Just In
- 51 min ago ADAS ദുരുപയോഗം ചെയ്യുന്നവര് ദേ കാണ്... മഹീന്ദ്ര XUV700 യാത്രക്കാരുടെ ജീവന് രക്ഷിച്ച് സേഫ്റ്റി ഫീച്ചര്
- 1 hr ago ചൈനീസ് വാഹനങ്ങൾ അപകടകാരികളെന്ന് അമേരിക്ക, നിരോധനം ഉടനെ കാണുമോ എന്തോ
- 2 hrs ago തള്ളല്ല, എക്സ്റ്ററിന് കിട്ടുന്നത് 33 കി.മീ. മൈലേജ്; തെളിവ് സഹിതം പുറത്തുവിട്ട് ഉടമകൾ
- 4 hrs ago മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
Don't Miss
- Movies ജാസ്മിനെപ്പോലൊരു കൂതറ മത്സരാര്ത്ഥി ചരിത്രത്തിലില്ല; ഇക്കൊല്ലം ടോക്സിക് റാണി: ശ്രീലക്ഷ്മി
- Sports T20 World Cup 2024: ഒരൊറ്റ ഷോട്ട്, റിഷഭാണ് ബെസ്റ്റെന്ന് അന്നു ഉറപ്പിച്ചു! ടീമില് വേണമെന്ന് ബ്രോഡ്
- Finance സന്തോഷത്തിന്റെ വെള്ളിയാഴ്ച, ഓഹരി വിലയിൽ കുതിപ്പുമായി മോത്തിലാൽ ഓസ്വാൾ, കുതിപ്പിന്റെ കാരണം ഇതാണ്
- News 'രാഹുല് ഗാന്ധി ലീഗ് പതാക പിടിച്ചു': ഹിന്ദു വിരുദ്ധ വികാരം പടർത്തുന്നുവെന്ന് കേന്ദ്ര മന്ത്രി
- Technology മോനേ... ജാഡ കാണിക്കാൻ ഇത്രേം പറ്റിയ ഐറ്റം വേറെയില്ല! ഐഫോൺ 15 പ്രോയ്ക്ക് ഡിസ്കൗണ്ട്
- Travel ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ
- Lifestyle രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം
കോംപാക്ട് എസ്യുവി വിഭാഗത്തിൽ പ്രിയം പെട്രോളിനോ അതോ ഡീസലിനോ?
ഇന്ത്യൻ കാർ വിപണിയിലെ ഏറ്റവും ലാഭകരമായ വിഭാഗങ്ങളിലൊന്നാണ് നാലു മീറ്ററിൽ താഴെയുള്ള എസ്യുവി വിഭാഗം. ഇപ്പോൾ പ്രവർത്തനരഹിതമായ പ്രീമിയർ റിയോയാണ് ഈ വിഭാഗത്തിന് തുടക്കം കുറിയ്ക്കുന്നത്, എന്നാൽ യഥാർത്ഥത്തിൽ ഈ ശ്രേണിയെ ജനപ്രിയമാക്കിയത് ഫോർഡ് ഇക്കോസ്പോർട്ടാണ്.
എന്നിരുന്നാലും, കഴിഞ്ഞ കുറച്ച് വർഷങ്ങളായി ഈ എൻട്രി ലെവൽ എസ്യുവി വിഭാഗത്തിന്റെ രാജാവാണ് മാരുതി സുസുക്കി വിറ്റാര ബ്രെസ്സ. ഈ വിഭാഗത്തിലെ എല്ലാ മോഡലുകളുടെയും വിൽപ്പന കണക്കുകൾ നമുക്ക് പരിശോധിക്കാം, ഒപ്പം അവയുടെ പെട്രോൾ, ഡീസൽ മോഡലുകളുടെ വിൽപ്പനയുടെ ഒരു താരതമ്യവും നടത്താം.
തീർച്ചയായും, ഒന്നാം സ്ഥാനത്ത് 1,27,094 യൂണിറ്റ് വിൽപ്പനയുള്ള മാരുതി വിറ്റാര ബ്രെസ തന്നായാണുള്ളത്. ശരിക്കും രസകരമായ കാര്യം എന്തെന്നാൽ അടുത്ത കാലം വരെ എസ്യുവി ഒരു ഡീസൽ എഞ്ചിൻ ഓപ്ഷനിൽ മാത്രമേ ലഭ്യമായിരുന്നുള്ളൂ.
