Just In
- 8 hrs ago 'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ
- 9 hrs ago ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും
- 9 hrs ago ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി
- 10 hrs ago ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ
Don't Miss
- Movies എത്ര വെള്ളി കാശിനാ ജാസ്മിനെ നീ ഈ പാവത്തിനെ ഒറ്റിയത് ? ഈ സീസണിലെ റിയല് പോരാളി ജിന്റോ
- News ലോക്സഭ തിരഞ്ഞെടുപ്പ് 2024 രണ്ടാം ഘട്ടം Live: കേരളം അടക്കം 13 സംസ്ഥാനങ്ങള് ബൂത്തിലേക്ക്
- Sports IPL 2024: ഡുപ്ലെസിയുടെ മാരക പ്ലാന്! 'ദുരന്തം' ബൗളിങ് വച്ച് കളി ജയിച്ചതെങ്ങനെ? അറിയാം
- Lifestyle മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള്
- Technology ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഓഫ് റോഡ് പ്രേമികൾക്ക് സന്തോഷിക്കാം! ഉടൻ വിപണിയിൽ എത്തുന്നത് അഞ്ച് 4×4 എസ്യുവികൾ
കഴിഞ്ഞ ഏതാനും വർഷങ്ങളായി ഇന്ത്യയുടെ എസ്യുവി വിപണിയിൽ വൻ വളർച്ചയാണ് ഉണ്ടായിട്ടുള്ളത്. എൻട്രി ലെവൽ വിഭാഗത്തിൽ ഇപ്പോൾ ഹ്യുണ്ടായി വെന്യു, മഹീന്ദ്ര XUV300 എന്നിവയുൾപ്പെടെ മികച്ച മോഡലുകളാണ് അണിനിരക്കുന്നത്.
അടുത്ത മിഡ്-സൈസ് എസ്യുവി ശ്രേണിയിൽ കിയ സെൽറ്റോസ്, ഹ്യുണ്ടായി ക്രെറ്റ എന്നിവ പോലുള്ള ഉയർന്ന മാർക്കറ്റ് മോഡലുകളും നമുക്ക് തെരഞ്ഞെടുക്കാൻ സാധിക്കും. എന്നിരുന്നാലും സമീപകാലത്ത് നിരവധി പുതിയ എസ്യുവികളുടെ വരവ് ഉണ്ടായിരുന്നിട്ടും ഓഫ്-റോഡിംഗ് പ്രേമികളുടെ മികച്ച തെരഞ്ഞെടുപ്പിനായി മോഡലുകൾ ഉത്പാദിപ്പിക്കപ്പെടുന്നില്ല. എന്നാൽ ഉടൻ തന്നെ കുറഞ്ഞത് അഞ്ച് പുതിയ 4×4 മോഡലുകളെങ്കിലും നമ്മുടെ വിപണിയിൽ ഇടംപിടിക്കും.
1. മഹീന്ദ്ര ഥാർ
അന്നും ഇന്നും ഓഫ്-റോഡ് പ്രേമികൾക്കിടയിലെ താരമാണ് മഹീന്ദ്ര ഥാർ. എന്നാൽ കഴിഞ്ഞ വർഷം അവസാനത്തോടെ മഹീന്ദ്ര ഥാറിനെ വിപണിയിൽ നിന്നും നിർത്തലാക്കി. മറ്റൊന്നിനുമല്ല പുതുതലമുറ ഥാർ ഒരുങ്ങുന്നതിനാലാണ് കമ്പനി ഈ തീരുമാനത്തിലേക്ക് എത്തിയത്. അത് കമ്പനിയുടെ ആധുനിക ZEN3 ലാൻഡർ-ഫ്രെയിം ആർക്കിടെക്ചറിനെ അടിസ്ഥാനമാക്കിയാകും വിപണിയിൽ എത്തുക.
