Just In
- 6 hrs ago കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- 9 hrs ago ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ?
- 9 hrs ago റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം
- 10 hrs ago 69,999 രൂപയുടെ ഇലക്ട്രിക് സ്കൂട്ടർ ബുക്ക് ചെയ്തവരുണ്ടോ? വണ്ടി അടുത്തമാസം തരാമെന്ന് കമ്പനി
Don't Miss
- News ആന്ധപ്രദേശ് മുഖ്യമന്ത്രിയുടെ സമ്പത്തില് വന് വര്ധന; ജഗന് മോഹന് റെഡ്ഡിയുടെ ആസ്തി എത്രയെന്നറിയുമോ?
- Movies റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ!
- Sports IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള്
- Lifestyle വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള്
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ജിംനി എസ്യുവിയുടെ പ്രാദേശിക ഉത്പാദാനത്തിന് തയാറായി മാരുതി
ഓട്ടോ എക്സ്പോയിലെ താരമായിരുന്നു മാരുതി സുസുക്കിയുടെ ജിംനി എസ്യുവി. പുതിയ മിനി എസ്യുവിയെ എന്ന് ഇന്ത്യൻ വിപണിയിൽ എത്തിക്കുമെന്ന് കമ്പനി ഔദ്യോഗികമായി പ്രഖ്യാപിച്ചിട്ടില്ലെങ്കിലും വാഹനത്തിന്റെ പ്രാദേശിക നിർമാണം ഉടൻ ആരംഭിക്കുമെന്നാണ് സൂചന.
കയറ്റുമതി വിപണികൾക്കായാണ് മൂന്ന് ഡോറുകളുള്ള എസ്യുവിയെ രാജ്യത്ത് നിർമ്മിക്കുന്നത്. ഹിയർടെക്റ്റ് പ്ലാറ്റ്ഫോമിനെ അടിസ്ഥാനമാക്കി എത്തുന്ന ജിപ്സി, ബ്രെസ, എസ്-ക്രോസ്, ഈക്കോ പോലുള്ള മറ്റ് യുവികൾക്കൊപ്പമാണ് ജിംനിയുടെ നിർമാണവും.
മാരുതി ജിംനിയുടെ കയറ്റുമതി മെയ് പകുതിയോടെയോ ജൂൺ ആദ്യമോ ആരംഭിക്കുമെന്നാണ് റിപ്പോർട്ടുകൾ. ലോക വിപണിയിലെ ജനപ്രിയ മിനി എസ്യുവിയുടെ എഞ്ചിൻ, പ്ലാറ്റ്ഫോം, മറ്റ് നിരവധി ഘടകങ്ങൾ എന്നിവ പ്രാദേശികമായി വിൽക്കുന്ന ചില മാരുതി സുസുക്കി കാറുകളുമായി പങ്കിടുന്നതിനാൽ വാഹനത്തിന്റെ നിർമാണം വളരെയധികം ചെലവ് കുറഞ്ഞതായിരിക്കും.
സുസുക്കി ജിംനിയെ ഇന്ത്യൻ വിപണിയിൽ പുറത്തിറക്കാനുള്ള ആശയം മാരുതി മുന്നോട്ടുവെക്കുന്നുണ്ടെങ്കിലും പ്രാദേശികമായി നിർമിച്ച് കയറ്റുമതി ചെയ്യുന്ന മോഡലുമായി വാഹനത്തിന് സാമ്യങ്ങളൊന്നും ഉണ്ടാകില്ലെന്ന് മാരുതി സുസുക്കി ഇതിനകം തന്നെ വെളിപ്പെടുത്തിയിട്ടുണ്ട്.
