്പനയുടെ പകുതിയിലേറെ വരുന്നുണ്ടിതെന്നതും ശ്രദ്ധേയം. 134 യൂണിറ്റ് കൊറോള ആള്‍ട്ടിസാണ് കഴിഞ്ഞ മാസം ടൊയോട്ടയ്ക്ക് വില്‍ക്കാനായത്.

രണ്ട് എഞ്ചിന്‍ ഓപ്ഷനുകളിലാണ് ടൊയോട്ട കൊറോള ആള്‍ട്ടിസ് വില്‍പ്പനയ്ക്കുള്ളത്. സെഡാനിലെ 1.8 ലിറ്റര്‍ പെട്രോള്‍ എഞ്ചിന്‍ 138 bhp കരുത്തും 173 Nm torque ഉം പരമാവധി കുറിക്കുന്നതാണ്.

Most Read: ഒരൊറ്റ ഫോണ്‍ കോളില്‍ ഹാര്‍ലി ബൈക്കുകളുടെ നികുതി ഇന്ത്യ കുറച്ചു, പക്ഷെ പോരെന്ന് ട്രംപ്

1.4 ലിറ്റര്‍ ടര്‍ബോചാര്‍ജിംഗ് ഡീസല്‍ എഞ്ചിനാവട്ടെ പരമാവധി 86 bhp കരുത്തും 205 Nm torque ഉം ആയിരിക്കും സൃഷ്ടിക്കുക. മാനുവല്‍, ഓട്ടോമാറ്റിക്ക് ഗിയര്‍ബോക്‌സ് ഓപ്ഷനുകളില്‍ പെട്രോള്‍ പതിപ്പ് ലഭ്യമാവുന്നുണ്ട്.

Most Read: കാത്തിരുന്നു പുറത്തിറക്കിയ ആദ്യ ഇലക്ട്രിക് കാറിൽ നിർമ്മാണപ്പിഴവ്, തുടക്കത്തിലെ പിഴച്ച് ഔഡി

എന്നാല്‍ ഡീസല്‍ യൂണിറ്റില്‍ മാനുവല്‍ ഗിയര്‍ബോക്‌സ് മാത്രമെ ലഭ്യമാവുന്നുള്ളു. മറുഭാഗത്തും രണ്ട് എഞ്ചിന്‍ ഓപ്ഷനുകളില്‍ തന്നെയാണ് ഹോണ്ട സിവിക്കും വില്‍പ്പനയ്ക്കുള്ളത്.

Most Read: ഇന്ത്യയിലെ ആദ്യ ബിഎസ് VI ബൈക്കായി ഹീറോ സ്‌പ്ലെന്‍ഡര്‍ ഐസ്മാര്‍ട്ട്

1.8 ലിറ്റര്‍ i-VTEC പെട്രോള്‍, 1.6 ലിറ്റര്‍ i-DTEC ഡീസല്‍ എന്നിവയാണിവ. 139 bhp കരുത്തും 174 Nm torque ഉം പരമാവധി കുറിക്കുന്നതാണ് പെട്രോള്‍ യൂണിറ്റ്. 1.6 ലിറ്റര്‍ ഡീസല്‍ എഞ്ചിനാവട്ടെ 118 bhp കരുത്തും 300 Nm torque ഉം ആയിരിക്കും സൃഷ്ടിക്കുക. ആറ് സ്പീഡ് മാനുവല്‍ ഗിയര്‍ബോക്‌സാണ് ഇരു എഞ്ചിന്‍ പതിപ്പുകളിലുമുള്ളത്.

Source: Autopunditz