ഇലക്‌ട്രിക്കിലേക്ക് ചുവടുവെക്കാൻ ഫോർഡ് F-150 പിക്കപ്പ് ട്രക്ക്; ടീസർ വീഡിയേ പുറത്ത്

അതിന്റെ ഭാഗമായി F-150 പിക്കപ്പ് ട്രക്കിന്റെ ഇലക്ട്രിക് പതിപ്പ് ഉടൻ വരുന്നുണ്ടെന്ന് സൂചിപ്പിക്കുന്ന പുതിയ ടീസർ ഫോർഡ് പുറത്തിറക്കി. മിഷിഗനിലെ ഡെട്രോയിറ്റിലുള്ള അമേരിക്കൻ കമ്പനിയുടെ റൂജ് ഇലക്ട്രിക് വെഹിക്കിൾ സെന്ററിലാകും വാഹനം നിർമിക്കുക.

റോഗ് കോംപ്ലക്സിലേക്ക് 700 ദശലക്ഷം യുഎസ് ഡോളർ മുതൽമുടക്കിൽ ഈ പ്ലാന്റ് വിപുലീകരിക്കാൻ ബ്ലൂ ഓവൽ വളരെയധികം പരിശ്രമിച്ചിട്ടുണ്ട്. F-150 ഇവി ഉൾപ്പെടെ വരാനിരിക്കുന്ന നിരവധി ഇലക്ട്രിക് വാഹനങ്ങൾക്ക് പ്ലാന്റ് സേവനം നൽകും.

MOST READ: ആള്‍ട്രോസ് ടര്‍ബോ പതിപ്പിന്റെ കൂടുതല്‍ വിവരങ്ങള്‍ പുറത്ത്; അരങ്ങേറ്റം ഉടനെന്ന് ടാറ്റ

2022 മധ്യത്തോടെ പ്ലാന്റിൽ സീറോ-എമിഷൻ F-150 പിക്കപ്പ് നിർമിക്കാനാണ് കമ്പനിയുടെ പദ്ധതി. എങ്കിലും വാഹനത്തിന്റെ ഔദ്യോഗിക വിശദാംശങ്ങളൊന്നും ഇപ്പോൾ ലഭ്യമല്ല. പ്രകടനത്തെ സംബന്ധിച്ചിടത്തോളം F-150 ഇവിക്ക് കരുത്തേകാൻ ഫോർഡ് രണ്ട് ഇലക്ട്രിക് മോട്ടോറുകൾ ഉപയോഗിക്കും.

നിലവിൽ ലഭ്യമായ പെട്രോൾ എഞ്ചിൻ F-150 മോഡലിനെ അപേക്ഷിച്ച് ഇലക്ട്രിക് പതിപ്പ് കൂടുതൽ പവർ, ടോർഖ് ഔട്ട്പുട്ട് നൽകുമെന്ന് പറയപ്പെടുന്നു. റാപ്‌റ്ററിൽ ഉപയോഗിക്കുന്ന 3.5 ലിറ്റർ V6 ഇക്കോബൂസ്റ്റ് യൂണിറ്റിനേക്കാക്കാൾ 2022 ഫോർഡ് F-150 ഇവി കൂടുതൽ കരുത്തുറ്റതാകും.

MOST READ: ടിയാഗൊയുടെ മൂന്ന് ലക്ഷം യൂണിറ്റുകൾ നിർമിച്ച് ടാറ്റ മോട്ടോർസ്

ഇലക്ട്രിക് പ്രൊപ്പൽ‌ഷൻ‌ പ്രാപ്‌തമാക്കിയ പെർഫോമൻസ് സവിശേഷതകൾ‌ ഉയർന്ന തോയിംഗ് ശേഷിക്ക് കാരണമാകും. കൂടാതെ ട്രങ്ക് കപ്പാസിറ്റി കൂടുകയും F-150 ഇലക്ട്രിക്കിന് മെച്ചപ്പെട്ട കണക്റ്റിവിറ്റി ഫീച്ചറുകളും പരിഷ്ക്കരിച്ച SYNC സിസ്റ്റവും OTR അപ്‌ഡേറ്റുകളും ഉണ്ടായിരിക്കും.

F-സീരീസ് പിക്കപ്പ് ട്രക്കുകൾ പ്രധാനമായും വടക്കേ അമേരിക്കയിൽ ഒരു പ്രധാന പങ്ക് വഹിക്കുന്നു. അതിനാൽ 2022 ൽ തന്നെ ഒരു ഇലക്ട്രിക് പതിപ്പ് അവതരിപ്പിക്കുന്നത് കൂടുതൽ അർഥവത്താകും.

MOST READ: എന്യാക് iV ഇലക്ട്രിക് എസ്‌യുവിയെ ഇന്ത്യയില്‍ അവതരിപ്പിക്കാന്‍ പദ്ധതിയിട്ട് സ്‌കോഡ

കൂടുതൽ അമേരിക്കൻ വാഹന നിർമാതാക്കൾ വരും വർഷങ്ങളിൽ ഇലക്ട്രിക് വ്യവസായത്തിലേക്ക് ചുവടുവെക്കാൻ നോക്കുന്നതിനാൽ മത്സരം കൂടുതൽ കടുപ്പമേറിയതായിരിക്കും. എങ്കിലും പിക്കപ്പ് ട്രക്ക് മോഡലുകളോടുള്ള ആരാധന ഫോർഡിന് സഹായകരമാകും.

മൾട്ടി പർപ്പസ് ഉപയോഗത്തിന് അനുയോജ്യം എന്നതുതന്നെയാണ് ഇത്തരം മോഡലുകളെ അമേരിക്കക്കാർക്കിടയിൽ ഏറെ പ്രയങ്കരമാക്കിയത്. ഈ ശ്രേണിയിൽ മേൽകൈയുള്ള ബ്രാൻഡാണ് ഫോർഡ്. അഞ്ച് വർഷങ്ങൾക്കു മുമ്പ് വിപണിയിൽ ഇടംപിടിച്ച നിലവിലെ മോഡലിൽ നിന്നും കാര്യമായ മാറ്റങ്ങളാളോടെ വാഹനം അടുത്തിടെ വിപണിയിൽ എത്തിച്ചിരുന്നു.