Just In
- 43 min ago തള്ളല്ല, എക്സ്റ്ററിന് കിട്ടുന്നത് 33 കി.മീ. മൈലേജ്; തെളിവ് സഹിതം പുറത്തുവിട്ട് ഉടമകൾ
- 2 hrs ago മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
- 13 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 15 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
Don't Miss
- Lifestyle രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം
- Finance കുറയാൻ മറന്നിട്ടില്ല, സംസ്ഥാനത്ത് സ്വർണവിലയിൽ നേരിയ കുറവ്, ഇന്നത്തെ നിരക്കറിയാം
- News സ്വര്ണം കയറുന്നത് അതിവേഗം, ഇറക്കം പതിയെ... ഇന്ന് വില കുറഞ്ഞു, പ്രവചിക്കാന് പറ്റാതെ വിപണി
- Sports IPL 2024: രോഹിത് അടുത്ത പഞ്ചാബ് ക്യാപ്റ്റന്! എല്ലാം പറഞ്ഞു സമ്മതിപ്പിച്ചു? പ്രതികരിച്ച് പ്രീതി
- Travel നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ്
- Movies 'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും'
- Technology ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ!
ബിഎസ് VI ട്രൈബറിനെ അവതരിപ്പിച്ച് റെനോ; വില 4.99 ലക്ഷം രൂപ
ഫ്രഞ്ച് വാഹന നിര്മ്മാതാക്കളായ റെനോ ട്രൈബര് ബിഎസ് VI പതിപ്പിനെ വിപണിയില് അവതരിപ്പിച്ചു. 4.99 ലക്ഷം രൂപയാണ് പുതിയ പതിപ്പിന്റെ എക്സ്ഷോറും വില.
എഞ്ചിന് നവീകരിച്ചു എന്നതൊഴിച്ചാല് മറ്റ് മാറ്റങ്ങള് ഒന്നും തന്നെ വാഹനത്തില് കമ്പനി വരുത്തിയിട്ടില്ല. RXE, RXL, RXT, RXZ എന്നിങ്ങനെ നാല് വകഭേദങ്ങളിലാണ് വാഹനം വിപണിയില് എത്തുന്നത്. നിലവില് വിപണിയില് ഉള്ള RXE വകഭേദത്തില് നിന്നും 4,000 രൂപയുടെ വര്ധനവാണ് പുതിയ RXE വകഭേദത്തിന് ഉണ്ടായിരിക്കുന്നത്.
Variants | BS6 Price | BS4 Price | Difference |
RXE | Rs 4.99 Lakh | Rs 4.95 Lakh | Rs 4,000 |
RXL | Rs 5.74 Lakh | Rs 5.59 Lakh | Rs 15,000 |
RXT | Rs 6.24 Lakh | Rs 6.09 Lakh | Rs 15,000 |
RXZ | Rs 6.78 Lakh | Rs 6.63 Lakh | Rs 15,000 |
എന്നാല് മറ്റ് വകഭേദങ്ങള്ക്ക് നിലവിലെ മോഡലില് നിന്നും 15,000 രൂപയുടെ വര്ധനവാണ് ഉണ്ടായിരിക്കുന്നതെന്നും കമ്പനി അറിയിച്ചു. റെനോ നിരയില് ഇന്ന് ഏറ്റവും കൂടുതല് വില്പ്പനയുള്ള എംപിവി മോഡലാണ് ട്രൈബര്. വിപണിയിലെ മാന്ദ്യത്തിനിടയില് പോലും മികച്ച വില്പ്പന കണ്ടെത്താന് വാഹനത്തിന് സാധിച്ചുവെന്നാണ് റിപ്പോര്ട്ട്.
CMF-A+ പ്ലാറ്റ്ഫോമിലാണ് വാഹനത്തിന്റെ നിര്മ്മാണം. നാലുമീറ്ററില് താഴെയാണെങ്കിലും ആവശ്യത്തിന് ക്യാബിന് സ്പെയ്സ് വാഹനത്തില് ഉണ്ടെന്നതാണ് എടുത്തുപറയേണ്ട പ്രധാന സവിശേഷത. 3,990 mm നീളവും 1,739 mm വീതിയും 1,637 mm ഉയരവുമാണ് ട്രൈബറിനുള്ളത്. 2,636 mm ആണ് വീല്ബേസ്, 182 mm ഗ്രൗണ്ട് ക്ലിയറന്സും വാഹനത്തിനുണ്ട്.
