Just In
- 10 hrs ago ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ്
- 14 hrs ago ഇതൊരു ബൂം ചിക്കാ വാവ മൊമെന്റ്; കേരളത്തിന് ആദ്യമായി ഡബിൾ ഡക്കർ ട്രെയിൻ
- 14 hrs ago ഉന്നം നെക്സോണും ബ്രെസയും തന്നെ, ഹൈപ്പുയർത്തി മഹീന്ദ്രയുടെ കുഞ്ഞൻ എസ്യുവിയുടെ പുത്തൻ ടീസർ
- 15 hrs ago 150 രൂപക്ക് വിമാനത്തില് പറക്കാം! സിനിമ ടിക്കറ്റിന്റെ പൈസക്ക് വിമാനയാത്ര സാധ്യമാകുന്ന റൂട്ട് കേരളത്തിലുമുണ്ട്
Don't Miss
- Finance സൂചിക ഇടിവ് തുടർന്നേക്കും, നേട്ടമുണ്ടാക്കണമെങ്കിൽ ഈ രണ്ട് ഓഹരി വാങ്ങാം, ബ്രോക്കറേജ് ശുപാർശ ഇതാണ്
- News ഇന്ന് ചുട്ടുപൊള്ളും; ഉയർന്ന താപനില മുന്നറിയിപ്പ്; നാളെ ഈ 3 ജില്ലകളിൽ മഴയ്ക്ക് സാധ്യത
- Technology തുടരൻ ഹിറ്റുകൾ; മലയാള സിനിമ മാത്രമല്ല റിയൽമിയും മാസാണ്! നാർസോ 70x 5ജിയുടെ വില അങ്ങാടിപ്പാട്ട്!
- Movies 'സാരമില്ലാ... ഒരു നല്ല കാര്യത്തിന് വേണ്ടിയാണല്ലോ'; മൂന്ന് വർഷങ്ങൾ കൊണ്ടെടുത്ത തീരുമാനത്തെ കുറിച്ച് മാളവിക!
- Sports IPL 2024: സഞ്ജു റിസ്കെടുക്കണം! അശ്വിന് ടീമില് വേണ്ട, ഈ കാരണങ്ങള്, പകരം ഈ താരം
- Lifestyle അവധിക്കാലം കുട്ടികള്ക്ക് ഉഷാറാക്കാന് സ്വീറ്റ് സോഫ്റ്റ് കേക്ക്
- Travel ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
ടൊയോട്ട ഇന്നോവ ക്രിസ്റ്റ, ഫോർച്യൂണർ എന്നിവയുടെ ബിഎസ്-VI പതിപ്പിന് 5 ലക്ഷം രൂപ വരെ ഉയരും
2020 ഏപ്രിൽ ഒന്നു മുതൽ നിലവിൽ വരുന്ന ബിഎസ്-VI മാനദണ്ഡം അനുസരിച്ച് പരിഷ്ക്കരിച്ച ടോയോട്ടയുടെ ഇന്നോവ ക്രിസ്റ്റ, ഫോർച്യൂണർ എന്നീ മോഡലുകൾക്ക് വില വർധിക്കും. അഞ്ച് ലക്ഷം രൂപ വർധിപ്പിക്കാനാണ് കമ്പനി തയ്യാറെടുക്കുന്നത്.
ഇത് ടൊയോട്ടയുടെ ബിഎസ്-IV ഡീസൽ വാഹനങ്ങളുടെ ഡിമാന്റ് വർധിക്കാൻ കാരണമായേക്കും. ബിഎസ്-VI പതിപ്പിന് ബിഎസ്-IV മോഡൽ വാഹനങ്ങളേക്കാൾ 15 ശതമാനം മുതൽ 20 ശതമാനം വരെ വില കൂടുന്നതാണ് ഇതിന് കാരണമാകുന്നത്.
ഈ വിലവർധനവ് കണക്കിലെടുക്കുമ്പോൾ ഉപഭോക്താക്കൾക്ക് ബിഎസ്-IV മോഡലുകളായിരിക്കും താങ്ങാനാവുന്നത്. ഈ വർഷം അവസാനത്തോടെ ബിഎസ്-VI എഞ്ചിനുകൾ വിപണിയിലെത്തിക്കാനാണ് കമ്പനി പദ്ധതിയിടുന്നത്. വില ഉയർത്തുന്നത് നിലവിലെ ഡീസൽ വാഹനങ്ങളുടെ വിൽപ്പനയിൽ വർധനവുണ്ടാക്കാനും, വിപണിയിലെ തകർച്ചയിൽ നിന്ന് കരകയറാനും സഹായിച്ചേക്കും.
