Just In
- 34 min ago 17 കി.മീ മൈലേജുള്ള ഫാമിലി എസ്യുവി വാങ്ങുന്നവര്ക്ക് സന്തോഷ വാര്ത്ത! 1 മാസം കൊണ്ട് വണ്ടി കൈയ്യില് കിട്ടും
- 1 hr ago കറങ്ങുന്ന കസേരയ്ക്ക് മുടക്കിയ കാശ് ഖുദാ ഹവാ; നവകേരള ബസ് ഇനി റൂട്ടിലോടും
- 3 hrs ago പരസ്യം കൊടുക്കാൻ കിയ കഴിഞ്ഞേ ആളുള്ളൂ, സെൽറ്റോസിന്റെ പ്രചാരണത്തിന് ഇനി ബോബി ഡിയോളും
- 5 hrs ago കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
Don't Miss
- Movies 'ജയ് ഹോ' ഒറിജിനല് ട്രാക്ക് റഹ്മാന്റേതല്ല; ചെയ്തത് മറ്റൊരു സിനിമയ്ക്ക് വേണ്ടി: രാം ഗോപാല് വര്മ
- News അനിയന്ത്രിതമായ തിരക്ക്, പോളിംഗ് തടസപ്പെട്ടു; നടന് വിജയിക്കെതിരെ പരാതി; വോട്ട് ചെയ്യാനാവാതെ സൂരി
- Travel വോട്ട് ചെയ്യാൻ നാട്ടിൽ വരാം, ബെംഗളുരുവിൽ നിന്ന് ഏപ്രിൽ 25ന് സ്പെഷ്യൽ ബസ്, സമയവും റൂട്ടും
- Finance ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം
- Sports IPL 2024: ഇവനെയൊക്കെ ഞങ്ങളുടെ കയ്യില് കിട്ടണം...; ധോണി പുകഴ്ത്തി സിഎസ്കെയെ കളിയാക്കി ഐസ് ലാന്റ് ക്രിക്കറ്റ്
- Lifestyle 1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി
- Technology ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
വാണിജ്യ വാഹനങ്ങളുടെ വില്പ്പനയ്ക്ക് ഓണ്ലൈന് സൗകര്യവുമായി പിയാജിയോ
വാണിജ്യ വാഹനങ്ങളുടെ വില്പ്പനയ്ക്കായി ഓണ്ലൈന് സൗകര്യമൊരുക്കി പിയാജിയോ. വെസ്പ, അപ്രീലിയ മോഡലുകളുടെ വില്പ്പനയും കഴിഞ്ഞ മാസം തന്നെ കമ്പനി ഓണ്ലൈന് വഴി ആരംഭിച്ചിരുന്നു.
ഇതിന് പിന്നാലെയാണ് ഇപ്പോള് വാണിജ്യ വാഹനങ്ങളുടെ വില്പ്പനയും ഓണ്ലൈന് വഴി ആരംഭിച്ചിരിക്കുന്നത്. 1,000 രൂപ നല്കി ഉപഭോക്താക്കള്ക്ക് വാഹനം ബുക്ക് ചെയ്യാന് സാധിക്കും.
ഈ പുതിയ ഇ-കൊമേഴ്സ് പ്ലാറ്റ്ഫോം ഇന്ത്യയിലുടനീളമുള്ള എല്ലാ പിയാജിയോ വാണിജ്യ വാഹന ഡീലര്ഷിപ്പുകളെയും സമന്വയിപ്പിക്കുന്നു. വാഹനത്തിന്റെ സവിശേഷതകള്ക്കൊപ്പം, എക്സ്ഷോറൂം, ഓണ്റോഡ് വിലകള്, ഇഎംഐ ഓപ്ഷനുകള്, ഇഷ്ടമുള്ള ഫിനാന്സിയറില് നിന്നും വായ്പയ്ക്ക് അപേക്ഷിക്കാനുള്ള ഓപ്ഷനും നല്കുന്നുണ്ട്.
MOST READ: സൗരവ് ഗാംഗുലിക്ക് ഇന്ന് 48-ാം പിറന്നാള്; കാര് ശേഖരത്തിലെ പ്രധാനികള് ഇവര്
ഉപഭോക്താക്കള്ക്ക് ഷോറൂം സന്ദര്ശിക്കാതെ തന്നെ അവരുടെ വീടുകളില് നിന്ന് തെരഞ്ഞെടുത്ത മോഡല് ബുക്ക് ചെയ്യാന് പ്രാപ്തമാക്കും. ഇന്ത്യയില് വാണിജ്യ വാഹന സ്പെയ്സിലെ ഇത്തരത്തിലുള്ള ഒരു ഓഫര് ഞങ്ങളുടെ ഉപയോക്താക്കള്ക്ക് പലവിധത്തില് ഗുണം ചെയ്യുമെന്നും പിയാജിയോ വെഹിക്കിള്സ് പ്രൈവറ്റ് ലിമിറ്റഡിന്റെ ചെയര്മാനും എംഡിയുമായ ഡീഗോ ഗ്രാഫി പറഞ്ഞു.
