Just In
- 1 hr ago കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- 2 hrs ago എല്ലാവർക്കും 'പഞ്ചിനെ' മതി, ടാറ്റയുടെ കുഞ്ഞൻ പ്രിയപ്പെട്ടവനാകുന്നതിൻ്റെ കാരണം എന്ത്
- 3 hrs ago ഈ ബൈക്കിന്റെ കവറിന് വില 16,875 രൂപ, ആക്സസറികളുടെ പൈസയുണ്ടേൽ ഒരു ബുള്ളറ്റ് കൂടി വാങ്ങാം
- 4 hrs ago ADAS ദുരുപയോഗം ചെയ്യുന്നവര് ദേ കാണ്... മഹീന്ദ്ര XUV700 യാത്രക്കാരുടെ ജീവന് രക്ഷിച്ച് സേഫ്റ്റി ഫീച്ചര്
Don't Miss
- Lifestyle ചാണക്യനീതി; പുരുഷന് ഭാര്യയല്ലാതെ മറ്റ് സ്ത്രീകളോട് താല്പര്യം തോന്നുന്നതിന് 5 കാരണം
- Sports T20 World Cup 2024: അവസാന 2 കളിയില് 30, സഞ്ജുവിന് ഇനിയെത്ര വേണം, ടീമിന് പുറത്താവുമോ?
- News 'മുഖ്യമന്ത്രി രാഹുൽജിയെ ആദ്യമായല്ല അവഹേളിക്കുന്നത്, പ്ലീസ് സഹായിച്ചില്ലെങ്കിലും ദ്രോഹിക്കരുത്'; രമ്യ ഹരിദാസ്
- Technology നോക്കിയയുടെ മുറത്തിൽ കയറി കൊത്തി ഐടെൽ! നാട്ടുകാർക്ക് കിട്ടിയത് 1799 രൂപയ്ക്ക് കിടിലൻ ഫോൺ
- Movies 'ദിലീപ് കുഴപ്പിച്ചിരുന്നു, എടീ എന്നൊന്നും വിളിക്കാൻ പറ്റില്ല, സീരിയലിനെ വിമർശിക്കാൻ തോന്നുമായിരുന്നു'
- Finance കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..?
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
2021 കിയ കാർണിവലിന്റെ ഇന്റീരിയർ ചിത്രങ്ങൾ പുറത്ത്, അറിയാം കൂടുതൽ വിശേഷങ്ങൾ
ഇന്ത്യൻ വിപണിയിലെ ആഢംബര എംപിവി ശ്രേണിയ്ക്ക് അടിമുടി മാറ്റം നൽകിയ കൊറിയൻ വാഹനമായ കിയ കാർണിവൽ നാലാംതലമുറ ആവർത്തനത്തിലേക്ക് കടക്കാൻ ഒരുങ്ങുകയാണ്. അതിന്റെ ഭാഗമായി പുത്തൻ മോഡലിനെ രൂപവും കമ്പനി അടുത്തിടെ പരിചയപ്പെടുത്തിയിരുന്നു.
ഇപ്പോൾ അതിന്റെ തുടക്കമായി 2021 കിയ കാർണിവലിന്റെ ഇന്റീരിയർ ചിത്രങ്ങളും മറ്റ് കൂടുതൽ വിശദാംശങ്ങളും ബ്രാൻഡ് പുറത്തുവിട്ടിരിക്കുകയാണ്. ഇന്റീരിയർ ഡിസൈൻ ആശയം സ്പേഷ്യൽ ടാലന്റ്സ് എന്നാണ് കമ്പനി അവകാശപ്പെടുന്നത്. കുടുംബങ്ങൾക്ക് വിശാലവും സൗകര്യപ്രദവും മികച്ച അന്തരീക്ഷവും എംപിവി വാഗ്ദാനം ചെയ്യുന്നുവെന്ന് കിയ അവകാശപ്പെടുന്നു.
