Just In
- 23 min ago ട്രക്കിടിച്ചിട്ടും കുലുങ്ങിയില്ല, യാത്രക്കാർ സേഫ്; ക്രാഷ് ടെസ്റ്റിന് മുമ്പേ കരുത്ത് തെളിയിച്ച് എക്സ്റ്റർ
- 1 hr ago ഇവർ വരുന്നതോടെ ക്രെറ്റയുടെ വിൽപ്പന തീരും? സെഗ്മെന്റ് പിടിക്കാൻ ടാറ്റയും സിട്രണും
- 1 hr ago കുട്ടികളോട് നിങ്ങൾ ഇങ്ങനെ ചെയ്യരുത്, കാറിൽ ഒറ്റയ്ക്ക് ഇരുത്തരുതെന്ന് ദുരന്ത നിവാരണ അതോറിറ്റിയുടെ മുന്നറിയിപ്
- 2 hrs ago സ്റ്റെഡി ലൈക്ക് എ വടി! 3 വർഷം തുടർച്ചയായി മികച്ച നേട്ടം; ഇന്ത്യയിൽ മാഗ്നൈറ്റുമായി നാഴികക്കലുകൾ കീഴടക്കി നിസാൻ
Don't Miss
- Finance ലാഭം നേടാൻ നല്ലത് ഈ റെയിൽവേ ഓഹരി, കുതിപ്പ് സർവ്വകാല റെക്കോർഡിലെത്തും, കൂടെക്കൂട്ടുന്നോ
- News സിനിമ മുതല് സർവ്വേ വരെ പാടില്ല: എന്താണ് നിശബ്ദ പ്രചരണം, അറിയേണ്ടതെല്ലാം
- Lifestyle ശരീരത്തിലെ വിഷാംശം നീക്കുന്ന കരള്; കരുത്തുറ്റ കരളിന് വേണം ഈ സൂപ്പര്ഫുഡ്
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
- Sports T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട്
- Movies ഞാൻ നടിയാണെന്ന് മറന്നു, ഓടിപ്പോയി കെട്ടിപ്പിടിച്ചു; ഉടനെ ശ്രീദേവി എന്നോട് പറഞ്ഞത്; ഉർവശിയുടെ വാക്കുകൾ
- Technology തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
ഒക്ടാവിയ RS-ന്റെ ബുക്കിംഗ് മാർച്ച് മുതൽ; വിൽപ്പനയ്ക്ക് പരിമിത യൂണിറ്റുകൾ മാത്രം
പെർഫോമെൻസ് അധിഷ്ഠിത ഒക്ടാവിയ RS 245 -ന്റെ ബുക്കിംഗ് 2020 മാർച്ച് 1 മുതൽ തങ്ങളുടെ buyskodaonline.co.in എന്ന ഓൺലൈൻ പ്ലാറ്റ്ഫോം വഴി ആരംഭിക്കുമെന്ന് സ്കോഡ ഓട്ടോ ഇന്ത്യ പ്രഖ്യാപിച്ചു.
ഒരു ലക്ഷം രൂപയായിരിക്കും വാഹനത്തിന്റെ ബുക്കിംഗ് തുക. മുമ്പ് അറിയിച്ചതുപോലെ പരിമിതമായ 200 യൂണിറ്റുകൾ മാത്രമാവും വെബ്സൈറ്റ് വഴി വിൽക്കുക.
പെർഫോമെൻസ് മികവ് കാരണം RS ബാഡ്ജ് ആഭ്യന്തര വിപണിയിൽ വർഷങ്ങളായി പ്രചാരത്തിലുള്ള ഒന്നാണ്. ഒക്ടാവിയ RS 245 ഈ മികവിന്റെ ഒരു സംഗ്രഹ രൂപമാണ്.
ഈ മാസം ആദ്യം ഗ്രേറ്റർ നോയിഡയിൽ നടന്ന 2020 ഓട്ടോ എക്സ്പോയിൽ പ്രാദേശിക അരങ്ങേറ്റം കുറിച്ച വാഹനത്തിന്റെ എക്സ്-ഷോറൂം വില Rs. 35.99 ലക്ഷം രൂപയാണ്.
അകത്തും പുറത്തും സ്പോർടി ടച്ചുകളുമായി എത്തുന്ന ഒക്റ്റേവിയ RS 245 സാധാരണ മോഡലിനേക്കാൾ വ്യത്യസ്തമാണ്. കൂടാതെ റാലി ഗ്രീൻ, റേസ് ബ്ലൂ, കോറിഡ റെഡ്, മാജിക് ബ്ലാക്ക്, കാൻഡി വൈറ്റ് എന്നീ അഞ്ച് നിറങ്ങളിൽ നിന്ന് ഉപഭോക്താക്കൾക്ക് തിരഞ്ഞെടുക്കാനുള്ള ഓപ്ഷനും നിർമ്മാതാക്കൾ നൽകുന്നു. 2.0 ലിറ്റർ ടർബോ TSI പെട്രോൾ എഞ്ചിനാണ് വാഹനത്തിന്റെ ഹൃദയം.
