Just In
- 35 min ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
- 1 hr ago ഇനി പപ്പടമല്ല, നല്ല ഒന്നാന്തരം ഉരുക്കാണ്... ഇടിപ്പരീക്ഷയിൽ 4 സ്റ്റാർ-റേറ്റിംഗുമായി പുത്തൻ സ്വിഫ്റ്റ്
- 2 hrs ago വാഗ്ദാനങ്ങൾ പാലിച്ചില്ല, 'നവകേരള ബസ്' കറിവേപ്പിലയായി! കോടികൾ മുടക്കിയ ബസ് പൊടിപിടിച്ചു കിടക്കുന്നു
- 3 hrs ago മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി
Don't Miss
- Lifestyle നാല്പ്പതുകളിലെ ഗര്ഭധാരണം: സ്ത്രീകളറിയേണ്ട അപകടങ്ങള്
- Movies സലിം കുമാര് പറ്റില്ലെന്ന് മുഖത്തടിച്ച പോലെ പറഞ്ഞു; സങ്കടമായി, പിന്നെ സംഭവിച്ചത്; കുളപ്പുള്ളി ലീല
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- News തിരുവനന്തപുരത്ത് വോട്ടിംഗ് മെഷീനുകളിൽ തകരാർ എന്ന് വ്യാജവാർത്ത: ജില്ലാ കളക്ടർക്ക് പരാതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
- Sports IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
ഹോണ്ട സിറ്റി മാർച്ചിൽ വിപണിയിലേക്ക്, പരീക്ഷണ ചിത്രങ്ങൾ പുറത്ത്
ജാപ്പനീസ് കാർ നിർമാതാക്കളായ ഹോണ്ട തങ്ങളുടെ ജനപ്രിയ മോഡലായ സിറ്റിയുടെ അഞ്ചാം തലമുറ മോഡലിനെ മാർച്ച് 16ന് ഇന്ത്യൻ വിപണിയിൽ അവതരിപ്പിച്ചേക്കും. ഇതിനെ കുറിച്ച് ഔദ്യോഗിക വിവരങ്ങളൊന്നും കമ്പനി പുറത്തുവിട്ടില്ല.
ഇതിനോടകം തന്നെ തായ്ലൻഡ് വിപണിയിൽ എത്തുന്ന പുതിയ സിറ്റിയെ രാജ്യത്ത് അവതരിപ്പിക്കുനന്തിനു മുന്നോടിയായി ഇന്ത്യൻ നിരത്തുകളിൽ പരീക്ഷണം നടത്തി വരികയാണ് കമ്പനി. അതിന്റെ സ്പൈ ചിത്രങ്ങൾ ഇപ്പോൾ റഷ്ലൈൻ പുറത്തുവിട്ടു.
അടിമുടി മാറ്റങ്ങളോടെ എത്തുന്ന പുതിയ സിറ്റി സെഡാന്റെ ആദ്യ ടീസർ ചിത്രങ്ങൾ ഹോണ്ട അടുത്തിടെ പുറത്തുവിട്ടിരുന്നു. വിദേശ വിപണിയിൽ ലഭ്യമായ അഞ്ചാം തലമുറ മോഡലിന് സമാനമായിരിക്കും ഇന്ത്യൻ പതിപ്പ് ഹോണ്ട സിറ്റിയുമെന്ന് ചിത്രങ്ങൾ സൂചിപ്പിക്കുന്നു. എങ്കിലും ഇന്ത്യൻ ഭൂപ്രദേശങ്ങൾക്ക് അനുസൃതമായ നിർദ്ദിഷ്ട മാറ്റങ്ങളും 2020 മോഡലിന് ഉണ്ടാകുമെന്ന് ഉറപ്പാണ്.
നാലാം തലമുറ മോഡലിനേക്കാൾ വലിപ്പമേറിയതും നീളം കൂടിയതുമാകും 2020 ഹോണ്ട സിറ്റിയെന്ന് പരീക്ഷണ ചിത്രങ്ങളിൽ നിന്ന് വ്യക്തമാകുന്നു. കൂടാതെ പൂർണ എൽഇഡി ഹെഡ്ലാമ്പുകൾ, വലിയ റേഡിയേറ്റർ ഗ്രിൽ, എക്സ്ട്രാ സ്കിൽപ്ഡ് ബമ്പറുകൾ എന്നിവയും പുതിയ കാറിന് ലഭിക്കുന്നു. റൂഫ് വളരെ പരന്നതായതിനാൽ കാറിനുള്ളിൽ വിശാലമായ ഇടം ലഭ്യമാകും.
