Just In
- 17 min ago ബ്രെസയും നെക്സോണും പോലെ കമ്പനിയിട്ട പേരുകളല്ല! സ്കോഡ എസ്യുവിക്ക് ജനങ്ങള് നിര്ദേശിച്ച 10 പേരുകള് കണ്ടോ...
- 1 hr ago ക്രാഷ് ടെസ്റ്റിൽ ഹോണ്ടയുടെ 'മാരുതി'യായി അമേസ്; ഇടിപ്പരീക്ഷയിൽ കിട്ടിയത് വെറും 2-സ്റ്റാർ റേറ്റിംഗ്
- 1 hr ago പപ്പടം പോലെ പൊടിയില്ല! കുട്ടികളുടെ സുരക്ഷയിൽ 5-സ്റ്റാർ നേടി കാരെൻസ്; മുതിർന്നവരുടെ കാര്യത്തിൽ മെച്ചപ്പെടണം
- 3 hrs ago കല്യാണത്തിനു മുമ്പ് ലെവൽ മാറി ദീപക്ക്; അപർണയ്ക്കൊപ്പമുള്ള യാത്രകൾ ഇനി ബെൻസിന്റെ തിളക്കത്തിൽ
Don't Miss
- Lifestyle രോഗശാന്തിക്ക് ഓടിയെത്തുന്ന ഭക്തര്, മന്ത്രവാദവും ആത്മാക്കളെയും ഒഴിപ്പിക്കുന്ന ക്ഷേത്രം
- Movies 'ഇപ്പോൾ തീപ്പൊരിയല്ല കാട്ടുതീയാണ്, അന്ന് കിട്ടിയ എനർജി ലൈഫിന്റെ അവസാനം വരെയുണ്ടാകും'; സിജോ തിരിച്ചുവന്നു
- News പോളിംഗ് ബൂത്തില് ചൂടൊന്നും പ്രശ്നമാകില്ല; എല്ലാ സൗകര്യവുമുണ്ടാകുമെന്ന് മുഖ്യ തിരഞ്ഞെടുപ്പ് ഓഫീസര്
- Technology അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ
- Finance തിരിച്ചുകയറി സ്വർണവില, പവന്റെ വില വീണ്ടും 53,000 കടന്നു, അഡ്വാൻസ് ബുക്കിംഗ് നല്ലതാണ്
- Travel ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
- Sports T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
മഹീന്ദ്ര എഞ്ചിൻ കരുത്തിൽ ഫോർഡ് ഇക്കോസ്പോർട്ട് ഒരുങ്ങുന്നു; അവതരണം അടുത്ത വർഷം
അമേരിക്കൻ വാഹന നിർമാതാക്കളായ ഫോർഡും ഇന്ത്യൻ വാഹന നിർമാതാക്കളായ മഹീന്ദ്രയും തമ്മിലുള്ള സംയുക്ത സംരഭത്തിന്റെ ഭാഗമായി മഹീന്ദ്ര എഞ്ചിൻ കരുത്തിൽ പുറത്തിറങ്ങുന്ന ഇക്കോസ്പോർട്ട് 2021-ൽ ഇന്ത്യൻ വിപണിയിൽ അരങ്ങേറ്റം കുറിക്കുമെന്ന് സ്ഥിരീകരണം.
2017-ൽ ആണ് 275 മില്യൺ ഡോളർ വിലമതിക്കുന്ന സംയുക്ത സംരഭ കരാറിൽമഹീന്ദ്രയും ഫോർഡും ഒപ്പുവെച്ചത്. ഇന്ത്യയിലെ തങ്ങളുടെ വ്യവസായത്തിന്റെ നിയന്ത്രണം മഹീന്ദ്രയ്ക്ക് കൈമാറുകയാണ് ഇതുവഴി ഫോർഡ് ചെയ്യുന്നത്.
പുതിയ സംരഭത്തിന്റെ ഭാഗമായി ഏഴ് പുതിയ ഉൽപ്പന്നങ്ങൾ ഇരു ബ്രാൻഡും യോജിച്ച് അവതരിപ്പിക്കും. ഫോർഡിന് കീഴിലുള്ള മൂന്ന് പുതിയ യൂട്ടിലിറ്റി വാഹനങ്ങൾ ഇതിൽ ഉൾപ്പെടുന്നു. പുതിയ മിഡ്സൈസ് എസ്യുവിയിൽ നിന്ന് ആരംഭിച്ച് മഹീന്ദ്രയുടെ പ്ലാറ്റ്ഫോമും എഞ്ചിനും ഈ സംരഭം പങ്കിടും.
കോംപാക്ട് എസ്യുവി വിഭാഗത്തിലെത്തുന്ന ഇക്കോസ്പോർട്ടിന് നിലവിൽ ലഭിക്കുന്ന 1.0 ലിറ്റർ ഇക്കോബൂസ്റ്റ് എഞ്ചിന് പകരമായി മഹീന്ദ്രയുടെ 1.2 ലിറ്റർ ടി-ജിഡിഐ എഞ്ചിൻ ഇനി മുതൽ ഫോർഡ് ഉപയോഗിക്കും.
