Just In
- 17 min ago ബജറ്റ് ഇവി പ്ലാനുകൾക്ക് തുടക്കം കുറിച്ച് ഹ്യുണ്ടായി; മെയ്ഡ് ഇൻ ഇന്ത്യ ക്രെറ്റ ഇവി ഉടൻ
- 48 min ago ആവേശമുയർത്തി 2024 സ്വിഫ്റ്റിൻ്റെ പുത്തൻ പരസ്യവീഡിയോ, വാങ്ങാൻ ഉണ്ട് ഒരുപാട് കാരണങ്ങൾ
- 1 hr ago ലോകം ഇനി ബജാജിനെ ഉറ്റുനോക്കും! ഇതുപോലൊരു ടൂവീലര് ഇതുവരെ ആരും പുറത്തിറക്കിയിട്ടില്ല
- 1 hr ago ഥാറിന്റെ 'അപ്പൻ തമ്പുരാൻ'; മുഖംമിനുക്കി ജീപ്പ് റാങ്ലറിന്റെ എഴുന്നള്ളത്ത്; വില കേട്ടാൽ ഞെട്ടും
Don't Miss
- Movies രാത്രി ആരോ തൊടുന്നത് പോലെ തോന്നി, ബിഗ് ബോസ് വീട്ടിലെ ഒരാളോട് പ്രണയം; തുറന്ന് പറഞ്ഞ് ജാന്മണി
- Sports T20 World Cup 2024: ഹാര്ദിക് വേണ്ട! പകരം ദുബെ, സഞ്ജു ടീമില്; ഇതാ ഭാജിയുടെ 15 അംഗ സ്ക്വാഡ്
- Technology മറന്ന WIFI പാസ്സ്വേഡ് ഇവിടെ തപ്പിയാൽ മതി! ഈ വിദ്യ ഒന്ന് പരീക്ഷിച്ച് നോക്കൂ
- Lifestyle പഞ്ചസാര വില്ലനല്ല, അമിതവണ്ണമുണ്ടാകുന്നത് പഞ്ചസാര ഇങ്ങനെ ഉപയോഗിക്കുമ്പോഴാണ്
- News തിരഞ്ഞെടുപ്പ് കമ്മീഷന്റെ സ്വീപ് യൂത്ത് ഐക്കൺ ആണ്; പക്ഷേ മമിത ബൈജുവിന് ഇത്തവണ വോട്ടില്ല
- Finance കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
നാലാം തലമുറ ഹോണ്ട സിറ്റിയുടെ ഉയര്ന്ന വകഭേദങ്ങള് പിന്വലിച്ചേക്കും
വാഹന വിപണി ഏറെ പ്രതീക്ഷയോടെ കാത്തിരുന്ന അഞ്ചാം തലമുറ ഹോണ്ട സിറ്റി അടുത്തിടെയാണ് ഇന്ത്യന് വിപണിയില് എത്തിയത്. പുതുതലമുറയ്ക്ക് ഒപ്പം പഴയ പതിപ്പും വില്ക്കുമെന്ന് നിര്മ്മാതാക്കള് അറിയിച്ചിട്ടുണ്ട്.
രണ്ട് എഞ്ചിന് ഓപ്ഷനുകളിലാണ് പുതുതലമുറ സിറ്റി നിരത്തുകളിലേക്ക് എത്തുന്നത്. 10.90 ലക്ഷം രൂപ മുതല് 14.65 ലക്ഷം രൂപ വരെയാണ് വാഹനത്തിന്റെ എക്സ്ഷോറും വില. എന്നാല് പഴയ പതിപ്പ് ഒരു പെട്രോള് എഞ്ചിന് ഓപ്ഷനില് മാത്രമാണ് നിരത്തിലെത്തുന്നത്. 9.91 ലക്ഷം രൂപ മുതല് 14.31 ലക്ഷം രൂപ വരെയാണ് ഈ പതിപ്പിന്റെ എക്സ്ഷോറൂം വില.
ഓട്ടോ പോര്ട്ടലായ കാർദേഖോയുടെ റിപ്പോര്ട്ട് അനുസരിച്ച് പഴയ തലമുറ സിറ്റിയുടെ വകഭേദങ്ങള് പുനക്രമീകരിച്ചേക്കുമെന്നാണ് സൂചന. ഏതാനും വകഭേദങ്ങള് ഒഴിവാക്കിയേക്കുമെന്നും റിപ്പോര്ട്ട് സൂചന നല്കുന്നു.
