Click it and Unblock the Notifications
Just In
-
-
-
-
Don't Miss
-
മിന്നല് അടിച്ച് ഒരു പയ്യന് ശക്തി കിട്ടുന്നതായിരുന്നു ഐഡിയ, വില്ലനെ കിട്ടിയില്ല; സെറ്റായത് ഇങ്ങനെ; ബേസില് -
'നിങ്ങൾ നിരപരാധിയല്ല'; ബാബാ രാംദേവിനെതിരെ വീണ്ടും സുപ്രീം കോടതിയുടെ കടുത്ത വിമർശനം -
IPL 2024: എല്ലാം തിരക്കഥ? 17ാം സീസണിലെ തട്ടിപ്പിന് തെളിവുണ്ട്? സഞ്ജുവിന്റെ രാജസ്ഥാനും പങ്ക്! -
സംഗീതമൊഴുകുന്ന കല്ലുകള്, 800 വര്ഷം പഴക്കമുള്ള വാസ്തുവിദ്യാ അത്ഭുതം; ഐരാവതേശ്വര ക്ഷേത്രം -
50 രൂപയിൽ താഴെയുള്ള പവർ സ്റ്റോക്ക്, ഒരു വർഷത്തെ നേട്ടം 400%, ഓഹരി കയ്യിലുണ്ടെങ്കിൽ വിൽക്കണോ...? -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും.. -
എതിരാളികളെ വിറപ്പിച്ചും നാട്ടുകാരെ സന്തോഷിപ്പിച്ചും ഒരു 5ജി ഫോൺ; ഇപ്പോൾ 10000 രൂപയ്ക്ക് വാങ്ങാം
ബുക്കിംഗ് 10,000 പിന്നിട്ടു; മാഗ്നൈറ്റില് വാനോളം പ്രതീക്ഷവെച്ച് നിസാന്‍
പാസഞ്ചര്‍ വാഹന വിപണിയിലെ ഏറ്റവും മത്സരാധിഷ്ഠിത വിഭാഗമായി കണക്കാക്കപ്പെടുന്ന കോംപാക്ട് എസ്‌യുവി ശ്രേണിയിലേക്കാണ് മാഗ്നൈറ്റിനെ നിസാന്‍ അവതരിപ്പിക്കുന്നത്.
വിപണിയില്‍ അവതരിപ്പിച്ചതു മുതല്‍ ഏറെ പ്രതീക്ഷയിലുമാണ് നിര്‍മ്മാതാക്കള്‍. മാഗ്നൈറ്റിലൂടെ ഇന്ത്യന്‍ വിപണിയില്‍ ശക്തമായ സാന്നിധ്യം സൃഷ്ടിക്കുകയാണ് കമ്പനി ലക്ഷ്യമിടുന്നത്. ഏതായാലും അത് ശരിവെയ്ക്കുന്ന രീതിയിലുള്ള പ്രകടനമാണ് വാഹനം കാഴ്ചവെയ്ക്കുന്നതും.
ഏതാനും ആഴ്ചകള്‍ക്ക് മുന്നെയാണ് ബുക്കിംഗ് 5,000 പിന്നിട്ടതായി നിസാന്‍ അറിയിച്ചത്. എന്നാല്‍ ഏറ്റവും പുതിയ റിപ്പോര്‍ട്ട് അനുസരിച്ച് മാഗ്നൈറ്റിനായുള്ള ബുക്കിംഗ് 10,000-പിന്നിട്ടു. ഈ ശ്രേണിയില്‍ സാധാരണക്കാരനും താങ്ങാനാകുന്ന വിലയിലാണ് മോഡലിനെ നിര്‍മ്മാതാക്കള്‍ അവതരിപ്പിച്ചിരിക്കുന്നത്.
4.99 ലക്ഷം രൂപയാണ് പ്രാരംഭ പതിപ്പിന്റെ എക്‌സ്‌ഷോറൂം വില. നിലവില്‍, XE, XL, XV, XV പ്രീമിയം എന്നീ നാല് ട്രിമ്മുകളിലാണ് മാഗ്‌നൈറ്റ് വാഗ്ദാനം ചെയ്യുന്നത്. രണ്ട് എഞ്ചിനുകളുള്ള ഗിയര്ബോക്സ് ഓപ്ഷനുകളുള്ള 20 വേരിയന്റുകളിലായി ഇത് വ്യാപിച്ചിരിക്കുന്നു.
ടോപ്പ് എന്‍ഡ് ഓട്ടോമാറ്റിക് ട്രിമിന് 9.59 ലക്ഷം രൂപയാണ് എക്‌സ്‌ഷോറൂം വില. ഹ്യുണ്ടായി വെന്യു, കിയ സോനെറ്റ്, ടാറ്റ നെക്‌സണ്‍, മാരുതി വിറ്റാര ബ്രെസ എന്നിവരാണ് വിപണിയിലെ മുഖ്യഎതിരാളികള്‍.
