Just In
- 20 min ago മഹീന്ദ്ര 'പപ്പടം' അങ്ങനെ ഇറക്കാത്തതാണല്ലോ..! ഈ എസ്യുവിക്ക് ക്രാഷ് ടെസ്റ്റില് കിട്ടിയത് 1 സ്റ്റാര്
- 1 hr ago സ്കൂട്ടറിനേക്കാൾ ലാഭമാണല്ലോ, 70 കി.മീ. വരെ റേഞ്ചുള്ള ഇലക്ട്രിക് സൈക്കിളുമായി ഹീറോ
- 2 hrs ago വിദേശ മലയാളികളുടെ ശ്രദ്ധയ്ക്ക്, സർപ്രൈസ് വെളളപ്പൊക്കത്തിൽ നിന്ന് വാഹനം എങ്ങനെ സംരക്ഷിക്കാം
- 2 hrs ago 10 പേര്ക്ക് സുഖമായി പോകാം, കിലോമീറ്ററിന് ചെലവ് വെറും 3.5 രൂപ! 'മാജിക്' തുടരാന് ടാറ്റ വാന്
Don't Miss
- Sports T20 World Cup: ലോകകപ്പ് കണ്ടാരും പനിക്കണ്ട! യോഗ്യന് പന്ത് തന്നെ; പിന്തുണച്ച് ദാദയും പോണ്ടിംഗും
- Lifestyle 18 മാസം കൊണ്ട് 108 കിലോ കുറച്ചത് വെറുതേയായി; വീണ്ടും തടി കൂടി ആനന്ദ് അംബാനി; കാരണം ഇത്
- Finance 1 വർഷത്തെ കാലാവധിയുള്ള എഫ്.ഡിക്ക് മികച്ച പലിശ നേടാം, ഈ ബാങ്കിലേക്ക് പോകൂ
- News കോൺഗ്രസ് ഭരണത്തിൽ ഹനുമാൻ ചാലിസ കേൾക്കുന്നത് പോലും കുറ്റകരം; വിദ്വേഷ പരാമർശം ആവർത്തിച്ച് മോദി
- Movies ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി
- Technology രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
താരമായി റാങ്ലർ റുബിക്കൺ, രണ്ട് ദിവസത്തിനുള്ളിൽ ആദ്യ ബാച്ച് വിറ്റഴിച്ച് ജീപ്പ്
അടുത്തിടെ പുറത്തിറക്കിയ ജീപ്പ് റാങ്ലർ റുബിക്കൺ എസ്യുവികളുടെ ആദ്യ ബാച്ച് രാജ്യത്ത് വിറ്റഴിഞ്ഞതായി പ്രഖ്യാപിച്ച് എഫ്സിഎ ഇന്ത്യ. ആദ്യ ബാച്ച് റെക്കോർഡ് സമയത്തിനുള്ളിൽ വിറ്റുപോയതായും വാഹനത്തിന്റെ ഗണ്യമായ എണ്ണം ഇന്ത്യൻ ഉപഭോക്താക്കൾക്ക് ഉടൻ എത്തിക്കാൻ തയാറാണെന്നും അറിയിച്ച് ജീപ്പ്.
ഈ മാസം ആദ്യമാണ് ജീപ്പ് റാങ്ലർ റുബിക്കൺ ഇന്ത്യൻ വിപണിയിൽ അവതരിപ്പിക്കുന്നത്. 64.98 ലക്ഷം രൂപയാണ് വാഹനത്തിന്റെ എക്സ്ഷോറും വില. മാര്ച്ച് 15 മുതല് വാഹനം കൈമാറി തുടങ്ങുമെന്നും കമ്പനി അറിയിച്ചിരുന്നു.
ആഗോളതലത്തിൽ ഏറ്റവും പ്രചാരമുള്ള എസ്യുവികളിൽ ഒന്നാണ് റാങ്ലർ. ഇത് ബ്രാൻഡിന്റെ ഏറ്റവും തീവ്രമായ ഓഫ്-റോഡറായാണ് നിർമ്മിച്ചിരിക്കുന്നത്. എസ്യുവിയുടെ അഞ്ച് ഡോറുകളുള്ള പതിപ്പാണ് രാജ്യത്ത് വിൽപ്പനക്കെത്തുന്നത്. കംപ്ലീറ്റ്ലി ബിൽറ്റ് യൂണിറ്റായിട്ടാണ് (CBU) വാഹനം ഇന്ത്യയില് എത്തിയിരിക്കുന്നത്.
2.0 ലിറ്റർ 4 സിലിണ്ടർ ടർബോചാർജ്ഡ് പെട്രോൾ എഞ്ചിനാണ് ജീപ്പ് റാങ്ലർ റുബിക്കണിന് കരുത്തേകുന്നത്. ഇത് 265 bhp പവറും 400 Nm torque ഉം ആണ് ഉത്പാദിപ്പിക്കുന്നത്. റോക്ക് ട്രാക്ക് 4x4 ഓൾ-വീൽ ഡ്രൈവ് സംവിധാനം വഴി നാല് ചക്രങ്ങളിലേക്കും കരുത്ത് നൽകുന്ന എട്ട് സ്പീഡ് ഓട്ടോമാറ്റിക് ഗിയർബോക്സുമായി എഞ്ചിൻ ജോടിയാക്കിയിരിക്കുന്നു.