പിയാജിയോ വെഹിക്കിള്സ് പ്രൈവറ്റ് ലിമിറ്റഡ് (PVPL) അതിന്റെ വെസ്പ, അപ്രീലിയ ബ്രാന്ഡുകളുടെ സ്കൂട്ടറുകള്ക്കായി ഒരു ഡിജിറ്റല് പ്ലാറ്റ്ഫോം പുറത്തിറക്കി ഒരു മാസത്തിന് ശേഷമാണ് പുതിയ വില്പ്പന സംരംഭത്തിന് തുടക്കം കുറിച്ചിരിക്കുന്നത്.
MOST READ: മിനി കാർ വിഭാഗത്തിലെ മിടുമിടുക്കൻ, റെനോ നിരത്തിലെത്തിച്ചത് 3.5 ലക്ഷം ക്വിഡുകൾ
ജൂണ് 10 -ന് കമ്പനി ഇരുചക്ര വാഹന ഉത്പന്നങ്ങള്ക്കായി ഇ-കൊമേഴ്സ് വെബ്സൈറ്റ് ആരംഭിച്ചു. ഇപ്പോള് വാണിജ്യ വാഹന ഉപഭോക്താക്കളുടെ ആവശ്യകത കണക്കിലെടുത്താണ് ഈ പുതിയ ഇ-കൊമേഴ്സ് പ്ലാറ്റ്ഫോം വാണിജ്യ വാഹന ബ്രാന്ഡിനായി ആരംഭിച്ചിരിക്കുന്നത്.
ഇരുചക്രവാഹനങ്ങളുടെ ഡെലിവറിയെക്കുറിച്ച് പറയുമ്പോള്, ഉപയോക്താക്കള്ക്ക് ഹോം ഡെലിവറിയും തെരഞ്ഞെടുക്കാം. ഇതിനുള്ള സൗകര്യവും ഇപ്പോള് കമ്പനി അവതരിപ്പിച്ചിട്ടുണ്ട്. ഫിനാന്സ് സ്കീമുകളിലൂടെ ഉപഭോക്താവ് സ്കൂട്ടര് വാങ്ങുകയാണെങ്കില്, അതിനുള്ള സൗകര്യവും ഓണ്ലൈനില് ഒരുക്കിയിട്ടുണ്ട്.
MOST READ: പരീക്ഷണയോട്ടം നടത്തി ടാറ്റ ഗ്രാവിറ്റാസ്; എതിരാളി എംജി ഹെക്ടര് പ്ലസ്
എച്ച്ഡിഎഫ്സി, ഐഡിഎഫ്സി ഫസ്റ്റ് ബാങ്ക്, ടാറ്റ ക്യാപിറ്റല്, ബജാജ് ഫിനാന്സ് എന്നിവയാണ് ഇതിനായി ലഭ്യമായ ബാങ്കുകള്. ഓര്ഡര് നല്കി കഴിഞ്ഞാല്, ഒരു സെയില്സ് പ്രതിനിധി ഉപഭോക്താവുമായി ബന്ധപ്പെടുകയും ആവശ്യമായ രേഖകളെക്കുറിച്ച് അറിയിക്കുകയും ചെയ്യും.
വാഹന ഡെലിവറിയുടെ സമയം, ഉപഭോക്താവിന് രജിസ്ട്രേഷന് രേഖകള് കൈമാറും. ഓണ്ലൈന് വഴി ബുക്ക് ചെയ്യുന്നവര്ക്കായി ഏതാനും ഓഫറുകളും കമ്പനി അവതരിപ്പിച്ചിട്ടുണ്ട്. മോഡലുകളില് 2,000 രൂപയുടെ കിഴിവും, ഫ്രീ റോഡ്സൈഡ് അസിസ്റ്റ്, ഒരു വര്ഷം സൗജന്യ ലേബര് സര്വീസ് എന്നിവയാണ് ഓണ്ലൈന് വഴി ബുക്ക് ചെയ്യുന്നവര്ക്ക് ലഭിക്കുന്ന ഓഫറുകള്.