Just In
- 30 min ago ഇനി പപ്പടമല്ല, നല്ല ഒന്നാന്തരം ഉരുക്കാണ്... ഇടിപ്പരീക്ഷയിൽ 4 സ്റ്റാർ-റേറ്റിംഗുമായി പുത്തൻ സ്വിഫ്റ്റ്
- 1 hr ago വാഗ്ദാനങ്ങൾ പാലിച്ചില്ല, 'നവകേരള ബസ്' കറിവേപ്പിലയായി! കോടികൾ മുടക്കിയ ബസ് പൊടിപിടിച്ചു കിടക്കുന്നു
- 2 hrs ago മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി
- 5 hrs ago ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ
Don't Miss
- Lifestyle സ്നേഹം ഒരാള്ക്ക് മാത്രം: നമ്മളെ സ്നേഹിക്കാത്തവരെ മനസ്സില് നിന്നും മായ്ക്കാന് ചില മാര്ഗ്ഗങ്ങള്
- News അഞ്ച് ദിവസത്തേക്ക് തിരിഞ്ഞുനോക്കേണ്ട, ആഗ്രഹിച്ചതെന്തും നടക്കും; എന്തൊരു ഭാഗ്യം! ഇവര്ക്ക് രാജയോഗം
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
- Movies അച്ഛനെ പോലെ തന്നെയാണ് മകനും, യാതൊരു കഴിവുമില്ല! മുന്ഭര്ത്താവിനെ പറ്റിയും മകനെ കുറിച്ചും മലൈക അറോറ
- Finance ഒരു വർഷത്തെ നേട്ടം 1932%, നിക്ഷേപകരെ കോടീശ്വരനാക്കിയ ഓഹരി, നിങ്ങൾ വാങ്ങുന്നോ..?
- Sports IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
2021 E-ക്ലാസ് ലോംഗ് വീൽബേസ് അവതരിപ്പിച്ച് മെർസിഡീസ്
ജർമ്മൻ ബ്രാൻഡ് സ്റ്റാൻഡേർഡ് മോഡൽ പുറത്തിറക്കി ആറുമാസത്തിനുശേഷം ബീജിംഗ് മോട്ടോർ ഷോയിൽ ലോംഗ് വീൽബേസ് രൂപത്തിലുള്ള മെർസിഡീസ് E-ക്ലാസ് ഫെയ്സ്ലിഫ്റ്റ് വെളിപ്പെടുത്തിയിരിക്കുകയാണ്.
E-ക്ലാസ് LWB വിൽക്കുന്ന വിപണികളിൽ ആകെ ഇന്ത്യയും ചൈനയും മാത്രമാണുള്ളത്. ഈ പതിപ്പിനുള്ള ഒരേയൊരു റൈറ്റ് ഹാൻഡ് ഡ്രൈവ് വിപണിയാണ് ഇന്ത്യ. ചൈനയിൽ അവതരിപ്പിച്ച മാതൃക ഇന്ത്യയ്ക്ക് ലഭിക്കാൻ പോകുന്നതിനെക്കുറിച്ച് നല്ലൊരു ധാരണ നൽകുന്നു.
വാഹനത്തിന്റെ പേര് സൂചിപ്പിക്കുന്നത് പോലെ, E-ക്ലാസ് LWB -യ്ക്ക് 2,939 mm വീൽബേസാണുള്ളത്. ഇത് സ്റ്റാൻഡേർഡ് മോഡലിനേക്കാൾ 140 mm നീളമുള്ളതാണ്. എന്നാൽ ഈ പതിപ്പിന് ഒരേ വീതിയും ഉയരവുമാണ്.
കൂട്ടിചേർത്ത ദൈർഘ്യം ഇതിന് കൂടുതൽ പരമ്പരാഗതമായി ആഢംബര ലിമോസിൻ രൂപം നൽകുന്നു, അല്ലാത്തപക്ഷം, LWB -നെ സ്റ്റാൻഡേർഡ് E-ക്ലാസ് ഫെയ്സ്ലിഫ്റ്റിൽ നിന്ന് വ്യത്യസ്തമാക്കുന്ന കാര്യങ്ങളൊന്നുമില്ല.
ഈ വർഷം ആദ്യം E-ക്ലാസ് LWB ഫെയ്സ്ലിഫ്റ്റ് ചിത്രങ്ങൾ ഓൺലൈനിൽ വന്നിരുന്നു. പുതിയ ഹെഡ്ലൈറ്റും ബമ്പർ രൂപകൽപ്പനയും, കൂടാതെ വിശാലമായ മൂന്ന് സ്ലാറ്റ് ക്രോം ഗ്രില്ലും ഫോഗ് ലൈറ്റ് ക്ലസ്റ്ററുകളിൽ ക്രോം ഘടകങ്ങളും വാഹനത്തിന് ലഭിക്കുന്നു. E-ക്ലാസ് ഫെയ്സ്ലിഫ്റ്റിന്റെ സ്പോർട്ടിയർ പതിപ്പുകൾക്ക് മധ്യഭാഗത്ത് മെർസിഡീസ് ലോഗോയുള്ള ഒരു മെഷ് ഗ്രില്ല് ലഭിക്കും.