1.2 ലിറ്റർ ടർബോചാർജ്ഡ് ഗ്യാസോലിൻ ഡയറക്ട് ഇഞ്ചക്ഷൻ പെട്രോൾ യൂണിറ്റ് മഹീന്ദ്രയുടെ പുതിയ എംസ്റ്റാലിയൻ ഫാമിലി എഞ്ചിനുകളുടേതാണ്. G12 എന്ന കോഡ് നാമമുള്ള ബിഎസ്-VI കംപ്ലയിന്റ് എഞ്ചിൻ 130 bhp കരുത്തിൽ 230 Nm torque ആണ് ഉത്പാദിപ്പിക്കുക.
ആറ് സ്പീഡ് മാനുവൽ ഗിയർബോക്സ് സ്റ്റാൻഡേർഡായി ലഭിക്കുമ്പോൾ ഫോർഡ് ഇരട്ട-ക്ലച്ച് ഓട്ടോമാറ്റിക് ഓപ്ഷനും വാഹനത്തിൽ വാഗ്ദാനം ചെയ്യും. ഇതിനർത്ഥം ഇപ്പോൾ നിർത്തലാക്കിയ 1.0 ലിറ്റർ ഫോർഡ് ഇക്കോബൂസ്റ്റ് എഞ്ചിനേക്കാൾ 5 bhp, 60 Nm torque എന്നിവ കൂടുതൽ സൃഷ്ടിക്കാൻ കഴിവുള്ളവയാണ് മഹീന്ദ്രയുടെ പുതിയ 1.2 ടി-ജിഡിഐ യൂണിറ്റ്.
മികച്ച പെർഫോമൻസിന് പേരുകേട്ട ഫോർഡിന്റെ 1.0 ലിറ്റർ ഇക്കോബൂസ്റ്റ് എഞ്ചിൻ വിപണിയിൽ ഏറെ പ്രശംസ പിടിച്ചുപറ്റിയ ഒന്നായിരുന്നു. എന്നാൽ കാറിന്റെ ഉയർന്ന വിലയും കുറഞ്ഞ ഇന്ധന സമ്പദ്വ്യവസ്ഥയും അതിന്റെ ആകർഷണീയതയെ പരിമിതപ്പെടുത്തി. അമേരിക്കൻ ബ്രാൻഡായ ഫോർഡ് ഒടുവിൽ ഇക്കോസ്പോർട്ട് നിരയിൽ നിന്ന് ഈ എഞ്ചിനെ വെട്ടിക്കുറച്ചു.
ഇക്കോസ്പോർട്ട് ടി-ജിഡിഐ വിപണിയിൽ എത്തുന്നതിനുമുമ്പ്, മഹീന്ദ്ര ഈ എഞ്ചിൻ XUV300 കോംപാക്ട് എസ്യുവിയിൽ അവതരിപ്പിക്കും. ഇത് ഈ ഏപ്രിലിൽ ഇന്ത്യൻ വിപണിയിൽ എത്തിയേക്കും. ഈ വിഭാഗത്തിൽ ഫോർഡ് ഇക്കോസ്പോർട്ടിന് ഹ്യുണ്ടായി വെന്യു, ടാറ്റ നെക്സോൺ, മാരുതി സുസുക്കി വിറ്റാര ബ്രെസ, വരാനിരിക്കുന്ന നിസാൻ, റെനോ കോംപാക്ട് എസ്യുവികൾ എന്നിവയുമായി മത്സരിക്കേണ്ടിവരും.
1926-ലാണ് ഫോർഡ് ആദ്യമായി ആഭ്യന്തര വിപണിയിൽ ചുവടുവെക്കുന്നത്. എന്നാൽ രാജ്യത്ത് തങ്ങളുടേതായ ഒരു വ്യക്തി മുദ്ര പതിപ്പിക്കുന്നതിൽ അമേരിക്കൻ കാർ നിർമ്മാതാക്കൾ പരാജയപ്പെട്ടു.
എങ്കിലും ഫിഗോ, ഐക്കൺ, എൻഡവർ തുടങ്ങിയ ചില ജനപ്രിയ വാഹനങ്ങൾ ഭേദപ്പെട്ട വിൽപ്പന നൽകി കമ്പനിയെ രാജ്യത്ത് നിലയുറപ്പിച്ചു. ഇന്ത്യയിൽ നിന്നും പൂർണമായും പിൻമാറാതെ മഹീന്ദ്രയുടെ സഹായത്തോടെ വിപണിയിൽ പിടിച്ചു നിൽക്കാനാണ് ഇപ്പോൾ ഫോർഡ് ശ്രമിക്കുന്നത്.