Just In
- 10 min ago ഇവർ വരുന്നതോടെ ക്രെറ്റയുടെ വിൽപ്പന തീരും? സെഗ്മെന്റ് പിടിക്കാൻ ടാറ്റയും സിട്രണും
- 46 min ago കുട്ടികളോട് നിങ്ങൾ ഇങ്ങനെ ചെയ്യരുത്, കാറിൽ ഒറ്റയ്ക്ക് ഇരുത്തരുതെന്ന് ദുരന്ത നിവാരണ അതോറിറ്റിയുടെ മുന്നറിയിപ്
- 1 hr ago സ്റ്റെഡി ലൈക്ക് എ വടി! 3 വർഷം തുടർച്ചയായി മികച്ച നേട്ടം; ഇന്ത്യയിൽ മാഗ്നൈറ്റുമായി നാഴികക്കലുകൾ കീഴടക്കി നിസാൻ
- 2 hrs ago ചുവപ്പ് മാത്രമല്ല, 'വെള്ള' കണ്ടാലും കലിപ്പ്! വൈറ്റ് എല്ഇഡി ലൈറ്റുള്ള വാഹനങ്ങള്ക്ക് പണി കിട്ടും
Don't Miss
- Sports T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട്
- News പാലക്കാട് ജില്ലയിൽ ഉഷ്ണ തരംഗ മുന്നറിയിപ്പ്; ഈ 12 ജില്ലക്കാർ ശ്രദ്ധിക്കുക, യെല്ലോ അലേർട്ട്
- Movies ഞാൻ നടിയാണെന്ന് മറന്നു, ഓടിപ്പോയി കെട്ടിപ്പിടിച്ചു; ഉടനെ ശ്രീദേവി എന്നോട് പറഞ്ഞത്; ഉർവശിയുടെ വാക്കുകൾ
- Technology തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
- Lifestyle ചര്മ്മത്തിലെ വെളുത്ത പാടുകള് കൂടുന്നോ? വെള്ളപ്പാണ്ട് അല്ല, പക്ഷേ ശ്രദ്ധിക്കണം
- Finance ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം
- Travel ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
ഏഴ് സീറ്റർ പ്രീമിയം എസ്യുവി വിഭാഗത്തിൽ ഇനി പുതിയ താരം; എംജി ഗ്ലോസ്റ്റർ നവംബറിൽ ഇന്ത്യയിലെത്തും
അടുത്തിടെ സമാപിച്ച ഓട്ടോ എക്സ്പോയിൽ എംജി മോട്ടോർ അവതരിപ്പിച്ച ഫുൾ സൈസ് എസ്യുവിയായ ഗ്ലോസ്റ്റർ ഈ വർഷം തന്നെ ഇന്ത്യൻ വിപണിയിലെത്തിക്കും.
ഈ വർഷം നവംബറിൽ ഗ്ലോസ്റ്റർ എസ്യുവിയെ എംജി വിൽപ്പനക്കെത്തിക്കുമെന്നാണ് ഔദ്യോഗിക സ്ഥിരീകരണം. രാജ്യത്ത് ഏറ്റവും കൂടുതൽ വിൽപ്പന ലഭിക്കുന്ന ദീപാവലി സമയം തന്നെയാണ് വാഹനത്തെ പരിചയപ്പെടുത്താൻ ഏറ്റവും ഉചിതമായ സന്ദർഭമെന്ന് കമ്പനി വിശ്വസിക്കുന്നു.
ടൊയോട്ട ഫോർച്യൂണർ, ഫോർഡ് എൻഡോവർ, മഹീന്ദ്ര ആൾട്രൂറാസ് G4 എന്നീ മുൻനിര മോഡലുകൾക്കെതിരെയാണ് എംജി ഗ്ലോസ്റ്ററിന്റെ മത്സരം. ഈ വർഷം അവസാനത്തോടെ വിപണിയിലെത്തുന്ന എംജിയുടെ ഏഴ് സീറ്റർ എസ്യുവിക്ക് 40 മുതൽ 45 ലക്ഷം രൂപ വരെയായിരിക്കും എക്സ്ഷോറൂം വില.
ഗ്ലോസ്റ്റർ പ്രീമിയം എസ്യുവി ആറ് സീറ്റർ, ഏഴ് സീറ്റർ ഫോർമാറ്റുകളിൽ ലഭ്യമാകും. എംജി ഗ്ലോസ്റ്ററിന് നീളമേറിയ എൽഇഡി ഹെഡ്ലാമ്പുകൾ, ലോംഗ് ഹുഡ്, ഒരു വലിയ ക്രോം ഗ്രിൽ എന്നിവ ലഭ്യമാകും. പിൻഭാഗത്ത് ഒരു ക്രോം സ്ട്രിപ്പുമായി ബന്ധിപ്പിച്ചിരിക്കുന്ന വലിയ എൽഇഡി ടെയിൽ ലൈറ്റുകളും ഇടംപിടിക്കുന്നു.