പവർട്രെയിൻ ഏഴ് സ്പീഡ് DSG ഓട്ടോമാറ്റിക് ഗിയർബോക്സുമായി ഘടിപ്പിച്ചിരിക്കുന്നു. പരമാവധി 245 bhp കരുത്തും 370 Nm torque ഉം പുറപ്പെടുവിക്കാൻ എഞ്ചിന് കഴിയും.
ഒക്ടാവിയ RS 245 -ന് വെറും 6.6 സെക്കൻഡിനുള്ളിൽ പൂജ്യത്തിൽ നിന്ന് 100 കിലോമീറ്റർ വേഗത കൈവരിക്കാൻ കഴിയുമെന്ന് ചെക്ക് റിപ്പബ്ലിക്കൻ നിർമ്മാതാക്കൾ അവകാശപ്പെടുന്നു.
ഇന്ത്യയിൽ വിൽക്കുന്ന ഏറ്റവും വേഗതയേറിയ സ്കോഡയുടെ ഉയർന്ന വേഗത ഇലക്ട്രോണിക്കലായി 250 കിലോമീറ്ററായി പരിമിതപ്പെടുത്തിയിരിക്കുന്നു.
പുറംഭാഗത്ത് വലിയ ബട്ടർഫ്ലൈ മുൻ ഗ്രില്ല്, ഹണികോമ്പ് എയർ ഇൻലെറ്റുകൾ, എൽഇഡി ഡിആർഎല്ലുകളുള്ള ക്വാഡ്ര ഹെഡ്ലാമ്പുകൾ, മുന്നിലും പിന്നിലും യുണീക്ക് RS ബാഡ്ജുകൾ.
കൂടാതെ ബോഡിയിൽ ഗ്ലോസി കറുത്ത ട്രിമ്മുകൾ, 18 ഇഞ്ച് ഡ്യുവൽ-ടോൺ വേഗ അലോയ് വീലുകൾ, C ആകൃതിയിലുള്ള ഇലുമിനേഷൻ, ഗ്ലോസി കറുത്ത സ്പോയിലർ, ട്രപസോയിഡൽ ടെയിൽപൈപ്പുകൾ എന്നിവയാണ്.
ക്യാബിനകത്തേക്ക് ചുവടുവെച്ചാൽ, പാഡിൽ ഷിഫ്റ്ററുകളുള്ള ഫ്ലാറ്റ്-ബോട്ടം സ്റ്റിയറിംഗ് വീൽ. വിർച്വൽ കോക്ക്പിറ്റ് സിസ്റ്റം, കാർബൺ ഡെക്കോർ, ആംബിയന്റ് ലൈറ്റിംഗ്, ഇന്റഗ്രേറ്റഡ് ഹെഡ്റെസ്റ്റുകളുള്ള അൽകന്റാര ബ്ലാക്ക് ലെതർ സ്പോർട്സ് സീറ്റുകൾ, കോൺട്രാസ്റ്റ് റെഡ് സ്റ്റിച്ചുകൾ തുടങ്ങിയവയാണ് പ്രധാന ആകർഷണം. ഇലക്ട്രോണികലായി നിയന്ത്രിക്കാവുന്ന VAQ ലിമിറ്റഡ്-സ്ലിപ്പ് ഡിഫറൻഷ്യലും ഒരു സമർപ്പിത VRS മോഡും ലഭിക്കുന്നു.
സാധാരണ ഒക്ടാവിയയുമായി താരതമ്യപ്പെടുത്തുമ്പോൾ ചേസിസ് 15 mm കുറച്ചിട്ടുണ്ട്. 12 തരത്തിൽ ഇലക്ട്രികലായി ക്രമീകരിക്കാവുന്ന ഡ്രൈവർ സീറ്റ്, ലംബർ സപ്പോർട്ടുള്ള മുൻ പാസഞ്ചർ സീറ്റുകൾ, സ്മാർട്ട് ലിങ്കിനൊപ്പം വരുന്ന 20.32 സെന്റിമീറ്റർ ടച്ച്സ്ക്രീൻ സെൻട്രൽ ഇൻഫോടെയ്ൻമെന്റ് സിസ്റ്റം.
അതിനൊപ്പം ക്ലീൻ എയർ ഫംഗ്ഷനോടുകൂടിയ ഡ്യുവൽ സോൺ ക്ലൈമാട്രോണിക് എസി, 590 ലിറ്റർ ബൂട്ട് സ്പേസ്, AFS (അഡാപ്റ്റീവ് ഫ്രണ്ട് ലൈറ്റ് സിസ്റ്റം), MKB (മൾട്ടി കോളിഷൻ ബ്രേക്ക്), HBA (ഹൈഡ്രോളിക് ബ്രേക്ക് അസിസ്റ്റ്), ASR (ആന്റി സ്ലിപ്പ് റെഗുലേഷൻ), EDS (ഇലക്ട്രോണിക് ഡിഫറൻഷ്യൽ ലോക്ക്) എന്നിവ ലഭിക്കുന്നു.