Just In
- 18 min ago കറങ്ങുന്ന കസേരയ്ക്ക് മുടക്കിയ കാശ് ഖുദാ ഹവാ; നവകേരള ബസ് ഇനി റൂട്ടിലോടും
- 2 hrs ago പരസ്യം കൊടുക്കാൻ കിയ കഴിഞ്ഞേ ആളുള്ളൂ, സെൽറ്റോസിന്റെ പ്രചാരണത്തിന് ഇനി ബോബി ഡിയോളും
- 4 hrs ago കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- 5 hrs ago എല്ലാവർക്കും 'പഞ്ചിനെ' മതി, ടാറ്റയുടെ കുഞ്ഞൻ പ്രിയപ്പെട്ടവനാകുന്നതിൻ്റെ കാരണം എന്ത്
Don't Miss
- Movies ചില ദിവസങ്ങളിൽ അദ്ദേഹം മറ്റൊരു മുറിയിൽ; ഞാനത് പൂർണമായും മനസിലാക്കുന്നു; ഭർത്താവിനെക്കുറിച്ച് വിദ്യ
- News 'തെക്ക് കിഴക്ക് നടന്നു എന്നല്ലാതെ പൗരത്വ ബില്ലിനെ കുറിച്ച് രാഹുൽ ഗാന്ധി ഒന്നും പറഞ്ഞിട്ടില്ല'; എംവി ഗോവിന്ദൻ
- Finance ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം
- Sports IPL 2024: ഇവനെയൊക്കെ ഞങ്ങളുടെ കയ്യില് കിട്ടണം...; ധോണി പുകഴ്ത്തി സിഎസ്കെയെ കളിയാക്കി ഐസ് ലാന്റ് ക്രിക്കറ്റ്
- Lifestyle 1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി
- Travel വേനല് ചൂടോ.. ഇവിടെയോ? ഇത് സൈലന്റ് വാലിയാണ്.. വരൂ കാട്ടിൽ സഫാരി പോകാം
- Technology ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
എംജി ഹെക്ടറിന്റെ ഡീസൽ പതിപ്പും ഇനി ബിഎസ്-VI, വില 13.88 ലക്ഷം
ഹെക്ടർ എസ്യുവിയുടെ ഡീസൽ വകഭേദത്തെയും പുതിയ ബിഎസ്-VI മലിനീകരണ മാനദണ്ഡങ്ങൾക്ക് അനുസൃതമായി പരിഷ്ക്കരിച്ച് എംജി മോട്ടോർസ്. നവീകരിച്ച ഹെക്ടറിന്റെ ബേസ് മോഡലിന് 13.88 ലക്ഷം രൂപയാണ് എക്സ്ഷോറൂം വില. അതേസമയം ഏറ്റവും ഉയർന്ന പതിപ്പിന് 17.73 ലക്ഷം രൂപ മുടക്കേണ്ടതായുണ്ട്.
പുതിയ ബിഎസ്-VI നവീകരണത്തിൽ ഏകദേശം 40,000 മുതൽ 45,000 രൂപ വരെയാണ് വർധിച്ചിരിക്കുന്നത്. ഫിയറ്റിൽ നിന്നുള്ള 2.0 ലിറ്റർ ഡീസൽ എഞ്ചിൻ സമാനമായ 170 bhp കരുത്തും 350 Nm torque ഉം തന്നെയാണ് ബിഎസ്-VI കംപ്ലയിന്റിലും ഉത്പാദിപ്പിക്കുന്നത്. ആറ് സ്പീഡ് മാനുവൽ ഗിയർബോക്സ് മാത്രമാണ് ഡീസൽ വകഭേദത്തിൽ ലഭ്യമാകുന്നത്.
എംജി ഹെക്ടറിന്റെ ബിഎസ്-VI പെട്രോള് വകഭേദത്തെ കമ്പനി ഈ വർഷം ഫെബ്രുരിയിൽ പുറത്തിറക്കിയിരുന്നു. ബിഎസ്-IV പതിപ്പില് നിന്നും 26,000 രൂപയുടെ വര്ധനവുണ്ടായി 12.74 ലക്ഷം രൂപയായി പുതിയ പതിപ്പിന്. പെട്രോള് ഹൈബ്രിഡ് സംവിധാനവും ഇതിനൊപ്പം ലഭ്യമാണ്. സ്റ്റാൻഡേർഡ് പതിപ്പിനെക്കാള് 12 ശതമാനം അധിക ഇന്ധനക്ഷമത നൽകാൻ ശേഷിയുള്ളതാണ് പെട്രോള് ഹൈബ്രിഡ്.
