ഡാറ്റ്സൻ റെഡി-ഗോ ഫെയ്‌സ്‌ലിഫ്റ്റ് വിപണിയിലേക്ക്, കൂടുതൽ വിശദാംശങ്ങൾ പുറത്ത്

ഇപ്പോൾ നമുക്ക് അറിയേണ്ട ആവശ്യമായ ചില വിശദാംശങ്ങൾ വെളിപ്പെടുത്തുന്ന ബ്രോഷർ ഗാഡിവാഡിയാണ് പുറത്തുവിട്ടിരിക്കുന്നത്. ഇന്ത്യയിൽ നിസാന്റെ ബജറ്റ് സബ് ബ്രാൻഡായ ഡാറ്റ്സനിന് കീഴിൽ വിൽക്കുന്ന എൻട്രി ലെവൽ ഹാച്ച്ബാക്കാണ് റെഡി-ഗോ. വലിയ നവീകരണങ്ങളൊന്നുമില്ലാതെ വർഷങ്ങളായി വിപണിയിൽ തുടരുകയായിരുന്നു ഗോ.

ഈ മാസം മുതൽ കൂടുതൽ കർശനമായ ബി‌എസ്‌-VI മലിനീകരണ മാനദണ്ഡങ്ങൾ നടപ്പിലാക്കിയതോടെ ജാപ്പനീസ് ബ്രാൻഡ് ഫെയ്‌സ്‌ലിഫ്റ്റഡ് റെഡി ഗോ അവതരിപ്പിക്കാനുള്ള അവസരം ഏറ്റെടുക്കുകയും വരും ദിവസങ്ങളിൽ സമാരംഭിക്കുമെന്ന് ഇതിനകം സ്ഥിരീകരിക്കുകയും ചെയ്തിട്ടുണ്ട്. ആഭ്യന്തര വിപണിയിൽ വളരെ ജനപ്രിയമായ മാരുതി സുസുക്കി ആൾട്ടോയ്‌ക്കെതിരെയാണ് കുഞ്ഞൻ ഹാച്ച്ബാക്കിന്റെ പ്രധാന മത്സരം.

MOST READ: 2020 പോളോ GT കൂടുതല്‍ വിവരങ്ങള്‍ വെളിപ്പെടുത്തി ഫോക്‌സ്‌വാഗണ്‍

ടീസർ ചിത്രങ്ങളിൽ കാണുന്നതുപോലെ ചോർന്ന ബ്രോഷർ ചിത്രങ്ങളിൽ ഡാറ്റ്സൺ റെഡി ഗോയ്ക്ക് എന്തെല്ലാം നവീകരണങ്ങൾ ലഭിക്കുന്നുവെന്ന സൂചന നൽകുന്നു. പുതിയ രൂപകൽപ്പനയിൽ ഡ്യുവൽ-ടോൺ കവറുകളുള്ള 14 ഇഞ്ച് വീലുകൾ, ക്രോം ചുറ്റുപാടുകളുള്ള കൂടുതൽ ആക്രമണാത്മക മുൻവശം, സിൽവർ ആക്സന്റുകളുള്ള സിൽവർ റാപ്റൗണ്ട് ഹെഡ്‌ലാമ്പുകൾ, മാനുവലി മടക്കാവുന്ന മിററുകൾ, വലിയ മുൻ ബ്ലാക്ക് ഗ്രിൽ എന്നിവ ഡാറ്റ്സനിൽ ഇടംപിടിക്കുന്നു.

എൽ-ആകൃതിയിലുള്ള ഡേടൈം റണ്ണിംഗ് ലൈറ്റുകൾ, എൽഇഡി ഫോഗ് ലാമ്പുകൾ, ഫ്രണ്ട് ഫെൻഡറുകൾക്ക് തൊട്ട് മുകളിലായി ഡാറ്റ്സൻ സിഗ്നേച്ചർ ചിഹ്നം എന്നിവയാണ് പുറംമോടിയിലെ മറ്റ് ഹൈലൈറ്റുകൾ. ഈ സവിശേഷതകൾ ഉയർന്ന വകഭേദങ്ങളിലേക്ക് പരിമിതപ്പെടുത്തുമെന്ന് പ്രതീക്ഷിക്കുന്നു.