നാലാം തലമുറ കിയ കാർണിവൽ എംപിവിയുടെ ഇന്റീരിയർ നിലവിലെ മോഡലിൽ നിന്ന് തികച്ചും വ്യത്യസ്തമാണ്. ഡ്യുവൽ-ടോൺ ബീജ്, ബ്രൗൺ നിറത്തിലുള്ള അകത്തളമാണ് കൊറിയൻ ബ്രാൻഡ് ഒരുക്കിയിരിക്കുന്നത്. ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റത്തിനും ഇൻസ്ട്രുമെന്റ് കൺസോളിനുമായി 12.3 ഇഞ്ച് സ്ക്രീനുകളിൽ ആധിപത്യം പുലർത്തുന്ന പുതിയ ഡാഷ്ബോർഡും എംപിവിയിലെ പ്രധാന ആകർഷണമാകും.
MOST READ: അയ്ഗോ ജെബിഎൽ പതിപ്പ് യൂറോപ്പിൽ അവതരിപ്പിച്ച് ടൊയോട്ട
രണ്ട് സ്ക്രീനുകളും ഒരൊറ്റ ഫ്രെയിമിൽ ഉൾപ്പെടുത്തിയിരിക്കുന്നു എന്നത് ശ്രദ്ധേയമാണ്. അത് കാർണിവലിന്റെ ഇന്റീരിയറിനെ കൂടുതൽ പ്രീമിയമാക്കാൻ സഹായിച്ചിട്ടുണ്ട്. സ്ക്രീനിന് ചുറ്റുമുള്ള ടച്ച് സെൻസിറ്റീവ് ബട്ടണുകൾ ഉപയോഗിച്ച് ഇൻഫോടെയ്ൻമെന്റ് പ്രവർത്തനങ്ങൾ നിയന്ത്രിക്കാൻ കഴിയും. സമാനമായ ഒരു പാനൽ ക്ലൈമറ്റ് കൺട്രോൾ സംവിധാനത്തിനായി സെന്റർ കൺസോളിൽ സ്ഥാപിച്ചിരിക്കുന്നു.
സെന്റർ കൺസോളിന്റെ അടിയിലായി ഒരു ഷിഫ്റ്റ്-ബൈ-വയർ ഡയൽ ഉണ്ട്. കിയ കാർണിവൽ 2021 ദൈർഘ്യമേറിയ വീൽബേസിലാണ് ഒരുങ്ങിയിരിക്കുന്നത്. ഒപ്പം നീളമുള്ള റിയർ ഓവർഹാംഗും വിശാലമായ ബോഡിയും പുത്തൻ കാർണിവലിന് ഒരു എസ്യുവി ശൈലിയാണ് സമ്മാനിക്കുന്നത്. അത് എല്ലാ എല്ലാ വരികളിലെയും യാത്രക്കാർക്ക് കൂടുതൽ ഇടംനൽകുന്നുണ്ട്.
MOST READ: കശ്മീരി ഭായിയും അദ്ദേഹത്തിന്റെ ഡാൻസിംഗ് ഥാറും
2021 കിയ കാർണിവൽ മൂന്ന് അല്ലെങ്കിൽ നാല് വരി സീറ്റിംഗ് കോൺഫിഗറേഷനുകളുമായി തെരഞ്ഞെടുക്കാൻ സാധിക്കും. മൊത്തം ഏഴ് മുതൽ 11 യാത്രക്കാർക്ക് എംപിവിയിൽ ഇടംകണ്ടെത്താനാകും. ഏഴ് സീറ്റർ പതിപ്പിന് രണ്ടാം നിരയിൽ കിയയുടെ ചാരിയിരിക്കാവുന്ന ക്യാപ്റ്റൻ സീറ്റുകളാണ് ലഭിക്കുന്നത്. ക്രമീകരിക്കാവുന്ന ബാക്ക്റെസ്റ്റുകൾ, ആംറെസ്റ്റുകൾ, ലെഗ്റെസ്റ്റുകൾ എന്നിവ ദീർഘദൂര യാത്രകളിൽ സുഖസൗകര്യങ്ങൾക്കായി ബിസിനസ് ക്ലാസ് ഇരിപ്പിടങ്ങളും നൽകുന്നു.