48V ഇലക്ട്രിക് മോട്ടോറാണ് ഹൈബ്രിഡ് പതിപ്പില് എംജി ഉപയോഗിക്കുന്നത്. ബിഎസ് VI നിലവാരത്തിലേക്ക് പരിഷ്ക്കരിച്ച 1.5 ലിറ്റര് ഫോര് സിലിണ്ടര് ടര്ബോചാര്ജ്ഡ് പെട്രോള് എഞ്ചിനാണ് ഇതിൽ വാഗ്ദാനം ചെയ്യുന്നത്. യൂണിറ്റ് 143 bhp പവറിൽ 250 Nm torque സൃഷ്ടിക്കും. ബിഎസ് IV പതിപ്പിന്റെ അതേ പവർ ഔട്ട്പുട്ട് കണക്കുകൾ നവീകരിച്ച എഞ്ചിനിലും എംജിക്ക് നിലനിർത്താനായി.
ആറ് സ്പീഡ് മാനുവലാണ് ഗിയര്ബോക്സ്. കൂടാതെ ഓട്ടോമാറ്റിക് ആഗ്രഹിക്കുന്നവര്ക്കായി ഓപ്ഷണലായി ഏഴു സ്പീഡ് ഡ്യുവല് ക്ലച്ച് (DCT) ഓട്ടോമാറ്റിക് ഗിയര്ബോക്സും ബ്രാൻഡ് വാഗ്ദാനം ചെയ്യുന്നുണ്ട്.
എഞ്ചിൻ പരിഷ്ക്കരണത്തിന് പുറമെ മറ്റ് കോസ്മെറ്റിക് മെക്കാനിക്കൽ മാറ്റങ്ങളൊന്നും ജനപ്രിയ മിഡ്-സൈസ് എസ്യുവിയിൽ കമ്പനി അവതരിപ്പിച്ചിട്ടില്ല. ഈയൊരു മോഡലുമായി കഴിഞ്ഞ വർഷമാണ് ചൈനീസ് ഉടമസ്ഥതയിലുള്ള ബ്രിട്ടീഷ് ബ്രാൻഡ് ഇന്ത്യൻ വിപണിയിൽ ചുവടുവെക്കുന്നത്.
എസ്യുവിയുടെ ശരാശരി 2,500 യൂണിറ്റുകൾ എല്ലാ മാസവും വിറ്റഴിക്കാൻ എംജി മോട്ടോർസിന് സാധിക്കുന്നുണ്ട്. കഴിഞ്ഞ വർഷം ബ്രിട്ടീഷ് ബ്രാൻഡിന് എസ്യുവിയുടെ മൊത്തം 15,930 യൂണിറ്റുകൾ രാജ്യത്ത് വിറ്റഴിക്കാൻ സാധിച്ചു. അതിൽ 57.2 ശതമാനം അഥവാ 9,110 യൂണിറ്റുകൾ പെട്രോൾ മോഡലുകളും ബാക്കി 42.8 ശതമാനം, 6,820 യൂണിറ്റുകൾ ഡീസലുമാണ്.
ഇന്റർനെറ്റ് കണക്റ്റിവിറ്റിയുമായി വരുന്ന ഇന്ത്യയിലെ ആദ്യ വാഹനമെന്ന വിശേഷണത്തോടെയാണ് ഹെക്ടർ വിപണിയിൽ ഇടംപിടിച്ചത്. കൂടാതെ ആർട്ടിഫിഷ്യൽ ഇന്റലിജൻസിൽ പ്രവർത്തിക്കുന്ന നിരവധി ഫീച്ചറുകളും എംജി അണിനിരത്തുന്നു. ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവയ്ക്കൊപ്പം 10.25 ഇഞ്ച് ടച്ച്സ്ക്രീൻ ഇൻഫോടെയിൻമെന്റ് സിസ്റ്റം ഉൾപ്പെടെ നിരവധി ഘടകങ്ങളും വാഹനത്തിലുണ്ട്.
രണ്ട് പുത്തൻ എസ്യുവികളും ഈ വർഷം തന്നെ വിൽപ്പനക്ക് എത്തിക്കാൻ തയാറെടുക്കുകയാണ് എംജി. കൊവിഡ്-19-ന്റെ പശ്ചാത്തലത്തിൽ ഉത്പാദനവും വിൽപ്പനയും നിർത്തിവെച്ചിരിക്കുകയാണെങ്കിലും പുതിയ മോഡലുകളെ വിപണിയിൽ എത്തിക്കാനുള്ള പദ്ധതിയിൽ മാറ്റങ്ങൾ ഒന്നും സംഭവിച്ചിട്ടില്ലെന്ന് കമ്പനി കഴിഞ്ഞ ദിവസം അറിയിച്ചിരുന്നു.
ഹെക്ടർ എസ്യുവിയുടെ ആറ് സീറ്റർ പതിപ്പായ ഹെക്ടർ പ്ലസ്. അന്താരാഷ്ട്ര വിപണികളിലുള്ള മാക്സസ് D90 അടിസ്ഥാനമാക്കി എത്തുന്ന ഗ്ലോസ്റ്റർ ആഢംബര എസ്യുവി എന്നിവയാണ് പുത്തൻ മോഡലുകൾ.