Just In
- 6 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 6 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 7 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 7 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- News മുക്താര് അന്സാരി അന്തരിച്ചു, ജയിലില് വെച്ച് ഹൃദയാഘാതം; യുപിയില് വന് ജാഗ്രത
- Sports IPL 2024: സഞ്ജുവിന്റെ ധൈര്യം അപാരം, ആ സാഹസം കളി ജയിപ്പിച്ചു! കിടു ക്യാപ്റ്റന്സി
- Lifestyle ഓവുലേഷന് തിരിച്ചറിഞ്ഞ് മുന്നോട്ട് പോയാല് ഗര്ഭധാരണം ആദ്യദിനം അറിയാം
- Movies നിനക്ക് പോയത് ഗബ്രിയില്, അവനെ മാറ്റി നിര്ത്തണം എന്ന് റസ്മിന്; ഗെയിം കളഞ്ഞത് വീട്ടുകാരെന്ന് ജാസ്മിന്
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
വിപണിയില് 20,000 യൂണിറ്റുകളുടെ വില്പ്പനയുമായി റെനോ ട്രൈബര്
2019 ഓഗസ്റ്റ് മാസത്തിലാണ് ഫ്രഞ്ച് വാഹന നിര്മ്മാതാക്കളായ റെനോ ട്രൈബറിനെ വിപണിയില് അവതരിപ്പിക്കുന്നത്. വിപണിയില് എത്തിയപ്പോള് മുതല് മികച്ച മുന്നേറ്റമാണ് വാഹനം കാഴ്ച വെയ്ക്കുന്നത്.
ഇപ്പോഴിതാ പുതിയ റിപ്പോര്ട്ട് അനുസരിച്ച് 20,000 യൂണിറ്റുകള് ഇതുവരെ വിപണിയില് എത്തിയെന്നാണ് കമ്പനി അറിയിച്ചിരിക്കുന്നത്. ഇന്ന് ഇന്ത്യന് വിപണിയില് ലഭ്യമാകുന്ന ഏറ്റവും വില കുറഞ്ഞ എംപിവിയാണ് ട്രൈബര്.
നാല് വകഭേദങ്ങളിലെത്തുന്ന ട്രൈബറിന് 4.95 ലക്ഷം രൂപ മുതല് 6.49 ലക്ഷം രൂപ വരെയാണ് എക്സ്ഷോറൂം വില. ചെറിയ വിലയിലും കൂടുതല് ഫീച്ചറുകള് നല്കിയതോടെയാണ് വാഹനത്തിന്റെ വില്പ്പന കുതിച്ച് ഉയര്ന്നത്.
വിപണിയിലെ മാന്ദ്യത്തിനിടയിലും മികച്ച വില്പ്പനയാണ് വാഹനത്തിന് ലഭിച്ചത്. ലോഡ്ജിക്ക് ശേഷം റെനോ ഇന്ത്യയിലെത്തിക്കുന്ന രണ്ടാമത്തെ എംപിവി കൂടിയാണ് ട്രൈബര്. ഇന്ത്യന് വിപണിയില് ഏറ്റവും കൂടുതല് വിറ്റഴിക്കപ്പെടുന്ന എംപിവികളില് മൂന്നാം സ്ഥാനത്താണ് ട്രൈബര്.
2019 ഡിസംബര് മാസത്തില് 5,631 യൂണിറ്റുകളുടെ വില്പ്പനയാണ് ട്രൈബറിന് ലഭിച്ചത്. പട്ടികയില് 6,650 യൂണിറ്റുകളുടെ വില്പ്പനയുമായി മാരുതി എര്ട്ടിഗ ഒന്നാം സ്ഥാനത്തും, 5,661 യൂണിറ്റുകളുടെ വില്പ്പനയുമായി മഹീന്ദ്ര ബലേറൊ രണ്ടാം സ്ഥാനത്തുമുണ്ട്. 3,414 യൂണിറ്റുകളുടെ വില്പ്പനയുമായി ടൊയോട്ട ഇന്നോവ ക്രിസ്റ്റയാണ് പട്ടികയില് നാലാം സ്ഥാനത്ത്.
മോഡേണ് അള്ട്രാ മോഡുലര് രൂപമാണ് ട്രൈബറിന്റേത്. ഡ്യുവല് ടോണ് ബംബര്, ക്രോം ആവരത്തോടു കൂടിയ ഗ്രില്, നടുവിലെ വലിയ ലോഗോ, പ്രൊജക്ട് ഹെഡ്ലാമ്പ്, എല്ഇഡി ഡേ ടൈം റണ്ണിങ് ലാമ്പുകള് എന്നിവ മുന്ഭാഗത്തെ സവിശേഷതകളാണ്.
കൂടുതല് സ്പോര്ട്ടി ഭാവം തരുന്നതിനായി റൂഫ് റെയിലുകളും, ബോഡി ക്ലാഡിങും, സ്കിഡ് പ്ലേറ്റുകളും വാഹനത്തില് നല്കിയിട്ടുണ്ട്. ഡ്യുവല് ടോണ് അഞ്ച് സ്പോക്ക് അലോയി വീലുകളാണ് വാഹനത്തില് നല്കിയിരിക്കുന്നത്.
പൂര്ണമായും ഡ്യുവല് ടോണ് നിറത്തിലാണ് അകത്തളം ഡിസൈന്. ആവശ്യത്തിന് ചെറു സ്റ്റോറേജ് സ്പേസുകള്, 8.0 ഇഞ്ച് ടച്ച് സ്ക്രീന് ഇന്ഫോടെയ്ന്മെന്റ് സിസ്റ്റം, ആവശ്യത്തിന് സ്ഥലസൗകര്യം എന്നിവ അകത്തളത്തിലെ സവിശേഷതകളാണ്.
യാത്രക്കാരുടെ സുരക്ഷ ഉറുപ്പുവരുത്താന് നാല് എയര്ബാഗ്, എബിഎസ്, ഇബിഡി, റിയര് പാര്ക്കിങ് സെന്സര്, റിവേഴ്സ് ക്യാമറ, സ്പീഡ് അലര്ട്ട്, സീറ്റ് ബെല്റ്റ് റിമൈന്ഡര്, എല്ലാ നിരയിലും ത്രീ പോയന്റ് സീറ്റ്ബെല്റ്റ് തുടങ്ങിയ സുരക്ഷാ സംവിധാനങ്ങള് ട്രൈബറില് നല്കിയിട്ടുണ്ട്.
ഒരു പെട്രോള് എഞ്ചിന് ഓപ്ഷനില് മാത്രമാണ് നിലവില് വാഹനം വിപണിയില് എത്തിയിരിക്കുന്നത്. 72 bhp കരുത്തും, 96 Nm torque ഉം ഉത്പാദിപ്പിക്കുന്ന 1.0 ലിറ്റര് ത്രീ സിലിണ്ടര് എന്ജിനാണ് വാഹനത്തിന്റെ കരുത്ത്.
അഞ്ച് സ്പീഡ് മാനുവലാണ് ഗിയര്ബോക്സ്. എന്നാല് പുതിയ റിപ്പോര്ട്ട് അനുസരിച്ച് 2020 മാര്ച്ച് മാസത്തോടെ ട്രൈബറില് പുതിയൊരു എഞ്ചിന് പതിപ്പിനെ കൂടി കമ്പനി അവതരിപ്പിക്കും. എഎംടി പതിപ്പിനെയും ഇതിനൊപ്പം തന്നെ അവതരിപ്പിക്കാനാണ് കമ്പനി ലക്ഷ്യമിടുന്നതെന്നും റിപ്പോര്ട്ടില് പറയുന്നു.