Just In
- 50 min ago ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ
- 11 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 14 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 15 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
Don't Miss
- Lifestyle സര്വ്വദുരിതങ്ങളും നീക്കുന്ന സങ്കടഹര ചതുര്ത്ഥി വ്രതം; ഗണേശ ആരാധനയ്ക്ക് വിശേഷ ഫലം
- Finance കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം
- News രാമക്ഷേത്ര പരാമർശം; നരേന്ദ്ര മോദിക്ക് ഇലക്ഷൻ കമ്മീഷന്റെ ക്ലീൻ ചിറ്റ്, ചട്ടലംഘനമില്ലെന്ന് കണ്ടെത്തൽ
- Sports IPL 2024:ഫിഫ്റ്റി, 1 വിക്കറ്റ്, 3 ക്യാച്ച്; പക്ഷെ അക്ഷര് കളിയിലെ താരമായില്ല! റിഷഭിനായി ഒതുക്കി?
- Technology സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ
- Movies ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
- Travel ഇന്ത്യയിലെ ഏറ്റവും മികച്ച സൂര്യോദ കാഴ്ചകൾ.. ഇതിലൊന്ന് ഏറ്റവും കൂടുതൽ കണ്ടത് മലയാളികളായിരിക്കും
ടാറ്റ ആള്ട്രോസ് പ്രീമിയം ഹാച്ച്ബാക്ക് പുറത്തിറങ്ങി; വില 5.29 ലക്ഷം രൂപ
ഓട്ടോ എക്സ്പോയ്ക്ക് ഏതാനും ആഴ്ചകള് മാത്രം ശേഷിക്കെ, തങ്ങളുടെ പുതിയ ഹാച്ച്ബാക്കിനെ വിപണിയില് അവതരിപ്പിച്ചിരിക്കുകയാണ് ടാറ്റ. 2018 ഓട്ടോ എക്സ്പോയില് പ്രദര്ശിപ്പിച്ചിരിക്കുന്ന 45X കണ്സെപ്റ്റിനെ അടിസ്ഥാനമാക്കിയുള്ള ആള്ട്രോസ് പ്രീമിയം ഹാച്ച്ബാക്കിന്റെ നിര്മ്മാണം.
5.29 ലക്ഷം മുതൽ 9.29 ലക്ഷം രൂപയാണ് വാഹനത്തിന്റെ എക്സ്-ഷോറൂം വില. മാരുതി സുസുക്കി ബലേനോ, ഹ്യുണ്ടായി എലൈറ്റ് i20, ടൊയോട്ട ഗ്ലാന്സ, ഹോണ്ട ജാസ്,ഫോക്സ്വാഗണ് പോളോ എന്നിവയാണ് വാഹനത്തിന്റെ പ്രധാന എതിരാളികള്.
നിര്മ്മാതാക്കളുടെ മോഡുലാര് ALFA (എജൈല് ലൈറ്റ് ഫ്ലെക്സിബിള് അഡ്വാന്സ്ഡ്) പ്ലാറ്റ്ഫോം അടിസ്ഥാനമാക്കിയുള്ള ആദ്യത്തെ മോഡലാണ് ആള്ട്രോസ്. ഏതാണ്ട് ഒരു വര്ഷം മുമ്പ് വിപണയില് എത്തിയ ഹാരിയറിനെ പിന്തുടര്ന്ന് ഇംപാക്റ്റ് 2.0 ഡിസൈന് ശൈലിയില് എത്തുന്ന രണ്ടാമത്തെ ടാറ്റ വാഹനം കൂടിയാണിത്.
1.2 ലിറ്റര് നാച്ചുറലി ആസ്പിറേറ്റഡ് പെട്രോള് 86 bhp കരുത്തും 114 Nm torque ഉം ഉത്പാദിപ്പിക്കുന്നു. 1.5 ലിറ്റര് ഡീസല് മോട്ടോര് 90 bhp കരുത്തും 200 Nm torque ഉം പുറപ്പെടുവിക്കുന്നു. ഇരു എഞ്ചിനുകളും ബിഎസ് VI കംപ്ലയിന്റാണ്.
സ്റ്റാന്ഡേര്ഡായി അഞ്ച് സ്പീഡ് മാനുവല് ഗിയര്ബോക്സുമായിട്ടാണ് രണ്ടും എഞ്ചിനുകളും ഘടിപ്പിച്ചിരിക്കുന്നത്. അടുത്തിടെയാണ് ക്രാഷ് ടെസ്റ്റില് അഞ്ച് സ്റ്റാര് റേറ്റിങ് സ്വന്തമാക്കി വാഹനം കരുത്ത് തെളിയിച്ചത്. ക്രോമില് പൊതിഞ്ഞ കറുപ്പ് നിഴലടിക്കുന്ന ഹെഡ്ലാമ്പുകളാണ് മുന് വശത്തെ മനോഹരമാക്കുന്നത്.
മുന് ഗ്രില്ലിന്റെ നടുവിലായി ടാറ്റയുടെ ബാഡ്ജിങും നല്കിയിട്ടുണ്ട്. ഫോഗ് ലാമ്പുകള് മുന് ബമ്പറില് ഒരു പ്രത്യേക യൂണിറ്റായി സ്ഥാപിച്ചിരിക്കുന്നു, താഴെ ഭാഗത്തായി വീതിയില് വിശാലമായ എയര് ഇന്റേക്കും സ്ഥാനം പിടിച്ചിരിക്കുന്നു.
മസ്കുലര് വീല് ആര്ച്ചുകള്, റൈസിംഗ് പില്ലര് സെക്ഷനും ബെല്റ്റ് ലൈനും, 16 ഇഞ്ച് ഡ്യുവല്-ടോണ് ഡയമണ്ട് കട്ട് അലോയ് വീലുകള്, ക്രോമിലും കറുത്ത നിറത്തിലും ഒരുക്കിയിരിക്കുന്ന പവര് മിററുകള് എന്നിവയും വാഹനത്തിന്റെ സവിശേഷതയാണ്.
കൂടാതെ ഇന്റഗ്രേറ്റഡ് ടേണ് ഇന്റിക്കേറ്ററുകള്, പില്ലറിലേക്ക് കയറ്റി സ്ഥാപിച്ചിരിക്കുന്ന ഡോര് ഹാന്ഡിലുകള് എന്നിവയാണ് വാഹനത്തിന്റെ മറ്റ് പ്രധാന ആകര്ഷണങ്ങള്. കറുത്ത ആവരണത്തില് പൊതിഞ്ഞിരിക്കുന്ന റാപ് എറൗണ്ട് എല്ഇഡി ടെയില് ലാമ്പുകളും, ബമ്പറില് ഇടം പിടിച്ചിരിക്കുന്ന ലൈസന്സ് പ്ലേറ്റും പിന്വശത്തെ മനോഹരമാക്കുന്നു.
ആപ്പിള് കാര്പ്ലേ, ആന്ഡ്രോയിഡ് ഓട്ടോ കണക്റ്റിവിറ്റി എന്നിവയുള്ള 7.0 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം, ആറ് സ്പീക്കര് ഹര്മാന് ഓഡിയോ, കീലെസ് എന്ട്രി, ഓട്ടോമാറ്റിക് ഹെഡ്ലാമ്പുകള് തുടങ്ങിയവ വാഹനത്തിന്റെ പ്രധാന സവിശേഷതകളില് ഉള്പ്പെടുന്നു.