അതേസമയം ഏതാനും വകഭേങ്ങള്ക്ക് നിലവില് ഓഫര് നല്കിയാണ് നിര്മ്മാതാക്കള് വില്പ്പന നടത്തുന്നത്. ZX CVT വകഭേദത്തില് 1.10 ലക്ഷം രൂപ ക്യാഷ് ഡിസ്കൗണ്ട്, 50,000 രൂപ എക്സ്ചേഞ്ച് ബോണസ്, 8,000 രൂപ കോര്പ്പറേറ്റ് ആനുകൂല്യങ്ങള് ലഭിക്കുന്നു.
VX CVT വകഭേദത്തിന് 70,000 രൂപ ക്യാഷ് ഡിസ്കൗണ്ട്, 50,000 രൂപ എക്സ്ചേഞ്ച് ബോണസ്, 8,000 രൂപ കോര്പ്പറേറ്റ് ഡിസ്കൗണ്ട് എന്നിവ ലഭിക്കും. V CVT പതിപ്പിന് 31,000 രൂപ ക്യാഷ് ഡിസ്കൗണ്ട്, 20,000 രൂപ എക്സ്ചേഞ്ച് ബോണസ്, കോര്പ്പറേറ്റ് ഡിസ്കൗണ്ട് 8,000 രൂപ എന്നിവയും ഹോണ്ട വാഗ്ദാനം ചെയ്യുന്നു.
MOST READ: ഫോക്സ്വാഗണ് പസാറ്റ് ഫെയ്സ്ലിഫ്റ്റിന്റെ അരങ്ങേറ്റം ഉടന്
ബിഎസ് VI -ലേക്ക് നവീകരിച്ച 1.5 ലിറ്റര് പെട്രോള് എഞ്ചിനാണ് പഴയ സിറ്റിയുടെ കരുത്ത്. ഈ എഞ്ചിന് 6,600 rpm-ല് 118 bhp കരുത്തും 4,600 rpm-ല് 145 Nm torque ഉം ഉത്പാദിപ്പിക്കുന്നത്. അഞ്ച് സ്പീഡ് മാനുവല് ട്രാന്സ്മിഷന് അല്ലെങ്കില് പാഡില് ഷിഫ്റ്ററുകളുള്ള ഏഴ് സ്പീഡ് സിവിടി എന്നിവയുമായി എഞ്ചിന് ജോഡിയാക്കുന്നു.
കൂടാതെ, പഴയ സെഡാനില് ആന്ഡ്രോയിഡ് ഓട്ടോ, ആപ്പിള് കാര്പ്ലേ എന്നിവയെ പിന്തുണയ്ക്കുന്ന ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം സജ്ജീകരിച്ചിരിക്കുന്നു. സണ്റൂഫ്, മള്ട്ടി-ഫംഗ്ഷന് സ്റ്റിയറിംഗ് വീല്, ക്ലൈമറ്റ് കണ്ട്രോള്, എഞ്ചിന് സ്റ്റാര്ട്ട് / സ്റ്റോപ്പ് ബട്ടണ്, ഒന്നിലധികം എയര്ബാഗുകള്, ഇബിഡിയുള്ള എബിഎസ്, റിയര് പാര്ക്കിംഗ് ക്യാമറ എന്നിവയാണ് മറ്റ് സവിശേഷതകള്.
MOST READ: ഉടൻ നിരത്തിലേക്ക്, ബെന്റേഗ ഫെയ്സ്ലിഫ്റ്റിന്റെ നിർമാണം ആരംഭിച്ച് ബെന്റ്ലി
അതേസമയം പുതിയ എഞ്ചിനൊപ്പം ഏതാനും പുതിയ ഫീച്ചറുകളുകളുടെയും, കോസ്മെറ്റിക് മാറ്റങ്ങളും വരുത്തിയാണ് പുതുതലമുറ സിറ്റി നിരത്തുകളിലേക്ക് എത്തുന്നത്. വലിപ്പത്തിന്റെ കാര്യത്തിലും പഴയ പതിപ്പിനെക്കാള് കേമനാണ് പുതിയ മോഡല്.
4,549 mm നീളവും 1,748 mm വീതിയും 1,489 mm ഉയരവും 2,600 mm വീല്ബേസും ഉണ്ട്. അളവുകളുടെ വര്ദ്ധനവ് ക്യാബിനുള്ളില് കൂടുതല് ഇടം സൃഷ്ടിക്കുമെന്നാണ് റിപ്പോര്ട്ട്. ഹോണ്ട പുതുതായി വികസിപ്പിച്ച പ്ലാറ്റ്ഫോമിനെ അടിസ്ഥാനമാക്കിയുള്ളതാണ് സിറ്റി. ഈ പ്ലാറ്റ്ഫോം ഭാരം കുറഞ്ഞതും സുരക്ഷിതവുമാണെന്നാണ് കമ്പനി അവകാശപ്പെടുന്നത്.