MOST READ: റെനോ കിങര് വിപണിയില് എത്തുന്നത് വൈകും
പുതിയ മോഡൽ മുമ്പത്തെ പതിപ്പിനേക്കാൾ വലുതായിരിക്കും. കൂടാതെ കമ്പനി ഘടിപ്പിച്ച ഹാർഡ്-ടോപ്പ് വകഭേദവും ശ്രേണിയിൽ ഇടംപിടിക്കും. പുത്തൻ ഥാറിന് കരുത്ത് പകരുന്നത് 2.0 ലിറ്റർ ടർബോചാർജ്ഡ് ഡീസലും 1.5 ലിറ്റർ ടർബോചാർജ്ഡ് പെട്രോൾ എഞ്ചിനുകളുമാണ്. തീർച്ചയായും ഇതൊരു 4×4 ഓഫറായും തെരഞ്ഞെടുക്കാനും സാധിക്കും.
2. 2020 മാരുതി ജിംനി
2020 ഓട്ടോ എക്സ്പോയിൽ മാരുതി സുസുക്കി ഇന്ത്യയിലെ നാലാം തലമുറ ജിംനിയെ പ്രദർശിപ്പിച്ചു. ഈ വർഷം അവസാനത്തോടെ ഇന്ത്യയിൽ വിൽപ്പനക്ക് എത്തുമെന്ന് പ്രതീക്ഷിക്കുന്ന മിനി എസ്യുവിയുടെ 5-ഡോർ പതിപ്പാകും രാജ്യത്ത് അരങ്ങേറ്റം കുറിക്കുക.
MOST READ: വിപണിയോട് വിടപറഞ്ഞ് രണ്ട് നിസാൻ മോഡലുകൾ കൂടി
വരാനിരിക്കുന്ന മോഡൽ അതിന്റെ 1.5 ലിറ്റർ പെട്രോൾ എഞ്ചിൻ സിയാസുമായി പങ്കിടും. കൂടാതെ അഞ്ച് സ്പീഡ് മാനുവൽ നാല് സ്പീഡ് ടോർഖ്-കൺവെർട്ടർ ഓട്ടോമാറ്റിക് ഗിയർബോക്സും ഓപ്ഷണലായി 4×4 പതിപ്പും മാരുതി ജിംനിയിൽ ലഭ്യമാകും.
3. ജീപ്പ് കോംപാക്ട് എസ്യുവി
ജീപ്പ് ഇന്ത്യ റെനെഗേഡ് എസ്യുവിയെ ഇന്ത്യയിലേക്ക് കൊണ്ടുവരുമെന്ന് നേരത്തെ പ്രതീക്ഷിച്ചിരുന്നു. എന്നാൽ ഇതിനെ കുറിച്ചുള്ള വാർത്തകൾ ഒന്നും ഇപ്പോൾ പുറത്തു വരുന്നില്ല. പകരം ഫിയറ്റ് പാണ്ടയുടെ 4×4 പ്ലാറ്റ്ഫോമിനെ അടിസ്ഥാനമാക്കിയുള്ള മറ്റൊരു കോംപാക്ട് എസ്യുവിയുമായാകും കമ്പനി വരിക.
MOST READ: മോഡലുകള്ക്ക് വന് ഓഫറുമായി റെനോ
ഫോർഡ് ഇക്കോസ്പോർട്ട്, മഹീന്ദ്ര XUV300, മാരുതി സുസുക്കി വിറ്റാര ബ്രെസ തുടങ്ങിയവയുമായി പുതിയ ജീപ്പ് മോഡൽ മത്സരിക്കും. എന്നിരുന്നാലും പുതിയ കോംപാക്ട് എസ്യുവി ഒരു റോഡ് കേന്ദ്രീകൃതമാണെങ്കിലും ഒരു ഓൾ-വീൽ ഡ്രൈവ് സംവിധാനം വാഗ്ദാനം ചെയ്ത് വിപണിയിൽ സ്വന്തമായൊരു ഇടംകണ്ടെത്താൻ ശ്രമിച്ചേക്കും. മാനുവൽ, ഓട്ടോമാറ്റിക് ഗിയർബോക്സ് ഓപ്ഷനുകളുള്ള പുതിയ മോഡൽ പെട്രോൾ, ഡീസൽ എഞ്ചിൻ ഓപ്ഷനുകളിലും തെരഞ്ഞെടുക്കാൻ സാധിക്കും.
