Just In
- 3 min ago ബൈക്കിന്റെ പവറും സ്കൂട്ടറിന്റെ മൈലേജും, ഇനി കീയില്ലാതെ സ്റ്റാർട്ടുമാക്കാം യമഹ എയ്റോക്സ്
- 45 min ago ടാറ്റയുടെ ലക്ഷ്യം സേഫ്റ്റി തന്നെ, ഇനി ഈ ഫീച്ചർ ആൾട്രോസിൽ സ്റ്റാൻഡേർഡ് ആയി ലഭിക്കും
- 1 hr ago 'വെള്ളത്തിലായി' യുഎഇ; ഗള്ഫുകാരെ, മഴയത്ത് വണ്ടിയോടിക്കുമ്പോള് ഇക്കാര്യങ്ങള് ശ്രദ്ധിക്കണേ...
- 2 hrs ago ഈ വിലയ്ക്ക് 2 ആൾട്ടോയും ഒരു സ്വിഫ്റ്റും പോർച്ചിൽ കിടക്കും; കണ്ണഞ്ചിപ്പിക്കും വിലയിൽ 2024 അപ്രീലിയ ട്യൂണോ 660
Don't Miss
- Movies നാണമില്ലാത്ത സ്ത്രീ, മകനോട് ഇങ്ങനെയൊക്കെ ചോദിക്കാമോ?, മലൈക അറോറക്കെതിരെ രൂക്ഷ വിമര്ശനം
- News മോൻസൺ മാവുങ്കലിന്റെ ഭാര്യ പെൻഷൻ വാങ്ങാൻ ക്യൂനിൽക്കവെ കുഴഞ്ഞുവീണ് മരിച്ചു
- Sports IPL 2024: 400 പ്ലസ് റണ്സ് വിട്ടൊരു കളിയില്ല, 2023ല് 900നടുത്ത്! ഗില് വേറെ ലെവല്
- Lifestyle ചാണക്യനീതി: ഒരിക്കലും പണത്തിന് ക്ഷാമമുണ്ടാകില്ല, സമ്പന്നനാകാന് ചെയ്യേണ്ട 6 കാര്യം
- Technology നാട്ടുകാരെക്കൊണ്ട് നല്ലത് പറയിക്കാൻ വിവോ! വിവോ T3x 5G ഇന്ത്യയിൽ, തുടക്കത്തിൽ 12,499 രൂപയ്ക്ക് കിട്ടും
- Finance ഓഹരി വില 454 രൂപ മുതൽ, വ്യാഴാഴ്ച വാങ്ങാൻ രണ്ട് ഓഹരികൾ നിർദ്ദേശിച്ച് സാഗർ ദോഷി, കൂടെക്കൂട്ടുന്നോ
- Travel ശെന്തുരുണിയിലേക്ക് കാനനയാത്ര, മുത്തങ്ങയിൽ ജംഗിൾ സഫാരി... അവധിക്കാല പാക്കേജുമായി കെഎസ്ആർടിസി
ആർക്കും വേണ്ട! ഹെക്സയുടെ ഉത്പാദനം താൽക്കാലികമായി നിർത്തിവെച്ച് ടാറ്റ
ഹെക്സ എസ്യുവിയുടെ ഉത്പാദനം താൽക്കാലികമായി നിർത്തിവെച്ച് ടാറ്റ മോട്ടോർസ്. ഒരു യൂണിറ്റ് പോലും വിറ്റഴിക്കാൻ കഴിയാത്ത സാഹചര്യത്തിലാണ് കമ്പനിയുടെ ഈ തീരുമാനം. ടാറ്റയുടെ ഡിസൈന് ശൈലിയിലെ മാറ്റങ്ങള്ക്ക് തുടക്കം കുറിച്ച വാഹനമെന്ന് നിസംശയം അവകാശപ്പെടാന് സാധിക്കുന്ന മോഡൽ കൂടിയാണിത്.
ഹെക്സയുടെ ഒരു യൂണിറ്റ് പോലും മാർച്ചിൽ നിർമ്മിച്ചില്ലെന്ന് ടാറ്റ പുറത്തിറക്കിയ ഏറ്റവും പുതിയ പ്രതിമാസ റിപ്പോർട്ട് സൂചിപ്പിക്കുന്നു. വിൽപ്പന എണ്ണവും പൂജ്യമായിരുന്നു. ബിഎസ്-VI നവീകരണത്തിന് തയാറായതിനുശേഷം മാത്രമേ കമ്പനി ഇനി ഹെക്സ എസ്യുവിയുടെ ഉത്പാദനം പുനരാരംഭിക്കുകയുള്ളൂ.
സ്റ്റൈലിലും ഫീച്ചറിലും ഡ്രൈവിലുമെല്ലാം ടാറ്റയുടെ തന്നെ മറ്റ് മോഡലുകളുമായി യാതൊരു സാമ്യവും ഈ വാഹനത്തിനില്ല. എന്നാല്, നിരത്തില് വേണ്ടപ്പോലെ തിളങ്ങാന് ക്രോസ്ഓവർ ശൈലിയുള്ള വാഹനത്തിനായില്ലെന്നതാണ് വസ്തുത
ഹെക്സയെ കൂടാതെ ഏപ്രിൽ ഒന്നിന് ബിഎസ്-VI മലിനീകരണ മാനദണ്ഡങ്ങൾ ആരംഭിച്ചതിന് ശേഷം വിൽപ്പന തുടരാൻ പദ്ധതിയിട്ടിരുന്ന മറ്റെല്ലാ പഴയ മോഡലുകളും സമയപരിധിക്ക് മുമ്പായി ടാറ്റ മോട്ടോർസ് നവീകരിച്ചതും ശ്രദ്ധേയമായി. അടുത്തിടെ സമാരംഭിച്ച ആൾട്രോസ് ബിഎസ്-VI-ന് അനുസൃതമായി തന്നെയാണ് വിപണിയിലേക്ക് ചുവടുവെച്ചത്.