MOST READ: മാരുതിക്കും കിയയ്ക്കും പിന്നാലെ പുതുവർഷത്തിൽ മോഡലുകൾക്ക് വില വർധനവുമായി ഹ്യുണ്ടായി
ഏതിരാളികളെക്കാള്‍ കുറഞ്ഞ വിലയാണ് മോഡലിനെ ശ്രേണിയില്‍ ആകര്‍ഷകമാക്കുന്നതും. ആവശ്യക്കാര്‍ വര്‍ധിച്ചതോടെ തെരഞ്ഞെടുത്ത ഏതാനും വേരിയന്റുകള്‍ക്കായി മൂന്നുമാസം വരെ കാത്തിരിക്കണമെന്നും ജാപ്പനീസ് ബ്രാന്‍ഡ് അറിയിച്ചു.
ഉയര്‍ന്ന രണ്ട് പതിപ്പുകള്‍ക്കാണ് 60 ശതമാനം ഉപഭോക്താക്കളും ബുക്ക് ചെയ്യുന്നത്. 40 ശതമാനത്തോളം ആളുകള്‍ നിസാന്റെ ഔദ്യോഗിക വെബ്‌സൈറ്റ് വഴി മാഗ്‌നൈറ്റ് ബുക്ക് ചെയ്യുകയും ചെയ്തു. സമാരംഭിച്ചതിനുശേഷം, ഇതിനകം 50,000 അന്വേഷണങ്ങള്‍ വാഹനത്തിന് ലഭിച്ചു.
മാഗ്നൈറ്റില് രണ്ട് പെട്രോള്‍ എഞ്ചിന്‍ ഓപ്ഷനുകള്‍ നിസാന്‍ വാഗ്ദാനം ചെയ്യുന്നു. 1.0 ലിറ്റര്‍ നാച്ചുറലി ആസ്പിറേറ്റഡ് യൂണിറ്റും 1.0 ലിറ്റര്‍ ടര്‍ബോചാര്‍ജ്ഡ് യൂണിറ്റും.
1.0 ലിറ്റര്‍ നാച്ചുറലി ആസ്പിറേറ്റഡ് യൂണിറ്റ് 71 bhp കരുത്തും 96 Nm torque ഉം സൃഷ്ടിക്കുന്നു. ഇത് 5 സ്പീഡ് മാനുവല്‍ ഗിയര്‍ബോക്സുമായി സ്റ്റാന്‍ഡേര്‍ഡായി ജോടിയാക്കുന്നു.
1.0 ലിറ്റര്‍ ടര്‍ബോ പെട്രോള്‍ എഞ്ചിനൊപ്പം CVT ഗിയര്ബോക്സ് വാഗ്ദാനം ചെയ്യുന്നു. ഇത് 99 bhp കരുത്തും 160Nm torque ഉം ആണ് ഉത്പാദിപ്പിക്കുന്നത്.
എല്‍ഇഡി ഹെഡ്‌ലാമ്പുകള്‍, L-ആകൃതിയിലുള്ള എല്‍ഇഡി ഡിആര്‍എല്‍, എല്‍ഇഡി ഫോഗ് ലാമ്പുകള്‍, എല്‍ഇഡി ടെയില്‍ ലൈറ്റുകള്‍ എന്നിവയാണ് മാഗ്‌നൈറ്റിന്റെ പുറംമോടിയിലെ സവിശേഷതകള്‍.
വയര്‍ലെസ് ആന്‍ഡ്രോയിഡ് ഓട്ടോ, ആപ്പിള്‍ കാര്‍പ്ലേ, ഡിജിറ്റല്‍ 7.0 ഇഞ്ച് ഇന്‍സ്ട്രുമെന്റ് ക്ലസ്റ്റര്‍, മള്‍ട്ടി ഫംഗ്ഷന്‍ സ്റ്റിയറിംഗ് വീല്‍, എയര്‍ പ്യൂരിഫയര്‍, ആംബിയന്റ് ലൈറ്റിംഗ് എന്നിവയുള്ള 8.0 ഇഞ്ച് ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റവും അകത്തളത്തെ സവിശേഷതയാണ്.
ഡ്യുവല്‍ ഫ്രണ്ട് എയര്‍ബാഗുകള്‍, ഇബിഡിയുള്ള എബിഎസ്, റിയര്‍ പാര്‍ക്കിംഗ് സെന്‍സറുകള്‍ എന്നിവ ഓഫറിലെ സുരക്ഷാ സവിശേഷതകളില്‍ ഉള്‍പ്പെടും.
