Click it and Unblock the Notifications
Just In
-
-
-
-
Don't Miss
-
IPL 2024: 9 പന്തില് 28, സ്ട്രൈക്ക് റേറ്റ് 311! കത്തിക്കയറി ധോണി; പക്ഷെ ആരാധകര്ക്ക് നിരാശ -
വെറും ദോശയല്ല, ബ്രേക്ക്ഫാസ്റ്റിന് ഇനി ഹെല്ത്തി എഗ്ഗ് ദോശ -
'നിങ്ങളുടെ മുത്തശ്ശി പിടിച്ച് ജയിലിലിട്ടിട്ടുണ്ട് ഒന്നര വർഷം', രാഹുൽ ഗാന്ധിയോട് പിണറായി വിജയൻ -
സുന്ദരി കോത എന്നും കാവ്യ മാധവന് തന്നെ! ഒരുപാട് ശത്രുക്കളെ ഉണ്ടാക്കുന്ന ചോദ്യമായി പോയെന്ന് സലിം കുമാര് -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഗതാഗത നിയമലംഘനങ്ങള്‍ക്കുള്ള പിഴയും ശിക്ഷയും
ഗതാഗതനിയമങ്ങള്‍ തെറ്റിച്ചാല്‍ നേരിടേണ്ട പിഴയും ശിക്ഷകളെയും കുറിച്ച് പലര്‍ക്കും വലിയ ധാരണയില്ല. നിയമം ലംഘിക്കുന്നവര്‍ക്ക് എതിരെ എടുക്കേണ്ട നടപടികള്‍ മോട്ടോര്‍വാഹന നിയമത്തില്‍ കൃത്യമായി പറയുന്നുണ്ട്. എല്ലാ വാഹനങ്ങളിലും ഡ്രൈവിങ് ലൈസന്‍സ്, ഇന്‍ഷുറന്‍സ് സര്‍ട്ടിഫിക്കറ്റ്, രജിസ്‌ട്രേഷന്‍ രേഖകള്‍, പുകപരിശോധന സര്‍ട്ടിഫിക്കറ്റ്, നികുതിയടച്ച രസീത് എന്നിവ നിര്‍ബന്ധമായും സൂക്ഷിക്കേണ്ടതാണ്.
പരിശോധനയില്‍ ഇന്‍ഷുറന്‍സ് ഇല്ലാത്ത വാഹനങ്ങള്‍ കണ്ടെത്തിയാല്‍ പൊലീസിന് കസ്റ്റഡിയിലെടുക്കാം. ഇന്‍ഷുറന്‍സ് പുതുക്കിയതിന് ശേഷം മാത്രമേ ഈ വാഹനങ്ങള്‍ വിട്ടുനല്‍കുകയുള്ളൂ. പൊതുഗതാഗത വാഹനങ്ങളില്‍ ഫിറ്റ്‌നസ് സര്‍ട്ടിഫിക്കറ്റ്, പെര്‍മിറ്റ് സംബന്ധിച്ച രേഖകള്‍, ട്രിപ്പ് ഷീറ്റ് എന്നിവകൂടി സൂക്ഷിക്കേണ്ടതുണ്ട്. ഒപ്പം സ്റ്റേജ് ക്യാരിയേജുകളില്‍ കണ്ടക്ടര്‍ ലൈസന്‍സും പരാതി പുസ്തകവും ഉണ്ടായിരിക്കണം.
അപകടകരമായ വസ്തുക്കള്‍ വഹിച്ചുകൊണ്ടുപോകുന്ന വാഹനങ്ങളിലെ ഡ്രൈവര്‍മാര്‍ മേല്‍വിവരിച്ച രേഖകള്‍ക്കൊപ്പം ഫസ്റ്റ് എയ്ഡ്കിറ്റ്, സുരക്ഷാ ഉപകരണങ്ങള്‍, ടൂള്‍ബോക്‌സ്, മരുന്നുകള്‍ എന്നിവയും വാഹനത്തില്‍ കൊണ്ടുപോകുന്ന സാധനത്തെക്കുറിച്ചുളള പൂര്‍ണ്ണവും അത്യന്താപേക്ഷിതവുമായ രേഖാമൂലമുളള വിവരങ്ങളും വാഹനത്തില്‍ സൂക്ഷിക്കണമെന്ന് നിയമം നിഷകര്‍ഷിക്കുന്നു.