MOST READ: BJ40 പ്ലസ്; ജീപ്പ് റാങ്ലറിന്റെ അപരനെ പാക്കിസ്ഥാനിൽ അവതരിപ്പിക്കാനൊരുങ്ങി BAIC
പിൻഭാഗത്ത്, സ്റ്റാൻഡേർഡ്, ലോംഗ്-വീൽബേസ് E-ക്ലാസിന് ഒരു പുതിയ സെറ്റ് മെലിഞ്ഞ, റാപ്പ്എറൗണ്ട് ടെയിൽ ലാമ്പുകൾ, ഒരു പുതിയ ബൂട്ട് ലിഡ്, ട്വീക്ക്ഡ് റിയർ ബമ്പർ ഡിസൈൻ എന്നിവ ലഭിക്കുന്നു. പുതിയ അലോയി വീൽ ഓപ്ഷനുകൾ രണ്ട് മോഡലുകളും തമ്മിൽ വേർതിരിക്കാൻ സഹായിക്കും.
റിയർ സീറ്റ് കംഫർട്ടും ഒരു പടി ഉയർത്തി എന്നും പുതിയ റിയർ സെന്റർ കൺസോൾ ടച്ച്സ്ക്രീനും രണ്ട് യുഎസ്ബി പോർട്ടുകളും ചേർത്തതായും മെർസിഡീസ് അവകാശപ്പെടുന്നു.
MOST READ: കണ്ണഞ്ചിപ്പിക്കുന്ന 450 bhp കരുത്തുമായി കസ്റ്റമൈസ്ഡ് ഹോണ്ട സിവിക്
ഈ മാറ്റങ്ങൾക്ക് പുറമെ, സ്റ്റാൻഡേർഡ് മോഡലിൽ നിന്ന് E-ക്ലാസ് ലോംഗ്-വീൽബേസ് മോഡലിൽ എടുത്തി പറയാൻ മറ്റു പ്രധാന മാറ്റങ്ങളൊന്നുമില്ല. ഇൻഫോടെയ്ൻമെന്റിനായുള്ള അപ്ഡേറ്റ് ചെയ്ത MBUX സോഫ്റ്റ്വെയറും പുതിയ സ്റ്റിയറിംഗ് വീലും സമാനമാണ്.
കൊവിഡ് -19 മഹാമാരി മൂലം നിലവിൽ വന്ന ആദ്യത്തെ ലോക്ക്ഡൗണിനിടയിൽ, 2020 ഏപ്രിലിൽ, മെർസിഡീസ് ബെൻസ് ഇന്ത്യയുടെ സെയിൽസ് ആൻഡ് മാർക്കറ്റിംഗ് വൈസ് പ്രസിഡന്റ് സന്തോഷ് അയ്യർ 2021 -ൽ E-ക്ലാസ് ഫെയ്സ്ലിഫ്റ്റ് ഇന്ത്യയിൽ എത്തുമെന്ന് സ്ഥിരീകരിച്ചിരുന്നു.
MOST READ: വിപണിയിലെ മികച്ച ആഢംബര സെഡാന്; സ്കോഡ സൂപ്പര്ബ് സ്പോര്ട്ലൈന് റോഡ് ടെസ്റ്റ് റിവ്യൂ
സ്റ്റിയറിംഗ് വീൽ വലതുവശത്തേക്ക് മാറുന്നത് ഒഴിച്ച് ഇന്ത്യ-സ്പെക്ക് 2021 E-ക്ലാസ് ചൈനയ്ക്കായി വെളിപ്പെടുത്തിയ മോഡലിന് സമാനമാകുമെന്ന് പ്രതീക്ഷിക്കുന്നു.
നിലവിലെ കാറിൽ നിന്ന് സമാന എഞ്ചിൻ ഓപ്ഷനുകൾ തുടരുമെന്ന് പ്രതീക്ഷിക്കാം. നിലവിൽ വിപണിയിൽ എത്തുന്ന E-ക്ലാസ് മോഡലുഖലിൽ E 200 -ന് 59.08-63.30 ലക്ഷം രൂപയും, E 220d - യ്ക്ക് 60.10-64.32 ലക്ഷം രൂപയും, E 350d -യ്ക്ക് 75.06 ലക്ഷം രൂപയുമാണ് എക്സ-ഷോറൂം വിലകൾ.
ഇന്ത്യൻ നിരയിൽ E-ക്ലാസ് ഓൾ-ടെറൈൻ E 220d 4 മാറ്റിക് 77.25 ലക്ഷം രൂപയിൽ ലഭ്യമാണ്, എന്നിരുന്നാലും ഇത് CBU റൂട്ട് വഴി ഇറക്കുമതി ചെയ്യുന്ന സ്റ്റാൻഡേർഡ് വീൽബേസുള്ള സ്റ്റേഷൻ വാഗൺ അല്ലെങ്കിൽ എസ്റ്റേറ്റ് ബോഡി ശൈലി അടിസ്ഥാനമാക്കിയുള്ളതാണ്.
E-ക്ലാസ് ഫെയ്സ്ലിഫ്റ്റ് ഇന്ത്യയിൽ സമാരംഭിക്കുമ്പോൾ, അത് ബിഎംഡബ്ല്യു 5 സീരീസ്, ഔഡി A6, ജാഗ്വാർ XF എന്നിവയ്ക്കെതിരെ മത്സരിക്കും.