Just In
- 12 hrs ago പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
- 13 hrs ago അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി
- 14 hrs ago അക്ഷരം തെറ്റാതെ വിളിക്കാം 'മനിതന്'! അംഗപരിമിതരായ 13 കലാകാരന്മാര്ക്ക് സ്കൂട്ടര് സമ്മാനിച്ച് ലോറന്സ്
- 14 hrs ago വ്ലോഗിംഗും തുണിക്കടയും ഹിറ്റ്, 48 ലക്ഷത്തിന്റെ പുത്തൻ ഇലക്ട്രിക് കാർ സ്വന്തമാക്കിയ ഈ നടിയെ അറിയുമോ?
Don't Miss
- Movies 'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി
- News 17 സംസ്ഥാനങ്ങൾ, 4 കേന്ദ്രഭരണ പ്രദേശങ്ങൾ, 102 സീറ്റുകൾ; ഒന്നാംഘട്ട പോളിങ് തുടങ്ങി, പ്രതീക്ഷയോടെ മുന്നണികൾ
- Sports IPL 2024: പഞ്ചാബ് എന്തിനത് ചെയ്തു? പാളിയത് ആ തന്ത്രം; കളി തോല്പ്പിച്ച കറെന്റെ മണ്ടത്തരം ഇതാ
- Lifestyle സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി
- Technology വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ
- Finance തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ്
- Travel ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
കോമ്പസിന്റെ എല്ലാ മോഡലുകൾക്കും ബിഎസ്-VI പരിഷ്ക്കരണം നൽകി ജീപ്പ്
കോമ്പസ് എസ്യുവി ലൈനപ്പിന് ബിഎസ്-VI പരിഷ്ക്കരണം നൽകി ജീപ്പ് ഇന്ത്യ. പ്രീമിയം കോംപാക്ട് എസ്യുവിയുടെ പെട്രോൾ, ഡീസൽ എഞ്ചിനുകൾ പുതിയ മലിനീകരണ മാനദണ്ഡത്തിന് അനുസൃതമായി പരിഷ്ക്കരിച്ചിട്ടുണ്ട് കമ്പനി.
ജീപ്പ് കോമ്പസ് ബിഎസ്-VI വിപണിയിൽ അവതരിപ്പിച്ചെങ്കിലും മോഡൽ തിരിച്ചുള്ള വില ഇതുവരെ കമ്പനി പ്രഖ്യാപിച്ചിട്ടില്ല. എന്നാൽ പെട്രോൾ മോഡലുകൾക്ക് 25,000 രൂപയും ഡീസൽ മോഡലുകൾക്ക് 1.1 ലക്ഷം രൂപയും ഉയർന്നതായി ബ്രാൻഡ് സൂചന നൽകിയിട്ടുണ്ട്.
2.0 ലിറ്റർ എഞ്ചിൻ ശേഷിയുള്ള ഡീസൽ ഓട്ടോമാറ്റിക് കോമ്പസിന്റെ ബിഎസ്-VI പതിപ്പ് ജീപ്പ് അടുത്തിടെ അവതരിപ്പിച്ചിരുന്നു. എന്നാൽ ഇപ്പോൾ നവീകരിച്ച എഞ്ചിൻ യൂണിറ്റുകളിൽ 6 സ്പീഡ് മാനുവലുള്ള 1.4 ലിറ്റർ ടർബോ-പെട്രോൾ, 1.4 ലിറ്റർ ടർബോ-പെട്രോൾ 7 സ്പീഡ് ഡ്യുവൽ ക്ലച്ച് ഓട്ടോമാറ്റിക്, 6 സ്പീഡ് മാനുവൽ 2.0 ലിറ്റർ ടർബോ-ഡീസൽ എന്നിവയാണ് ഉൾപ്പെടുന്നത്.