84 ലിറ്ററാണ് ബുട്ട് സ്പെയ്സ്. പൂര്ണ്ണമായും നീക്കം ചെയ്യാവുന്ന മൂന്നാം നിര സീറ്റുകളാണ് മറ്റൊരു സവിശേഷത. 1.0 ലിറ്റര് ത്രീ സിലിണ്ടര് എന്ജിനാണ് വാഹനത്തിന്റെ കരുത്ത്. ഈ എഞ്ചിന് തന്നെയാണ് കമ്പനി ബിഎസ് VI നിലവാരത്തിലേക്ക് കമ്പനി നവീകരിച്ചിരിക്കുന്നത്.
6250 rpm -ല് 71 bhp പവറും 3500 rpm -ല് 96 Nm torque ഉം ഈ എന്ജിന് സൃഷ്ടിക്കും. അഞ്ച് സ്പീഡ് മാനുവലാണ് ഗിയര്ബോക്സ്. എഎംടി പതിപ്പിനെ ഉടന് വിപണിയില് അവതരിപ്പിക്കുമെന്നാണ് കമ്പനി അറിയിച്ചിരിക്കുന്നത്.
ഡ്യുവല് ടോണ് ബംബര്, ക്രോം ആവരണത്തോടുകൂടിയ ഗ്രില്, വലിയ ലോഗോ, പ്രൊജക്ട് ഹെഡ്ലാമ്പ്, എല്ഇഡി ഡേ ടൈം റണ്ണിങ് ലാമ്പുകള് എന്നിവയാണ് മുന്ഭാഗത്തെ സവിശേഷതകള്. അഞ്ച് സ്പോക്ക് അലോയി വീലുകള് വശങ്ങളെ മനോഹരമാക്കിയിരിക്കുന്നു.
പൂര്ണമായും ഡ്യുവല് ടോണ് നിറത്തിലാണ് അകത്തളം ഡിസൈന്. ആവശ്യത്തിന് ചെറു സ്റ്റോറേജ് സ്പേസുകള്, 8.0 ഇഞ്ച് ടച്ച് സ്ക്രീന് ഇന്ഫോടെയ്ന്മെന്റ് സിസ്റ്റം, ആവശ്യത്തിന് സ്ഥലസൗകര്യം എന്നിവ അകത്തളത്തിലെ സവിശേഷതകളാണ്.
യാത്രക്കാരുടെ സുരക്ഷ ഉറുപ്പുവരുത്താന് നാല് എയര്ബാഗ്, എബിഎസ്, ഇബിഡി, റിയര് പാര്ക്കിങ് സെന്സര്, റിവേഴ്സ് ക്യാമറ, സ്പീഡ് അലര്ട്ട്, സീറ്റ് ബെല്റ്റ് റിമൈന്ഡര്, എല്ലാ നിരയിലും ത്രീ പോയന്റ് സീറ്റ്ബെല്റ്റ് തുടങ്ങിയ സുരക്ഷാ സംവിധാനങ്ങള് ട്രൈബറില് നല്കിയിട്ടുണ്ട്.
ഏപ്രില് ഒന്നിന് മുന്നോടിയായി ബിഎസ് VI എഞ്ചിന് നിലവാരത്തോടെയുള്ള മോഡലുകളെ വിപണിയില് അവതരിപ്പിക്കാന് ഒരുങ്ങുകയാണ് റെനോ. പരീക്ഷണ ഓട്ടം നടത്തുന്ന ബിഎസ് VI ഡസ്റ്റര്, ക്വിഡ്, ക്യാപ്ച്ചര് മോഡലുകളുടെ വിവരങ്ങളും ചിത്രങ്ങളും നേരത്തെ തന്നെ പുറത്തുവന്നിരുന്നു.