Just In
- 5 hrs ago കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- 7 hrs ago ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ?
- 8 hrs ago റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം
- 8 hrs ago 69,999 രൂപയുടെ ഇലക്ട്രിക് സ്കൂട്ടർ ബുക്ക് ചെയ്തവരുണ്ടോ? വണ്ടി അടുത്തമാസം തരാമെന്ന് കമ്പനി
Don't Miss
- Movies റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ!
- Sports IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള്
- News മുത്തശ്ശി സ്വര്ണം ദാനം ചെയ്തു, അമ്മ രാജ്യത്തിന് വേണ്ടി താലി ത്യജിച്ചു: മറുപടിയുമായി പ്രിയങ്ക
- Lifestyle വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള്
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
കോമ്പസ് ഫെയ്സ്ലിഫ്റ്റ് അടുത്ത വർഷം, പരീക്ഷണയോട്ടവുമായി ജീപ്പ്
മുഖംമിനുക്കി അടുത്തിടെ അന്താരാഷ്ട്ര വിപണിയിൽ എത്തിയ ജീപ്പ് കോമ്പസ് ഇന്ത്യൻ വിപണിയിലേക്കും ചുവടുവെക്കാൻ ഒരുങ്ങുകയാണ്. 2017-ൽ ആഭ്യന്തര തലത്തിൽ വിൽപ്പനയ്ക്ക് എത്തിയ അമേരിക്കൻ എസ്യുവി അതിനുശേഷം സാങ്കേതികവിദ്യയുടെയും പുതിയ വേരിയന്റുകളുടെയും കാര്യത്തിൽ കുറച്ച് പരിഷ്ക്കരണങ്ങളും അവതരിപ്പിച്ചു.
എന്നാൽ ഇത്തവണ കോമ്പസ് എസ്യുവിക്ക് സമഗ്രമായ ഫെയ്സ്ലിഫ്റ്റാണ് ജീപ്പ് സമ്മാനിക്കുക. ഇപ്പോൾ ഇന്ത്യൻ നിരത്തുകളിൽ വാഹനത്തിന്റെ പരീക്ഷണയോട്ടം നടത്തിവരികയാണ് കമ്പനി. പൂർണമായും മറച്ചുവെച്ച രീതിയിൽ പരീക്ഷണം നടത്തുന്ന ഫെയ്സ്ലിഫ്റ്റ് പതിപ്പിന്റെ ചിത്രങ്ങൾ കാർദേഖോ പുറത്തുവിട്ടിട്ടുണ്ട്.
എൽഇഡി ലൈറ്റിംഗ്, ടെയിൽ ലാമ്പുകൾ, ബമ്പറുകൾ എന്നിവയിൽ പരാക്കാരങ്ങൾ ജീപ്പ് അവതരിപ്പിക്കും. അതിൽ ഏറ്റവും വലിയ മാറ്റം വരുന്നത് കോമ്പസിന്റെ മുൻവശത്ത് ആയിരിക്കുമെന്നാണ് പ്രതീക്ഷിക്കുന്നത്. മാത്രമല്ല ഇത് ജീപ്പ് ബ്രാൻഡിന്റെ 7-സ്ലാറ്റ് ഗ്രിൽ ഡിസൈൻ നിലനിർത്തും എന്നതും ശ്രദ്ധേയമാണ്.
ഫെയ്സ്ലിഫ്റ്റ് ചെയ്ത കോമ്പസിന് ഏറ്റവും സുപ്രധാന മാറ്റങ്ങൾ ലഭിക്കുന്നത് ക്യാബിനകത്തായിരിക്കും. ജീപ്പിന്റെ ഏറ്റവും പുതിയ ഇൻഫോടെയ്ൻമെന്റ് സിസ്റ്റത്തിന്റെ ആമുഖമാണ് പ്രതീക്ഷിക്കുന്ന പരിഷ്ക്കരണങ്ങളിൽ ഒന്ന്. ഫിയറ്റ് ക്രിസ്ലർ ഓട്ടോമൊബൈൽസ് ഏറ്റവും പുതിയ യൂകണക്ട് 5 സിസ്റ്റം പ്രവർത്തിക്കുന്ന 12.3 ഇഞ്ച് പുതിയ ടച്ച്സ്ക്രീൻ ഡിസ്പ്ലേ ഇന്ത്യൻ വിപണിയിൽ പരിചയപ്പെടുത്തും.