2020 ഹോണ്ട സിറ്റി കഴിഞ്ഞ വർഷം നവംബറിലാണ് തായ് വിപണിയിലെത്തിയത്. വാഹനത്തെ കൂടുതൽ പ്രീമിയമാക്കുന്നതിന് കാറിന്റെ ഇന്റീരിയറിൽ ഇരട്ട-ടോൺ ഷേഡുകൾ, ഫോക്സ് ബ്രഷ്ഡ് അലുമിനിയം ട്രിം എന്നിവ പോലുള്ള മാറ്റങ്ങൾ കാണും. ഇരിപ്പിടങ്ങൾക്ക് ഭാരം കുറഞ്ഞ ഷേഡാകും ഉപയോഗിക്കുക.
ആപ്പിൾ കാർപ്ലേയും ആൻഡ്രോയിഡ് ഓട്ടോയും പിന്തുണയ്ക്കുന്ന ടച്ച്സ്ക്രീൻ ഇൻഫോടെയിൻമെന്റ് സിസ്റ്റം അകത്തളത്തെ പ്രധാന മാറ്റമായി ശ്രദ്ധിക്കപ്പെടും. ഇന്ത്യൻ വിപണിയിൽ ഹോണ്ട സിറ്റി പ്രധാനമായും ഹ്യുണ്ടായി വേർണ, സ്കോഡ റാപ്പിഡ്, ഫോക്സ്വാഗണ് വെന്റോ, മാരുതി സുസുക്കി സിയാസ് തുടങ്ങിയ മോഡലുകളോട് ഇന്ത്യൻ വിപണയിൽ ഏറ്റുമുട്ടും.
അഞ്ചാം തലമുറ ഹോണ്ട സിറ്റി ബിഎസ്-VI പെട്രോൾ, ഡീസൽ എഞ്ചിൻ ഓപ്ഷനുകളിൽ വിപണിയിൽ എത്തും. ഈ പെട്രോൾ യൂണിറ്റ് അടുത്തിടെ വെളിപ്പെടുത്തിയ പ്രിമീയം ഹാച്ച്ബാക്കായ ജാസിൽ കണ്ട ഏറ്റവും പുതിയ മൈൽഡ്-ഹൈബ്രിഡ് സാങ്കേതികവിദ്യയും അവതരിപ്പിച്ചേക്കാമെന്ന് റിപ്പോർട്ടുകൾ സൂചിപ്പിക്കുന്നു.
അഞ്ച് സ്പീഡ് മാനുവൽ അല്ലെങ്കിൽ ആറ് സ്പീഡ് മാനുവൽ ഗിയർബോക്സുമായി എഞ്ചിൻ ജോടിയാക്കും. അതോടൊപ്പം 7-ഘട്ട സിവിടി ഉപയോഗിച്ചും പെട്രോൾ യൂണിറ്റ് തെരഞ്ഞെടുക്കാനാകും.
നിലവിൽ ഇന്ത്യൻ വിപണിയിൽ ലഭ്യമായ പെട്രോൾ ഹോണ്ട സിറ്റിയും അടുത്തിടെ ബിഎസ്-VI ലേക്ക് പരിഷ്ക്കരിച്ച് രാജ്യത്ത് പുറത്തിറക്കിയിരുന്നു. ഇത് ഇപ്പോഴും മാന്യമായ വിൽപ്പന നേടാൻ കമ്പനിയെ സഹായിക്കുന്നുണ്ട്.
1.5 ലിറ്റർ പെട്രോൾ, ഡീസൽ എഞ്ചിനുകൾ തന്നെയാണ് നിലവിലെ മോഡൽ സിറ്റിയിലും ഹോണ്ട വാഗ്ദാനം ചെയ്യുന്നത്. പെട്രോൾ 117bhp യും 145 Nm torque ഉം ആണ് ഉത്പാദിപ്പിക്കുന്നത്. ഡീസൽ എഞ്ചിൻ 99 bhp ഉം 200 Nm torque ഉം സൃഷ്ടിക്കുന്നു.