Just In
- 1 hr ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 2 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 2 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 3 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- Movies 'ഇങ്ങനെയുള്ള സ്ഥലങ്ങളിൽ അവൻ പോയിട്ടില്ല... അവൻ ഇതൊക്കെ കണ്ട് മനസിലാക്കണമെന്ന് എനിക്ക് തോന്നി'; നവ്യ നായർ!
- Lifestyle ബ്രേക്ക്ഫാസ്റ്റിനെ കുറിച്ചോര്ത്ത് ടെന്ഷന് വേണ്ട; പത്തുമിനിട്ടില് കിടിലന് സേമിയ ഉപ്പുമാവ് ഉണ്ടാക്കാം
- Sports IPL 2024: തനി സ്വഭാവം കാട്ടി സഞ്ജു, ക്ഷമയില്ല! തട്ടകത്തില് നാണംകെട്ടു; രൂക്ഷ വിമര്ശനം
- News സിദ്ധാര്ത്ഥന്റെ മരണം: അന്വേഷണ കമ്മീഷനെ നിയോഗിച്ച് ഗവര്ണര്, മുന് ഹൈക്കോതി ജഡ്ജി അന്വേഷിക്കും
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
ഹാരിയര് ഓട്ടോമാറ്റിക്ക് പതിപ്പിന്റെ ടീസര് വീഡിയോ പുറത്തുവിട്ട് ടാറ്റ
ഹാരിയര് ഓട്ടോമാറ്റിക്ക് പതിപ്പിന്റെ ടീസര് വീഡിയോ പുറത്തുവിട്ട് ടാറ്റ മോട്ടോര്സ്. വാഹനം വിപണിയില് അവതരിപ്പിച്ചപ്പോള് തന്നെ അധികം വൈകാതെ ഓട്ടോമാറ്റിക്ക് പതിപ്പിനെയും അവതരിപ്പിക്കുമെന്നാണ് കമ്പനി അറിയിച്ചിരുന്നത്.
എന്നാല് ഏകദേശം ഒരു വര്ഷം പിന്നിടുമ്പോഴാണ് ഓട്ടോമാറ്റിക്ക് പതിപ്പിനെ കമ്പനി വിപണിയില് അവതരിപ്പിക്കാന് ഒരുങ്ങുന്നത്. ഫെബ്രുവരിയില് നടക്കാനിരിക്കുന്ന ഓട്ടോ എക്സ്പോയില് വാഹനത്തെ അവതരിപ്പിക്കുമെന്നാണ് സൂചന. ഈ ഒരു വര്ഷത്തിനിടയില് പലപ്പോഴായി ഹാരിയറിന്റെ പല പതിപ്പുകളെ കമ്പനി വിപണിയില് എത്തിച്ചു.
ഇത്രയൊക്കെ ഉണ്ടെങ്കിലും ഓട്ടോമാറ്റിക്ക് പതിപ്പിന്റെ ഒരു അഭാവം എപ്പോഴും നിഴലിച്ചിരുന്നു. വിപണിയില് പുതിയ അംഗങ്ങള് എത്തുകയും ചെയ്തതോടെ ഹാരിയറിന്റെ വില്പ്പനയും ഇടിഞ്ഞു. ഈ വില്പ്പന തിരിച്ച് പിടിക്കുക എന്ന ലക്ഷ്യത്തോടെയാണ് പല സമയങ്ങളില് പല പതിപ്പുകളെ കമ്പനി വിപണിയില് അവതരിപ്പിച്ചത്.
ഓട്ടോ മാറ്റിക്ക് പതിപ്പ് എത്തുന്നതോടെ വില്പ്പന ഒന്നുകൂടി ഉയര്ത്താം എന്ന പ്രതീക്ഷയിലാണ് കമ്പനി. ഹ്യുണ്ടായില് നിന്നെടുത്ത ആറ് സ്പീഡ് ടോര്ക്ക് കണ്വേര്ട്ടബിള് ഓട്ടോമാറ്റിക്ക് യൂണിറ്റായിക്കും ഹാരിയറില് കമ്പനി നല്കുക.
ബിഎസ് VI നിലവാരത്തിലുള്ള 2.0 ലിറ്റര് മള്ട്ടിജെറ്റ് എഞ്ചിന് കമ്പനി പുതിയ പതിപ്പില് ഉള്പ്പെടുത്തിയേക്കും. ഈ എഞ്ചിന് 170 bhp കരുത്തും 350 Nm torque ഉം ഉത്പാദിപ്പിക്കും. നിലവില് ബിഎസ് IV നിലവാരത്തിലുള്ള ക്രയോടെക് 2.0 ലിറ്റര് ഫോര് സിലിണ്ടര് ഡീസല് എന്ജിനാണ് വാഹനത്തിന് കരുത്ത് നല്കുന്നത്.
