Just In
- 6 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 8 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 9 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 10 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
Don't Miss
- Movies നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്'
- Sports IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ
- Lifestyle ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം
- News തിരഞ്ഞെടുപ്പ് ദിനത്തില് പൊതു അവധി, എന്തെല്ലാം അടയ്ക്കും, തുറന്നിരിക്കുന്നത് ഇവ; അറിയാം വിവരങ്ങള്
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
പുതിയ ലാൻഡ് റോവർ ഡിഫൻഡറിനെ ഇന്ത്യയിൽ അവതരിപ്പിച്ചു; വില 69.99 ലക്ഷം
ജാഗ്വർ ലാൻഡ് റോവർ ഇന്ത്യ പുതിയ ലാൻഡ് റോവർ ഡിഫെൻഡറിനെ വിപണിയിൽ എത്തിച്ചു. 69.99 ലക്ഷം രൂപ എക്സ്ഷോറൂം വിലയുള്ള വാഹനത്തിന്റെ ബുക്കിംഗുകളും കമ്പനി ആരംഭിച്ചു.
21-ാം നൂറ്റാണ്ടിലെ പുതിയ ലാൻഡ് റോവർ ഡിഫെൻഡർ ഇന്ത്യൻ വിപണിയിൽ മൂന്ന് ഡോർ 90, അഞ്ച് ഡോർ 110 എന്നിങ്ങനെ രണ്ട് വ്യത്യസ്ത ബോഡി സ്റ്റൈലുകളിലാണ് ഇടംപിടിക്കുന്നത്. രണ്ട് വകഭേദങ്ങളും പൂർണമായും നിർമ്മിച്ച യൂണിറ്റായാണ് ആഭ്യന്തര വിപണിയിലേക്ക് എത്തുന്നത്. വാഹനത്തിനായുള്ള ഡെലിവറികൾ 2020 ഓഗസ്റ്റിൽ ആരംഭിക്കും.
പുതിയ ലാൻഡ് റോവർ ഡിഫെൻഡർ പൂർണ്ണമായും നിർമ്മിച്ച യൂണിറ്റ് (CBU) വഴി ഇന്ത്യൻ വിപണിയിലേക്ക് ഇറക്കുമതി ചെയ്യും. 90, 110 വകഭേദങ്ങളിലായി base, S, SE, HSE, ഉയർന്ന പതിപ്പായ ഫസ്റ്റ് പതിപ്പ് എന്നിങ്ങനെ അഞ്ച് മോഡലുകളിൽ പുതിയ ഡിഫെൻഡർ വാഗ്ദാനം ചെയ്യും.
ഡിഫെൻഡർ നിരയിലെ 90, 110 മോഡലുകൾക്ക് ഒറ്റ എഞ്ചിൻ ഓപ്ഷനാകും ഉണ്ടായിരിക്കുക. സ്റ്റാൻഡേർഡ് ഓട്ടോമാറ്റിക് ഗിയർബോക്സ് യൂണിറ്റുമായി ജോടിയാക്കിയ 2.0 ലിറ്റർ നാല് സിലിണ്ടർ ബിഎസ്-VI കംപ്ലയിന്റ് പെട്രോൾ എഞ്ചിൻ 292 bhp കരുത്തും 400 Nm torque ഉം ആണ് ഉത്പാദിപ്പിക്കുന്നത്.
ഭാവിയിൽ ലാൻഡ് റോവർ ഡിഫൻഡറിൽ വലുതും ശക്തവുമായ 3.0 ലിറ്റർ പെട്രോൾ എഞ്ചിൻ കൊണ്ടുവന്നേക്കുമെന്ന സൂചനയും കമ്പനി നൽകുന്നു.
ഏറ്റവും ശക്തമായ ഓഫ്-റോഡ് ശേഷിയുള്ള വാഹനമാണെന്നാണ് യഥാർത്ഥ ലാൻഡ് റോവർ ഡിഫെൻഡർ അറിയപ്പെടുന്നത്. പുതിയ എസ്യുവിയും വ്യത്യസ്തമല്ല. സ്വതന്ത്ര എയർ സസ്പെൻഷൻ, കോയിൽ സ്പ്രിംഗ് സസ്പെൻഷൻ, ഏറ്റവും നൂതനമായ ടെറൈൻ റെസ്പോൺസ് 2 സിസ്റ്റം എന്നിവയുൾപ്പെടെ എല്ലാ ഓഫ്-റോഡിംഗ് ഉപകരണങ്ങളും പുതിയ മോഡലിൽ ലഭ്യമാകുന്നു.
പുതിയ ഡിഫെൻഡറിന് പരമാവധി 900 കിലോഗ്രാം പേലോഡ് കപ്പാസിറ്റി, 900 മില്ലിമീറ്റർ വാട്ടർ വേഡിംഗ് ഡെപ്ത്, 3.2 ടൺ ടവിംഗ് ശേഷി എന്നിവ വഹിക്കാൻ കഴിയും. പരിഷ്ക്കരിച്ച ഡിഫെൻഡർ എസ്യുവിയുടെ എയർ സസ്പെൻഷൻ സംവിധാനത്തിന് ഓഫ്-റോഡിംഗിനിടെ 145 mm ഉയർത്താനാകുമെന്നത് എടുത്തു പറയേണ്ട ഘടകമാണ്.
പുതിയ ലാൻഡ് റോവർ ഡിഫെൻഡറിന്റെ ഓഫ്-റോഡ് കഴിവുകൾ കൂടാതെ പ്രീമിയം, ആഢംബര സവിശേഷതകളും ഉപകരണങ്ങളും എസ്യുവിയിൽ ലഭ്യമാണ്.
ഒടിഎ (ഓവർ-ദി-എയർ) അപ്ഡേറ്റുകളുള്ള കണക്റ്റിവിറ്റി സാങ്കേതികവിദ്യ, 10 ഇഞ്ച് ടച്ച്സ്ക്രീൻ ഇൻഫോടെയിൻമെന്റ് സിസ്റ്റം, 12.3 ഇഞ്ച് പൂർണ ഡിജിറ്റൽ ഇൻസ്ട്രുമെന്റ് ക്ലസ്റ്റർ, ഹെഡ്സ് അപ്പ് ഡിസ്പ്ലേ, കൂടാതെ മറ്റ് നിരവധി സംവിധാനങ്ങളും വാഹനത്തിൽ വാഗ്ദാനം ചെയ്യുന്നു.
കഴിഞ്ഞ വർഷം ആഗോളതലത്തിൽ അരങ്ങേറ്റം കുറിച്ച എസ്യുവിയുടെ ഏറ്റവും പുതിയ ആവർത്തനം ഒരു വർഷത്തിനു ശേഷമാണ് ആഭ്യന്തര വിപണിയിലെത്തുന്നത്. ഇന്ത്യൻ വിപണിയിൽ വാഹനത്തിന് നേരിട്ടുള്ള എതിരാളികളൊന്നുമില്ലെങ്കിലും ജീപ്പ് റാങ്ലർ എസ്യുവി, മെർസിഡീസ് ബെൻസ് G 350d എന്നിവയിൽ നിന്നും ചെറിയ മത്സരം നേരിട്ടേക്കാം.