സമാരംഭിക്കുന്നതിന് മുമ്പ് മാഗ്നൈറ്റിന്റെ മൈലേജ് കണക്കുകൾ വെളിപ്പെടുത്തി നിസാൻ

ഇതുവരെ, മാഗ്നൈറ്റിനായി നിസാൻ പങ്കു വെച്ച സവിശേഷതകളിൽ 205 mm ഗ്രൗണ്ട് ക്ലിയറൻസ്, 336 ലിറ്റർ ബൂട്ട് സ്പെയ്സ്, ഗിയർബോക്സുകൾ, എഞ്ചിൻ കപ്പാസിറ്റി എന്നിവ ഉൾപ്പെടുന്നു.

എന്നാൽ ഇപ്പോൾ, മാഗ്നൈറ്റ് കോംപാക്ട് എസ്‌യുവി കൂടുതൽ വിവരങ്ങൾ പുറത്തുവന്നിരിക്കുകയാണ് നിരവധി പ്രധാന വിശദാംശങ്ങളിലേക്ക് ഇത് വെളിച്ചം വീശുന്നു.

നിസാൻ മാഗ്നൈറ്റ് 3,998 mm നീളവും 1,758 mm വീതിയും 1,572 mm ഉയരവും, 2,500 mm വീൽബേസും അളക്കുന്നു. ഇത് മറ്റ് കോം‌പാക്ട് എസ്‌യുവികളേക്കാൾ കൂടുതലല്ല, എന്നാൽ എതിരാളികളായ ഹ്യുണ്ടായി വെന്യു, കിയ സോനെറ്റ്, ടാറ്റ നെക്‌സോൺ, മാരുതി വിറ്റാര ബ്രെസ്സ എന്നിവയുമായി വീൽബേസിൽ പൊരുത്തപ്പെടുന്നു.

ഇന്ത്യയിൽ വിൽപ്പനയ്‌ക്കെത്തുന്ന ഏറ്റവും ഭാരം കുറഞ്ഞ കോംപാക്ട് എസ്‌യുവികളിലൊന്നായിരിക്കും നിസാൻ മാഗ്നൈറ്റ് എന്ന് വൃത്തങ്ങൾ സ്ഥിരീകരിക്കുന്നു, ഈ സവിശേഷത അതിന്റെ കസിൻ റെനോ കൈഗറുമായി വാഹനം പങ്കിടാൻ സാധ്യതയുണ്ട്.

1.0 ലിറ്റർ നാച്ചുറലി ആസ്പിറേറ്റഡ് പെട്രോൾ പതിപ്പിന് 939 കിലോഗ്രാമും, 1.0 ടർബോ-മാനുവലിന് 1,014 കിലോഗ്രാമും, 1.0 ടർബോ-CVT പതിപ്പിന് 1,039 കിലോഗ്രാമുമാണ് മാഗ്നൈറ്റിന്റെ കെർബ് വെയ്റ്റ്.

മാഗ്നൈറ്റിന് 40 ലിറ്റർ ഇന്ധന ടാങ്ക് ശേഷിയാണ് നിസാൻ നൽകിയിരിക്കുന്നത്. എല്ലാ പതിപ്പുകളും 195/60-സെക്ഷൻ ടയറുകളിൽ വേരിയന്റിനെ ആശ്രയിച്ച് 16 ഇഞ്ച് സ്റ്റീൽ വീലുകൾ അല്ലെങ്കിൽ അലോയികളുമായി വരും.

രണ്ട് 1.0 ലിറ്റർ പെട്രോൾ എഞ്ചിൻ ഓപ്ഷനുകളുമായി നിസാൻ മാഗ്നൈറ്റ് വരുമെന്ന് അറിഞ്ഞിരുന്നെങ്കിലും, അവയുടെ കൃത്യമായ പവർ ഔട്ട്പുട്ടുകൾ ഇപ്പോൾ വെളിപ്പെടുത്തിയിരിക്കുകയാണ്. നാച്ചുറലി ആസ്പിരേറ്റഡ് മൂന്ന് സിലിണ്ടർ പെട്രോൾ എഞ്ചിൻ 72 bhp കരുത്തും, 96 Nm torque ഉം ഉത്പാദിപ്പിക്കുന്നു. ഇത് അഞ്ച് സ്പീഡ് മാനുവൽ ഗിയർബോക്സ് ഉപയോഗിച്ച് മാത്രമേ ലഭ്യമാകൂ.

അഞ്ച് സ്പീഡ് മാനുവൽ ഗിയർബോക്സുമായി ജോടിയാക്കിയ മാഗ്നൈറ്റിന്റെ 1.0 ലിറ്റർ, മൂന്ന് സിലിണ്ടർ ടർബോ-പെട്രോൾ എഞ്ചിൻ 100 bhp കരുത്തും 160 Nm torque ഉം പുറപ്പെടുവിക്കുന്നു. ഈ സംഖ്യകൾ ക്ലാസ്-ലീഡിംഗ് അല്ലെങ്കിലും, കുറഞ്ഞ ഭാരവുമായി ചേർന്ന്, മികച്ച പ്രകടനം കാഴ്ച്ചവെക്കുന്നു.

മാഗ്നൈറ്റ് 1.0 ടർബോ ഒരു CVT ഓട്ടോമാറ്റിക് ട്രാൻസ്മിഷൻ ഉപയോഗിച്ചും ലഭ്യമാകും, ഇത് പരമാവധി torque 152 Nm വരെ ഉയർത്തുന്നു.

നിസാൻ മാഗ്നൈറ്റിന്റെ മൂന്ന് പതിപ്പുകളിൽ, ടർബോ-CVT കോമ്പിനേഷനിൽ ലിറ്ററിന് 17.7 കിലോമീറ്റർ മൈലേജാണ് ARAI- സാക്ഷ്യപ്പെടുത്തുന്നത്. നാച്ചുറലി ആസ്പിരേറ്റഡ് 1.0 പെട്രോൾ ലിറ്ററിന് 18.75 കിലോമീറ്റർ മൈലേജ് വാഗ്ദാനം ചെയ്യുന്നു.

ലിറ്ററിന് 20 കിലോമീറ്റർ മൈലേജ് നൽകുന്ന 1.0 ടർബോ മാനുവലാണ് മാഗ്നൈറ്റിന്റെ ഏറ്റവും കൂടുതൽ മൈലേജ് നൽകുന്ന മോഡൽ.

മുമ്പ് വെളിപ്പെടുത്തിയതുപോലെ, നിസാൻ മാഗ്നൈറ്റ് മൊത്തം നാല് ട്രിം ലെവലിൽ ലഭ്യമാകും, ഒരു ടെക് പായ്ക്ക് ഓപ്ഷൻ ഉപയോഗിച്ച് ഒരുപിടി ഫീൽ-ഗുഡ് സവിശേഷതകൾ നിർമ്മാതാക്കൾ വാഹനത്തിൽ ചേർക്കുന്നു.

നിസാൻ മാഗ്നൈറ്റിന്റെ വില ശരിക്കും 5.3 ലക്ഷം രൂപയിൽ ആരംഭിക്കുമെന്ന് പ്രതീക്ഷിക്കുന്നു, പൂർണ്ണമായും ലോഡ് ചെയ്ത ടർബോ-CVT പതിപ്പിന് 7.5 ലക്ഷം രൂപയാവാം എക്സ്-ഷോറൂം വില.