രാജ്യത്ത് ലഭ്യമാകുന്ന ഏറ്റവും മികച്ച ഓഫ് റോഡിംഗ് എസ്യുവികളിൽ ഒന്നാണ് ജീപ്പ് റുബിക്കൺ. 4: 1 4LO ലോ-റേഞ്ച് ഗിയർ അനുപാതമുള്ള രണ്ട്-സ്പീഡ് ട്രാൻസ്ഫർ കേസ് ഉൾപ്പെടെ നിരവധി മെച്ചപ്പെടുത്തലുകൾ വാഹനത്തിൽ വാഗ്ദാനം ചെയ്യുന്നു. ഇതിന് ഫുൾടൈം ടോർക്ക് മാനേജുമെന്റ് ലഭിക്കുന്നു. ഇത് ഇലക്ട്രോണിക് സ്വേ ബാർ, ഫ്രണ്ട്, റിയർ ആക്സിലുകളിൽ ആർട്ടിക്ലേഷനും ഇലക്ട്രോണിക് ലോക്കിംഗ് ഡിഫറൻഷ്യലുകളും വർധിപ്പിക്കുന്നു.
കാഴ്ചയിലോ രൂപകൽപ്പനയിലേ വലിയ മാറ്റങ്ങള് ഒന്നും തന്നെ കാണുന്നില്ലെങ്കിലും ഫീച്ചറുകളില് മാറ്റങ്ങള് ഉൾപ്പെടുത്തിയിരിക്കുന്നത് ശ്രദ്ധേയമാണ്. റുബിക്കണ് സ്റ്റിക്കറുകളാണ് പുറമേയുള്ള കാഴ്ചയില് സ്റ്റാന്ഡേര്ഡ് പതിപ്പില് നിന്നും പുതിയ മോഡലിനെ വ്യത്യസ്തമാക്കുന്നത്. 217 mm ഉയര്ന്ന ഗ്രൗണ്ട് ക്ലിയറന്സ് ആണ് കാറിന്റെ പ്രധാന സവിശേഷത.
സാഹസിക യാത്രകളെ സഹായിക്കുന്ന രീതിയിലുള്ള ടയറുകളും റുബിക്കണിന്റെ സവിശേഷതയാണ്. 17 ഇഞ്ചാണ് അലോയ് വീലുകളാണ് വാഹനത്തില് ഇടംപിടിച്ചിരിക്കുന്നത്. സ്റ്റാന്ഡേര്ഡ് പതിപ്പ് പോലെ മടക്കാവുന്ന വിന്ഡ്ഷീല്ഡ്, നീക്കം ചെയ്യാവുന്ന മേൽക്കൂര, ഡോറുകള് എന്നിവയൊക്കെ റുബിക്കണ് മോഡലിനും ജീപ്പ് നല്കിയിട്ടുണ്ട്.
8.4 ഇഞ്ചിന്റെ ടച്ച്സ്ക്രീന് ഇന്ഫോടെയിമെന്റ് സിസ്റ്റം വാഹനത്തിന്റെ അകത്തളത്തെ ആകർഷകമാക്കുന്നു. ആന്ഡ്രോയിഡ് ഓട്ടോ, ആപ്പിള് കാര്പ്ലേ, നാവിഗേഷന് എന്നിവയുടെ പിന്തുണയും ഇതിനുണ്ട്.
ഡ്യുവല് സോണ് ക്ലൈമറ്റ് കണ്ട്രോള്, കീലെസ് എന്ട്രി, എഞ്ചിന് സ്റ്റാര്ട്ട്-സ്റ്റോപ്പ്, 7.0 ഇഞ്ച് ഡിജിറ്റല് ഇന്സ്ട്രുമെന്റ് ക്ലസ്റ്റര്, ക്രൂയിസ് കണ്ട്രോള്, ലെതറിൽ പൊതിഞ്ഞ സ്റ്റിയറിംഗ് വീൽ, 9-സ്പീക്കര് ആല്പൈന് സൗണ്ട് സിസ്റ്റം എന്നിവയും ഇന്റീരിയറിലെ ശ്രദ്ധാകേന്ദ്രങ്ങളാണ്.
ഫ്രണ്ട്, സൈഡ് എയർബാഗുകൾ, പാർക്ക് അസിസ്റ്റ്, റിയർ ബാക്ക്-അപ്പ് ക്യാമറ, ഇ.എസ്.സി, ട്രെയിലർ സ്വേ കൺട്രോൾ, എ.ബി.എസ്, ഹിൽ സ്റ്റാർട്ട് അസിസ്റ്റ്, ഹിൽ ഡിസന്റ് കൺട്രോൾ, ഇലക്ട്രോണിക് റോൾ ലഘൂകരണം, TPMS എന്നിവ റുബിക്കണിന്റെ സുരക്ഷാസവിശേഷതയിൽ ജീപ്പ് വാഗ്ദാനം ചെയ്യുന്നു.