കൂടാതെ ബൂട്ട് ലിഡിന്റെ താഴത്തെ ഭാഗത്ത് ഒരു പ്രമുഖ ‘ഗ്ലോസ്റ്റർ' ലെറ്ററിംഗും എസ്യുവിയുടെ ആകർഷണമാണ്. അളവുകളുടെ അടിസ്ഥാനത്തിൽ, എംജി ഗ്ലോസ്റ്റർ 5,005 മില്ലീമീറ്റർ നീളവും 1,932 മില്ലീമീറ്റർ വീതിയും 1,875 മില്ലീമീറ്റർ ഉയരവും 2,950 മില്ലിമീറ്റർ വീൽബേസും നൽകുന്നു. ഇത് എസ്യുവിയുടെ എതിരാളികളേക്കാൾ നീളവും വീതിയും ഉയരവുമാണുള്ളതെന്ന് വ്യക്തമാക്കുന്നു.
സവിശേഷതകളുടെ കാര്യത്തിൽ ഗ്ലോസ്റ്റിൽ 12.3 ഇഞ്ച് വലിയ ടച്ച്സ്ക്രീൻ ഇൻഫോടെയിൻമെന്റ് സിസ്റ്റം, എട്ട് ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്റർ, ത്രീ-സോൺ ക്ലൈമറ്റ് കൺട്രോൾ, കൂൾഡ് / ഹീറ്റഡ് സീറ്റുകൾ എന്നിവയും അതിലേറെയും വാഗ്ദാനം ചെയ്യുന്നു.
സുരക്ഷയെ സംബന്ധിച്ചിടത്തോളം, ഗ്ലോസ്റ്ററിൽ ആറ് എയർബാഗുകൾ, ഓട്ടോണമസ് എമർജൻസി ബ്രേക്കിംഗ്, ഇബിഡിയോടു കൂടിയ എബിഎസ്, ഇഎസ്പി, ഒരു ഓട്ടോമാറ്റിക് പാർക്കിംഗ് ഫംഗ്ഷൻ, ലെയ്ൻ കീപ്പ് അസിസ്റ്റ് എന്നിവയും ഉൾപ്പെടുത്തും.
അന്താരാഷ്ട്ര തലത്തിൽ എംജി ഗ്ലോസ്റ്ററിന് 2.0 ലിറ്റർ ടർബോചാർജ്ഡ് പെട്രോൾ എഞ്ചിനുമായാണ് എത്തുന്നത്. ഇത് 221 bhp കരുത്തും 360 Nm torque ഉം ആണ് ഉത്പാദിപ്പിക്കുന്നത്. ആറ് സ്പീഡ് മാനുവലും ഓട്ടോമാറ്റിക് യൂണിറ്റും ഗിയർബോക്സ് ഓപ്ഷനുകളിൽ ഉൾപ്പെടുന്നു. പിൻവീൽ ഡ്രൈവ്, ഓൾ വീൽ ഡ്രൈവ് എന്നീ ഫോർമാറ്റുകളിൽ എസ്യുവി ലഭ്യമാണ്.
ഇന്ത്യൻ വിപണിയിലെ ഗ്ലോസ്റ്ററിനായി കമ്പനി തന്നെ വികസിപ്പിക്കുന്ന 2.0 ലിറ്റർ ടർബോ-ഡീസൽ എഞ്ചിനിലും എംജി പ്രവർത്തിക്കുന്നുണ്ടെന്നാണ് സൂചന.
ഇന്ത്യയിൽ നടന്ന ഏറ്റവും വലിയ വാഹന മേളയുടെ പതിനഞ്ചാം പതിപ്പിൽ പുതിയ 14 ഉൽപ്പന്നങ്ങളാണ് SAIC- ന്റെ ഉടമസ്ഥതയിലുള്ള എംജി മോട്ടോർസ് അവതരിപ്പിച്ചത്. ഷോകേസ് സെഡാനുകൾ, എംപിവി, ക്രോസ്ഓവർ, എസ്യുവികൾ, ഇലക്ട്രിക് വാഹനങ്ങൾ എന്നിവ ബ്രാൻഡ് പ്രദർശിപ്പിച്ചവയിൽ ഉൾപ്പെടുന്നു.