ഈ എഞ്ചിന് 140 bhp കരുത്തും 350 Nm torque ഉം സൃഷ്ടിക്കുന്നതാണ്. 12.99 ലക്ഷം മുതല് 16.95 ലക്ഷം രൂപ വരെയാണ് ഹാരിയര് മാനുവലിന്റെ എക്സ്ഷോറൂം വില. ഓട്ടോമാറ്റിക് പതിപ്പിന് ഒരു ലക്ഷം രൂപ വരെ വില ഉയരുമെന്നും റിപ്പോര്ട്ടില് വ്യക്തമാക്കിയിട്ടുണ്ട്.
കഴിഞ്ഞ വര്ഷം ആദ്യമാണ് ടാറ്റ ഹാരിയര് ഇന്ത്യയില് അവതരിപ്പിച്ചത്. അതിനുശേഷം വിപണിയില് എസ്യുവിക്ക് മികച്ച പ്രതികരണം ലഭിച്ചെങ്കിലും വാഹനത്തിന്റെ വില്പ്പന ഗണ്യമായി ഇടിഞ്ഞു. ഈ നിരയിലേക്ക് കിയ സെല്റ്റോസും, എംജി ഹെക്ടറും എത്തിയതോടെയാണ് വാഹനത്തിന്റെ വില്പ്പനയില് ഇടിവ് സംഭവിച്ചതെന്നാണ് റിപ്പോര്ട്ട്.
എന്നാല് ഓട്ടോമാറ്റിക് പതിപ്പ് എത്തുന്നതോടെ വില്പ്പന ഉയരുമെന്നാണ് കമ്പനിയുടെ പ്രതീക്ഷ. അടുത്തിടെ ഹാരിയര് എസ്യുവിയുടെ ഡാര്ക്ക് എഡിഷനും ടാറ്റ മോട്ടോര്സ് അവതരിപ്പിച്ചിരുന്നു. ഡാര്ക്ക് എഡിഷന് മോഡലില് ധാരാളം ബ്ലാക്ക്ഔട്ട് സവിശേഷതകളും പുതിയ ബ്ലാക്ക് പെയിന്റ് സ്കീമുമാണ് കമ്പനി വാഗ്ദാനം ചെയ്യുന്നത്.
ലാന്ഡ് റോവര് D8 ആര്കിടെക്ച്ചര് ആധാരമാക്കി ടാറ്റ വികസിപ്പിച്ച പുതിയ ഒമേഗ (OMEGA) അടിത്തറയാണ് ഹാരിയര് ഉപയോഗിക്കുന്നത്. കമ്പനിയുടെ ഏറ്റവും പുതിയ ഇംപാക്ട് 2.0 ഡിസൈന് ശൈലി പാലിക്കുന്ന ആദ്യ മോഡലും ഹാരിയര്തന്നെ. ഫീച്ചറുകളുടെ ധാരാളിത്തമാണ് ഹാരിയറിലെ മുഖ്യാകര്ഷണം.
എല്ഇഡി ഹെഡ്ലാമ്പ്, എല്ഇഡി ഡെയ്ടൈം റണ്ണിംഗ് ലൈറ്റുകള്, 8.8 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സംവിധാനം, ഓഡിയോ കണ്ട്രോള് ബട്ടണുകളുള്ള സ്റ്റീയറിംഗ് എന്നിങ്ങനെ നീളും ഹാരിയര് വിശേഷങ്ങള്. യാത്രക്കാരുടെ സുരക്ഷയ്ക്കായി ആറു എയര്ബാഗുകള് വാഹനത്തിലുണ്ട്.
ഇലക്ട്രോണിക് സ്റ്റബിലിറ്റി പ്രോഗ്രാം, ഹില് ഹോള്ഡ് കണ്ട്രോള്, ഹില് ഡിസെന്റ് കണ്ട്രോള്, കോര്ണറിംഗ് സ്റ്റബിലിറ്റി കണ്ട്രോള്, കോര്ണറിംഗ് ഫോഗ്ലാമ്പുകള്, റോള്ഓവര് മിറ്റിഗേഷന് സംവിധാനം, ട്രാക്ഷന് കണ്ട്രോള്, ISOFIX ചൈല്ഡ് സീറ്റ് മൗണ്ടുകള് തുടങ്ങിയ സജ്ജീകരണങ്ങളും വാഹനത്തില് ഉൾപ്പെടുത്തിയിട്ടുണ്ട്.