Just In
- 1 hr ago പാവങ്ങളുടെ ലംബോർഗിനി ആവാനുള്ള യുദ്ധം ടാറ്റയും സിട്രണും തമ്മിൽ; ഇതിൽ മിടുക്കൻ ആരെന്ന് അറിയാം
- 2 hrs ago 40 കിട്ടിയില്ലെങ്കിലും 30 കിലോമീറ്ററിനടുത്തുണ്ട്! യുകെയില് വില്ക്കുന്ന സ്വിഫ്റ്റിന്റെ മൈലേജ് അറിയാം
- 3 hrs ago റീൽ എടുക്കണം ഗമ കാണിക്കണം, സോഷ്യൽ മീഡിയയിൽ വൈറലാവാൻ നടുറോഡിൽ ഇസൂസുവുമായി അഭ്യാസം
- 4 hrs ago ഇന്ത്യയ്ക്ക് പപ്പടം പായസം, UK-യ്ക്ക് ബീഫ് സ്റ്റീക്കും; 2024 സ്വിഫ്റ്റിന്റെ കാര്യത്തിൽ സുസുക്കിയുടെ നയം ഇങ്ങനെ
Don't Miss
- News 'ഭരണം ലഭിച്ചാൽ ജനാധിപത്യത്തെ തകർത്തവർക്കെതിരെ ഉറപ്പായും നടപടി,ഇത് എന്റെ ഗ്യാരണ്ടി'; രാഹുൽ ഗാന്ധി
- Movies 'ഗുണ്ടയെയും എന്നെയും ഒരുമിച്ചിരുത്തി, ഗുണ്ടയെ ചോദ്യം ചെയ്യുന്നത് പോലെ എന്നെയും; അമ്മ പറഞ്ഞത് വിഷമിപ്പിച്ചു'
- Lifestyle അധികം മിനക്കെടാതെ ഹോട്ടല് സ്റ്റൈല് മഷ്റൂം പെപ്പര് ഫ്രൈ
- Technology പുതുമോടിക്ക് ഇരട്ടി മധുരം, ലോഞ്ചിന് ശേഷം ആദ്യമായി വൺപ്ലസ് 12ന് വില കുറഞ്ഞ മഹത്തായ ദിനം!
- Sports IPL 2024: വാശി കേറാന് കോലിയ്ക്ക് കെകെആര് ഡഗ്ഗൗട്ടിലേക്ക് നോക്കിയാ മതി; ഗംഭീറിനെ കുത്തി മുന് കെകെആര് താരം
- Finance 1 വർഷം കൊണ്ട് 50% അധികം നേട്ടം, 10,000 രൂപയുടെ എസ്ഐപി 1.5 ലക്ഷം രൂപയായി, വിശദമായി അറിയാം
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
വിപണിയിൽ എത്തും മുമ്പ് ടാറ്റ ആൾട്രോസിന്റെ അടുത്ത ടീസർ വീഡിയോ പുറത്ത്
ആൾട്രോസ് പ്രീമിയം ഹാച്ച്ബാക്ക് 2020 ജനുവരി 22 -ന് പുറത്തിറക്കുമെന്ന് ടാറ്റ മോട്ടോർസ് ഔദ്യോഗികമായി പ്രഖ്യാപിച്ചിരുന്നു. വാഹന നിർമാതാക്കൾ ആൾട്രോസിനായി ഒരു പുതിയ ടീസർ പുറത്തിറക്കിയിരിക്കുകയാണ്.
വീഡിയോ വാഹനം പുറത്തിറങ്ങുന്ന തീയതി പ്രഖ്യാപിക്കുകയും കാർ ഒന്നിലധികം വശങ്ങളിൽ കാണിക്കുകയും ചെയ്തു. പ്രീമിയം ഹാച്ച്ബാക്ക് വിഭാഗത്തിലെ ഇന്ത്യൻ വാഹന നിർമാതാക്കളുടെ ആദ്യത്തെ ചുവടുവയ്പ്പാണ് ടാറ്റ ആൾട്രോസ്.
മാരുതി ബലേനോ, ഹ്യുണ്ടായി i20 എലൈറ്റ്, ഹോണ്ട ജാസ് തുടങ്ങിയവയായിരിക്കും ആൾട്രോസിന്റെ പ്രധാന എതിരാളികൾ. ഇതിനകം കാർ ഓടിച്ചു നോക്കാനുള്ള അവസരം ഞങ്ങൾക്ക് ലഭിച്ചു.
ടാറ്റ മോട്ടോർസ് വാഹനത്തിന്റെ വിലയ്ക്ക് പുറമെ കാറിനെക്കുറിച്ച് അറിയാനുള്ളതെല്ലാം വെളിപ്പെടുത്തിയിരുന്നു. ആൽട്രോസിന്റെ ആദ്യ ഡ്രൈവ് റിവ്യുവിന് ഇവിടെ ക്ലിക്ക് ചെയ്യുക.
