Just In
- 9 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 10 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 10 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 11 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- News മുക്താര് അന്സാരി അന്തരിച്ചു, ജയിലില് വെച്ച് ഹൃദയാഘാതം; യുപിയില് വന് ജാഗ്രത
- Sports IPL 2024: സഞ്ജുവിന്റെ ധൈര്യം അപാരം, ആ സാഹസം കളി ജയിപ്പിച്ചു! കിടു ക്യാപ്റ്റന്സി
- Lifestyle ഓവുലേഷന് തിരിച്ചറിഞ്ഞ് മുന്നോട്ട് പോയാല് ഗര്ഭധാരണം ആദ്യദിനം അറിയാം
- Movies നിനക്ക് പോയത് ഗബ്രിയില്, അവനെ മാറ്റി നിര്ത്തണം എന്ന് റസ്മിന്; ഗെയിം കളഞ്ഞത് വീട്ടുകാരെന്ന് ജാസ്മിന്
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
കിഗർ! കോംപാക്ട് എസ്യുവി ജൂലൈയില് അരങ്ങേറ്റം കുറിക്കുമെന്ന് റെനോ
കോംപാക്ട് എസ്യുവി ശ്രേണിയിലേക്ക് പുതിയൊരു വാഹനത്തെ അവതരിപ്പിക്കാന് ഒരുങ്ങുകയാണ് ഫ്രഞ്ച് വാഹന നിര്മ്മാതാക്കളായ റെനോ. HBC എന്ന കോഡ് നാമത്തിലാണ് വാഹനത്തിന്റെ നിര്മ്മാണം.
വിപണിയില് എത്തിയാല് കിഗർ എന്നായിരിക്കും വാഹനത്തിന്റെ പേരെന്നും സൂചനയുണ്ട്. അമേരിക്കയിലുള്ള കരുത്തുറ്റ ഒരിനം കുതിരയുടെ പേരാണ് കിഗർ. ഇപ്പോഴിതാ വാഹനം വിപണിയില് എത്തുന്നത് സംബന്ധിച്ച് കൂടതല് വിവരങ്ങളാണ് പുറത്തുവന്നിരിക്കുന്നത്.
പുതിയ റിപ്പോര്ട്ട് അനുസരിച്ച് 2020 ജൂലൈ മാസത്തോടെ വാഹനത്തെ വിപണിയിലെത്തിക്കാനൊരുങ്ങുകയാണ് കമ്പനി. വിപണിയില് മാരുതി വിറ്റാര ബ്രെസ, ടാറ്റ നെക്സോണ്, ഫോര്ഡ് ഇക്കോസ്പോര്ട്, ഹ്യുണ്ടായി വെന്യു, മഹീന്ദ്ര XUV300 എന്നിവരാണ് ഈ പുതിയ വാഹനത്തിന്റെ എതിരാളികള്.
റെനോയുടെ കുഞ്ഞന് മോഡലായ ക്വിഡിനും ട്രൈബറിനും അടിസ്ഥാനമൊരുക്കുന്ന CMF-A പ്ലാറ്റ്ഫോമിലായിരിക്കും ഈ വാഹനം ഒരുങ്ങുന്നത്. എതിരാളികളെക്കാള് കുറഞ്ഞ വിലയും ഉയര്ന്ന കരുത്തും വാഹനത്തില് നല്കുമെന്നാണ് കമ്പനി അവകാശപ്പെടുന്നത്.
ട്രൈബറില് നിന്നും ഡസ്റ്ററില് നിന്നും പ്രചോദനം ഉള്ക്കൊണ്ടുള്ള ഡിസൈനിലായിരിക്കും പുതിയ വാഹനവും വിപണിയില് എത്തുക. മൂന്ന് തട്ടുകളായുള്ള ഗ്രില്ല്, പ്രൊജക്ട ഹെഡ്ലാമ്പ്, എല്ഇഡി ഡേ ടൈം റണ്ണിങ് ലാമ്പുകള്, സ്കിഡ് പ്ലേറ്റ്, ഉയര്ന്ന ബോണറ്റ്, ബ്ലാക്ക് ക്ലാഡിങ്ങ് തുടങ്ങിയവ വാഹനത്തിന്റെ സവിശേഷതകളാണ്.
അടുത്തിടെ കമ്പനി വിപണിയില് അവതരിപ്പിച്ച് ട്രൈബര് എംപിവിയുടേതിന് സമാനമായിരിക്കും വാഹനത്തിന്റെ അകത്തളം. എന്നാല് ഇത് സംബന്ധിച്ച് കൂടുതല് വിവരങ്ങള് ഒന്നും കമ്പനി വെളിപ്പെടുത്തിയിട്ടില്ല. 1.0 ലിറ്റര് ടര്ബോചാര്ജ്ഡ് എന്ജിനായിരിക്കും വാഹനത്തിന്റെ കരുത്ത്.
ഈ എഞ്ചിന് 71 bhp കരുത്തും 96 Nm torque ഉം സൃഷ്ടിക്കും. അഞ്ച് സ്പീഡ് മാനുവല്, എഎംടി ട്രാന്സ്മിഷനുകളും വഹനത്തില് ഇടംപിടിക്കും. ഡസ്റ്ററിന്റെ പുതിയ പതിപ്പിനെയും വിപണിയില് അവതരിപ്പിക്കാന് ഒരുങ്ങുകയാണ് കമ്പനി.
നിലവില് കമ്പനി തങ്ങളുടെ പ്രവര്ത്തനങ്ങള് എല്ലാം നിര്ത്തിവെച്ചിരിക്കുകയാണ്. കൊറോണ വൈറസിന്റെ പശ്ചാത്തലത്തിലാണ് റെനോ തങ്ങളുടെ പ്രവര്ത്തനങ്ങള് നിര്ത്തിവെച്ചിരിക്കുന്നത്. പ്രവര്ത്തനം നിര്ത്തിയ പ്ലാന്റുകളില് ആരോഗ്യ പ്രവര്ത്തകര്ക്കുള്ള ത്രീഡി വൈസറുകള് നിര്മിക്കാമെന്നും കമ്പനി അറിയിച്ചിട്ടുണ്ട്.
ആദ്യഘട്ടമായി സ്പെയിനിലെ ആരോഗ്യ പ്രവര്ത്തകര്ക്കായാണ് റെനോ ത്രീഡി വൈസറുകള് നിര്മ്മിക്കുന്നത്. ഇത് വൈകാതെ തന്നെ ആശുപത്രികളില് വിതരണം ചെയ്യാന് സാധിക്കുമെന്നാണ് കമ്പനി അറിയിച്ചിരിക്കുന്നത്.
ത്രീ ഡി വൈസറുകള് വരുന്നതോടെ മുഖം മൊത്തം മറയ്ക്കുന്ന മസ്കുകള് ഒഴിവാക്കാന് സാധിക്കുമെന്നാണ കമ്പനി പ്രതീക്ഷിക്കുന്നത്. ത്രീ ഡി വൈസറുകള്ക്ക് പുറമെ, വെന്റിലേറ്ററുകളും നിര്മിക്കാന് റെനോ ആലോചിക്കുന്നുണ്ടെന്നാണ് റിപ്പോര്ട്ട്.