Just In
- 33 min ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 59 min ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 1 hr ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 1 hr ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- Lifestyle ശരീരഭാരം കുറയും, ഹൃദയാരോഗ്യം മെച്ചപ്പെടും; ദിനവും വെളിച്ചെണ്ണ ഉപയോഗിച്ചാലുള്ള ഗുണങ്ങള്
- News നെല്ല് സംഭരണത്തിൽ കേന്ദ്രത്തിന്റെ തട്ടിപ്പുകൾ പുറത്തുവന്നു; മന്ത്രി എംബി രാജേഷ്
- Movies 'സുധിച്ചേട്ടന്റെ മൃതദേഹത്തിൽ നിന്നും കൂർക്കം വലി കേട്ടു, കല്യാണം കഴിക്കരുതെന്ന് പറഞ്ഞു, അപകടം സ്വപ്നം കണ്ടു'
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
- Sports IPL 2024: ആരും തളരരുത്, ഡ്രസിങ് റൂമില് ഹാര്ദിക്കിന്റെ പ്രസംഗം; വീഡിയോ വൈറല്
ഥാർ ഇഫക്ട്; നവംബർ വിൽപ്പനയിൽ 4.0 ശതമാനം വർധന നേടി മഹീന്ദ്ര
മഹീന്ദ്ര & മഹീന്ദ്ര 2020 നവംബർ മാസത്തിൽ മൊത്തം 42,731 യൂണിറ്റ് വാഹനങ്ങൾ വിറ്റഴിച്ചതായി അറിയിച്ചു. കഴിഞ്ഞ വർഷം നവംബറിലെ 41,235 യൂണിറ്റ് വിൽപ്പനയുമായി താരതമ്യം ചെയ്യുമ്പോൾ ഇത് ഏകദേശം 4.0 ശതമാനം വർധനവാണ്.
ഉത്സവ സീസണിന്റെ കൊടുമുടിയായി കണക്കാക്കപ്പെടുന്ന നവംബർ മഹീന്ദ്രയ്ക്ക് മുൻ മാസത്തെ ഇടിവിനെ അപേക്ഷിച്ച് മികച്ചതായിരുന്നു. ഒക്ടോബറിൽ മഹീന്ദ്ര & മഹീന്ദ്ര മൊത്തം വിൽപ്പനയിൽ 14.52 ശതമാനം ഇടിവ് രേഖപ്പെടുത്തിയിരുന്നു.
കഴിഞ്ഞ വർഷം ഒക്ടോബറിൽ 51,896 യൂണിറ്റുകൾ കമ്പനി വിറ്റഴിച്ച സാഹചര്യത്തിൽ ഈ വർഷം 44,359 യൂണിറ്റുരളാണ് വിറ്റത്.
യൂട്ടിലിറ്റി വെഹിക്കിൾസ് വിഭാഗത്തിൽ മഹീന്ദ്ര 2020 നവംബറിൽ 17,971 വാഹനങ്ങൾ വിറ്റു. 2019 നവംബറിൽ 14,161 വാഹനങ്ങളെ അപേക്ഷിച്ച് 27 ശതമാനം വളർച്ച രേഖപ്പെടുത്തി. ഒക്ടോബർ രണ്ടിന് വിപണിയിലെത്തിയ പുതിയ മഹീന്ദ്ര ഥാർ എസ്യുവിയാണ് ഇത് സാധ്യമാക്കിയത്.
എസ്യുവിയുടെ കൃത്യമായ വിൽപ്പന കണക്കുകൾ ഇതുവരെ പുറത്തുവന്നിട്ടില്ലെങ്കിലും ആദ്യ മാസത്തിൽ തന്നെ 20,000 -ത്തിലധികം ബുക്കിംഗുകൾ നേടിയിരുന്നു.
ലോവർ-സ്പെക്ക് AX സ്റ്റാൻഡേർഡ്, AX വേരിയന്റുകളുടെ ബുക്കിംഗ് അടുത്ത വർഷം മെയ് വരെ നിർത്തിവച്ചിരിക്കുകയാണ്. നിലവിൽ മഹീന്ദ്ര ഥാർ എസ്യുവി വാങ്ങുന്നവർ ഏഴുമാസത്തിലധികം കാത്തിരിപ്പ് കാലഘട്ടത്തെ അഭിമുഖീകരിക്കുന്നു.
പുതിയ ഥാറിനോടുള്ള ജനങ്ങളുടെ മികച്ച പ്രതികരണവും ബുക്കിംഗും കാരണം മഹീന്ദ്രയ്ക്ക് വാഹത്തിനായുള്ള കാത്തിരിപ്പ് കാലയളവ് വേരിയന്റുകളെ ആശ്രയിച്ച് അഞ്ച് മുതൽ ഏഴ് മാസം വരെയാണ് എന്നൊരു ഒരു പത്രക്കുറിപ്പ് ഇറക്കേണ്ടിവന്നു.
നീണ്ട കാത്തിരിപ്പ് കാലയളവ് വെട്ടിക്കുറയ്ക്കുന്നതിനായി, അടുത്ത വർഷം ജനുവരി മുതൽ പ്രതിമാസം 2,000 മുതൽ 3,000 യൂണിറ്റ് വരെ പുതിയ താർ എസ്യുവിയുടെ ഉത്പാദനം വർധിപ്പിക്കാൻ മഹീന്ദ്ര തീരുമാനിച്ചു.
യുവി, കാറുകൾ, വാനുകൾ എന്നിവ ഉൾപ്പെടുന്ന പാസഞ്ചർ വാഹന വിഭാഗത്തിൽ കഴിഞ്ഞ മാസം 18,212 വാഹനങ്ങൾ കമ്പനി വിറ്റു. കഴിഞ്ഞ വർഷം ഇതേ കാലയളവിനെ അപേക്ഷിച്ച് 24 ശതമാനം വളർച്ചയാണ് രേഖപ്പെടുത്തിയത്.