വരിക്കോർ 320, വരിക്കോർ 400 എന്നിങ്ങനെ രണ്ട് ബിഎസ്-IV 2.2 ലിറ്റർ ഡീസൽ എഞ്ചിൻ ഓപ്ഷനുകളോടെയാണ് ടാറ്റ മോട്ടോർസ് ഹെക്സയെ വിൽപ്പനക്ക് എത്തിച്ചിരുന്നത്. ഈ രണ്ട് യൂണിറ്റുകളും ഇനി പ്രാബല്യത്തിൽ വന്ന ബിഎസ്-VI മലിനീകരണ മാനദണ്ഡങ്ങൾക്ക് അനുസൃതമായി പരിഷ്ക്കരിക്കേണ്ടതായിട്ടുണ്ട്.
2.2 ലിറ്റർ വരിക്കോർ 320 എഞ്ചിൻ 4,000 rpm-ൽ 150 bhp കരുത്തും 1,500-3,000 rpm-ൽ 320 Nm torque ഉം ആണ് ഉത്പാദിപ്പിക്കുന്നത്. അഞ്ച് സ്പീഡ് മാനുവൽ ഗിയർബോക്സ് മാത്രമാണ് ഈ മോഡലിൽ കമ്പനി ലഭ്യമാക്കിയത്.
അതേസമയം 2.2 ലിറ്റർ വരിക്കോർ 400 യൂണിറ്റ് 4,000 rpm-ൽ 156 bhp പവറും 1,750-2,500 rpm-ൽ 400 Nm torque ഉം സൃഷ്ടിക്കും. ആറ് സ്പീഡ് മാനുവലും ആറ് സ്പീഡ് ഓട്ടോമാറ്റിക് ഗിയർബോക്സും ഈ മോഡലിൽ തെരഞ്ഞെടുക്കാൻ സാധിക്കും.
വാഹനത്തിൽ ഒരു 4x4 ഓൾവീൽ സിസ്റ്റം തെരഞ്ഞെടുക്കാം. വരും മാസങ്ങളിൽ ബിഎസ്-VI ഹെക്സ സഫാരിയും പുറത്തിറക്കാൻ ടാറ്റ മോട്ടോർസ് പദ്ധതിയിടുന്നുണ്ട്. ഫെബ്രുവരിയിൽ നടന്ന ഓട്ടോ എക്സ്പോയിൽ ഒരു കൺസെപ്റ്റ് രൂപത്തിൽ കമ്പനി ഇത് പ്രദർശിപ്പിച്ചിരുന്നു. വരിക്കോർ 400 എഞ്ചിൻ ആറ് സ്പീഡ് മാനുവൽ ഗിയർബോക്സ് 4x4 ഓൾവീൽ ഡ്രൈവിനൊപ്പം കൺസെപ്റ്റ് പതിപ്പിൽ ഘടിപ്പിച്ചിരുന്നു.
ടാറ്റ ഹെക്സ സഫാരി കൺസെപ്റ്റിൽ പ്രത്യേക ഗ്രീൻ ബോഡി പെയിന്റ്, ഗ്ലോസ് ബ്ലാക്ക് റേഡിയേറ്റർ ഗ്രിൽ ഫ്രെയിം, മിററുകൾ, ഡോർ ഹാൻഡിലുകൾ, ടെയിൽഗേറ്റ് അലങ്കാരം, റൂഫ് റെയിലുകൾ, അധിക ബ്ലാക്ക് ബോഡി ക്ലാഡിംഗ് എന്നിവ ഉൾപ്പെടുത്തിയിട്ടുണ്ട്. ഇതിന്റെ എക്സ്ക്ലൂസീവ് സ്റ്റൈലിംഗ് അഡ്വഞ്ചർ വാഹനങ്ങളുമായി കൂടുതൽ ആപേക്ഷികമാക്കി.
ഈ വര്ഷം അവസാനത്തോടെ വാഹനത്തെ വിപണിയില് എത്തിക്കാനാണ് ടാറ്റയുടെ പദ്ധതി. വില കുറിച്ച് സൂചനകളൊന്നും ഇല്ലെങ്കിലും 13.70 ലക്ഷം രൂപയോളം വാഹനത്തിന് എക്സ്ഷോറുൂ വില പ്രതീക്ഷിക്കാം. ടൊയോട്ട ഇന്നോവ ക്രിസ്റ്റ, മഹീന്ദ്ര മറാസോ എന്നീ മോഡലുകളാകും ആഭ്യന്തര വിപണിയിൽ മുഖംമിനുക്കി എത്തുന്ന ഹെക്സയുടെ പ്രധാന എതിരാളികൾ.