ബിഎസ്-VI മലിനീകരണ നിരോധന ചട്ടം നിലവിൽ വന്നുകഴിഞ്ഞാൽ ഫോർച്യൂണർ ഡീസൽ പതിപ്പിന് ഏകദേശം നാല് മുതൽ അഞ്ച് ലക്ഷം രൂപ വരെ വിലവർധനവുണ്ടായേക്കാം. നിലവിൽ 30 ലക്ഷം രൂപ മുതലാണ് വാഹനത്തിന്റെ എക്സ്ഷോറൂം വില.
അതുപോലെ തന്നെയാണ് ഇന്നോവ ക്രിസ്റ്റയുടെയും സാഹചര്യം. ഡീസൽ പതിപ്പുകൾക്ക് മൂന്നു മുതൽ നാല് ലക്ഷം രൂപവരെ ഉയരും. ടൊയോട്ടയുടെ വിൽപ്പനയിൽ ഇപ്പോൾ 10 മുതൽ 12 ശതമാനം വരെയാണ് ഇടിവ് രേഖപ്പെടുത്തിയിരിക്കുന്നത്. 2018-19 ൽ ആഭ്യന്തര വിൽപ്പന ഏഴ് ശതമാനം വർധിച്ച് 1,50,525 യൂണിറ്റായിരുന്നു. 2017-18 കാലയളവിൽ 1,40,645 യൂണിറ്റ് വിൽപ്പനയായിരുന്നു ഉണ്ടായിരുന്നത്.
2020 ന്റെ തുടക്കത്തിൽ തന്നെ ബിഎസ്-VI മാനദണ്ഡങ്ങൾ അനുസരിച്ച് പരിഷ്ക്കരിച്ച വാഹനങ്ങൾ ടൊയോട്ട വിപണിയിലെത്തിക്കും. എസ്യുവി ശ്രേണിയിലെ ഏറ്റവും ജനപ്രിയ വാഹനങ്ങളിലൊന്നാണ് ഫോര്ച്യൂണര്.
ആദ്യതലമുറ വാഹനത്തേപോലെ തന്നെ രണ്ടാം തലമുറ ഫോര്ച്യൂണറും ഏറെ ജനപ്രീതി നേടി. ഇന്ത്യന് വാഹന വിപണി മാന്ദ്യം നേരിടുമ്പോഴും പുതുതലമുറയില്പെട്ട ഫോര്ച്യൂണര് 1,000 യൂണിറ്റിന് മുകളില് വില്പ്പന നടത്തുന്നുണ്ട്.
Most Read: പുതിയ ഹ്യുണ്ടായി ക്രെറ്റയുടെ വിശദാംശങ്ങൾ പുറത്ത്
പരിഷ്ക്കരിച്ച ഫോർച്യൂണറിന്റെ പുതിയ മോഡലും ഉടൻ വിപണിയിലെത്തും. പഴയ വാഹനത്തില് നിന്നും ചെറിയ മാറ്റങ്ങള് മാത്രമാണ് കമ്പനി വരുത്തിയിരിക്കുന്നത്. പുതിയ പതിപ്പില് ഫോര്ച്യൂണറിന്റെ രണ്ട് പെട്രോള് പതിപ്പുകളായിരിക്കും ലഭ്യമാവുക. 2.7 ലിറ്റര് ഫോര് സിലിണ്ടര് എഞ്ചിനാണ് ഈ പതിപ്പുകളിലുണ്ടാവുക. ഇവ 164 bhp കരുത്തില് 245 Nm ടോര്ക്ക് ഉത്പാദിപ്പിക്കും.
Most Read: അഭിമനത്തോടെ കാണേണ്ട ഇന്ത്യന് നിര്മ്മിത വാഹനങ്ങള്
ഡീസല് പതിപ്പിന്റെ നാല് മോഡലുകളാവും ഫോര്ച്യൂണറിന്റെ ശ്രേണിയിലുണ്ടാവുക. 2.8 ലിറ്റര് ടര്ബോചാര്ജഡ് എഞ്ചിനാകും ഡീസല് പതിപ്പില്. 174 bhp കരുത്തില് 420 Nm ടോര്ക്ക് വാഹനം സൃഷ്ടിക്കും.
Most Read: ഫോക്സ്വാഗണ് പോളോ GT ഫെയ്സ്ലിഫ്റ്റ് ഉടന് ഇന്ത്യന് വിപണിയിലെത്തും
ദീര്ഘകാലമായി ഇന്ത്യന് വിപണിയില് വാഴുന്ന ടൊയോട്ടയുടെ മറ്റൊരു ജനപ്രിയ വാഹനമാണ് ഇന്നോവ. വാഹനത്തെ ഹൈബ്രിഡ് പെട്രോള് എഞ്ചിന് ഉപയോഗിച്ച് നവീകരിക്കാന് ഒരുങ്ങുകയാണ് കമ്പനി. എങ്കിലും ഡീസല് എഞ്ചിന് പതിപ്പുകള് ഇന്നോവ ക്രിസ്റ്റയില് തുടരും.