Just In
- 22 min ago പരസ്യം കൊടുക്കാൻ കിയ കഴിഞ്ഞേ ആളുള്ളൂ, സെൽറ്റോസിന്റെ പ്രചാരണത്തിന് ഇനി ബോബി ഡിയോളും
- 1 hr ago കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- 2 hrs ago എല്ലാവർക്കും 'പഞ്ചിനെ' മതി, ടാറ്റയുടെ കുഞ്ഞൻ പ്രിയപ്പെട്ടവനാകുന്നതിൻ്റെ കാരണം എന്ത്
- 3 hrs ago ഈ ബൈക്കിന്റെ കവറിന് വില 16,875 രൂപ, ആക്സസറികളുടെ പൈസയുണ്ടേൽ ഒരു ബുള്ളറ്റ് കൂടി വാങ്ങാം
Don't Miss
- Sports IPL 2024: ചതിച്ചത് ഹാര്ദിക്കോ മുംബൈയോ? രോഹിത്തിന്റെ പുറത്താകലിന്റെ യഥാര്ത്ഥ കാരണം!
- Finance 55 ശതമാനം വരെ റിട്ടേൺ, നികുതി ഇളവും ഉറപ്പാണ്, ഇപ്പോൾ നിക്ഷേപിക്കാൻ 5 മ്യൂച്വൽ ഫണ്ടുകൾ
- News തിരഞ്ഞെടുപ്പിന് ഉപയോഗിക്കുന്നത് എത്ര കുപ്പി മഷിയെന്ന് അറിയുമോ? പൊട്ടിച്ച് ഒഴിച്ചാല് മഷിപ്പുഴയാകും
- Movies ദീപികയും രണ്വീറും ഒന്നിച്ചതിന് ഞാനും ഒരു കാരണമാണ്; വിധി എന്നൊന്നുണ്ട്; കരീന കപൂര് പറയുന്നു
- Lifestyle ചാണക്യനീതി; പുരുഷന് ഭാര്യയല്ലാതെ മറ്റ് സ്ത്രീകളോട് താല്പര്യം തോന്നുന്നതിന് 5 കാരണം
- Technology നോക്കിയയുടെ മുറത്തിൽ കയറി കൊത്തി ഐടെൽ! നാട്ടുകാർക്ക് കിട്ടിയത് 1799 രൂപയ്ക്ക് കിടിലൻ ഫോൺ
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
ഡീസൽ മോഡലിനോട് വിട പറഞ്ഞ് ഹോണ്ട സിറ്റിയും
ജാപ്പനീസ് ബ്രാൻഡായ ഹോണ്ടയുടെ ഇന്ത്യൻ വിപണിയിലെ തുറുപ്പുചീട്ടാണ് ജനപ്രിയ മോഡലായ സിറ്റി. അതിൽ ഡീസൽ പതിപ്പുകളുടെ കാര്യം പ്രത്യേകം പറയേണ്ടതില്ലല്ലോ? എന്നാൽ എല്ലാവരെയും ആശ്ച്വര്യപ്പെടുത്തികൊണ്ട് സെഡാന്റെ ഡീസൽ എഞ്ചിൻ ഓപ്ഷൻ ഹോണ്ട നിർത്തലാക്കിയിരിക്കുകയാണ്.
നിലവിലെ ഡീസൽ യൂണിറ്റ് ബിഎസ്-VI-ന് അനുസൃതമായി പരിഷ്ക്കരിക്കേണ്ടതില്ലെന്ന് ജാപ്പനീസ് നിർമാതാക്കൾ തീരുമാനിച്ചതിനാലുംകൂടാതെ ആഭ്യന്തര വിപണിയിൽ പെട്രോൾ മോഡലുകളോട് വർധിച്ചു വരുന്ന പ്രിയവും ഇതിനു പിന്നിലുണ്ടെന്നാണ് സൂചന.
115 bhp കരുത്തും 145 Nm torque ഉം ഉത്പാദിപ്പിക്കുന്ന 1.5 ലിറ്റർ ബിഎസ്-VI കംപ്ലയിന്റ് i-VTEC പെട്രോൾ എഞ്ചിനിൽ മാത്രമാണ് ഹോണ്ട സിറ്റി ഇനി വിപണിയിൽ എത്തുക. അഞ്ച് സ്പീഡ് മാനുവൽ അല്ലെങ്കിൽ സ്റ്റിയറിംഗ് മൗണ്ടഡ് പാഡിൽ ഷിഫ്റ്ററുകളുള്ള ഏഴ് സ്പീഡ് സിവിടി ഓട്ടോമാറ്റിക്കുമായി എഞ്ചിൻ ജോടിയാക്കിയിരിക്കുന്നു.
ബിഎസ്-VI പെട്രോൾ ഹോണ്ട സിറ്റിക്ക് ഇപ്പോൾ 9.91 ലക്ഷം മുതൽ 14.31 ലക്ഷം രൂപ വരെയാണ് എക്സ്ഷോറൂം വില. അഞ്ചാം തലമുറ സിറ്റി സെഡാൻ ഇന്ത്യൻ വിപണിയിൽ അവതരിപ്പിക്കാനുള്ള ശ്രമത്തിലാണ് ഹോണ്ട.