രണ്ട് എഞ്ചിൻ ഓപ്ഷനുകളാവും വാഹനത്തിൽ നിർമ്മാതാക്കൾ വാഗ്ദാനം ചെയ്യുന്നത്. 86 bhp കരുത്തും 113 Nm torque ഉം ഉത്പാദിപ്പിക്കുന്ന 1.2 ലിറ്റർ നാച്ചുറലി ആസ്പിറേറ്റഡ് ട്രിപ്പിൾ സിലിണ്ടർ പെട്രോൾ , 89 bhp കരുത്തും 200 Nm torque ഉം സൃഷ്ടിക്കുന്ന 1.5 ലിറ്റർ -4 സിലിണ്ടർ ടർബോചാർജ്ഡ് ഡീസൽ യൂണിറ്റുമാണ്.
രണ്ട് എഞ്ചിനുകൾക്കും അഞ്ച് സ്പീഡ് മാനുവൽ ഗിയർബോക്സുകൾ സ്റ്റാൻഡേർഡായി ലഭിക്കും, ടാറ്റ മോട്ടോർസ് അടുത്ത വർഷം തന്നെ ഡ്യുവൽ ക്ലച്ച് ഓട്ടോമാറ്റിക് ഗിയർബോക്സും വാഗ്ദാനം ചെയ്യും.
ആൾട്രോസിന്റെ ഒരു ഇലക്ട്രിക് പതിപ്പും പുറത്തിറക്കാനുള്ള ഒരുക്കത്തിലാണ് നിർമ്മാതാക്കൾ. ആൾട്രോസ് ഇലക്ട്രിക് 2020 അവസാനത്തോടെയോ 2021 -ന്റെ തുടക്കത്തിലോ ലോഞ്ച് ചെയ്യാം.
അഡ്വാൻസ്ഡ് മോഡുലാർ പ്ലാറ്റ്ഫോമിനെ (AMP) അടിസ്ഥാനമാക്കിയുള്ളതാണ് ഈ കാർ, ഇത് വരാനിരിക്കുന്ന നിരവധി ടാറ്റ കാറുകൾ, ക്രോസ്ഓവറുകൾ, എംപിവികൾ, കോംപാക്റ്റ് എസ്യുവികൾ എന്നിവയ്ക്ക് അടിസ്ഥാനമാകും.
90 ഡിഗ്രി മുഴുവൻ തുറക്കുന്ന ഡോറുകൾ, 7.0 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്റർ, ഡ്രൈവ് മോഡുകൾ, മഴ സെൻസ് ചെയ്യുന്ന വൈപ്പറുകൾ എന്നിവയുൾപ്പെടെ നിരവധി ശ്രേണിയിലെ മുൻനിര സവിശേഷതകളാണ് കാറിൽ വരുന്നത്. വളരെ വിശാലമായ ഈ കാർ എല്ലാ തരം ഉപഭോക്താക്കൾക്കും വിലമതിക്കുന്ന ഒരു ദൃഢമായ ബിൽഡ് ക്വാളിറ്റിയുമായാണ് വരുന്നത്.
ഹാച്ച്ബാക്ക് വിപണിയിലെ ടാറ്റാ മോട്ടോർസിന്റെ ഏറ്റവും മികച്ച ശ്രമമാണിത്, വാഹനത്തിന്റെ വിലയാണ് ഇന്ന് വിപണി ആകാംക്ഷയോടെ കാത്തിരിക്കുന്ന ഒരു കാര്യം.
ടാറ്റാ കാറുകളായ ടിയാഗോ, നെക്സൺ എന്നിവ കൈകാര്യം ചെയ്തതുപോലെയുള്ള, പണത്തിനു മൂല്യം നൽകി ബലേനോ, i20 എലൈറ്റ് പോലുള്ള എതിരാളികളേക്കാൾ വിലക്കുറവിൽ ആൾട്രോസിനെ ടാറ്റ അവതരിപ്പിക്കും എന്ന് ഞങ്ങൾ പ്രതീക്ഷിക്കുന്നു.
ടാറ്റാ മോട്ടോർസിന്റെ 2020 -ലെ ആദ്യത്തെ വലിയ നീക്കമായിരിക്കും ആൾട്രോസ്, ഈ വർഷം ഇന്ത്യൻ വാഹന നിർമാതാക്കളിൽ നിന്ന് നിരവധി പുതിയ മോഡലുകൾ വിപണിയിൽ എത്തനുള്ള തയ്യാറെടുപ്പിലാണ്.
പ്രീമിയം ഹാച്ച്ബാക്കിന് ശേഷം അടുത്തതായി പുറത്തിറക്കുക ഗ്രാവിറ്റാസ് എന്നറിയപ്പെടുന്ന ഹാരിയറിന്റെ ഏഴ് സീറ്റർ പതിപ്പായിരിക്കും. ഈ വർഷം ഫെബ്രുവരിയിൽ നടക്കാനിരിക്കുന്ന 2020 ഇന്ത്യൻ ഓട്ടോ എക്സ്പോയിൽ ഗ്രാവിറ്റാസ് അനാച്ഛാദനം ചെയ്യാൻ സാധ്യതയുണ്ട്.
അടുത്തിടെ പ്രദർശിപ്പിച്ച നെക്സോണിന്റെ ഇലക്ട്രിക് പതിപ്പും ഈ വർഷം ഇന്ത്യയിൽ വിപണിയിലെത്തും. ഇത് ഇലക്ട്രിക് വാഹന വിഭാഗത്തിലെ ടാറ്റ മോട്ടോർസിന്റെ ഏറ്റവും വലിയ ലോഞ്ചായിരിക്കും.