എഞ്ചിനിലെ പരിഷ്ക്കരണത്തിന് പുറമെ എസ്യുവിയിൽ മറ്റ് മാറ്റങ്ങളൊന്നും തന്നെയില്ലെന്ന് കമ്പനി അവകാശപ്പെടുന്നു. അതിനർത്ഥം വാഹനത്തിന്റെ പവർ കണക്കുകളിൽ മാറ്റമുണ്ടാകില്ലെന്നാണ്. എന്നിരുന്നാലും ഇന്ധനക്ഷമതയുടെ കാര്യത്തിൽ എന്തെങ്കിലും വ്യത്യാസമുണ്ടോ എന്ന് കാത്തിരുന്ന് കാണേണ്ടതുണ്ട്.
ബിഎസ്-IV മോഡലിന്റെ പെട്രോൾ മാനുവലിന് 14.3 kmpl, പെട്രോൾ ഓട്ടോമാറ്റിക്കിന് 14.1 kmpl, ഡീസൽ മാനുവൽ 4 X 2 പതിപ്പിന് 17.1 kmpl, ഡീസൽ-MT 4x4 16.3 kmpl എന്നിങ്ങനെയാണ് ARAI റേറ്റു ചെയ്ത ഇന്ധനക്ഷമത.
മുഴുവൻ കോമ്പസ് ശ്രേണിയും കൂടുതൽ കിറ്റുകൾ ഉപയോഗിച്ച് കമ്പനി നേരത്തെ പരിഷ്ക്കരിച്ചിരുന്നു. ഇപ്പോൾ എല്ലാ വകഭേദങ്ങൾക്കും എഞ്ചിൻ സ്റ്റാർട്ട് / സ്റ്റോപ്പ് സ്റ്റാൻഡേർഡായി ലഭിക്കുന്നു. അതേസമയം എല്ലാ ഓട്ടോമാറ്റിക് വകഭേദങ്ങൾക്കും ക്രൂയിസ് കൺട്രോളും കമ്പനി സ്റ്റാൻഡേർഡായി നൽകുന്നുണ്ട്.
ബിഎസ്-VI മാനദണ്ഡങ്ങളിലേക്ക് നവീകരിച്ചതും രണ്ട് പുതിയ ഫീച്ചറുകളുടെ കൂട്ടിച്ചേർക്കലും ഒഴികെ, ജീപ്പ് കോമ്പസിൽ അത്രയൊന്നും മാറ്റങ്ങൾ പ്രതീക്ഷിക്കേണ്ടതില്ല.
2019 ജൂണിൽ പ്രീമിയം കോംപാക്ട് എസ്യുവി വിഭാഗത്തിൽ ആദ്യമായി ബിഎസ്-VI എഞ്ചിൻ പുറത്തിറക്കിയ നിർമാതാക്കളാണ് ജീപ്പെന്ന് ബിഎസ്-VI കോമ്പസിന്റെ അവതരണ വേളയിൽ എഫ്സിഎ ഇന്ത്യ പ്രസിഡന്റും മാനേജിംഗ് ഡയറക്ടറുമായ പാർത്ഥ ദത്ത പറഞ്ഞു.
എട്ട് മാസത്തിനുള്ളിൽ ഞങ്ങളുടെ മുഴുവൻ ജീപ്പ് കോമ്പസ് ശ്രേണിയും ബിഎസ്-VI കംപ്ലയിന്റാക്കാനും കമ്പനിക്ക് സാധിച്ചു. പെട്രോൾ, ഡീസൽ എഞ്ചിനുകളിൽ കാര്യമായ സാങ്കേതിക പരിഷ്കാരങ്ങൾ കാരണം വാഹനത്തിന്റെ വിലയിൽ ചെറിയ വില വർധനവുമുണ്ട്. എന്നിരുന്നാലും, മോഡലുകളിൽ ലഭ്യമാക്കുന്ന അധിക ഉപകരണങ്ങൾ ഉപഭോക്താവിന് മികച്ച മൂല്യം നൽകുന്നെന്നും പാർത്ഥ ദത്ത കൂട്ടിച്ചേർത്തു.