നാലാം തലമുറ കിയ കാർണിവൽ നിരവധി പ്രായോഗിക സംഭരണ ഓപ്ഷനുകൾ അവതരിപ്പിക്കുന്നുണ്ട്. ഇലക്ട്രോണിക് ഉപകരണങ്ങളും ചെറിയ ഇനങ്ങളും സംഭരിക്കുന്നതിനും ചാർജ് ചെയ്യുന്നതിനുമുള്ള പുതിയ സവിശേഷതകളും ഇതിൽ ഉൾപ്പെടുന്നു. രണ്ടാം നിരയിലെ യാത്രക്കാർക്ക് ബാക്ക്-ഓഫ്-സീറ്റ് യുഎസ്ബി ചാർജറുകൾ, മൊബൈൽ ഉപകരണങ്ങൾക്കായുള്ള സ്റ്റോറേജ് നെറ്റുകൾ, റിയർ കൺസോളിന്റെ അടിയിൽ ഒരു പുതിയ സ്റ്റോറേജ് ഡ്രോയർ എന്നിവയും ഉൾപ്പെടുത്തിയിരിക്കുന്നു.
MOST READ: ഔഡി Q2 സെപ്റ്റംബറിൽ ഇന്ത്യൻ വിപണിയിൽ എത്തും
പുതിയ കാർണിവലിന് കിയ നൽകിയിരിക്കുന്നത് 30 മില്ലീമീറ്റർ അധിക നീളമുള്ള അതായത് 3,090 mm വീൽബേസാണ്. കൂടാതെ 1,995 mm വീതിയുള്ള ബോഡി, 5,155 mm നീളം 1,130 mm ഉയരം എന്ന അനുപാതത്തിലാണ് 2021 പതിപ്പ് നിർമിക്കുന്നത്. അതോടൊപ്പം നിലവിലുള്ള 2.2 ലിറ്റർ ടർബോചാർജ്ഡ് ഡീസൽ എഞ്ചിന്റെ നവീകരിച്ച പതിപ്പുമായാകും എംപിവി വിപണിയിൽ കളംനിറയുക
കോസ്മെറ്റിക് മാറ്റങ്ങളിലേക്ക് നോക്കിയാൽ മുൻവശത്തെ ടൈഗർ-നോസ് ഗ്രില്ലു തന്നെയാണ് ആദ്യം കണ്ണിൽ പെടുക. കൂടാതെ പുതുതായി സ്റ്റൈൽ ചെയ്ത ഹെഡ്ലാമ്പുകളും എൽഇഡി ഡിആർഎല്ലുകളും, വിശാലമായ എയർഇൻടേക്ക് ബമ്പർ, പുതിയ ഫോഗ് ലാമ്പ് എൻക്ലോസർ, മെറ്റാലിക് ട്രിം എന്നിവയാണ് മുൻവശത്തെ പരിഷ്ക്കരണങ്ങൾ.
MOST READ: വെനം സ്റ്റിക്കർ റാപ്പിൽ അണിഞ്ഞൊരുങ്ങി ടാറ്റ ഹാരിയർ
പിൻവശത്തേക്ക് നോക്കുമ്പോൾ പുതിയ മോഡലിന് സ്ലീക്കർ ലാമ്പുകളും ലൈറ്റ് ബാറിന് മുകളിലുള്ള ഒരു ക്രോം ലൈനും ലഭിക്കുന്നു. മെറ്റാലിക് ലോവർ സ്കിഡ് പ്ലേറ്റുള്ള ലോവർ ബമ്പറിൽ എസ്യുവി-പ്രചോദിത രൂപകൽപ്പനയും കാണാം.