ഫിയറ്റിൽ നിന്ന് കടംകൊണ്ട ഡീസൽ എഞ്ചിന് പകരം പുതിയ പെട്രോൾ എഞ്ചിൻ നിർമ്മാതാക്കൾ വാഹനത്തിന് നൽകിയിട്ടുണ്ടെങ്കിലും കഴിഞ്ഞ വർഷം ഡീസൽ ഓപ്ഷനിൽ മാത്രമേ ലഭ്യമായിരുന്നുള്ളൂ. അതിനാൽ, 2019 ൽ വിറ്റ എല്ലാ യൂണിറ്റുകൾക്കും ഒരു ഡീസൽ ഹൃദയമാണ് ഉണ്ടായിരുന്നത്.
അടുത്തതായി, 70,443 യൂണിറ്റുകളുടെ മൊത്തം വിൽപ്പനയുള്ള ഹ്യുണ്ടായി വെന്യുവാണ്. ഇതിൽ 42,187 യൂണിറ്റ് വിൽപ്പന പെട്രോൾ പതിപ്പ് നേടിയപ്പോൾ 28,256 യൂണിറ്റ് വിൽപ്പനയാണ് ഡീസൽ മോഡൽ കരസ്ഥമാക്കിയത്.
രണ്ട് പെട്രോൾ എഞ്ചിൻ ഓപ്ഷനുകളും ഒരു ഡീസൽ എഞ്ചിൻ ഓപ്ഷനുമായാണ് ഹ്യുണ്ടായി വെന്യു വിൽപ്പനയ്ക്ക് എത്തുന്നത് എന്നത് ഇവിടെ ശ്രദ്ധേയമാണ്.
49,312 യൂണിറ്റ് വിൽപ്പനയോടെ ടാറ്റ നെക്സോൺ ആണ് മൂന്നാം സ്ഥാനത്ത്. ഇതിൽ 29,915 യൂണിറ്റുകൾ പെട്രോൾ എഞ്ചിൻ പതിപ്പും ബാക്കി 19,397 യൂണിറ്റ് ഡീസൽ പതിപ്പുമാണ്.
ടർബോചാർജ്ഡ് പെട്രോൾ, ഡീസൽ എഞ്ചിൻ ഓപ്ഷനുകൾക്കൊപ്പം നെക്സോൺ ലഭ്യമാണ്. നാലാം സ്ഥാനത്ത് 40,197 യൂണിറ്റുകൾ വിറ്റഴിച്ച് മഹീന്ദ്ര XUV300 ആണ്. പെട്രോളിനേക്കാൾ കൂടുതൽ ഡീസൽ പതിപ്പുകൾ XUV300 വിറ്റു എന്നതാണ് ശ്രദ്ധേയം. മൊത്തം 29,919 ഡീസൽ പതിപ്പുകളും 10,278 പെട്രോൾ മോഡലുകളും കമ്പനി വിറ്റഴിച്ചു.
അടുത്തതായി, ഫോർഡ് ഇക്കോസ്പോർട്ട് മൊത്തം 39,989 യൂണിറ്റുകളാണ് വാഹനം വിറ്റു പോയത്. ഇതിൽ 25,699 വിൽപ്പന ഡീസൽ എഞ്ചിൻ പതിപ്പിനാണ്. 14,290 യൂണിറ്റ് പെട്രോൾ മോഡലുകൾ ഇതേ കാലയളവിൽ കമ്പനി വിറ്റു.
ഞങ്ങളുടെ പട്ടികയിലെ ആറാമത്തെ വാഹനം ഹോണ്ട WR-V ആണ്, മൊത്തം 19,947 യൂണിറ്റ് വിൽപ്പന. കഴിഞ്ഞ വർഷം വിറ്റ മൊത്തം WR-V -കളിൽ 11,137 വാഹനങ്ങൾക്ക് പെട്രോൾ ഹൃദയവും ബാക്കി 8,810 യൂണിറ്റുകൾക്ക് ഡീസൽ പവർപ്ലാന്റുമാണ് ഉണ്ടായിരുന്നത്.
അവസാനമായി, ഞങ്ങളുടെ പട്ടികയിലെ ഏഴാമത്തേതും അവസാനത്തേതുമായ മോഡൽ മഹീന്ദ്ര TUV300 ആണ്. യൂട്ടിലിറ്റേറിയൻ എസ്യുവി കഴിഞ്ഞ വർഷം മൊത്തം 13,592 യൂണിറ്റുകളുടെ വിൽപ്പന നടത്തി. 1.5 ലിറ്റർ ടർബോ-ഡീസൽ യൂണിറ്റിന്റെ രൂപത്തിൽ വെറും ഒരു എഞ്ചിൻ ഓപ്ഷൻ മാത്രമാണ് TUV300 -ൽ ലഭ്യമായിരുന്നത്.