Just In
- 56 min ago മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
- 12 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 14 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 15 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
Don't Miss
- News 'കോൺഗ്രസിന്റെ യുവരാജാവ് വടക്കേ ഇന്ത്യ വിട്ട് തെക്കേ ഇന്ത്യയിലേക്ക് ഓടി'; രാഹുലിനെ വിമർശിച്ച് നരേന്ദ്ര മോദി
- Finance കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ
- Travel നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ്
- Movies 'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും'
- Technology ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ!
- Sports IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം?
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
അന്താരാഷ്ട്ര വിപണികളിലേക്ക് എസ്-പ്രസ്സോ ഹാച്ച്ബാക്കിന്റെ കയറ്റുമതി ആരംഭിച്ച് മാരുതി
മാരുതി സുസുക്കി ഏഷ്യൻ, ലാറ്റിൻ അമേരിക്കൻ, ആഫ്രിക്കൻ വിപണികളിലേക്ക് എസ്-പ്രസ്സോ ഹാച്ച്ബാക്കിന്റെ കയറ്റുമതി ആരംഭിച്ചു.
എൻട്രി ലെവൽ ഹാച്ച്ബാക്ക് പുറത്തിറങ്ങിയതിന് ഏതാനും മാസങ്ങൾക്ക് ശേഷമാണ് ഇന്ത്യയിലെ ഏറ്റവും കൂടുതൽ വാഹനങ്ങൾ വിറ്റഴിക്കുന്ന നിർമാതാക്കൾ എസ്-പ്രസ്സോയുടെ കയറ്റുമതി സംബന്ധിച്ച് പ്രഖ്യാപനം നടത്തിയത്.
2019 സെപ്റ്റംബറിലാണ് മാരുതി സുസുക്കി എസ്-പ്രസ്സോ പുറത്തിറക്കിയത്. 3.69 ലക്ഷം രൂപയാണ് വാഹനത്തിന്റെ എക്സ്-ഷോറൂം വില. 67 bhp കരുത്തും 90 Nm torque ഉം സൃഷ്ടിക്കുന്ന മാരുതി സുസുക്കിയുടെ K10 എഞ്ചിനാണ് എസ്-പ്രസ്സോയ്ക്ക് കരുത്ത് പകരുന്നത്.
അഞ്ച് സ്പീഡ് മാനുവൽ ഗിയർബോക്സാണ് അടിസ്ഥാനമായി വാഹനത്തിൽ വരുന്നത്. AMT ഓപ്ഷനും നിർമ്മാതാക്കൾ നൽകുന്നു. രൂപകൽപ്പനയുടെ കാര്യത്തിൽ, വ്യത്യസ്ഥമായി കാണപ്പെടുന്ന ഒരു കാറാണ് എസ്-പ്രസ്സോ.
മാരുതി സുസുക്കി ബലേനോ, എർട്ടിഗ, വാഗൺആർ എന്നിവ ഒരുങ്ങുന്ന അതേ പ്ലാറ്റ്ഫോമിലാണ് നിർമ്മാതാക്കൾ എസ്-പ്രസ്സോയും നിർമ്മിച്ചിരിക്കുന്നത്.
വാഹനത്തെ ഹാച്ച്ബാക്കായി തരംതിരിച്ചിട്ടുണ്ടെങ്കിലും, ഇതിന് ഇന്ത്യക്കാർ ഇഷ്ടപ്പെടുന്ന ഒരു എസ്യുവിയുടെ രൂപകൽപ്പനയും സ്റ്റൈലിംഗും കമ്പനി നൽകുന്നു.
വിശാലമായ ഇന്റീരിയറുകളും ഫങ്കി സ്റ്റൈലിംഗും ഇത് വാഗ്ദാനം ചെയ്തു. അതിനാൽ, മാരുതി സുസുക്കി എസ്-പ്രസ്സോ നന്നായി വിറ്റു പോയതിൽ അതിശയിക്കാനില്ല.
ഇന്ത്യൻ വാഹന വ്യവസായത്തിലെ മാന്ദ്യത്തിനിടയിലും എസ്-പ്രസ്സോ മികച്ച പ്രകടനം കാഴ്ചവച്ചു. 2019 സെപ്റ്റംബറിൽ 5,000 യൂണിറ്റ് വിറ്റഴിച്ച എസ്-പ്രസ്സോയുടെ വിൽപ്പന ഒക്ടോബറിൽ 10,634 യൂണിറ്റുകളോടെ ഇരട്ടിയായി വർദ്ധിച്ചു.
മൊത്തത്തിൽ, മാരുതി സുസുക്കി എസ്-പ്രസ്സോയുടെ 35,000 യൂണിറ്റുകൾ വിറ്റഴിച്ചു, ഓരോ മാസവും വിൽപ്പന വർദ്ധിക്കുന്നതായി കാണപ്പെടുന്നു.
ഇപ്പോൾ മാരുതി സുസുക്കി എസ്-പ്രസ്സോയുടെ കയറ്റുമതിയും ആരംഭിച്ചിരിക്കുകയാണ്. ഹാച്ച്ബാക്ക് മുമ്പത്തേക്കാൾ കൂടുതൽ വിൽപ്പന സംഖ്യകൾ കരസ്ഥമാക്കുമെന്ന് പ്രതീക്ഷിക്കാം.
മെയ്ക്ക് ഇൻ ഇന്ത്യയുടെ യഥാർത്ഥ ചിഹ്നമാണ് എസ്-പ്രെസ്സോയെന്ന് മാരുതി സുസുക്കി ഇന്ത്യ ലിമിറ്റഡ് മാനേജിംഗ് ഡയറക്ടറും CEO -യുമായ കെനിചി അയുകാവ പറഞ്ഞു.
ഇന്ത്യൻ ഉപഭോക്താക്കൾ ഇരു കൈയ്യു നീട്ടി സ്വീകരിച്ച വാഹനത്തിന് അന്താരാഷ്ട്ര വിപണിയിലും മികച്ച സ്വീകാര്യത ലഭിക്കുമെന്ന് തങ്ങൾക്ക് ഉറപ്പുണ്ട്. എസ്-പ്രെസ്സോ നിരവധി പുതിയ വിപണികളിൽ തങ്ങൾക്ക് വഴിയൊരുക്കുമെന്നും അദ്ദേഹം കൂട്ടിച്ചേർത്തു.
മാരുതി സുസുക്കിയുടെ മനേസർ പ്ലാന്റിൽ നിർമ്മിച്ച മാരുതി സുസുക്കി എസ്-പ്രസ്സോ കയറ്റുമതിക്കായി ഗുജറാത്തിലെ മുന്ദ്ര തുറമുഖത്തേക്കാണ് എത്തിക്കുന്നത്.
വലിയ കാർ-ഫെറിംഗ് കപ്പലുകൾ പിന്നീട് ഹാച്ച്ബാക്കിനെ ഏഷ്യ, ലാറ്റിൻ അമേരിക്ക, ആഫ്രിക്ക എന്നിവിടങ്ങളിലെ മറ്റ് രാജ്യങ്ങളിലേക്ക് കൊണ്ടുപോകുന്നു.