MOST READ: ഇനി സുസുക്കിയുടെ ഊഴം! ടൊയോട്ട RAV4 അടിസ്ഥാനമാക്കിയുള്ള എസ്‌യുവി ഉടൻ വിപണിയിലേക്ക്

മാത്രമല്ല 2020 റെഡി-ഗോയ്‌ക്കൊപ്പം കൂടുതൽ പ്രീമിയം പാക്കേജ് വാഗ്‌ദാനം ചെയ്യുന്നതിനുള്ള ഡാറ്റ്സന്റെ ഉദ്ദേശ്യങ്ങൾ അവ ചൂണ്ടി കാണിക്കുന്നു. പിൻവശത്ത് സി-ആകൃതിയിലുള്ള എൽഇഡി ടെയിൽ ലാമ്പുകളും പരിഷ്ക്കരിച്ചിരിക്കുന്നത് ശ്രദ്ധേയമാണ്.

ഡാറ്റ്സൻ റെഡി-ഗോയുടെ മൊത്തത്തിലുള്ള രൂപഘടനയും ഉയരമുള്ള പില്ലറുകളും നിലവിലുള്ള മോഡലിന് സമാനമായി തുടരുന്നു. അതിനാൽ കാറിന്റെ വശങ്ങളും അതിന്റെ വിശദാംശങ്ങളും പഴയപടി തന്നെ.

MOST READ: കരോക്ക്, സൂപ്പർബ് ഫെയ്‌സ്‌ലിഫ്റ്റ്, ബിഎസ് VI റാപ്പിഡ് എന്നിവയുടെ ബുക്കിംഗ് ആരംഭിച്ച് സ്കോഡ

എട്ട് ഇഞ്ച് ടച്ച്‌സ്‌ക്രീൻ ഇൻഫോടെയിൻമെന്റ് സിസ്റ്റം, മാർഗനിർദേശങ്ങളും സെൻസറുകളുമുള്ള റിവേഴ്‌സ് പാർക്കിംഗ് ക്യാമറ, പിയാനോ ബ്ലാക്ക് ഫിനിഷും സിൽവർ ബെസലുകളും, ടു-ടോൺ ഇൻസ്ട്രുമെന്റ് ക്ലസ്റ്റർ, ഇന്റേണൽ അഡ്ജസ്റ്റബിൾ മിററുകൾ തുടങ്ങി നിരവധി പുതിയ ഉപകരണങ്ങൾ ഇന്റീരിയറിൽ ലഭിക്കുന്നു.

ഡ്യുവൽ ഫ്രണ്ട് എയർബാഗുകൾ, ആന്റി-ലോക്ക് ബ്രേക്കിംഗ് സിസ്റ്റം, ഹൈ സ്പീഡ് അലേർട്ട്, സീറ്റ് ബെൽറ്റ് ഓർമ്മപ്പെടുത്തൽ തുടങ്ങിയ സുരക്ഷാ സവിശേഷതകളും 2020 റെഡി ഗോയിൽ ലഭ്യമാകും. പ്രകടനത്തെ സംബന്ധിച്ചിടത്തോളം 2020 ഡാറ്റ്സൺ റെഡി-ഗോ 0.8 ലിറ്റർ, 1.0 ലിറ്റർ പെട്രോൾ എഞ്ചിനുകൾ ഉപയോഗിക്കുന്നത് തുടരുന്നു. ഇത് റെനോ ക്വിഡിൽ വാഗ്‌ദാനം ചെയ്യുന്നതിന് സമാനമാണ്.

MOST READ: കൊവിഡിനെതിരെ പോരാടാൻ ഹെക്ടർ ആംബുലൻസുമായി എംജി

ബി‌എസ്‌-VI മലിനീകരണത്തിന് അനുസൃതമാണ് എഞ്ചിൻ എന്നത് എടുത്ത് പറയേണ്ടതില്ല. ചെറിയ മൂന്ന് സിലിണ്ടർ പെട്രോൾ യൂണിറ്റ് അഞ്ച് സ്പീഡ് മാനുവൽ ഗിയർബോക്‌സുമായി ജോടിയാക്കുമ്പോൾ 1.0 ലിറ്റർ മോട്ടോർ അഞ്ച് സ്പീഡ് മാനുവൽ അല്ലെങ്കിൽ അഞ്ച് സ്പീഡ് എഎംടി ഗിയർബോക്സ് ഓപ്ഷനിൽ തെരഞ്ഞെടുക്കാൻ സാധിക്കും.