പുതിയ സെഡാൻ 2019 നവംബറിൽ തായ്ലൻഡിൽ പുറത്തിറങ്ങിയിരുന്നു. മാർച്ചിൽ അവതരണം പ്രതീക്ഷിച്ചിരുന്നെങ്കിലും കൊറോണ വൈറസ് വ്യാപനത്തെ തുടർന്ന് വാഹനത്തിന്റെ രാജ്യത്തെ അരങ്ങേറ്റം മാറ്റിവെക്കുകയായിരുന്നു.
ഈ വർഷം തന്നെ രാജ്യത്ത് എത്തുമെങ്കിലും നിലവിലെ സാഹചര്യത്തിൽ പുത്തൻ ഹോണ്ട സിറ്റി എന്ന് ഷോറൂമുകളിൽ എത്തുമെന്ന് ഒരു സൂചനയുമില്ല. രാജ്യം ലോക്ക്ഡൗണിലൂടെ കടന്നുപോകുന്നതിനാൽ എല്ലാ ബ്രാൻഡുകളും തങ്ങളുടെ ഉത്പാദനം, വിൽപ്പന, സർവീസ് എന്നിവയുൾപ്പെടെ എല്ലാ പ്രവർത്തനങ്ങളും നിർത്തിവെച്ചിരിക്കുകയാണ്.
ഹ്യുണ്ടായി വേർണ, ഫോക്സ്വാഗൺ വെന്റോ, സ്കോഡ റാപ്പിഡ്, ടൊയോട്ട യാരിസ്, ശ്രേണിയിലെ മുൻനിരയിലുള്ള മാരുതി സുസുക്കി സിയാസ് എന്നീ മോഡലുകളോട് മത്സരിക്കുന്ന 2020 ഹോണ്ട സിറ്റി തുടക്കത്തിൽ ഒരു പെട്രോൾ എഞ്ചിനിൽ മാത്രമാകും എത്തുക. V, VX, ZX എന്നിങ്ങനെ മൂന്ന് വകഭേദങ്ങളിൽ പെട്രോൾ സിറ്റി തെരഞ്ഞെടുക്കാൻ സാധിക്കും.
ഈ വർഷം അവസാനത്തോടെ ഹോണ്ട സിറ്റിയുടെ ഡീസൽ വകഭേദവും പുറത്തിറക്കുമെന്ന് റിപ്പോർട്ടുകൾ ഉണ്ടെങ്കിലും ഹോണ്ട ഔദ്യോഗികമായി ഇതിനോട് പ്രതികരിച്ചിട്ടില്ല. കൂടാതെ നിലവിലെ മോഡലിനേക്കാൾ നീളവും വീതിയുമാണ് കാറിനുള്ളത്. 4,549 mm നീളം, 1,748 mm വീതി, 1,489 mm ഉയരം, 2,600 mm നീളമുള്ള വീൽബേസ് എന്നീ അളവുകളിലാണ് പുതിയ അഞ്ചാംതലമുറയെ അണിയിച്ചൊരുക്കിയിരിക്കുന്നത്.
ഇന്ത്യൻ റോഡുകൾക്ക് അനുയോജ്യമായ ഗ്രൗണ്ട് ക്ലിയറൻസും നിലവിലെ കാറിനേക്കാൾ ഭാരം കൂടിയതുമായിരിക്കും പുതിയ ഹോണ്ട സിറ്റി. കഴിഞ്ഞ വർഷം നവംബറിൽ ആഗോളതലത്തിൽ പുറത്തിറങ്ങിയ മോഡലിന്റെ അകത്തും പുറത്തും പൂർണമായും മാറ്റങ്ങൾ ഉൾപ്പെടുത്തിയിട്ടുണ്ട്.
2020 ഹോണ്ട സിറ്റിയുടെ പ്രധാന സവിശേഷതകളിൽ ട്രാക്ഷൻ കൺട്രോൾ, വെഹിക്കിൾ സ്റ്റെബിലിറ്റി കൺട്രോൾ, ടയർ പ്രഷർ മോണിറ്ററിംഗ് സിസ്റ്റം, നാല് എയർബാഗുകൾ, അഞ്ച് ഹെഡ്റെസ്റ്റുകൾ, 3-പോയിന്റ് സീറ്റ് ബെൽറ്റുകൾ, ആൻഡ്രോയിഡ് ഓട്ടോയും ആപ്പിൾ കാർപ്ലേയും ഉള്ള 8 ഇഞ്ച് ടച്ച്സ്ക്രീൻ ഇൻഫോടെയിൻമെന്റ് യൂണിറ്റ്, സൺറൂഫ്, ക്രൂയിസ് കൺട്രോൾ എന്നിവയെല്ലാം വാഗ്ദാനം ചെയ്യുന്നു.