4. 2020 ഫോഴ്സ് ഗൂർഖ
ഓഫ് റോഡ് പ്രേമികൾക്കിടയിൽ മാത്രം സുപരിചിതമാ പേരാണ് ഗൂർഖ. 2020 ഓട്ടോ-എക്സ്പോയിൽ പ്രദർശിപ്പിച്ച പുതിയ തലുമറ ഫോഴ്സ് ഗൂർഖ വരും മാസങ്ങളിൽ രാജ്യത്ത് വിൽപ്പനയ്ക്കെത്തും. മഹീന്ദ്ര ഥാറിന്റെ നേരിട്ടുള്ള എതിരാളിയാണ് ഇവൻ.
MOST READ: ഗ്രാൻഡ് i10 നിയോസിന് ഇലക്ട്രിക് എഞ്ചിൻ നൽകില്ലെന്ന് ഹ്യുണ്ടായി
പുത്തൻ ഫോഴ്സ് ഗൂർഖ കൂടുതൽ പരുഷമായി കാണപ്പെടുന്നു. കൂടാതെ ബിഎസ്-VI കംപ്ലയിന്റ് 2.6 ലിറ്റർ ഡീസൽ എഞ്ചിനാണ് എസ്യുവിക്ക് കരുത്തേകുന്നത്. ഇത് പരമാവധി 90 bhp പവർ ഉത്പാദിപ്പിക്കാൻ ശേഷിയുള്ളതാണ്. ലോക്ക് ചെയ്യാവുന്ന ഡിഫറൻഷ്യലുകളുള്ള 4×4 സംവിധാനത്തോടെ പുതിയ ഗൂർഖ വിൽക്കും.
5. 2020 ഇസൂസു വി-ക്രോസ്
മിക്ക കാർ നിർമാതാക്കളിൽ നിന്നും വ്യത്യസ്തമായി ഇസൂസു ഇതുവരെ തങ്ങളുടെ വാഹനങ്ങളുടെ ബിഎസ്-VI കംപ്ലയിന്റ് പതിപ്പുകൾ പുറത്തിറക്കിയിട്ടില്ല. രാജ്യവ്യാപകമായി ലോക്ക്ഡൗൺ അവസാനിച്ചതിനുശേഷം 10 ദിവസത്തെ ഗ്രേസ് കാലാവധിക്കപ്പുറം ബിഎസ്-VI കംപ്ലയിന്റ് സ്റ്റോക്കിന്റെ 10 ശതമാനത്തിൽ കൂടുതൽ വിൽക്കാൻ കഴിയാത്തതിനാൽ ബ്രാൻഡിന് വിൽപ്പന പ്രവർത്തനങ്ങൾ കുറച്ചുകാലത്തേക്ക് നിർത്തിവെക്കേണ്ടി വരും.
ജാപ്പനീസ് യൂട്ടിലിറ്റി വാഹന നിർമാതാക്കളായ ഇസൂസു മോട്ടോർസിന്റെ അഡ്വഞ്ചർ യൂട്ടിലിറ്റി വാഹനമായ വി-ക്രോസിന്റെ ബിഎസ്-VI പതിപ്പിനെ ഏറെ പ്രതീക്ഷയോടെയാണ് വാഹന പ്രേമികൾ കാത്തിരിക്കുന്നത്. കരുത്തേറിയ എഞ്ചിനൊപ്പം അഞ്ചു സ്പീഡ് മാനുവൽ ഗിയർബോക്സുമായാകും വി-ക്രോസ് എത്തുക. ഒപ്പം ഓൾ വീൽ ഡ്രൈവ് സംവിധാനവും കാറിന്റെ പ്രത്യേകതയായിരിക്കും.