കൂടാതെ ഇത്തരം വാഹനങ്ങള്‍ ഓടിക്കുന്ന ഡ്രൈവര്‍മാര്‍ക്ക് മോട്ടോര്‍ വെഹിക്കിള്‍ റൂള്‍ 9 പ്രകാരമുളള ലൈസന്‍സും ഉണ്ടായിരിക്കണം. രജിസ്‌ട്രേഷന്‍, ഇന്‍ഷുറന്‍സ് എന്നിവ സംബന്ധിച്ച രേഖകളുടെ ഒറിജിനലോ പകര്‍പ്പോ വാഹനത്തില്‍ സൂക്ഷിക്കാം. വാഹന പരിശോധനാ സമയത്ത് ഡ്രൈവറുടെ കൈവശം ഒറിജിനല്‍ ഇല്ലെങ്കില്‍ 15 ദിവസത്തിനകം വാഹനത്തിന്റെ ഉടമ ബന്ധപ്പെട്ട ഉദ്യോഗസ്ഥരുടെ മുന്നില്‍ അത് ഹാജരാക്കിയാല്‍ മതി.
പക്ഷെ ഡ്രൈവിങ് ലൈസെന്‍സ് ഒറിജിനല്‍ കരുതണം. രേഖകള്‍ കൈവശമില്ലെങ്കില്‍ മോട്ടോര്‍ വെഹിക്കിള്‍ ആക്ട് വകുപ്പ് 177 പ്രകാരം 100 രൂപ പിഴ ഈടാക്കാം. പരിശോധനസമയത്ത് ഉദ്യോഗസ്ഥന്റെ നിര്‍ദ്ദേശം അവഗണിക്കുകയോ ആവശ്യപ്പെടുന്ന വിവരങ്ങള്‍ നല്‍കാതിരിക്കുകയോ തെറ്റായ വിവരം നല്‍കുകയോ ചെയ്താല്‍ ഒരു മാസം തടവോ അഞ്ഞൂറ് രൂപ പിഴയോ ശിക്ഷ ലഭിക്കാം.
Most Read: 2030-ന് ശേഷം വൈദ്യുത വാഹനങ്ങള്‍ മാത്രം: നീതി ആയോഗ്
ഗതാഗത നിയമലംഘനങ്ങള്‍ക്കുള്ള പിഴയും ശിക്ഷയും
— ലൈസന്‍സ് ഇല്ലാതെ വാഹനമോടിച്ചാല്‍: പിഴ 500 രൂപ
— ലൈസന്‍സ് ഇല്ലാത്ത വ്യക്തിക്ക് വാഹനം ഓടിക്കാന്‍ നല്‍കിയാല്‍: പിഴ 1,000 രൂപ
— ഹെല്‍മറ്റ് ഇല്ലാതെ വാഹനമോടിച്ചാല്‍: പിഴ 100 രൂപ
— സീറ്റ് ബെല്‍റ്റ് ധരിക്കാതെ വാഹനമോടിച്ചാല്‍: പിഴ 100 രൂപ
Most Read: ആള്‍ട്ടോയുടെ ചേട്ടനാവാന്‍ മാരുതി എസ്-പ്രെസ്സോ
— അമിതവേഗത്തില്‍ വാഹനമോടിച്ചാല്‍: പിഴ 400 രൂപ, ആവര്‍ത്തിച്ചാല്‍ പിഴ 1,000 രൂപ
— അശ്രദ്ധമായ / സാഹസികമായ രീതിയില്‍ വാഹനമോടിച്ചാല്‍: പിഴ 1,000 രൂപ
— ഒന്നില്‍ക്കൂടുതല്‍ ആളുകളെ ഇരുചക്ര വാഹനത്തില്‍ കയറ്റി ഓടിച്ചാല്‍: പിഴ 100 രൂപ, ആവര്‍ത്തിച്ചാല്‍ പിഴ 1,000 രൂപ
Most Read: കീശ കാലിയാക്കാത്ത പ്രീമിയം എംപിവിയാകാന്‍ റെനോ ട്രൈബര്‍
— ഇന്‍ഷുറന്‍സില്ലാതെ വാഹനമോടിച്ചാല്‍: പിഴ 1,000 രൂപ
— ഡ്രൈവിങ്ങിനിടെ മൊബൈല്‍ ഫോണ്‍ ഉപയോഗിച്ചാല്‍: പിഴ 1,000 രൂപ
— ട്രാഫിക് സിഗ്നലുകള്‍ ലംഘിച്ചാല്‍: പിഴ 500 രൂപ
പൊല്യൂഷന്‍ സര്‍ട്ടിഫിക്കറ്റ് ഇല്ലാതെ വാഹനമോടിച്ചാല്‍: പിഴ 1,000 രൂപ
— മദ്യപിച്ച്, ലഹരി ഉപയോഗിച്ച് വാഹനമോടിച്ചാല്‍: പിഴ 2,000 രൂപ, ആറു മാസം തടവ്; ഒപ്പം ലൈസന്‍സ് റദ്ദു ചെയ്യപ്പെടും
Source: Kerala Police