വലിയ യൂണിറ്റും മറ്റ് കൺട്രോൾ പാനലുകളും നവീകരിക്കുമെന്ന് പ്രതീക്ഷിക്കുമ്പോൾ മാറ്റത്തിന് വിധേയമാകുന്ന മറ്റൊരു ഭാഗം ഡാഷ്ബോർഡ് ലേഔട്ട് ആയിരിക്കും. ഹെഡ്-അപ്പ് ഡിസ്പ്ലേ, വെന്റിലേറ്റഡ് ഫ്രണ്ട് സീറ്റുകൾ, ഇൻസ്ട്രുമെന്റ് ക്ലസ്റ്ററിലെ വലിയ ഡിസ്പ്ലേ എന്നിവയും ജീപ്പ് കോമ്പസിലെ മറ്റ് പ്രധാന സവിശേഷതകളിൽ ഉൾപ്പെടാം.
MOST READ: മുൽസേൻ ആഡംബര സെഡാനിന്റെ ഉത്പാദനം അവസാനിപ്പിച്ച് ബെന്റലി
എഞ്ചിന്റെ കാര്യത്തിൽ ഇന്ത്യൻ പതിപ്പ് കോമ്പസ് ഫെയ്സ്ലിഫ്റ്റിലും 2.0 ലിറ്റർ ഡീസൽ ഓപ്ഷൻ നിലനിർത്തുമെന്ന് പ്രതീക്ഷിക്കുന്നു. ഇത് നിലവിൽ 170 bhp കരുത്തിൽ 350 Nm torque ഉത്പാദിപ്പിക്കും. ഇത് ആറ് സ്പീഡ് മാനുവൽ അല്ലെങ്കിൽ ഒമ്പത് സ്പീഡ് ഓട്ടോമാറ്റിക് ഗിയർബോക്സുമായി തെരഞ്ഞെടുക്കാൻ സാധിക്കും.
കോമ്പസിന്റെ 4x4 വേരിയന്റുകൾക്കുള്ള എഞ്ചിൻ ഓപ്ഷൻ കൂടിയാണിത്. എന്നിരുന്നാലും 163 bhp വികിപ്പിക്കുന്ന 1.4 ലിറ്റർ ടർബോ-പെട്രോൾ എഞ്ചിന് പകരം ബ്രാൻഡിന്റെ പുതിയ 1.3 ലിറ്റർ ടർബോ-പെട്രോൾ എഞ്ചിൻ ജീപ്പ് ഇന്ത്യയിൽ എത്തിക്കും.
MOST READ: ഒക്ടാവിയ സിഎന്ജി പതിപ്പിനെ വെളിപ്പെടുത്തി സ്കോഡ
ഇത് യൂറോപ്യൻ കമ്പോളങ്ങൾക്കായുള്ള 2020 കോമ്പസിൽ അവതരിപ്പിക്കുന്ന അതേ യൂണിറ്റാണ്. ആറ് സ്പീഡ് മാനുവൽ, ആറ് സ്പീഡ് ഡ്യുവൽ ക്ലച്ച് ഓട്ടോ എന്നിവയും പുതിയ പെട്രോൾ എഞ്ചിന് ലഭിക്കും.
അടുത്ത വർഷം ആദ്യ പകുതിയിൽ ജീപ്പ് കോമ്പസ് ഫെയ്സ്ലിഫ്റ്റ് ഇന്ത്യയിൽ അവതരിപ്പിക്കുമെന്ന് പ്രതീക്ഷിക്കുന്നു. 16.49 ലക്ഷം മുതൽ 24.99 ലക്ഷം രൂപ വരെയാണ് എസ്യുവിയുടെ നിലവിലെ എക്സ്ഷോറൂം വില. എന്നാൽ വരാനിരിക്കുന്ന മോഡലിന് വില അധികം മുടക്കേണ്ടി വരും.
ടാറ്റ ഹാരിയർ, എംജി ഹെക്ടർ, ഹ്യുണ്ടായി ട്യൂസോൺ, സ്കോഡ കരോക്ക്, വരാനിരിക്കുന്ന പുതുതലമുറ മഹീന്ദ്ര XUV500, സിട്രൺ C5 എയർക്രോസ് എന്നീ മോഡലുകളാകും ഇന്ത്യൻ വിപണിയിലെ ഫെയ്സ്ലിഫ്റ്റ് കോമ്പസ് എസ്യുവിയുടെ പ്രധാന എതിരാളികൾ.