ഇന്ത്യൻ ഉപഭോക്താക്കളുടെ ആവശ്യങ്ങൾക്കനുസൃതമായി ഇന്ത്യൻ പതിപ്പ് ജിംനി എസ്യുവി നിർമിക്കും. ഇന്ത്യയിൽ, 33 വർഷമായി രാജ്യത്ത് വിൽപ്പനയ്ക്കെത്തുന്ന ജിപ്സിയുടെ പിൻഗാമിയായാകും ഈ വാഹനം ഇടംപിടിക്കുക.
1.5 ലിറ്റർ പെട്രോൾ എഞ്ചിനാണ് സുസുക്കി ജിംനി സിയറക്ക് കരുത്തേകുന്നത്. ഇത് 102 bhp പരമാവധി കരുത്തും 130 Nm torque ഉം ആണ് ഉത്പാദിപ്പിക്കുന്നത്. അഞ്ച് സ്പീഡ് മാനുവൽ, നാല് സ്പീഡ് ടോർഖ്-കൺവെർട്ടർ ഓട്ടോമാറ്റിക് യൂണിറ്റുകൾ എന്നിവ ഗിയർബോക്സ് ഓപ്ഷനുകളിൽ ഉൾപ്പെടുന്നു.
എന്നാൽ ജാപ്പനീസ് വിപണിയിൽ എത്തുന്ന മിനി എസ്യുവിയിൽ 658 സിസി ത്രീ സിലിണ്ടർ നാച്ചുറലി ആസ്പിറേറ്റഡ് പെട്രോൾ എഞ്ചിനാണ് വാഗ്ദാനം ചെയ്യുന്നത്.ഇത് പരമാവധി 64 bhp പവറും 96 Nm torque ഉം ഉത്പാദിപ്പിക്കുന്നു.
ജപ്പാനിലെ കെയ് കാർ ഇളവുകളിൽ നിന്ന് പ്രയോജനം നേടാൻ ഈ മിനി എസ്യുവിക്ക് സാധിക്കുന്നുണ്ട്. ഫോർ-വീൽ ഡ്രൈവ് സംവിധാനത്തിലൂടെയും കർശനമായ ത്രീ-ലിങ്ക് ആക്സിലിലൂടെയും ഓഫ്-റോഡിംഗേ കൈകാര്യം ചെയ്യുന്നതിൽ കേമനാണെന്ന് ഖ്യാതി നാലാം തലമുറ ജിംനി സ്വന്തമാക്കിയിട്ടുണ്ട്.
കോംപാക്ട് ത്രീ-ഡോർ ഓഫ്-റോഡർ ജിംനിയെ ഓട്ടോ എക്സ്പോയിൽ അവതരിപ്പിച്ചപ്പോൾ വളരെയധികം മികച്ച പ്രതികരണമാണ് ലഭിച്ചത്. യൂറോപ്യൻ വിപണിയിലുള്ള സിയറ പതിപ്പിനെയാണ് പരിപാടിയിൽ പ്രദർശിപ്പിച്ചത്. ആഭ്യന്തര വിപണി ഏറെ പ്രതീക്ഷയോടെ കാത്തിരിക്കുന്ന ജിംനി അധിഷ്ഠിത എസ്യുവിയെ ഈ വർഷം നവംബറിൽ മാരുതി അവതരിപ്പിച്ചേക്കുമെന്നാണ് പ്രതീക്ഷിക്കുന്നത്.
എന്നാൽ ഇന്ത്യൻ വാഹന പ്രേമികളിൽ നിന്നും ഇത്രയധികം മികച്ച പ്രതികരണം ലഭിക്കുന്നുണ്ടെങ്കിലും ഇന്ത്യൻ വിപണിയിൽ ജിംനി വിജയമായി തീരുമോ എന്ന കാര്യത്തിൽ മാരുതി സുസുക്കിക്ക് ഇപ്പോഴും ഉറപ്പില്ല. അതിനാൽ ജിംനിയുടെ രാജ്യത്തെ അരങ്ങേറ്റം എന്നുണ്ടാകുമെന്ന് സൂചനയൊന്നും ലഭിക്കുന്നില്ല.