Just In
- 1 hr ago ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ
- 11 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 14 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 15 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
Don't Miss
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
- Lifestyle സര്വ്വദുരിതങ്ങളും നീക്കുന്ന സങ്കടഹര ചതുര്ത്ഥി വ്രതം; ഗണേശ ആരാധനയ്ക്ക് വിശേഷ ഫലം
- Finance കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം
- News രാമക്ഷേത്ര പരാമർശം; നരേന്ദ്ര മോദിക്ക് ഇലക്ഷൻ കമ്മീഷന്റെ ക്ലീൻ ചിറ്റ്, ചട്ടലംഘനമില്ലെന്ന് കണ്ടെത്തൽ
- Sports IPL 2024:ഫിഫ്റ്റി, 1 വിക്കറ്റ്, 3 ക്യാച്ച്; പക്ഷെ അക്ഷര് കളിയിലെ താരമായില്ല! റിഷഭിനായി ഒതുക്കി?
- Technology സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ
- Movies ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
സി-സെഗ്മെന്റ് സെഡാൻ ശ്രേണിയിൽ പ്രിയം പെട്രോളിനോ അതോ ഡീസലിനോ?
അടുത്തിടെ എസ്യുവി മോഡലുകളോട് പ്രിയം കൂടിയ ഇന്ത്യൻ വാഹന വിപണി കുറച്ചുകാലം മുമ്പ് വരെ സി-സെഗ്മെന്റ് സെഡാനുകളോട് അടുപ്പമുള്ളവരായിരുന്നു. ജനപ്രിയ മോഡലുകളായ ഹോണ്ട സിറ്റി, മാരുതി സുസുക്കി സിയാസ്, ഹ്യുണ്ടായി വേർണ എന്നിവയെല്ലാം ഈ വിഭാഗത്തിലെ ശക്തമായ സാന്നിധ്യമാണ്.
2019 സാമ്പത്തിക വർഷത്തിൽ മാരുതി സുസുക്കി സിയാസ് മറ്റ് രണ്ട് എതിരാളികളെയും മറികടന്നത് നേരിയ വ്യത്യാസത്തിൽ മാത്രമാണ്. സിയാസ് മൊത്തം 29,706 യൂണിറ്റുകൾ വിറ്റഴിച്ചപ്പോൾ ഭൂരിഭാഗവും സംഭാവന ചെയ്തത് പെട്രോൾ വകഭേദങ്ങളായിരുന്നു എന്നത് ശ്രദ്ധേയമായി.
ഇന്ത്യൻ വിപണിയിൽ പെട്രോൾ മോഡലുകൾക്ക് ആവശ്യം കൂടിവരുന്നത് ഇപ്പോൾ ഒരു ട്രെൻഡായി മാറിയിരിക്കുകയാണ്. സിയാസിന്റെ മൊത്തം വിൽപ്പനയിൽ ഏകദേശം 23,562 യൂണിറ്റുകൾ പെട്രോൾ പതിപ്പിനും ബാക്കി 6,144 ഡീസൽ മോഡലുകൾക്കുമായിരുന്നു.
ശരാശരി വിൽപ്പന മാത്രം നേടുന്ന സ്കോഡ റാപ്പിഡ്, ഫോക്സ്വാഗണ് വെന്റോ, നിസാൻ സണ്ണി എന്നീ മോഡലുകളെ മാറ്റി നിർത്തിയാൽ പെട്രോൾ എഞ്ചിൻ മോഡലുകൾക്കാണ് വിൽപ്പനയിൽ മുൻതൂക്കം.
ഹോണ്ട സിറ്റിയുടെ വിൽപ്പനയിൽ 25,000 യൂണിറ്റ് പെട്രോൾ വകഭേദങ്ങൾക്ക് മാത്രമായി ലഭിച്ചു. എന്നിരുന്നാലും പെട്രോളിന് അനുകൂലമായി 87:13 എന്ന അനുപാതത്തിൽ 3,692 യൂണിറ്റാണ് ഡീസൽ വിൽപ്പന. പുതിയ എഞ്ചിനുകൾ, കോസ്മെറ്റിക് മാറ്റങ്ങൾ, പുതിയ സവിശേഷതകളും സാങ്കേതികവിദ്യകളും കൂട്ടിച്ചേർത്ത് അടുത്തിടെ എത്തിയ ഫെയ്സ്ലിഫ്റ്റ് ഹ്യുണ്ടായി വേർണക്ക് മറുപടിയായി പുതിയ സിറ്റി ഉടൻ ആഭ്യന്തര വിപണിയിൽ എത്തും.
കഴിഞ്ഞ മാസം വേർണ മൊത്തം 28,190 യൂണിറ്റ് വിൽപ്പനയാണ് രേഖപ്പെടുത്തിയത്. അതിൽ പെട്രോൾ മോഡലുകളുടെ വിൽപ്പന 15,551 യൂണിറ്റാണ്. ഡീസൽ വകഭേദങ്ങൾ 12,639 യൂണിറ്റുകളും വിറ്റ് മോശമല്ലെന്ന് തെളിയിച്ചു. സിയാസ്, സിറ്റി എന്നിവയിൽ നിന്ന് വ്യത്യസ്തമായി വേർണയുടെ ഡീസൽ എഞ്ചിൻ വിൽപ്പന വളരെ ഉയർന്നതായിരുന്നു.
നിലവിൽ 1.5 ലിറ്റർ പെട്രോൾ, 1.5 ലിറ്റർ ഡീസൽ, 1.0 ലിറ്റർ ടർബോ പെട്രോൾ എഞ്ചിൻ ഓപ്ഷനുകളോടെയാണ് ഹ്യുണ്ടായിയുടെ പ്രീമിയം സെഡാൻ വിപണിയിൽ ഇടംപിടിക്കുന്നത്.
മൊത്തം 9,751 യൂണിറ്റുകളുമായി റാപ്പിഡ് ഈ ശ്രേണിയിലെ വിൽപ്പനയിൽ നാലാം സ്ഥാനത്താണ്. മേൽപ്പറഞ്ഞ മോഡലുകൾക്ക് വിരുദ്ധമായി ഡീസൽ പതിപ്പ് റാപ്പിഡ് 6,303 യൂണിറ്റുകളുമായി വിൽപ്പനയുടെ ഭൂരിഭാഗവും സംഭാവന ചെയ്തു. അതേസമയം പെട്രോൾ വിൽപ്പന 3,448 യൂണിറ്റായി ചുരുങ്ങി.
വിൽപ്പനയുടെ 56 ശതമാനം ഡീസൽ പതിപ്പിനും 44 ശതമാനം പെട്രോളുകൾക്കുമായതിനാൽ ഫോക്സ്വാഗൺ വെന്റോയുടെ ഉപഭോക്താക്കൾക്ക് ഓയിൽ ബർണറുകളോടാണ് പ്രിയമെന്ന് വ്യക്തമാകുന്നു.
നിസാൻ സണ്ണിയുടെ 678 യൂണിറ്റുകൾ മാത്രമാണ് കഴിഞ്ഞ മാസം വിറ്റഴിക്കാൻ സാധിച്ചത്. അതിൽ 511 എണ്ണവും ഡീസൽ വേരിയന്റുകൾക്കുള്ളതാണ്. പെട്രോൾ പതിപ്പിനായി 94 യൂണിറ്റുകൾ വിറ്റഴിച്ച് ഫിയറ്റ് ലിനിയ അവസാനമായി ഓടിയെത്തി.