തിടുക്കമില്ല, HR-V എസ്‌യുവിയുടെ അരങ്ങേറ്റം പ്രാഥമിക ഘട്ടത്തിൽ തന്നെയെന്ന് ഹോണ്ട

ഇപ്പോൾ സാഹര്യം എസ്‌യുവി വാഹനങ്ങൾക്ക് അനുകൂലമാണ്. എന്നാൽ HR-V യുടെ അരങ്ങേറ്റ സമയത്ത് ഇന്ത്യൻ വിപണിക്ക് വാഹനം ചെലവേറിയതായി ഹോണ്ട കണക്കാക്കി.തുടർന്ന് മൊബിലിയോയിൽ നിന്ന് ഉരുത്തിരിഞ്ഞ BR-V അവതരിപ്പിക്കാൻ തീരുമാനിക്കുകയും ചെയ്തു. ആ പദ്ധതി വൻ പരാജയമാവുകയും ചെയ്‌തു. ഇപ്പോൾ ഇന്ത്യൻ എസ്‌യുവി വിപണി ഒരു കുതിച്ചുചാട്ടമാണ് നടത്തിയിരിക്കുന്നത്.

വിലയേറിയതും എന്നാൽ സുസജ്ജവുമായ ഉൽപ്പന്നമെന്ന ആശയത്തിന് കാർ വാങ്ങുന്നവരിൽ നിന്നും മികച്ച ജനപ്രീതിയാണ് ലഭിക്കുന്നത്. ഇത് ഹ്യുണ്ടായി ക്രെറ്റ, കിയ സെൽറ്റോസ് തുടങ്ങിയ മോഡലുകളുടെ വിജയങ്ങൾ നമ്മെ മനസിലാക്കിക്കുന്നു.

MOST READ: ജോഷിന്റെ പണിപ്പുരയിൽ സഞ്ചരിക്കുന്ന ഓഫീസായി മാറിയ ഫോഴ്സ് ട്രാവലർ

അതിനാൽ ഹോണ്ട കാർസ് ഇന്ത്യ കഴിഞ്ഞ വർഷം HR-V മോഡലിനെ ഇവിടെ കൊണ്ടുവരാൻ രണ്ടാമത്തെ ശ്രമം നടത്തിയിരുന്നു. അന്താരാഷ്ട്ര വിപണിയിൽ എസ്‌യുവിക്ക് ഫെയ്‌സ്‌ലിഫ്റ്റ് ലഭിച്ചയുടനെ കമ്പനിയുടെ ഇന്ത്യൻ ഘടകം തങ്ങളുടെ ഡീലർഷിപ്പുകളിൽ ക്രോസ്ഓവറിന്റെ പ്രിവ്യൂ നടത്തുകയും ചെയ്‌തിരുന്നു.

അവിടുന്ന് നിരത്തിലെ പരീക്ഷണയോട്ടവും കമ്പനി രാജ്യത്ത് ആരംഭിച്ചു. ട്രയൽ പ്രൊഡക്ഷൻ ആരംഭിക്കുന്ന ഘട്ടത്തിലാണ് കൊറോണ വൈറസ് വ്യാപനവും തുടർന്നുണ്ടായ ലോക്ക്ഡൗണും ഉണ്ടായത്.

MOST READ: ഓഫ്റോഡറിന് പിന്നാലെ ബ്രോങ്കോ പിക്കപ്പും പുറത്തിറക്കാൻ ഫോർഡ്

കൊവിഡ്-19 ന്റെ പശ്ചാത്തലത്തിൽ വ്യവസായം വളരെക്കാലം മന്ദഗതിയിലായതും ഇന്ത്യയിലെ HR-V വിൽപ്പനാ പ്രവചനം പ്രതിവർഷം 12,000 യൂണിറ്റിൽ നിന്ന് 8,000 യൂണിറ്റായി പരിഷ്കരിക്കാൻ ഹോണ്ട നിർബന്ധിതനായി.

അതിനാൽ അവസാന നിമിഷത്തിൽ കമ്പനി പുത്തൻ എസ്‌യുവിയുടെ പദ്ധതികൾ താത്ക്കാലികമായി നിർത്തിവെച്ചു. എങ്കിലും മിഡ്-സൈസ് എസ്‌യുവികൾക്ക് വൻ ജനപ്രീതി ഇന്ത്യയിൽ നിന്നും ലഭിക്കുന്നതിനാൽ രാജ്യത്തെ നിറ സാന്നിധ്യമായ ഹോണ്ടയ്ക്ക് ഈ വിഭാഗത്തെ കണ്ടില്ലെന്ന് നടിക്കാൻ സാധിക്കില്ല.

MOST READ: XUV300 സ്പോര്‍ട്സ് അവതരണം ഈ വര്‍ഷം ഉണ്ടാകില്ലെന്ന സൂചനയുമായി മഹീന്ദ്ര

ആയതിനാൽ സമീപഭാവിയിൽ ഇന്ത്യയിൽ HR-V യുടെ പ്രാദേശികവൽക്കരണത്തിനായി വളരെയധികം നിക്ഷേപം ഹോണ്ട നടത്തുകയും ചെയ്യും. അതുവഴി ക്രെറ്റ, സെൽറ്റോസ് എന്നീ മോഡലുകളെ പിന്തുടരാനോ കൂടുതൽ യാഥാസ്ഥിതിക CKD സമീപനത്തിലേക്ക് തിരിയാനോ ബ്രാൻഡിന് കഴിയും.

WR-V, CR-V എന്നിവയ്ക്കിടയിലുള്ള വിടവിന് ഹോണ്ട HR-V അനുയോജ്യമാണെന്ന് ഹോണ്ട ഇന്ത്യയുടെ പ്രസിഡന്റും സിഇഒയുമായ ഗക്കു നകാനിഷി സമ്മതിച്ചു. കമ്പനി നിലവിൽ വാഹനത്തിന്റെ സാധ്യതാ പഠനങ്ങൾ നടത്തിവരികയാണെന്നും, ഇന്ത്യൻ മിഡ്-സൈസ് എസ്‌യുവി വിഭാഗത്തിൽ എങ്ങനെ, എപ്പോൾ പ്രവേശിക്കണം എന്ന് തീരുമാനമെടുക്കുമെന്നും അദ്ദേഹം സ്ഥിരീകരിച്ചു.